၁ ထိုနောက်မှ ကိုယ်တော်သည် မြို့ရွာအစဉ်အတိုင်း ဒေသစာရီလှည့်လည်၍၊ ဘုရားသခင်၏ နိုင်ငံတော်နှင့်ယှဉ်သော ဧဝံဂေလိတရား [A] (a) ကိုဟောတော်မူ၏။ ၂ တကျိပ်နှစ်ပါးသော တပည့်တော်တို့သည်၊ နောက်တော်သို့ လိုက်ကြ၏၊ နတ်ဆိုးဘေး၊ အနာရောဂါဘေးနှင့် ကင်းလွတ်စေတော်မူသော မိန်းမအချို့သည်လည်း လိုက်ကြ၏။ ထိုမိန်းမတို့တွင် နတ်ဆိုးခုနစ်ယောက် ထွက်သော မာဂဒလ၊ ဟုခေါ်ဝေါ်သောမာရိ၊ ၃ ဟေရုဒ်မင်း၏ စားတော်ကဲ ခုဇ၏မယား ယေဟန္နနှင့် ရှုရှန္နမှစ၍၊ မိမိဥစ္စာကိုလှူ၍ ကိုယ်တော်ကို လုပ်ကျွေးသော အခြားမိန်းမအများပါကြ၏။

CROSS REFERENCES

မဿဲ ၁၃း၁-၉

မာကု ၄း၁-၉

မဿဲ ၁၃း၁-၉
၁ ထိုနေ့၌ ယေရှုသည် အိမ်ကထွက်၍ အိုင်နားမှာ ထိုင်နေတော်မူသည်တွင်၊

မာကု ၄း၁-၉
၁ နောက်တဖန် အိုင်နားမှာ ဆုံးမဩဝါဒ ပေးတော်မူစဉ်တွင်၊ များစွာသော လူအပေါင်းတို့သည် အထံတော်၌ စုဝေးကြသောကြောင့်၊ အိုင်တွင် လှေထဲသို့ဝင်၍ ထိုင်တော်မူ၏။ ပရိသတ် အပေါင်းတို့သည် အိုင်နားကုန်းပေါ်မှာ နေကြ၏။

မျိုးစေ့ကြဲခြင်း [B]

၄ များစွာသော လူအပါင်းတို့သည် မြို့ရွာအရပ်ရပ်တို့မှ အထံတော်သို့လာ၍ စုဝေးလျက်ရှိကြသောအခါ၊ ဥပမာစကားဖြင့် မြွက်ဆိုတော်မူသည်မှာ၊ ၅ မျိုးစေ့ကြဲသောသူသည် မျိုးစေ့ကို ကြဲခြင်းငှါ ထွက်သွား၏။ အစေ့ကိုကြဲသည်တွင် အချို့သော အစေ့တို့သည် လမ်း၌ ကျသဖြင့် ကျော်နင်းခြင်းကို ခံရ၍၊ မိုးကောင်းကင်ငှက်တို့သည် ကောက်စားကြ၏။ ၆ အချို့သော အစေ့တို့သည် ကျောက်ပေါ်၌ ကျသဖြင့် အပင်ပေါက်သောအခါ၊ အစိုဓါတ် မရှိသောကြောင့် ညှိုးနွမ်းပျက်စီးခြင်းသို့ ရောက်ကြ၏။ ၇ အချို့သော အစေ့တို့သည် ဆူးပင်တို့တွင် ကျသဖြင့်၊ ဆူးပင်တို့သည် အတူပေါက်၍ ညှဉ်းဆဲကြ၏။ ၈ အချို့သော အစေ့တို့သည် ကောင်းသောမြေ၌ ကျသဖြင့် အပင်ပေါက်၍၊ အဆတရာပွါးများ၍ အသီးသီးကြ၏။ ဟုမိန့်တော်မူပြီးမှ၊ ကြားစရာနား ရှိသောသူမည်သည်ကား ကြားပါစေ၊ ဟုကြွေးကြော်တော်မူ၏။

CROSS REFERENCES

မဿဲ ၁၃း၁၀-၁ရ

မာကု ၄း၁၀-၁၂

မဿဲ ၁၃း၁၀-၁ရ
၁၀ တပည့်တော်တို့သည် ချဉ်းကပ်လျက်၊ ကိုယ်တော်သည် အဘယ်ကြောင့် ဥပမာကို ဆောင်၍ ဤလူတို့အားဟောပြော တော်မူသနည်း၊ ဟုမေးလျှောက်ကြလျှင်၊

မာကု ၄း၁၀-၁၂
၁၀ ဆိတ်ကွယ်ရာအရပ်၌ ရှိတော်မူသောအခါ တကျိပ်နှစ်ပါးသောသူတို့နှင့် အခြံအရံတော်တို့သည် ထိုဥပမာကို မေးမြန်းကြလျှင်၊

ဥပမာ၏အနက်အဓိပ္ပါယ် [C]

CROSS REFERENCES

တရားဟော ၂၉း၄
၄ သို့သော်လည်း နားလည်နိုင်သော နှလုံး၊ မြင်နိုင်သော မျက်စိ၊ ကြားနိုင်သော နားတို့ကို ယနေ့တိုင်အောင် ထာဝရဘုရားသည် ပေးတော်မမူသေး။

ဟေရှာယ ၆း၉-၁၀
၉ ထာဝရဘုရားကလည်း ထိုလူမျိုးရှိရာသို့ သွားပြီးလျှင်၊ သင်တို့သည် ကြားလျက်ပင် အနက်ကို နားမလည်ဘဲ ကြားကြလိမ့်မည်။ မြင်လျက်ပင် အာရုံမပြုဘဲ မြင်ကြလိမ့်မည်၊ ဟုပြောလော့။

မဿဲ ၁၃း၁၃-၁၅
၁၃ ထိုကြောင့် သူတို့သည် မြင်လျက်မမြင်၊ ကြားလျက်မကြား၊ အနက်ကိုလည်း နားမလည်သောကြောင့် ဥပမာကို ဆောင်၍ ငါဟောပြော၏။

မာကု ၄း၁၂
၁၂ ပြင်၌ ရှိသောထိုသူတို့မူကား၊ မြင်လျက်ပင် အာရုံမပြုဘဲ မြင်၍၊ ကြားလျက်ပင် အနက်ကို နားမလည်ဘဲကြားသဖြင့်၊ သူတို့အကျင့်မပြောင်းလဲ၊ အပြစ်မလွှတ် ရသည်တိုင်အောင် သူတို့အား ဟောသမျှကို ဥပမာအားဖြင့် ဟောရ၏။

လု ၈း၁၀
၁၀ ကိုယ်တော်က၊ သင်တို့သည် ဘုရားသခင့် နိုင်ငံတော်၏ နက်နဲသောအရာတို့ကို သိရသောအခွင့်ရှိကြ၏။ ကြွင်းသောသူတို့မူကား၊ မြင်လျက်ပင် အာရုံမပြုဘဲမြင်၍၊ ကြားလျက်ပင် အနက်ကို နားမလည်ဘဲ ကြားရသည်တိုင်အောင်၊ သူတို့အား ဥပမာဖြင့် ဟောရ၏။

ယောဟန် ၁၂း၄၀
၄၀ သူတို့မျက်စိမမြင်၊ စိတ်နှလုံးနားမလည်၊ အကျင့်မပြောင်းလဲ၊ သူတို့အနာရောဂါကို ငါမငြိမ်းစေသည် တိုင်အောင်၊ သူတို့မျက်စိကို ကွယ်စေတော်မူ၏။ သူတို့စိတ်နှလုံးကို မိုက်စေတော်မူ၏၊ ဟူသော စကားကြောင့် ထိုသူတို့သည် ယုံကြည်ခြင်းသို့ မရောက်နိုင်ကြ။

တမန် ၂၈း၂၆-၂၇
၂၆ သင်တို့သည် ကြားလျက်ပင် အနက်ကို နားမလည်ဘဲ ကြားကြလိမ့်မည်။ မြင်လျက်ပင် အာရုံမပြုဘဲ မြင်ကြလိမ့်မည်၊ ဟုထိုလူမျိုးရှိရာသို့သွား၍ ပြောလော့။

ရော ၁၁း၈
၈ ထိုသို့နှင့်အညီ ကျမ်းစာလာသည်ကား၊ ဘုရားသခင်သည် အိပ်ချင်သောသဘောကို၎င်း၊ မမြင်နိုင်သော မျက်စိကို၎င်း၊ မကြားနိုင်သော နားကို၎င်း၊ ထိုသူတို့အား ပေးတော်မူပြီ၊ ဟုလာ၏။ ထိုကျမ်းစာချက်သည် ယနေ့တိုင်အောင် ပြည့်စုံသတည်း။

CROSS REFERENCES

မဿဲ ၁၃း၁၈

မာကု ၄း၁၄

၁ ပေ ၁း၂၃

မဿဲ ၁၃း၁၈
၁၈ မျိုးစေ့ကြဲသော သူ၏ ဥပမာ အနက်အဓိပ္ပါယ်ကို နားထောင်ကြလော့။

မာကု ၄း၁၄
၁၄ မျိုးစေ့ကြဲသောသူသည် တရားစကားကို ကြဲ၏။

၁ ပေ ၁း၂၃
၂၃ မဖောက်ပြန်မပျက်စီးတတ်သော မျိုးစေ့တည်းဟူသော၊ အသက်ရှင်၍ အစဉ်အမြဲတည်တော်မူသော ဘုရား သခင်၏ နှုတ်ကပတ်တော်အားဖြင့် ဖြစ်ပွား(မွေးဖွား) သောကြောင့်၊ ညီအစ်ကိုများကို ချစ်ယောင်မဆောင်၊ အမှန်ချစ်ခြင်းအလိုငှါ၊ စိတ်ထဲမှာသမ္မာတရားကို နားထောင်လျက်၊ ကိုယ်စိတ်နှလုံးကို စင်ကြယ်စေပြီးသည်နှင့်အညီ၊ စင်ကြယ်သော စိတ်နှင့်အချင်းချင်း အားကြီးသော ချစ်ခြင်းမေတ္တာရှိကြလော့။

၉ တပည့်တော်တို့ကလည်း၊ ထိုဥပမာ၏ အနက်အဓိပ္ပါယ်ကား၊ အဘယ်သို့နည်း၊ ဟုမေးလျှောက်ကြလျှင်၊ ၁၀ ကိုယ်တော်က၊ သင်တို့သည် ဘုရားသခင့် နိုင်ငံတော်၏ နက်နဲသောအရာတို့ကို သိရသောအခွင့်ရှိကြ၏။ ကြွင်းသောသူတို့မူကား၊ မြင်လျက်ပင် အာရုံမပြုဘဲမြင်၍၊ ကြားလျက်ပင် အနက်ကို နားမလည်ဘဲ ကြားရသည်တိုင်အောင်၊ သူတို့အား ဥပမာဖြင့် ဟောရ၏။ [D] ၁၁ ထိုဥပမာ အနက်အဓိပ္ပါယ်ကား၊ မျိုးစေ့သည် ဘုရားသခင်၏ တရားစကားဖြစ်၏။ [E] ၁၂ လမ်း၌ ရှိသောသူကား၊ တရားစကားကို ကြားသည်ရှိသော်၊ ယုံကြည်ခြင်း၊ ကယ်တင်ခြင်းသို့ မရောက်စေခြင်းငှါ၊ မာရ်နတ်သည်လာ၍ တရားစကားကို နှလုံးထဲမှ နှုတ်ယူသောသူကို ဆိုလိုသတည်း။ ၁၃ ကျောက်ပေါ်၌ ရှိသောသူကား၊ တရားစကားကိုကြား၍ ဝမ်းမြောက်သောစိတ်နှင့် ခံယူသော်လည်း စိတ်နှလုံး၌ အမြစ်မစွဲ၊ ခဏသာ ယုံကြည်သဖြင့် စုံစမ်းနှောင့်ရှက်ခြင်းကို ခံရသောအခါ၊ ဖောက်ပြန်သောသူကို ဆိုလိုသတည်း။ ၁၄ ဆူးပင်တို့တွင် ရှိသောသူကား၊ တရားစကားကို ကြားသည်ရှိသော်၊ လောကီစိုးရိမ်ခြင်း၊ စည်းစိမ်ကြွယ်ဝခြင်း၊ ကာမဂုဏ် ခံစားခြင်းတို့သည် နှိပ်စက်၍၊ အသီးမသီးသော သူကိုဆိုလိုသတည်း။ ၁၅ ကောင်းသောမြေ၌ ရှိသောသူကား၊ ဖြောင့်မတ် စင်ကြယ်သော စိတ်နှလုံးနှင့် တရားစကားကို ကြားလျှင်၊ စွဲလမ်းသော အားဖြင့်မြဲမြံစွာ အသီးသီးသောသူကို ဆိုလိုသတည်း။

CROSS REFERENCES

မာကု ၄း၂၁-၂၅

မာကု ၄း၂၁-၂၅
၂၁ ထိုမှတပါး ဆီမီးကို ဆီမီးခုံပေါ်မှာမတင်၊ တောင်းဇလားအောက်၊ ခုတင်အောက်၌ ဖုံးထားခြင်းငှါယူခဲ့သလော။

ဆီမီးထွန်းပြီးမဖုံး [F]

၁၆ ဆီမီးထွန်းပြီးလျှင် အိုးမှောက်၍ ဖုံးထားလေ့မရှိ။ ခုတင်အောက်၌ လည်း ထားလေ့မရှိ။ ဝင်သောသူသည် အလင်းကို မြင်စေခြင်းငှါ၊ ဆီမီးခုံအပေါ်မှာ တင်ထားလေ့ရှိ၏။ ၁၇ ဆိတ်ကွယ်ရာ၌ ရှိသမျှတို့သည် ထင်ရှားလိမ့်မည်။ ဝှက်ထားလျက် ရှိသမျှတို့သည်လည်း ထင်ရှားစွာ ပွင့်လင်းလိမ့်မည်။ ၁၈ ထိုကြောင့် သင်တို့သည် အဘယ်သို့ ကြားနာရသည်ကို သတိပြုကြလော့။ အကြောင်းမူကား၊ အကြင်သူသည် ရတတ်၏၊ ထိုသူအား ပေးဦးမည်။ အကြင်သူသည် ဆင်းရဲ၏၊ ထိုသူ၌ ဥစ္စာရှိဟန်ဆောင်သမျှကိုပင် နှုတ်လိမ့်မည်၊ ဟုမိန့်တော်မူ၏။

CROSS REFERENCES

မဿဲ ၁၂း၄၆-၅၀

မာကု ၃း၃၁-၃၅

မဿဲ ၁၂း၄၆-၅၀
၄၆ ထိုသို့ ပရိသတ်တို့အား ဟောတော်မူစဉ်တွင်၊ မယ်တော်နှင့် ညီတော်တို့သည် နှုတ်ဆက်လို၍ ပြင်မှာ ရပ်နေကြ၏၊

မာကု ၃း၃၁-၃၅
၃၁ ထိုအခါ မယ်တော်နှင့် ညီတော်တို့သည်လာ၍ ပြင်မှာရပ်နေလျက်၊ တစုံတယောက် သောသူကို ကိုယ်တော်ထံသို့ စေလွှတ်၍ခေါ်ကြ၏။

မယ်တော်နှင့်ညီတော်များကရှာ [G]

၁၉ ထိုအခါ မယ်တော်နှင့် ညီတော်တို့သည် လာ၍၊ စည်းဝေးသောသူ များသောကြောင့်၊ ကိုယ်တော်ရင်းသို့ မချဉ်းကပ်နိုင်ဘဲ နေကြ၏။ ၂၀ လူအချို့ကလည်း၊ မယ်တော်နှင့် ညီတော်တို့သည် ကိုယ်တော်ကို တွေ့လို၍၊ ပြင်မှာရပ်နေကြပါသည်၊ ဟုလျှောက်လျှင်၊ ၂၁ ကိုယ်တော်က၊ ဘုရားသခင်၏ နှုတ်ကပတ် တရားတော်ကို ကြား၍၊ နားထောင်သောသူတို့သည် ငါ့အမိ၊ ငါ့ညီဖြစ်သတည်း၊ ဟုမိန့်တော်မူ၏။

CROSS REFERENCES

မဿဲ ၈း၂၃-၂ရ

မာကု ၄း၃၅-၄၁

မဿဲ ၈း၂၃-၂ရ
၂၃ ထိုအခါ လှေထဲသို့ ဝင်တော်မူ၍၊ တပည့်တော်တို့သည် လိုက်ကြ၏။ အိုင်၌ လှိုင်းတံပိုး ပြင်းစွာထ၍ လှေကို လွှမ်းလေ၏။

မာကု ၄း၃၅-၄၁
၃၅ ထိုနေ့ညအချိန်၌ ကိုယ်တော်က၊ ကမ်းတဘက်သို့ ကူးကြကုန်အံ့၊ ဟုမိန့်တော်မူလျှင်၊

လေနှင့်လှိုင်းကိုငြိမ်းစေ [H]

၂၂ တနေ့သ၌ ယေရှုသည် တပည့်တော်တို့နှင့်အတူ လှေထဲသို့ဝင်၍၊ အိုင်တဘက်သို့ ကူးကြကုန်အံ့၊ ဟုမိန့်တော်မူပြီးလျှင် လွှင့်သွားကြ၏။ ၂၃ အိုင်ကိုကူးသောအခါ၊ ယေရှုသည် ကျိန်းစက်တော်မူ၏။ အိုင်၌ မိုးသက်မုန်တိုင်းဖြစ်၍၊ လှေသည်ရေနှင့် ပြည့်သောကြောင့် ဘေးရောက်လု၏။ ၂၄ တပည့်တော်တို့သည် ချဉ်းကပ်၍ ကိုယ်တော်ကိုနိုးပြီးလျှင်၊ သခင်၊ သခင်၊ အကျွန်ုပ်တို့သည် ပျက်စီးခြင်းသို့ ရောက်ပါ၏၊ ဟုလျှောက်ကြသော်၊ ကိုယ်တော်သည်ထ၍ လေနှင့်လှိုင်းတံပိုးကို ဆုံးမတော်မူသဖြင့်၊ လေနှင့်လှိုင်းတံပိုးသည် ငြိမ်း၍ သာယာလေ၏။ ၂၅ ကိုယ်တော်ကလည်း၊ သင်တို့ယုံကြည်ခြင်းစိတ်သည် အဘယ်မှာရှိသနည်း၊ ဟုမေးတော်မူလျှင်၊ သူတို့သည် ကြောက်ရွံ့အံ့ဩ၍၊ ဤသူကား အဘယ်သို့သောသူနည်း။ လေနှင့်ရေကိုပင် မှာထားတော်မူ၍၊ သူတို့သည် နားထောင်ပါသည်တကား၊ ဟုအချင်းချင်းပြောဆိုကြ၏။

CROSS REFERENCES

မဿဲ ၈း၂၈-မဿဲ ၉း၁

မာကု ၅း၁-၂၀

မဿဲ ၈း၂၈-မဿဲ ၉း၁
၂၈ ကမ်းတဘက် ဂါဒရပြည်သို့ ရောက်တော်မူသောအခါ၊ နတ်ဆိုးစွဲသော သူနှစ်ယောက်တို့သည် ထိုလမ်းကို အဘယ်သူမျှ မသွားနိုင်အောင် အလွန် ကြမ်းကြုတ်စွာ ပြုလျက်၊ သင်္ချိုင်းတစပြင်မှ ထွက်လာ၍ ကိုယ်တော်ကို ခရီးဦးကြို ပြုပြီးလျှင်၊

မာကု ၅း၁-၂၀
၁ အိုင်တဘက်၊ ဂါဒရပြည်သို့ ရောက်ကြ၍၊

သင်္ချိုင်းတစပြင်၌ နေသောနတ်ဆိုးစွဲသူ [I]

၂၆ ဂါလိလဲပြည်နှင့် အိုင်တဘက်ဖြစ်သော ဂါဒရပြည်သို့ ရောက်ကြ၍၊ ၂၇ ယေရှုသည် ကုန်းပေါ်သို့ တတ်တော်မူလျှင်၊ ကာလတာရှည်စွာ နတ်ဆိုးစွဲသဖြင့် အဝတ်ကိုမဝတ်၊ အိမ်၌ မနေ၊ သင်္ချိုင်းတစပြင်၌ နေတတ်သော ဂါဒရပြည်သား တယောက်သည်၊ ကိုယ်တော်ကို ခရီးဦးကြိုပြုလေ၏။ ၂၈ ကိုယ်တော်ကိုမြင်လျှင် ပြပ်ဝပ်၍၊ အမြင့်ဆုံးသောဘုရားသခင်၏ သားတော်ယေရှု၊ ကိုယ်တော်သည် အကျွန်ုပ်နှင့် အဘယ်သို့ဆိုင်သနည်း။ အကျွန်ုပ်ကို ညှဉ်းဆဲတော်မမူမည်အကြောင်း၊ အကျွန်ုပ်တောင်းပန်ပါသည်။ ဟုကြီးသောအသံနှင့် အော်ဟစ်၍ လျှောက်လေ၏။ ၂၉ လျှောက်သည် အကြောင်းကား၊ နတ်ဆိုးသည် ထိုလူကို အဖန်များစွာ ဖမ်းဆီးလှပြီ။ ခြေချင်းသံကြိုးနှင့် အကျဉ်းထားသော်လည်း၊ ခြေချင်းသံကြိုးကိုဆွဲဖြတ်၍ နတ်ဆိုးသည် တောအရပ်သို့နှင် မြဲရှိကြောင်းကို ကိုယ်တော်သည် ထောက်၍၊ ညစ်ညူးသောနတ်၊ ထိုလူမှထွက်သွားလော့ ၊ ဟုမိန့်တော်မူခဲ့ပြီ။ ၃၀ ယေရှုကလည်း၊ သင်သည် အဘယ်အမည်ရှိသနည်း၊ ဟုမေးတော်မူလျှင်၊ ထိုလူကို နတ်ဆိုးအများ စွဲသောကြောင့် အကျွန်ုပ်အမည်ကား၊ လေဂေါင်ဖြစ် ပါသည်၊ ဟုလျှောက်ပြီးမှ၊ ၃၁ အနက်ဆုံးသောအရပ်သို့ သွားစေခြင်းငှါ၊ မနှင်ပါမည်အကြောင်း တောင်းပန်လေ၏။ ၃၂ ထိုအရပ်၌ တောင်ပေါ်မှာ များစွာသော ဝက်အစုသည် ကျက်စားလျက်ရှိ၏။ ထိုဝက်ထဲသို့ ဝင်ရပါမည်အကြောင်း အခွင့်ပေးတော်မူပါ၊ ဟုနတ်ဆိုးတို့သည် တောင်းပန်ပြန်လျှင် အခွင့်ပေးတော်မူ၏။ ၃၃ နတ်ဆိုးတို့သည် လူမှထွက်၍ ဝက်ထဲသို့ဝင်သဖြင့်၊ ဝက်အစုသည် အိုင်ကမ်းစောက်ကို တဟုန်တည်း ပြေးဆင်း၍၊ အသက်ဆုံးကြ၏။ ၃၄ ၀က်ကျောင်းသောသူတို့သည်၊ ထိုအခြင်းအရာကို မြင်လျှင်ပြေး၍ မြို့ရွာတို့၌ သိတင်းကြားပြောကြသော်၊ ၃၅ လူများတို့သည် ထိုအမှုအရာကို ကြည့်ရှုအံ့သောငှါ ထွက်လာကြ၏။ အထံတော်သို့ ရောက်သောအခါ၊ နတ်ဆိုး ထွက်သွားသောသူသည် အဝတ်ကိုဝတ်၍၊ ပကတိစိတ်နှင့် ယေရှု၏ခြေတော်ရင်း၌ ထိုင်နေသည်ကို မြင်လျှင်၊ ကြောက်ရွံ့ခြင်းသို့ ရောက်ကြ၏။ ၃၆ နတ်ဆိုး စွဲသောသူသည် အဘယ်သို့သောအားဖြင့် ကျန်းမာ ပကတိရှိသည်ကို သိမြင်သောသူတို့သည်၊ နောက်လာသောသူတို့အား ပြန်ကြားပြီးမှ၊ ၃၇ ဂါဒရပြည်သူပြည်သား အပေါင်းတို့သည် အလွန်ကြောက်လန့်သော စိတ်စွဲ၍၊ မိမိတို့ပြည်က ထွက်သွားတော် မူမည်အကြောင်း တောင်းပန်ကြလျှင်၊ ကိုယ် တော်သည် လှေထဲသို့ဝင်၍ ပြန်တော်မူ၏။ ၃၈ နတ်ဆိုး ထွက်သွားသောသူသည်၊ ကိုယ်တော်နှင့် အတူရှိပါမည်အကြောင်းတောင်း ပန်လျှင်၊ ၃၉ ယေရှုက၊ သင်သည် ကိုယ်အိမ်သို့ပြန်သွားလော့။ ဘုရားသခင်သည်သင်၌ အဘယ်မျှလောက်ကျေးဇူး ပြုတော်မူသည်ကို ကြားပြောလော့ဟူ၍ လွှတ်လိုက်တော်မူလျှင်၊ ထိုသူသည်သွား၍ ယေရှုသည် အဘယ်မျှလောက် ကျေးဇူးပြုတော်မူသည်ကို၊ တမြို့လုံးတွင်အနှံ့အပြား သိတင်းကြားပြောလေ၏။

CROSS REFERENCES

မဿဲ ၉း၁၈-၂၆

မာကု ၅း၂၂-၄၃

မဿဲ ၉း၁၈-၂၆
၁၈ ထိုစကားကို မိန့်တော်မူစဉ်၊ အရာရှိတစ်ယောက်သည် လာ၍ ပြပ်ဝပ်လျက်၊ အကျွန်ုပ်၏ သမီးသည် ယခုပင် သေဆဲရှိပါ၏။ သို့သော်လည်း၊ ကိုယ်တော်သည် ကြွ၍ သူ့အပေါ်၌ လက်ကို တင်တော်မူလျှင်၊ အသက်ရှင်ပါလိမ့်မည်၊ ဟုလျှောက် ၏။

မာကု ၅း၂၂-၄၃
၂၂ ထိုအခါ ယာဣရုအမည်ရှိသော တရားစရပ်မှူးသည်လာ၍ ကိုယ်တော်ကို မြင်လျှင်၊ ခြေတော်ရင်း၌ ပြပ်ဝပ်လျက်၊ အကျွန်ုပ်၏ သမီးငယ်သေလုပါပြီ။

ယာဣရုသမီး [J]

၄၀ ယေရှုသည် ပြန်တော်မူလျှင်၊ လူအစုအဝေးအပေါင်းတို့သည်၊ ကိုယ်တော်ကို မြော်လင့်လျက် နေကြသောကြောင့်၊ ဝမ်းမြောက်စွာ လက်ခံကြ၏။ ၄၁ ထိုအခါယာဣရုအမည်ရှိသော တရားစရပ်မှူးသည်လာ၍၊ ယေရှု၏ခြေတော်ရင်း၌ ပြပ်ဝပ်လျက်၊ ၄၂ တဆယ်နှစ်နှစ် အရွယ်ရှိသောမိမိ၌ တယောက်တည်းသောသမီးသည် သေဆဲရှိသောကြောင့်၊ မိမိအိမ်သို့ ကြွတော်မူမည်အကြောင်း ကိုယ်တော်ကို တောင်းပန်၍၊ ကြွတော်မူစဉ်တွင် လူအစုအဝေးတို့သည် ကိုယ်တော်ကို ထိခိုက်တိုက်မိကြ၏။

CROSS REFERENCES

မဿ ၉း၂၀

မဿ ၉း၂၀
၂၀ ထိုအခါ တစ်ဆယ့်နှစ်နှစ်ပတ်လုံး သွေးသွန်အနာစွဲသော မိန်းမတစ်ယောက်က၊

တဆယ်နှစ်နှစ် သွေးသွန်အမျိုးသမီး [K]

CROSS REFERENCES

ကမ္ဘာ ၃၅း၁ရ
၁၇ ထိုသို့ ပြင်းစွာခံနေရစဉ်တွင်၊ ဝမ်းဆွဲက၊ မစိုးရိမ်နှင့်၊ သား ယောက်ျားကိုရပြီ၊ ဟုဆိုလေ၏။

ကမ္ဘာ ၄၆း၃
၃ ထာဝရဘုရားကလည်း၊ ငါသည် ဘုရားသခင်ဖြစ်၏။ သင့်အဘ၏ ဘုရားသခင်ဖြစ်၏။ အဲဂုတ္တုပြည်သို့ သွားမည်အခွင့်ကို မစိုးရိမ်နှင့်။ ငါသည် ထိုပြည်၌ သင့်ကို လူမျိုးကြီးဖြစ်စေမည်။

တရားဟော ၃၁း၈
၈ သင်ရှေ့မှာ ထာဝရဘုရားသည် ကိုယ်တိုင်ကြွ၍ သင်နှင့် ရှိတော်မူလိမ့်မည်။ သင့်ကို စွန့်တော်မမူ၊ ပစ်ထားတော်မမူ။ မစိုးရိမ်နှင့်၊စိတ်မပျက်နှင့်၊ ဟုဣသရေလ အမျိုးသား အပေါင်းတို့ ရှေ့မှာပြောဆို၏။ sဤပညတ်တရားကို ခုနစ်နှစ်စေ့ သကေနေပွဲတိုင်း၌ ဖတ်ရမည်

တရားသူ ၆း၂၃
၂၃ ထာဝရဘုရားက၊ ချမ်းသာပါစေ။ မစိုးရိမ်နှင့်။သင်သည် သေဘေးနှင့် လွတ်လျက်ရှိသည်၊ ဟုမိန့်တော်မူ၏။

ရုသ ၃း၁၁
၁၁ မစိုးရိမ်နှင့်ငါ့သမီး။ တောင်းသမျှကို ငါပြုမည်။ သင်သည် သီလနှင့် ပြည့်စုံသော မိန်းမဖြစ်ကြောင်းကို ငါ့လူမျိုးနေသော တစ်မြို့လုံးသိ၏။

၁ ဓမ္မ ၄း၂၀
၂၀ သေလုသောအခါ အနားမှာရှိသော မိန်းမတို့က၊ မစိုးရိမ်နှင့်၊သားယောက်ျားကို ဖွားမြင်ပြီ၊ ဟုဆိုသော်လည်း ပြန်မပြော၊ အမှုမထားဘဲ နေ၏။

၁ ဓမ္မ ၂၂း၂၃
၂၃ ငါနှင့်အတူနေပါလော့။ မစိုးရိမ်နှင့်။ငါ့အသက်ကို ရှာသောသူသည် သင့်အသက်ကိုရှာ၏။ ငါနှင့်အတူနေလျှင် ဘေးလွတ်ပါလိမ့်မည်၊ ဟု အဗျာသာအား ပြောဆို၏။

၁ ဓမ္မ ၂၃း၁ရ
၁၇ မစိုးရိမ်နှင့်၊ သင်သည် ကျွန်ုပ်အဘ ရှောလု၏လက်မှ လွတ်၍ ဣသရေလ ရှင်ဘုရင် ဖြစ်လိမ့်မည်။ ကျွန်ုပ်သည်လည်း သင့်အောက်မှာ အရာကြီးလိမ့်မည်။ ထိုသို့ဖြစ်မည်ကို ကျွန်ုပ်အဘ ရှောလု သိသည်၊ ဟုဆိုသဖြင့်၊

၁ ဓမ္မ ၂၈း၁၃
၁၃ ရှင်ဘုရင်က မစိုးရိမ်နှင့်။အဘယ်အရာကို မြင်သနည်း၊ ဟုမေးသော်၊ မိန်းမက မြေကြီးထဲက ဘုရားတက်လာသည်ကို ကျွန်မမြင်ပါသည်၊ ဟုလျှောက်၏။

၃ ဓမ္မ ၁ရး၁၃
၁၃ ဧလိယကလည်း မစိုးရိမ်နှင့်။သင်ဆိုသည် အတိုင်းသွား၍ ပြုလော့။ သို့ရာတွ င်ငါ့အဘို့ မုန့်ပြားငယ်တပြားကို အရင်လုပ်၍ ယူခဲ့လော့။ နောက်မှ သင်နှင့်သင်၏ သားငယ်အဘို့ လုပ်လော့။

၁ ရာ ၂၈း၂၀
၂၀ သားတော် ရှောလမုန်အားလည်း၊ သင်သည် အားယူ၍ ရဲရင့်သောစိတ်နှင့် လုပ်ဆောင်လော့။ မစိုးရိမ်နှင့်။ စိတ်မပျက်နှင့်။ ငါ၏ ဘုရားသခင် ထာဝရအရှင် ဘုရားသခင်သည် သင်နှင့်အတူ ရှိတော်မူလိမ့်မည်။ ထာဝရဘုရား၏ အိမ်တော်အမှုကို ဆောင်ရွက်ရာဘို့ လုပ်ဆောင်၍ လက်စမသတ်မှီ တိုင်အောင် သင့်ကို စွန့်တော်မမူ။ ပစ်ထားတော်မမူ။

ဆာ ၄၉း၁၆
၁၆ သူတပါးသည် ဥစ္စာကြွယ်ဝ၍ အိမ်၏ ဂုဏ်အသရေ တိုးပွားသောအခါ သင်သည် မစိုးရိမ်နှင့်။

ဟေရှာယ ရး၄
၄ သတိပြု၍ ငြိမ်သက်စွာနေလော့။ မီးခိုးထွက်သော ဤထင်းစနှစ်ခုတည်းဟူသော ရှုရိမင်းရေဇိန်နှင့် ရေမလိ၏သားတို့သည် ပြင်းစွာ အမျက်ထွက်သော်လည်း၊ မစိုးရိမ်နှင့်၊ စိတ်မပျက်နှင့်။

ဟေရှာယ ၄၁း၆
၆ အိမ်နီးချင်း တယောက်ကို တယောက်မစ၍၊ ညီအစ်ကိုချင်း တယောက်ကို တယောက်၊ မစိုးရိမ်နှင့်၊ ဟုဆိုကြ၏။

ဟေရှာယ ၄၁း၁၀
၁၀ မစိုးရိမ်နှင့်။ငါသည် သင့်ဘက်မှာရှိ၏။ မကြောက်နှင့်။ သင်၏ ဘုရားသခင် ငါသည် သင့်ကို ခိုင်ခံ့စေမည်။ သင့်ကို စောင့်မမည်။ ငါ့သစ္စာ လက်ျာလက်ဖြင့် ထောက်ပင့်မည်။

ဟေရှာယ ၄၁း၁၃-၁၄
၁၃ အကြောင်းမူကား၊ သင်၏ ဘုရားသခင် ထာဝရဘုရားက၊ မစိုးရိမ်နှင့်။ ငါမစမည်၊ ဟုသင့်အား ဆိုလျက်၊ သင်၏ လက်ျာလက်ကို ကိုင်မည်။

ဟေရှာယ ၄၃း၁
၁ အိုယာကုပ်အမျိုး ဣသရေလ အနွယ်၊ သင့်ကို ဖန်ဆင်း ပြုပြင်တော်မူသော ထာဝရဘုရား မိန့်တော်မူသည်ကား၊ မစိုးရိမ်နှင့်။ သင့်ကို ငါရွေးနှုတ်ပြီ။ ငါ့နာမဖြင့် မှည့်ပြီ။ သင့်ကို ငါဆိုင်၏။

ဟေရှာယ ၄၃း၅
၅ မစိုးရိမ်နှင့်။ငါသည် သင်နှင့်အတူရှိ၏။ အရှေ့မျက်နှာမှ သင်၏ အမျိုးအနွယ်ကို ငါဆောင်ခဲ့မည်။ အနောက်မျက်နှာမှ သင့်ကိုစုသိမ်းမည်။

ဟေရှာယ ၄၄း၂
၂ သင့်ကို ဖန်ဆင်းတော်မူသော ဘုရား၊ ဖွားစကပင် သင့်ကို ပြုပြင်၍၊ နောင်၌လည်း မစလတံ့သော ထာဝရဘုရား မိန့်တော်မူသည်ကား၊ ငါ့ကျွန်ယာကုပ်၊ ငါရွေးကောက်သောသူယေရှုရုန်၊%fo(a) မစိုးရိမ်နှင့်။

ဟေရှာယ ၅၄း၄
၄ မစိုးရိမ်နှင့်။ရှက်ကြောက်ခြင်းသို့ မရောက်ရ။ မျက်နှာမပျက်နှင့်။ အရှက်ကွဲခြင်းမခံရ။ အသက်ငယ်စဉ်အခါ ခံရသော ရှက်ကြောက်ခြင်းကို မေ့လျော့လိမ့်မည်။ မုဆိုးမဖြစ်၍ ခံရသော ကဲ့ရဲ့ခြင်းကို နောက်တဖန် မအောက်မေ့ရ။ sထာ၀ရဘုရား ဣသရေလ၏လင်

ယောလ ၂း၂၁-၂၂
၂၁ အိုပြည်တော်၊ မစိုးရိမ်နှင့်။ ဝမ်းမြောက်ရွှင်လန်းခြင်းရှိလော့။ ထာဝရဘုရားသည် ကြီးသောအမှုတို့ကို ပြုတော်မူမည်။

ဇေဖနိ ၃း၁၆
၁၆ မစိုးရိမ်နှင့်၊ ဟုယေရုရှလင်မြို့အား၎င်း၊ လက်အားမလျော့စေနှင့်၊ ဟုဇိအုန်တောင်အား၎င်း၊ ထိုအခါဆိုရ၏။

ဟဂ္ဂဲ ၂း၅
၅ အဲဂုတ္တု ပြည်မှ ထွက်သွားသောအခါ သင်တို့နှင့် ငါဖွဲ့သော ပဋိညာဉ်စကားနှင့်အညီ ငါသည်သင်တို့နှင့် အတူရှိ၏။ ငါ၏ ဝိညာဉ်တော်သည် သင်တို့တွင် နေရာကျ၏။ မစိုးရိမ်ကြနှင့်၊ ဟုကောင်းကင် ဗိုလ်ခြေအရှင် ထာဝရဘုရား မိန့်တော်မူ၏။ sနောက်အိမ်တော်သည် သာ၍ ဘုန်းကြီးမည်

ဇာခရိ ၈း၁၃-၁၅
၁၃ အိုယုဒအမျိုးနှင့် ဣသရေလ အမျိုးတို့ သင်တို့သည် တပါးအမျိုးသားတို့တွင် ကျိန်ဆဲရာ ဖြစ်ဘူးသကဲ့သို့၊ ကောင်းကြီးခံရာ ဖြစ်စေခြင်းငှါ၊ ငါကယ်တင်မည်။ မစိုးရိမ်ဘဲ လက်အားကြီးကြလော့။

မဿဲ ၁း၂၀
၂၀ ထိုသို့ကြံစည်၍ နေစဉ်တွင် အိပ်မက်ကို မြင်ရသည်မှာ၊ ထာဝရဘုရား၏ ကောင်းကင်တမန်သည် ထင်ရှား၍၊ ဒါဝိဒ်အမျိုး ယောသပ်၊ သင်၏ခင်ပွန်း မာရိကို ထိန်းသိမ်းရမည့် အခွင့်ကို မစိုးရိမ်နှင့်။ ဤပဋိသန္ဓေသည် သန့်ရှင်းသော ဝိညာဉ်တော်ကြောင့် ဖြစ်၏။

မဿဲ ၉း၂
၂ လက်ခြေသေ၍ အိပ်ရာပေါ်မှာ တုံးလုံးနေသော သူတစ်ယောက်ကို အထံတော်သို့ ဆောင်ခဲ့ကြ၏။ ယေရှုသည် ထိုသူတို့၏ ယုံကြည်ခြင်းကို မြင်လျှင်၊ လက်ခြေသေသောသူအား၊ ငါ့သားမစိုးရိမ်နှင့်။ သင်၏ အပြစ်ကို လွတ်စေပြီ၊ ဟုမိန့်တော်မူ၏။

မဿဲ ၉း၂၂
၂၂ ယေရှုသည် လှည့်၍ ထိုမိန်းမကို မြင်တော်မူလျှင်၊ ငါ့သမီး မစိုးရိမ်နှင့်၊ သင်၏ ယုံကြည်ခြင်းသည် သင့်အနာကို ငြိမ်းစေပြီ၊ ဟုမိန့်တော်မူ၏။ ထိုခဏမှစ၍ ထိုမိန်းမသည် အနာ ကင်းပျောက်လေ၏။ s တရားစရပ်မှုး၏ သမီးရှင်စေ

မာကု ၁၀း၄၉
၄၉ ယေရှုသည် ရပ်တော်မူလျက်၊ ထိုသူကိုခေါ်ခဲ့၊ ဟုအမိန့်တော်ရှိ၏။ သူတပါးတို့သည် လူကန်းကိုခေါ်၍ မစိုးရိမ်နှင့်၊ ထလော့။ သင့်ကိုခေါ်တော်မူသည်၊ ဟုဆိုကြ၏။

လု ၈း၄၈
၄၈ ကိုယ်တော်ကလည်းငါ့သမီး၊ မစိုးရိမ်နှင့်။ သင်၏ယုံကြည်ခြင်းသည် သင့်အနာကိုငြိမ်းစေပြီ။ ငြိမ်ဝပ်စွာသွားလော့၊ ဟုမိန့်တော်မူ၏။ s ယာဣရုသမီးပြန်ရှင်

လု ၁၀း၄၁
၄၁ ယေရှုက၊ မာသ၊ မာသ၊ သင်သည်များစွာသောအမှုတို့၌ စိုးရိမ်၍၊ နှောင့်ရှက်ခြင်းကို ခံရ၏။ လိုသောအရာတခုတည်းရှိ၏။

လု ၁၂း၁၁
၁၁ သင်တို့ကို တရားစရပ်သို့၎င်း၊ အကဲအမှူးမင်းများ ရှေ့သို့၎င်း၊ ပို့ဆောင်ကြသောအခါ အဘယ်သို့ ပြန်ပြောရမည်ကို၊ မစိုးရိမ်ကြနှင့်။

လု ၁၂း၂၂
၂၂ တဖန် တပည့်တော်တို့အား မိန့်တော်မူသည်ကား၊ ထိုကြောင့် သင်တို့သည် အဘယ်သို့ စားရမည်ဟူ၍၊ အသက်အဘို့ မစိုးရိမ်ကြနှင့်။ အဘယ်သို့ ဝတ်ရမည်ဟူ၍၊ ကိုယ်အဘို့ မစိုးရိမ်ကြနှင့်၊ ဟုငါဆို၏။

တမန် ၂၃း၁၁
၁၁ နက်ဖြန်နေ့ညတွင် သခင်ဘုရားသည် ပေါလုအနား၌ ပေါ်လာတော်မူလျက်၊ ပေါလုမစိုးရိမ်နှင့်။ ငါ၏အကြောင်းအရာကို သင်သည် ယေရုရှလင်မြို့၌ သက်သေခံပြီးသည်နည်းတူ၊ ရောမမြို့၌ လည်း ခံရဦးမည်၊ ဟုမိန့်တော်မူ၏။

တမန် ၂ရး၂၄
၂၄ ပေါလု၊ သင်သည် မစိုးရိမ်နှင့်၊ ကဲသာဘုရင်ရှေ့သို့ ရောက်ရမည်။ သင်နှင့်အတူ ပင်လယ်ကူးသောသူ အပေါင်းတို့ကို၊ ဘုရားသခင်သည် သင့်အား ပေးတော်မူပြီဟုဆို၏။

ဖိလိ ၄း၆
၆ အဘယ်အမှုကိုမျှ စိုးရိမ်ခြင်းမရှိဘဲ၊ အရာရာ၌ ကျေးဇူးတော်ကို ချီးမွမ်းခြင်းနှင့်တကွ၊ ဆုတောင်း ပဌနာပြုသောအားဖြင့်၊ သင်တို့ တောင်းပန်လိုသော အရာများတို့ကို၊ ဘုရားသခင်အား ကြားလျှောက်ကြလော့။

၁ ပေ ၅း၇
၇ သင်တို့ကို သတိနှင့် ကြည့်ရှုတော်မူသောကြောင့်၊ သင်တို့၌ စိုးရိမ်ခြင်းအမှုရှိသမျှတို့ကို ကိုယ်တော်၌ အပ်နှံကြလော့။

၄၃ ထိုအခါ တဆယ်နှစ်နှစ်ပတ်လုံး သွေးသွန်အနာစွဲသောကြောင့်၊ ဥစ္စာရှိသမျှကို ဆေးသမားတို့အားပေး၍ ကုန်သော် လည်း၊ အဘယ်ဆေးသမားလက်၌ မျှ ချမ်းသာမရနိုင်သော မိန်းမတယောက်သည်၊ ၄၄ နောက်တော်သို့ ချဉ်းကပ်၍ အဝတ်တော်၏ ပန်းပွါးကိုတို့သဖြင့်၊ ထိုအခဏခြင်းတွင် သွေးသွန် အနာပျောက်လေ၏။ ၄၅ ယေရှုကလည်း၊ ငါ့ကို အဘယ်သူတို့သနည်း၊ ဟုမေးတော်မူလျှင်၊ လူအပေါင်းတို့သည် ငြင်းလတ်သော်၊ ပေတရုမှစ၍သူ၏အပေါင်းအဖေါ်တို့က၊ သခင်၊ လူအစုအဝေးတို့သည် ကိုယ်တော်အား ထိခိုက်တိုက်မိကြသည် ဖြစ်၍၊ ငါ့ကို အဘယ်သူတို့သနည်း၊ ဟုမေးတော်မူပါသည်တကား၊ ဟုလျှောက်လေ၏။ ၄၆ ယေရှုကလည်း၊ တစုံတယောက်သောသူသည်၊ ငါ့ကိုတို့လေပြီ။ ငါ့ကိုယ်မှ တန်ခိုးထွက်သည် ကိုငါသိ၏။ ဟုမိန့်တော်မူ၏။ ၄၇ ထိုမိန်းမသည် မိမိပုန်းရှောင်၍ မနေနိုင်သည်ကိုသိလျှင်၊ တုန်လှုပ်လျက်လာ၍၊ အဘယ်အကြောင်းကြောင့် တို့သည်ကို၎င်း၊ ချက်ချင်း ချမ်းသာရသည်ကို၎င်း၊ လူအပေါင်းတို့ရှေ့မှာပြပ်ဝပ်လျက်၊ ကြားလျှောက်လေ၏။ ၄၈ ကိုယ်တော်ကလည်းငါ့သမီး၊ မစိုးရိမ်နှင့်။ [L] သင်၏ယုံကြည်ခြင်းသည် သင့်အနာကိုငြိမ်းစေပြီ။ ငြိမ်ဝပ်စွာသွားလော့၊ ဟုမိန့်တော်မူ၏။

ယာဣရုသမီးပြန်ရှင်

CROSS REFERENCES

ယာကုပ် ၂း၂၆

ယာကုပ် ၂း၂၆
၂၆ ဝိညာဉ်နှင့် ကင်းသော ကိုယ်သည် အသေဖြစ်သကဲ့သို့၊ အကျင့်နှင့် ကင်းသော ယုံကြည်ခြင်းသည် အသေဖြစ်၏။

၄၉ ထိုမိန့်တော်မူစဉ်တွင် တရားစရပ်မှူးအိမ်မှလူလာ၍၊ ကိုယ်တော်၏သမီးသေပါပြီ၊ ဆရာကိုမနှောင့်ရှက်ပါနှင့်၊ ဟုဆို၏။ ၅၀ ယေရှုသည်ကြားလျှင်၊ မကြောက်ကြနှင့်။ ယုံကြည်ခြင်း စိတ်တခုသာရှိစေလော့။ ထိုသို့ရှိလျှင် သူသည်ဘေးနှင့် လွတ်လိမ့်မည်၊ ဟုတရားစရပ်မှူးအား မိန့်တော်မူ၏။ ၅၁ အိမ်သို့ရောက်လျှင်၊ ပေတရု၊ ယောဟန်၊ ယာကုပ်နှင့်မိန်းမငယ်၏ မိဘမှတပါး၊ အဘယ်သူကိုမျှ အထဲသို့ မဝင်စေခြင်းငှါ ဆီးတားတော်မူ၏။ ၅၂ လူအပေါင်းတို့သည်၊ ငိုကြွေး မြည်တမ်းကြသည်ကို ကိုယ်တော်က၊ မငိုကြနှင့်။ သူငယ်သေသည်မဟုတ်၊ အိပ်ပျော်သည်၊ ဟုမိန့်တော်မူလျှင်၊ ၅၃ သူငယ်သေကြောင်းကို ထိုသူတို့သည်သိသဖြင့်၊ ကိုယ်တော်ကို ပြက်ယယ်ပြုကြ၏။ ၅၄ ထိုသူရှိသမျှတို့ကို ပြင်သို့ထွက်စေပြီးမှ၊ သူငယ်၏ လက်ကို ကိုင်တော်မူလျက်၊ သူငယ်ထလော့၊ ဟုခေါ်တော်မူသည်တွင်၊ ၅၅ စိတ်ဝိညာဉ်ပြန်လာ၍၊ [M]မိန်းမငယ်သည် ချက်ချင်းထလေ၏။ မိဘတို့သည် မိန်းမောတွေဝေခြင်းသို့ ရောက်ကြ၏။ ထိုအမှု အရာကို အဘယ်သူအားမျှ မပြောရမည်အကြောင်း၊ ပညတ်တော်မူ၏။

_________________________
Footnotes

၁ (a)

"နိုင်ငံတော်နှင့်ယှဉ်သော ဧဝံဂေလိတရား" သည် "ကျေးဇူးတော်နှင့် ယှဉ်သောဧဝံဂေလိတရား"နှင့်မတူချေ။ ကျေးဇူးတော်နှင့် ယှဉ်သော ဧဝံဂေလိတရားသည်၊ ခရစ်တော်အသေခံ၍ရှင် ပြန်ထမြောက်ပြီးမှ ဟောပြောသောတရားဖြစ်၍၊ လောကမှာတည် ထောင်မည့် နိုင်ငံတော်မဟုတ်ဘဲ၊ ကောင်းကင်နိုင်ငံတော်ထဲသို့ ဝင်မည့်အရာဖြစ်သည်။ ထိုတရား၌ ဒုတိယမွေးဖွားရမည်ဟူသောအရာသည် အဓိကဖြစ်သည်။ နိုင်ငံတော်နှင့် ယှဉ်သော ဧဝံဂေလိတရားသည်၊ လောက၌ ခရစ်တော် အုပ်စိုးမည့်အရာဖြစ်၍၊ နောင်တရခြင်းသည် အဓိကတရားဖြစ်သည်။ ထိုတရားကို ဗတ္တိဇံဆရာယောဟန်က စတင်ဟော၍၊ ခရစ်တော်နှင့် တပည့်တော်များက ဆက်ဟောခဲ့သည်။ ယခုအသင်းတော်ခေတ်၌ ထိုတရားကိုမဟောတော့ပါ။ နိုင်ငံတော်တရားကို ဘေးဒဏ်ကြီးကာလ၌ (မဿဲ ၂၄း၁၄) ပြန်ဟောကြမှာ ဖြစ်သည်။