၁ လူတို့သည် အားမလျော့ဘဲ ကြိုးစား၍ ဆုတောင်းရမည်အကြောင်းကို၊ ဥပမာစကားအားဖြင့် မိန့်တော်မူသည်ကား၊ ၂ မြို့တမြို့၌ ဘုရားသခင်ကို မကြောက်ရွံ့၊ [B] လူကို အားမနာတတ်သော တရားသူကြီး တယောက်ရှိ၏။ ၃ ထိုမြို့၌ နေသော မုဆိုးမတယောက်သည် တရားသူကြီးထံသို့ သွား၍၊ ကျွန်မရန်ဘက်ကို လက်စားချေ လောက်အောင်၊ အပြစ်အလျောက် ဒဏ်စီရင်ပါ၊ ဟုတောင်းပန်သော်လည်း၊ ၄ တရားမစီရင်ဘဲ ကြာမြင့်စွာနေ၏။ ထိုနောက် တရားသူကြီးက၊ ငါသည် ဘုရားသခင်ကို မကြောက်ရွံ့၊ လူကို အားမနာတတ်သောသူ ဖြစ်သော်လည်း၊ ၅ ဤမုဆိုးမသည် ငါ့ကို နှောင့်ရှက်သောကြောင့်၊ သူ့ဘက်၌ တရားစီရင်မည်။ သို့မဟုတ် အစဉ်လာ၍ ငါ့ကိုပင်ပန်း စေလိမ့်မည်၊ ဟုစိတ်ထဲ၌ အကြံရှိ၏။ ၆ မတရားသော ထိုတရားသူကြီး၏ အကြံကို မှတ်ကြလော့။ ၇ ဘုရားသခင် ရွေးကောက်တော်မူသောသူ တို့သည်၊ ညနေ့မပြတ် အော်ဟစ်၍ တောင်းလျှောက်လျှင်၊ ဘုရားသခင်သည် သူတို့ဘက်၌၊ တရားမစီရင်ဘဲ နေတော်မူမည်လော။ ကြာမြင့်စွာ သည်းခံတော်မူမည်လော။ ၈ ငါဆိုသည်ကား၊ သူတို့ဘက်၌ အလျှင်အမြန် တရားစီရင်တော်မူမည်။ သို့သော်လည်း လူသားသည် ကြွလာသောအခါ၊ ယုံကြည်ခြင်းကို မြေကြီး ပေါ်မှာ တွေ့မည်လော။ ဟုသခင်ဘုရားသည် မိန့်တော်မူ၏။

ဖာရိရှဲနှင့်အခွန်ခံဆုတောင်း

CROSS REFERENCES

ယောဘ ၅း၁၁

ယေဇ ၂၁း၂၆

ယောဘ ၅း၁၁
၁၁ ထိုသို့နှိမ့်ချလျက်ရှိသော သူတို့ကို ချီးမြှောက်တော်မူ၏။ ငြိုငြင်သောသူတို့ကိုလည်း ဝမ်းသာ စေတော်မူ၏။

ယေဇ ၂၁း၂၆
၂၆ ဦးရစ်တော်ကိုပယ်၍ ရာဇသရဖူကိုချွတ်လော့။ နောက်တဖန်မရှိရ။ နိမ့်သောသူကိုချီးမြှောက်ရမည်။ မြင့်သောသူကိုနှိမ့်ချရမည်။

မဿဲ ၂၃း၁၂
၁၂ အကြင်သူသည် မိမိကိုချီးမြှောက်အံ့၊ ထိုသူသည် နှိမ့်ချခြင်းသို့ ရောက်လတံ့။ အကြင်သူသည် မိမိကို နှိမ့်ချအံ့၊ ထိုသူသည် ချီးမြှောက်ခြင်းသို့ ရောက်လတံ့။ s ဖာရိရှဲတို့၏ပဌမ အမင်္ဂလာ

လု ၁း၅၂
၅၂ ဘုရင်တို့ကို ရာဇပလ္လင်ပေါ်မှချ၍၊ နှိမ့်ချသောသူတို့ကိုချီးမြှောက်တော်မူပြီ။

လု ၁၄း၁၁
၁၁ ကိုယ်ကိုကိုယ် ချီးမြှောက်သောသူမည်သည်ကား၊ နှိမ့်ချခြင်းသို့ ရောက်လတံ့။ ကိုယ်ကိုကိုယ် နှိမ့်ချသောသူမည်သည်ကား ချီးမြှောက်ခြင်းသို့ ရောက်လတံ့၊ ဟုမိန့်တော်မူ၏။ sကျေးဇူးမဆပ်နိုင်သူကိုခေါ်ဖိတ်ပါ

လု ၁၈း၁၄
၁၄ ငါဆိုသည်ကား၊ ထိုသူသည် အပြစ်ပြေလျက် မိမိအိမ်သို့ပြန်သွား၏။ ဖာရိရှဲမူကား အပြစ်မပြေ။ အကြောင်းမူကား၊ ကိုယ်ကိုကိုယ် ချီးမြှောက်သောသူ မည်သည်ကား၊ နှိမ့်ချခြင်းသို့ ရောက်လတံ့။ ကိုယ်ကိုကိုယ် နှိမ့်ချသောသူမည်သည်ကား၊ ချီးမြှောက်ခြင်းသို့ ရောက်လတံ့၊ ဟုမိန့်တော်မူ၏။ sသူငယ်ကဲ့သို့ခံယူ

ယာကုပ် ၄း၁၀
၁၀ ဘုရားသခင့်ရှေ့တော်၌ ကိုယ်ကိုကိုယ်နှိမ့်ချ ကြလော့။ သို့ပြုလျှင်၊ သင်တို့ကို ချီးမြှောက်တော်မူလိမ့်မည်။

၉ ကိုယ်ကုသိုလ်ကို အမှီပြု၍၊ သူတပါးကို မထီမဲ့မြင်ပြုတတ်သောသူ အချို့တို့အား၊ မိန့်တော်မူသော ဥပမာကား၊ ၁၀ လူနှစ်ယောက်တို့သည် ဆုတောင်းပဌနာပြုခြင်းငှါ၊ ဗိမာန်တော်ပေါ်သို့ တက်ကြ၏။ တယောက်ကား ဖာရိရှဲဖြစ်၏။ တယောက်ကား အခွန်ခံဖြစ်၏။ ၁၁ ဖာရိရှဲသည် တယောက်တည်း ရပ်လျက်၊ အိုဘုရားသခင်၊ သူတပါးတို့သည် အနိုင်အထက်လုယူခြင်း၊ မတရားသဖြင့် ကျင့်ခြင်း၊ သူ့မယားကို ပြစ်မှားခြင်းအပြစ် ရှိသကဲ့သို့၊ အကျွန်ုပ်၌ မရှိသည်သာမက၊ ဤအခွန်ခံကဲ့သို့ပင် မဟုတ်သောကြောင့် ကျေးဇူးတော်ကြီးလှပေ၏။ ၁၂ အကျွန်ုပ်သည် ခုနစ်ရက်တွင် နှစ်ရက်အစာရှောင်ပါ၏၊ ဥစ္စာရှိသမျှတို့ကို ဆယ်ဘို့တဘို့ လှူပါ၏။ ဟုဆုတောင်းပဌနာပြု၏။ ၁၃ အခွန်ခံမူကား၊ အဝေးကရပ်၍ ကောင်းကင်သို့ မမျှော်မကြည့်ဝံ့ဘဲ၊ ရင်ပတ်ကိုခတ်လျက်၊ အိုဘုရားသခင်၊ အပြစ်များသော အကျွန်ုပ်ကို သနားခြင်းကရုဏာစိတ် ရှိတော်မူပါ။ ဟုဆုတောင်းလေ၏။ ၁၄ ငါဆိုသည်ကား၊ ထိုသူသည် အပြစ်ပြေလျက် မိမိအိမ်သို့ပြန်သွား၏။ ဖာရိရှဲမူကား အပြစ်မပြေ။ အကြောင်းမူကား၊ ကိုယ်ကိုကိုယ် ချီးမြှောက်သောသူ မည်သည်ကား၊ နှိမ့်ချခြင်းသို့ ရောက်လတံ့။ ကိုယ်ကိုကိုယ် နှိမ့်ချသောသူမည်သည်ကား၊ ချီးမြှောက်ခြင်းသို့ ရောက်လတံ့၊ [C] ဟုမိန့်တော်မူ၏။

သူငယ်ကဲ့သို့ခံယူ

၁၅ ထိုအခါ သူငယ်တို့ကို လက်တော်နှင့်တို့စေခြင်းငှါ၊ အထံတော်သို့ ဆောင်ခဲ့သည်ကို တပည့်တော်တို့သည် မြင်လျှင်၊ အပြစ်တင်ကြ၏။ ၁၆ ယေရှုသည် ထိုသူငယ်တို့ကို ခေါ်တော်မူ၍၊ ငါ့ထံသို့ လာပါလေစေ၊ မဆီးတားကြနှင့်။ ဘုရား သခင်၏ နိုင်ငံတော်သည်၊ ထိုသို့သောသူတို့၏ နိုင်ငံဖြစ်၏။ ၁၇ ငါအမှန်ဆိုသည်ကား၊ အကြင်သူသည် ဘုရားသခင်၏ နိုင်ငံတော်ကို သူငယ်ကဲ့သို့မခံမယူ။ ထိုသူသည် နိုင်ငံတော်သို့ မဝင်ရ၊ ဟုမိန့်တော်မူ၏။

ထာ၀ရအသက်ကိုမည်ကဲ့သို့ရမည်နည်း

၁၈ အရာရှိတယောက်က၊ ကောင်းမြတ်သောဆရာ၊ ထာဝရအသက်ကို အမွေခံရအံ့သောငှါ၊ အကျွန်ုပ်သည် အဘယ်အမှုကို ပြုရပါမည်နည်း၊ ဟုမေးလျှောက်သော်၊ ၁၉ ယေရှုက၊ ငါ့ကို ကောင်းမြတ်သည်၊ ဟုအဘယ်ကြောင့်ခေါ်သနည်း။ ဘုရားသခင် တပါးတည်းသာ ကောင်းမြတ်တော်မူ၏။ ၂၀ သင်သည် ပညတ်တော်ကို သိသည်မဟုတ်လော။ သူ့မယားကို မပြစ်မှားနှင့်။ လူအသက်ကို မသတ်နှင့်။ သူ့ဥစ္စာကို မခိုးနှင့်။ မမှန်သောသက်သေကို မခံနှင့်။ မိဘကို ရိုသေစွာပြုလော့၊ ဟုမိန့်တော်မူလျှင်၊ ၂၁ (a) ထိုပညတ်ရှိသမျှတို့ကို ငယ်သောအရွယ်မှစ၍ အကျွန်ုပ် စောင့်ရှောက်ပါပြီ။ ဟုလျှောက်ပြန်သည်ကို ယေရှုသည်ကြားလျှင်၊ သင်သည် တခုလိုသေး၏။ ၂၂ ကိုယ်ဥစ္စာရှိသမျှကို ရောင်း၍ ဆင်းရဲသောသူတို့အား ပေးဝေလော့။ ထိုသို့ပြုလျှင် ကောင်းကင်ဘုံ၌ ဘဏ္ဍာကိုရလိမ့်မည်။ သို့ပြီးမှလာ၍ ငါ့နောက်သို့ လိုက်လော့၊ ဟုမိန့်တော်မူ၏။ ၂၃ ထိုသူသည် များစွာသော ဥစ္စာကို ရတတ်သောသူဖြစ်၍၊ ထိုစကားကိုကြားလျှင် အလွန်စိတ်မသာသည်နှင့် သွားလေ၏။

ကုလားအုပ်အပ်နဖားလျှိုလွယ်

CROSS REFERENCES

ကမ္ဘာ ၁၈း၁၄
၁၄ ထာဝရဘုရား မတတ်နိုင်သောအမှု တစ်စုံတခုရှိသလော။ ချိန်းချက်သော ဖွားချိန်စေ့သောအခါ၊ သင့်ဆီသို့ငါပြန်လာ၍၊ စာရာသည်သားကို ရလိမ့်မည်၊ ဟုထာဝရဘုရားသည် အာဗြဟံအား မိန့်တော်မူ၏။

ယေရမိအ ၃၂း၁၈
၁၈ ကိုယ်တော် မတတ်နိုင်သော အရာတစုံတခုမျှ မရှိပါ။

ယေရမိအ ၃၂း၂၇
၂၇ ငါထာဝရဘုရားသည် ခပ်သိမ်း သောသတ္တဝါတို့ကို အစိုးရသော ဘုရားသခင်ဖြစ်၏။ ငါမတတ်နိုင်သော အရာတစုံတခု ရှိလိမ့်မည်လော။

ဇာခရိ ၈း၆
၆ တဖန်မိန့်တော်မူသည်ကား၊ ထိုအမှုသည် ယခုကာလတွင် ကျန်ကြွင်းသော ဤလူတို့မျက်မှောက်၌ အံ့ဩဖွယ်ဖြစ်သော်လည်း၊ ငါ့မျက်မှောက်၌ အံ့ဩဘွယ် ဖြစ်ရာလေသလော၊ ဟုကောင်းကင်ဗိုလ်ခြေ အရှင်ထာဝရဘုရား မိန့်တော်မူ၏။

မဿဲ ၁၉း၂၆
၂၆ ယေရှုသည်လည်း၊ သူတို့ကို ကြည့်ရှု၍ ဤအမှုကို လူမတတ်နိုင်။ သို့သော်လည်း ဘုရားသခင်သည် ခပ်သိမ်းသော အမှုတို့ကို တတ်နိုင်တော်မူသည်၊ ဟုမိန့်တော်မူ၏။ s အသစ်ပြုပြင်သောကာလ

မာကု ၁၀း၂၇
၂၇ ယေရှုသည်လည်း၊ သူတို့ကိုကြည့်ရှု၍၊ ဤအမှုကို လူမတတ်နိုင်သော်လည်း ဘုရားသခင်မတတ်နိုင်သည် မဟုတ်။ ဘုရားသခင်သည် ခပ်သိမ်းသောအမှုတို့ကို၊ တတ်နိုင်တော်မူသည်၊ ဟုမိန့်တော်မူ၏။ sကိုယ်တော်နောက်လိုက်ခ

လု ၁း၃၇
၃၇ ဘုရားသခင် တတ်နိုင်တော်မမူသောအမှုမရှိ ဟုပြောဆိုလျှင်၊

လု ၁၈း၂၇
၂၇ ကိုယ်တော်ကလည်း၊ လူမတတ်နိုင်သောအမှုကို ဘုရားသခင် တတ်နိုင်တော်မူသည်၊ ဟုမိန့်တော်မူ၏။ sကိုယ်တော်နောက်လိုက်ရကျိုး

၂၄ ထိုသို့စိတ်မသာသည်ကို ယေရှုသည် မြင်တော်မူလျှင်၊ ဥစ္စာရတတ်သောသူသည် ဘုရားသခင်၏ နိုင်ငံတော်သို့ အလွန်ဝင်ခဲလှ၏။ ၂၅ ကုလားအုပ်သည် အပ်နဖားကို လျှိုလွယ်၏။ ငွေရတတ်သောသူသည် ဘုရားသခင်၏ နိုင်ငံတော်သို့ ဝင်ခဲသည်၊ ဟုမိန့်တော်မူ၏။ ၂၆ ကြားသောသူတို့ကလည်း၊ သို့ဖြစ်လျှင် အဘယ်သူ ကယ်တင်ခြင်းသို့ ရောက်နိုင်မည်နည်း၊ ဟုပြောဆိုကြ၏။ ၂၇ ကိုယ်တော်ကလည်း၊ လူမတတ်နိုင်သောအမှုကို ဘုရားသခင် တတ်နိုင်တော်မူသည်၊ [D] ဟုမိန့်တော်မူ၏။

ကိုယ်တော်နောက်လိုက်ရကျိုး

၂၈ ထိုအခါပေတရုက၊ အကျွန်ုပ်တို့သည် ရှိသမျှကို စွန့်ပစ်၍၊ ကိုယ်တော်နောက်သို့ လိုက်ကြပါပြီ၊ ဟုလျှောက်လေသော်၊ ၂၉ ကိုယ်တော်က၊ ငါအမှန်ဆိုသည်ကား၊ အကြင်သူသည် ဘုရားသခင်၏ နိုင်ငံတော်ကြောင့်၊ အိမ်ရာ၊ မိဘ၊ ညီအစ်ကို၊ သားမယားတည်းဟူသော တပါးပါးကို စွန့်၍၊ ၃၀ ထိုသူသည် ယခုကာလ၌ အဆများစွာသော အကျိုးကို၎င်း၊ နောင်ဘဝ၌ ထာဝရအသက်ကို၎င်း၊ ခံရလတံ့၊ ဟုမိန့်တော်မူ၏။

ယေရှုအသတ်ခံရမည်ပြော

၃၁ ထိုအခါ ကိုယ်တော်သည် တကျိတ်နှစ်ပါးသော တပည့်တော်တို့ကို ခေါ်၍၊ ငါတို့သည် ယေရုရှလင်မြို့သို့ ယခုသွားကြ၏။ ပရောဖက်များ ရေးမှတ်သမျှသည်၊ လူသား၌ ပြည့်စုံရလိမ့်မည်။ ၃၂ တပါးအမျိုးသား တို့လက်သို့ အပ်နှံခြင်း၊ ပြက်ယယ်ပြုခြင်း၊ ညှဉ်းဆဲခြင်း၊ တံထွေးနှင့် ထွေးခြင်းကို ခံရလိမ့်မည်။ ၃၃ သူတို့သည် လူသားကို ရိုက်ပုတ်၍ သတ်ကြလိမ့်မည်။ သုံးရက်မြောက်သောနေ့၌ ထမြောက်လိမ့်မည်၊ ဟုမိန့်တော်မူ၏။ ၃၄ ထိုစကားတော်တခွန်းကိုမျှ တပည့်တော်တို့သည် နားမလည်ကြ။ ထိုအကြောင်းအရာသည် ဝှက်ထားလျက်ရှိသည်ဖြစ်၍၊ မိန့်တော်မူချက်အနက်ကို မရိပ်မိကြ။

ယေရိခေါမြို့မှလူကန်း

CROSS REFERENCES

မဿဲ ၁၂း၂၃
၂၃ လူအစုအဝေး အပေါင်းတို့သည် မိန်းမောတွေဝေ၍၊ ဤသူသည် ဒါဝိဒ်၏သားတော် ဖြစ်လိမ့်မည်လော၊ ဟုပြောဆိုကြ၏။

မဿဲ ၁၅း၂၂
၂၂ ခါနာန်အမျိုး ဖြစ်သော မိန်းမတစ်ယောက်သည် ထိုနယ်စပ်မှ ထွက်လာ၍၊ ဒါဝိဒ်၏သားတော်ရှင်၊ ကျွန်မကို သနားတော်မူပါ။ ကျွန်မ၏ သမီးသည် နတ်ဆိုး နှိပ်စက်ခြင်းကို ပြင်းစွာခံရပါသည်၊ ဟုဟစ်ကြော်သော်လည်း စကားတစ်ခွန်းမျှ ပြန်တော်မမူ။

မဿဲ ၂၀း၃၀
၃၀ ယေရှုသည် ကြွသွားတော်မူကြောင်းကို လမ်းနားမှာ ထိုင်နေသော လူကန်း နှစ်ယောက်တို့သည် ကြားရလျှင်၊ ဒါဝိဒ်၏ သားတော်အရှင်၊ အကျွန်ုပ်တို့ကို ကယ်မသနားတော်မူပါ၊ ဟုဟစ်ကြော်လေ၏။

မာကု ၁၀း၄၈
၄၈ ထိုသူကို တိတ်ဆိတ်စွာ နေစေခြင်းငှါ၊ လူများတို့သည် ငေါက်၍ ဆိုကြသော်လည်း၊ ဒါဝိဒ်၏သားတော်၊အကျွန်ုပ်ကို ကယ်မသနားတော်မူပါ၊ ဟုသာ၍ ဟစ်ကြော်လေသော်၊

လု ၁၈း၃၉
၃၉ ထိုသူကို တိတ်ဆိတ်စွာနေစေခြင်းငှါ၊ ရှေ့တော်၌ သွားသောသူတို့သည် ငေါက်၍ ဆိုကြသော်လည်း၊ ဒါဝိဒ်၏သားတော်၊အကျွန်ုပ်ကို ကယ်မသနားတော်မူပါ၊ ဟုသာ၍ဟစ်ကြော်လေ၏။

၃၅ ယေရိခေါမြို့အနီး၌ ရှိတော်မူစဉ်တွင်၊ လူကန်းတယောက်သည် လမ်းနားမှာထိုင်၍ တောင်းစားလေ၏။ ၃၆ ထိုလူ ကန်းသည် လမ်း၌ လူများသွားသံကို ကြားလျှင်၊ အဘယ်သို့ဖြစ်သနည်း၊ ဟုမေး၏။ ၃၇ နာဇရက်မြို့သား ယေရှုကြွသွားကြောင်းကို သူတပါးပြောလျှင်၊ ၃၈ ဒါဝိဒ်၏ သားတော်ယေရှု၊ အကျွန်ုပ်ကို ကယ်မသနားတော်မူပါ။ ဟုဟစ်ကြော်လေ၏။ ၃၉ ထိုသူကို တိတ်ဆိတ်စွာနေစေခြင်းငှါ၊ ရှေ့တော်၌ သွားသောသူတို့သည် ငေါက်၍ ဆိုကြသော်လည်း၊ ဒါဝိဒ်၏သားတော်၊ [E]အကျွန်ုပ်ကို ကယ်မသနားတော်မူပါ၊ ဟုသာ၍ဟစ်ကြော်လေ၏။ ၄၀ ယေရှုသည်လည်း ရပ်တော်မူလျက်၊ ထိုသူကိုခေါ်ခဲ့၊ ဟုအမိန့်တော်ရှိ၏။ လူကန်းသည် အထံတော်သို့ ချဉ်းကပ်ပြီးမှ၊ သင်၌ အဘယ်သို့ ပြုစေလိုသနည်း၊ ဟုမေးတော်မူလျှင်၊ ၄၁ သခင်၊ အကျွန်ုပ် မျက်စိမြင်စေခြင်းငှါ ပြုတော်မူပါ၊ ဟုလျှောက်လေသော်၊ ၄၂ ယေရှုက၊ မျက်စိမြင်စေ၊ သင်၏ ယုံကြည်ခြင်းသည် သင့်ကိုကယ်မပြီ၊ ဟုမိန့်တော်မူ၏။ ၄၃ ထိုခဏခြင်းတွင် ထိုသူသည် မျက်စိမြင်၍၊ ဘုရားသခင်၏ ဂုဏ်တော်ကို ချီးမွမ်းလျက် နောက်တော်သို့ လိုက်လေ၏။ လူအပေါင်းတို့သည် မြင်လျှင် ဘုရားသခင်ကို အံ့ဩချီးမွမ်းကြ၏။

_________________________
Footnotes

၂၁ (a) မူရင်းကျမ်းစာ၌ မပါသောအရာကို မြန်မာကျမ်းစာ၌ "အရှင်ဘုရား" ဟုပါရှိသည်။