၁ ထိုအခါ အတိုင်းမသိ များစွာသောလူတို့သည် စုဝေး၍၊ အချင်းချင်း နင်းမိမတတ်နေကြသည်ရှိသော်၊ ယေရှုသည် တပည့်တော်တို့အား မိန့်တော်မူသည်ကား၊ လျှို့ဝှက်ခြင်းတည်းဟူသော ဖာရိရှဲတို့၏ တဆေးကို၊ ရှေ့ဦးစွာ ကြဉ်ရှောင်ကြလော့။ ၂ ဖုံးထားလျက်ရှိသမျှတို့သည် ပွင့်လိမ့်မည်။ ဆိတ်ကွယ်ရာ၌ ရှိသမျှတို့သည်လည်း ထင်ရှားလိမ့်မည်။ ၃ မှောင်မိုက်၌ သင်တို့ ပြောသမျှသောအရာများကို သူတပါးတို့သည်၊ အလင်း၌ နားကြားကြလိမ့်မည်။ သင်တို့သည် အခန်းထဲမှာ နားအပါး၌ ပြောသော အရာများကို၊ အိမ်မိုးပေါ်မှာ ဟစ်ကြော်ကြလိမ့်မည်။ ၄ ငါ့အဆွေတို့၊ သင်တို့အား ငါဆိုသည်ကား၊ ကိုယ်ခန္ဓာကို သတ်၍ နောက်တဖန် အလျှင်းမပြုနိုင်သောသူတို့ကို မကြောက်ကြနှင့်။ ၅ အဘယ်သူကို ကြောက်ရမည်နည်း ဟူမူကား၊ ကိုယ်ခန္ဓာကို သတ်ပြီးမှ ငရဲ [A]ထဲသို့ချနိုင်သောသူကို ကြောက်ကြလော့။ ငါအမှန်ဆိုသည်ကား၊ ထိုသူကို ကြောက်ကြလော့။ ၆ စာငှက်ငါးကောင်ကို အဿရိနှစ်ပြားအဘိုးနှင့် ဝယ်ရသည်မဟုတ်လော။ ထိုစာငှက်တကောင်ကိုမျှ ဘုရားသခင် မေ့လျော့တော်မမူ။ ၇ သင်တို့ဆံပင်သည်လည်း အကုန်အစင် ရေတွက်လျက်ရှိ၏။ ထိုကြောင့် မကြောက်ကြနှင့်။ သင်တို့သည် စာငှက်အများတို့ထက် သာ၍မြတ်ကြ၏။

လူရှေ့၌ ယေရှုကိုဝန်ခံသူ

CROSS REFERENCES

ကမ္ဘာ ၃၅း၁ရ

ကမ္ဘာ ၄၆း၃

ကမ္ဘာ ၃၅း၁ရ
၁၇ ထိုသို့ ပြင်းစွာခံနေရစဉ်တွင်၊ ဝမ်းဆွဲက၊ မစိုးရိမ်နှင့်၊ သား ယောက်ျားကိုရပြီ၊ ဟုဆိုလေ၏။

ကမ္ဘာ ၄၆း၃
၃ ထာဝရဘုရားကလည်း၊ ငါသည် ဘုရားသခင်ဖြစ်၏။ သင့်အဘ၏ ဘုရားသခင်ဖြစ်၏။ အဲဂုတ္တုပြည်သို့ သွားမည်အခွင့်ကို မစိုးရိမ်နှင့်။ ငါသည် ထိုပြည်၌ သင့်ကို လူမျိုးကြီးဖြစ်စေမည်။

တရားဟော ၃၁း၈
၈ သင်ရှေ့မှာ ထာဝရဘုရားသည် ကိုယ်တိုင်ကြွ၍ သင်နှင့် ရှိတော်မူလိမ့်မည်။ သင့်ကို စွန့်တော်မမူ၊ ပစ်ထားတော်မမူ။ မစိုးရိမ်နှင့်၊စိတ်မပျက်နှင့်၊ ဟုဣသရေလ အမျိုးသား အပေါင်းတို့ ရှေ့မှာပြောဆို၏။ sဤပညတ်တရားကို ခုနစ်နှစ်စေ့ သကေနေပွဲတိုင်း၌ ဖတ်ရမည်

တရားသူ ၆း၂၃
၂၃ ထာဝရဘုရားက၊ ချမ်းသာပါစေ။ မစိုးရိမ်နှင့်။သင်သည် သေဘေးနှင့် လွတ်လျက်ရှိသည်၊ ဟုမိန့်တော်မူ၏။

ရုသ ၃း၁၁
၁၁ မစိုးရိမ်နှင့်ငါ့သမီး။ တောင်းသမျှကို ငါပြုမည်။ သင်သည် သီလနှင့် ပြည့်စုံသော မိန်းမဖြစ်ကြောင်းကို ငါ့လူမျိုးနေသော တစ်မြို့လုံးသိ၏။

၁ ဓမ္မ ၄း၂၀
၂၀ သေလုသောအခါ အနားမှာရှိသော မိန်းမတို့က၊ မစိုးရိမ်နှင့်၊သားယောက်ျားကို ဖွားမြင်ပြီ၊ ဟုဆိုသော်လည်း ပြန်မပြော၊ အမှုမထားဘဲ နေ၏။

၁ ဓမ္မ ၂၂း၂၃
၂၃ ငါနှင့်အတူနေပါလော့။ မစိုးရိမ်နှင့်။ငါ့အသက်ကို ရှာသောသူသည် သင့်အသက်ကိုရှာ၏။ ငါနှင့်အတူနေလျှင် ဘေးလွတ်ပါလိမ့်မည်၊ ဟု အဗျာသာအား ပြောဆို၏။

၁ ဓမ္မ ၂၃း၁ရ
၁၇ မစိုးရိမ်နှင့်၊ သင်သည် ကျွန်ုပ်အဘ ရှောလု၏လက်မှ လွတ်၍ ဣသရေလ ရှင်ဘုရင် ဖြစ်လိမ့်မည်။ ကျွန်ုပ်သည်လည်း သင့်အောက်မှာ အရာကြီးလိမ့်မည်။ ထိုသို့ဖြစ်မည်ကို ကျွန်ုပ်အဘ ရှောလု သိသည်၊ ဟုဆိုသဖြင့်၊

၁ ဓမ္မ ၂၈း၁၃
၁၃ ရှင်ဘုရင်က မစိုးရိမ်နှင့်။အဘယ်အရာကို မြင်သနည်း၊ ဟုမေးသော်၊ မိန်းမက မြေကြီးထဲက ဘုရားတက်လာသည်ကို ကျွန်မမြင်ပါသည်၊ ဟုလျှောက်၏။

၃ ဓမ္မ ၁ရး၁၃
၁၃ ဧလိယကလည်း မစိုးရိမ်နှင့်။သင်ဆိုသည် အတိုင်းသွား၍ ပြုလော့။ သို့ရာတွ င်ငါ့အဘို့ မုန့်ပြားငယ်တပြားကို အရင်လုပ်၍ ယူခဲ့လော့။ နောက်မှ သင်နှင့်သင်၏ သားငယ်အဘို့ လုပ်လော့။

၁ ရာ ၂၈း၂၀
၂၀ သားတော် ရှောလမုန်အားလည်း၊ သင်သည် အားယူ၍ ရဲရင့်သောစိတ်နှင့် လုပ်ဆောင်လော့။ မစိုးရိမ်နှင့်။ စိတ်မပျက်နှင့်။ ငါ၏ ဘုရားသခင် ထာဝရအရှင် ဘုရားသခင်သည် သင်နှင့်အတူ ရှိတော်မူလိမ့်မည်။ ထာဝရဘုရား၏ အိမ်တော်အမှုကို ဆောင်ရွက်ရာဘို့ လုပ်ဆောင်၍ လက်စမသတ်မှီ တိုင်အောင် သင့်ကို စွန့်တော်မမူ။ ပစ်ထားတော်မမူ။

ဆာ ၄၉း၁၆
၁၆ သူတပါးသည် ဥစ္စာကြွယ်ဝ၍ အိမ်၏ ဂုဏ်အသရေ တိုးပွားသောအခါ သင်သည် မစိုးရိမ်နှင့်။

ဟေရှာယ ရး၄
၄ သတိပြု၍ ငြိမ်သက်စွာနေလော့။ မီးခိုးထွက်သော ဤထင်းစနှစ်ခုတည်းဟူသော ရှုရိမင်းရေဇိန်နှင့် ရေမလိ၏သားတို့သည် ပြင်းစွာ အမျက်ထွက်သော်လည်း၊ မစိုးရိမ်နှင့်၊ စိတ်မပျက်နှင့်။

ဟေရှာယ ၄၁း၆
၆ အိမ်နီးချင်း တယောက်ကို တယောက်မစ၍၊ ညီအစ်ကိုချင်း တယောက်ကို တယောက်၊ မစိုးရိမ်နှင့်၊ ဟုဆိုကြ၏။

ဟေရှာယ ၄၁း၁၀
၁၀ မစိုးရိမ်နှင့်။ငါသည် သင့်ဘက်မှာရှိ၏။ မကြောက်နှင့်။ သင်၏ ဘုရားသခင် ငါသည် သင့်ကို ခိုင်ခံ့စေမည်။ သင့်ကို စောင့်မမည်။ ငါ့သစ္စာ လက်ျာလက်ဖြင့် ထောက်ပင့်မည်။

ဟေရှာယ ၄၁း၁၃-၁၄
၁၃ အကြောင်းမူကား၊ သင်၏ ဘုရားသခင် ထာဝရဘုရားက၊ မစိုးရိမ်နှင့်။ ငါမစမည်၊ ဟုသင့်အား ဆိုလျက်၊ သင်၏ လက်ျာလက်ကို ကိုင်မည်။

ဟေရှာယ ၄၃း၁
၁ အိုယာကုပ်အမျိုး ဣသရေလ အနွယ်၊ သင့်ကို ဖန်ဆင်း ပြုပြင်တော်မူသော ထာဝရဘုရား မိန့်တော်မူသည်ကား၊ မစိုးရိမ်နှင့်။ သင့်ကို ငါရွေးနှုတ်ပြီ။ ငါ့နာမဖြင့် မှည့်ပြီ။ သင့်ကို ငါဆိုင်၏။

ဟေရှာယ ၄၃း၅
၅ မစိုးရိမ်နှင့်။ငါသည် သင်နှင့်အတူရှိ၏။ အရှေ့မျက်နှာမှ သင်၏ အမျိုးအနွယ်ကို ငါဆောင်ခဲ့မည်။ အနောက်မျက်နှာမှ သင့်ကိုစုသိမ်းမည်။

ဟေရှာယ ၄၄း၂
၂ သင့်ကို ဖန်ဆင်းတော်မူသော ဘုရား၊ ဖွားစကပင် သင့်ကို ပြုပြင်၍၊ နောင်၌လည်း မစလတံ့သော ထာဝရဘုရား မိန့်တော်မူသည်ကား၊ ငါ့ကျွန်ယာကုပ်၊ ငါရွေးကောက်သောသူယေရှုရုန်၊%fo(a) မစိုးရိမ်နှင့်။

ဟေရှာယ ၅၄း၄
၄ မစိုးရိမ်နှင့်။ရှက်ကြောက်ခြင်းသို့ မရောက်ရ။ မျက်နှာမပျက်နှင့်။ အရှက်ကွဲခြင်းမခံရ။ အသက်ငယ်စဉ်အခါ ခံရသော ရှက်ကြောက်ခြင်းကို မေ့လျော့လိမ့်မည်။ မုဆိုးမဖြစ်၍ ခံရသော ကဲ့ရဲ့ခြင်းကို နောက်တဖန် မအောက်မေ့ရ။ sထာ၀ရဘုရား ဣသရေလ၏လင်

ယောလ ၂း၂၁-၂၂
၂၁ အိုပြည်တော်၊ မစိုးရိမ်နှင့်။ ဝမ်းမြောက်ရွှင်လန်းခြင်းရှိလော့။ ထာဝရဘုရားသည် ကြီးသောအမှုတို့ကို ပြုတော်မူမည်။

ဇေဖနိ ၃း၁၆
၁၆ မစိုးရိမ်နှင့်၊ ဟုယေရုရှလင်မြို့အား၎င်း၊ လက်အားမလျော့စေနှင့်၊ ဟုဇိအုန်တောင်အား၎င်း၊ ထိုအခါဆိုရ၏။

ဟဂ္ဂဲ ၂း၅
၅ အဲဂုတ္တု ပြည်မှ ထွက်သွားသောအခါ သင်တို့နှင့် ငါဖွဲ့သော ပဋိညာဉ်စကားနှင့်အညီ ငါသည်သင်တို့နှင့် အတူရှိ၏။ ငါ၏ ဝိညာဉ်တော်သည် သင်တို့တွင် နေရာကျ၏။ မစိုးရိမ်ကြနှင့်၊ ဟုကောင်းကင် ဗိုလ်ခြေအရှင် ထာဝရဘုရား မိန့်တော်မူ၏။ sနောက်အိမ်တော်သည် သာ၍ ဘုန်းကြီးမည်

ဇာခရိ ၈း၁၃-၁၅
၁၃ အိုယုဒအမျိုးနှင့် ဣသရေလ အမျိုးတို့ သင်တို့သည် တပါးအမျိုးသားတို့တွင် ကျိန်ဆဲရာ ဖြစ်ဘူးသကဲ့သို့၊ ကောင်းကြီးခံရာ ဖြစ်စေခြင်းငှါ၊ ငါကယ်တင်မည်။ မစိုးရိမ်ဘဲ လက်အားကြီးကြလော့။

မဿဲ ၁း၂၀
၂၀ ထိုသို့ကြံစည်၍ နေစဉ်တွင် အိပ်မက်ကို မြင်ရသည်မှာ၊ ထာဝရဘုရား၏ ကောင်းကင်တမန်သည် ထင်ရှား၍၊ ဒါဝိဒ်အမျိုး ယောသပ်၊ သင်၏ခင်ပွန်း မာရိကို ထိန်းသိမ်းရမည့် အခွင့်ကို မစိုးရိမ်နှင့်။ ဤပဋိသန္ဓေသည် သန့်ရှင်းသော ဝိညာဉ်တော်ကြောင့် ဖြစ်၏။

မဿဲ ၉း၂
၂ လက်ခြေသေ၍ အိပ်ရာပေါ်မှာ တုံးလုံးနေသော သူတစ်ယောက်ကို အထံတော်သို့ ဆောင်ခဲ့ကြ၏။ ယေရှုသည် ထိုသူတို့၏ ယုံကြည်ခြင်းကို မြင်လျှင်၊ လက်ခြေသေသောသူအား၊ ငါ့သားမစိုးရိမ်နှင့်။ သင်၏ အပြစ်ကို လွတ်စေပြီ၊ ဟုမိန့်တော်မူ၏။

မဿဲ ၉း၂၂
၂၂ ယေရှုသည် လှည့်၍ ထိုမိန်းမကို မြင်တော်မူလျှင်၊ ငါ့သမီး မစိုးရိမ်နှင့်၊ သင်၏ ယုံကြည်ခြင်းသည် သင့်အနာကို ငြိမ်းစေပြီ၊ ဟုမိန့်တော်မူ၏။ ထိုခဏမှစ၍ ထိုမိန်းမသည် အနာ ကင်းပျောက်လေ၏။ s တရားစရပ်မှုး၏ သမီးရှင်စေ

မာကု ၁၀း၄၉
၄၉ ယေရှုသည် ရပ်တော်မူလျက်၊ ထိုသူကိုခေါ်ခဲ့၊ ဟုအမိန့်တော်ရှိ၏။ သူတပါးတို့သည် လူကန်းကိုခေါ်၍ မစိုးရိမ်နှင့်၊ ထလော့။ သင့်ကိုခေါ်တော်မူသည်၊ ဟုဆိုကြ၏။

လု ၈း၄၈
၄၈ ကိုယ်တော်ကလည်းငါ့သမီး၊ မစိုးရိမ်နှင့်။ သင်၏ယုံကြည်ခြင်းသည် သင့်အနာကိုငြိမ်းစေပြီ။ ငြိမ်ဝပ်စွာသွားလော့၊ ဟုမိန့်တော်မူ၏။ s ယာဣရုသမီးပြန်ရှင်

လု ၁၀း၄၁
၄၁ ယေရှုက၊ မာသ၊ မာသ၊ သင်သည်များစွာသောအမှုတို့၌ စိုးရိမ်၍၊ နှောင့်ရှက်ခြင်းကို ခံရ၏။ လိုသောအရာတခုတည်းရှိ၏။

လု ၁၂း၁၁
၁၁ သင်တို့ကို တရားစရပ်သို့၎င်း၊ အကဲအမှူးမင်းများ ရှေ့သို့၎င်း၊ ပို့ဆောင်ကြသောအခါ အဘယ်သို့ ပြန်ပြောရမည်ကို၊ မစိုးရိမ်ကြနှင့်။

လု ၁၂း၂၂
၂၂ တဖန် တပည့်တော်တို့အား မိန့်တော်မူသည်ကား၊ ထိုကြောင့် သင်တို့သည် အဘယ်သို့ စားရမည်ဟူ၍၊ အသက်အဘို့ မစိုးရိမ်ကြနှင့်။ အဘယ်သို့ ဝတ်ရမည်ဟူ၍၊ ကိုယ်အဘို့ မစိုးရိမ်ကြနှင့်၊ ဟုငါဆို၏။

တမန် ၂၃း၁၁
၁၁ နက်ဖြန်နေ့ညတွင် သခင်ဘုရားသည် ပေါလုအနား၌ ပေါ်လာတော်မူလျက်၊ ပေါလုမစိုးရိမ်နှင့်။ ငါ၏အကြောင်းအရာကို သင်သည် ယေရုရှလင်မြို့၌ သက်သေခံပြီးသည်နည်းတူ၊ ရောမမြို့၌ လည်း ခံရဦးမည်၊ ဟုမိန့်တော်မူ၏။

တမန် ၂ရး၂၄
၂၄ ပေါလု၊ သင်သည် မစိုးရိမ်နှင့်၊ ကဲသာဘုရင်ရှေ့သို့ ရောက်ရမည်။ သင်နှင့်အတူ ပင်လယ်ကူးသောသူ အပေါင်းတို့ကို၊ ဘုရားသခင်သည် သင့်အား ပေးတော်မူပြီဟုဆို၏။

ဖိလိ ၄း၆
၆ အဘယ်အမှုကိုမျှ စိုးရိမ်ခြင်းမရှိဘဲ၊ အရာရာ၌ ကျေးဇူးတော်ကို ချီးမွမ်းခြင်းနှင့်တကွ၊ ဆုတောင်း ပဌနာပြုသောအားဖြင့်၊ သင်တို့ တောင်းပန်လိုသော အရာများတို့ကို၊ ဘုရားသခင်အား ကြားလျှောက်ကြလော့။

၁ ပေ ၅း၇
၇ သင်တို့ကို သတိနှင့် ကြည့်ရှုတော်မူသောကြောင့်၊ သင်တို့၌ စိုးရိမ်ခြင်းအမှုရှိသမျှတို့ကို ကိုယ်တော်၌ အပ်နှံကြလော့။

၈ ငါဆိုသည်ကား၊ အကြင်သူသည် လူတို့ရှေ့မှာ ငါ့ကိုဝန်ခံအံ့၊ ဘုရားသခင်၏ ကောင်းကင်တမန်တို့ရှေ့မှာ လူသားသည်၊ ထိုသူကိုဝန်ခံမည်။ ၉ အကြင်သူသည် လူတို့ရှေ့မှာ ငါ့ကိုငြင်းပယ်အံ့၊ ဘုရားသခင်၏ ကောင်းကင်တမန်တို့ရှေ့မှာ ထိုသူကို၊ ငါငြင်းပယ်မည်။ ၁၀ လူသားကို နှုတ်ဖြင့်ပြစ်မှားသောသူ မည်သည်ကား၊ အပြစ်နှင့် လွတ်စေခြင်းအခွင့်ကို ရနိုင်၏။ သန့်ရှင်းသော ဝိညာဉ်တော်ကို ကဲ့ရဲ့သောသူမည်သည်ကား၊ အပြစ်နှင့် လွတ်စေခြင်းအခွင့်ကို မရနိုင်ရာ။ ၁၁ သင်တို့ကို တရားစရပ်သို့၎င်း၊ အကဲအမှူးမင်းများ ရှေ့သို့၎င်း၊ ပို့ဆောင်ကြသောအခါ အဘယ်သို့ ပြန်ပြောရမည်ကို၊ မစိုးရိမ်ကြနှင့်။ [B] ၁၂ အကြောင်း မူကား၊ ထိုခဏချင်းတွင် အဘယ်သို့ပြောရမည်ကို သန့်ရှင်းသော ဝိညာဉ်တော်သည်၊ အကြံပေးမည်၊ ဟုမိန့်တော်မူ၏။

စည်းစိမ်၌ အသက်မတည်

၁၃ လူအစုအဝေး၌ ပါသော သူတယောက်က၊ ဆရာ၊(a) အကျွန်ုပ်အစ်ကိုသည် အမွေဥစ္စာကို အကျွန်ုပ်အား ဝေပေးပါမည် အကြောင်း၊ အမိန့်ရှိတော်မူပါ၊ ဟုလျှောက်လျှင်၊ ၁၄ ကိုယ်တော်က အချင်းလူ၊ အဘယ်သူသည် သင်တို့အမှုကို စီရင်ခွဲဝေပိုင်သော အခွင့်ကို၊ ငါ့အားပေးအပ်သနည်း၊ ဟုမေးတော်မူ၏။ ၁၅ ထိုမှတပါး လောဘလွန်ကျူးခြင်းကို သတိနှင့် ကြဉ်ရှောင်ကြလော့။ အကြောင်းမူကား၊ စည်းစိမ်ရှိသော်လည်း စည်းစိမ်၌ အသက်မတည်၊ ဟုမိန့်တော်မူ၏။

အသီးအနှံသိုသောသူဌေး

CROSS REFERENCES

သု ၂၇း၁

ယာကုပ် ၄း၁၃-၁၄

သု ၂၇း၁
၁ နက်ဖြန်နေ့ကိုအမှီပြု၍မဝါကြွားနှင့်။ တရက်အတွင်းတွင်အဘယ်သို့ဖြစ်လိမ့်မည်ကိုမသိနိုင်။

ယာကုပ် ၄း၁၃-၁၄
၁၃ ယနေ့နက်ဖြန် ဤမည်သောမြို့သို့ သွားကြကုန်အံ့။ ထိုမြို့၌ တနှစ်ပတ်လုံးနေ၍ ကုန်သွယ်သဖြင့် အမြတ်ရအောင် ပြုကြကုန်အံ့၊ ဟုဆိုတတ်သောသူတို့၊ နားထောင်ကြလော့။

၁၆ တဖန် ဥပမာစကားကို မိန့်တော်မူသည်ကား၊ သူဌေးတဦး၌ မြေကောင်း၍ အသီးအနှံများလှ၏။ ၁၇ ထိုသူဌေးက၊ ငါသည် အဘယ်သို့ပြုရမည်နည်း။ အသီးအနှံများကို သိုထားစရာအရပ်မရှိ။ ၁၈ ပြုမည်အကြံမူကား၊ ငါ့တိုက်များကိုဖျက်၍ ကျယ်သောတိုက်တို့ကို တည်ပြီးမှ၊ ငါ၏ အသီးအနှံ ဥစ္စာရှိသမျှတို့ကို သိုထားမည်။ ၁၉ ငါ့ဝိညာဉ်အားလည်း၊ အချင်းဝိညာဉ်၊ သင်သည် နှစ်ပေါင်းများစွာ သုံးဆောင်ရန်ဥစ္စာများကို သိုထားလျက်ရှိပြီ။ ငြိမ်ဝပ်စွာနေလော့။ စားသောက်ခြင်း၊ ပျော်မွေ့ခြင်းကို ပြုလော့၊ ငါပြောမည်၊ ဟုသူဌေးအကြံရှိ၏။ ၂၀ ထိုသို့အကြံရှိစဉ်တွင် ဘုရားသခင်က၊ အချင်းလူမိုက်၊ ယနေ့ညပင် သင်၏ဝိညာဉ်ကို ရုပ်သိမ်းရာ အချိန်ရောက်လိမ့်မည်။ သို့ဖြစ်၍ သင်သည် ပြင်ဆင်သိုထားသော ဥစ္စာကို၊ အဘယ်သူ ပိုင်မည်နည်း၊ ဟုသူဌေးအား မိန့်တော်မူ၏။ [C] ၂၁ ထိုအတူ ကိုယ်အဘို့ ဘဏ္ဍာများကို ဆည်းဖူး၍၊ ဘုရားသခင် ရှေ့တော်၌ ဆင်းရဲသောသူမည်သည်ကား၊ ထိုသူဌေးနှင့်တူသည်၊ ဟုမိန့်တော်မူ၏။

အစာအတွက်မစိုးရိမ်နှင့်

CROSS REFERENCES

၂၂ တဖန် တပည့်တော်တို့အား မိန့်တော်မူသည်ကား၊ ထိုကြောင့် သင်တို့သည် အဘယ်သို့ စားရမည်ဟူ၍၊ အသက်အဘို့ မစိုးရိမ်ကြနှင့်။ [B] အဘယ်သို့ ဝတ်ရမည်ဟူ၍၊ ကိုယ်အဘို့ မစိုးရိမ်ကြနှင့်၊ ဟုငါဆို၏။ ၂၃ အစာထက် အသက်မြတ်သည် မဟုတ်လော။ အဝတ်ထက် ကိုယ်မြတ်သည် မဟုတ်လော။ ၂၄ ကျီးကန်းများကို ကြည့်ရှုဆင်ခြင်ကြလော့။ ထိုငှက်တို့သည် မျိုးစေ့ကိုမစိုက် မကြဲ၊ စပါးကိုမရိတ်၊ စပါးကျီမရှိ၊ ဘဏ္ဍာတိုက်မရှိ၊ သို့သော်လည်း ဘုရားသခင်သည်၊ သူတို့ကို ကျွေးမွေးတော်မူ၏။ ထိုငှက်တို့ထက် သင်တို့သည်၊ အလွန်မြတ်သည် မဟုတ်လော။ ၂၅ အဘယ်သူသည် စိုးရိမ်ခြင်းအားဖြင့်၊ မိမိအသက်တာကို တတောင်ခန့်မျှ တိုးပွားစေနိုင်သနည်း။ ၂၆ ထိုသို့ အငယ်ဆုံးသောအမှုကိုမျှ မတတ်နိုင်လျှင်၊ ကြွင်းသောအမှုကို အဘယ်ကြောင့် စိုးရိမ်ကြသနည်း။

အဝတ်အတွက်မစိုးရိမ်နှင့်

၂၇ နှင်းပင်တို့သည် အဘယ်သို့သောအားဖြင့် ကြီးပွားသည်ကို၊ ကြည့်ရှုဆင်ခြင်ကြလော့။ ထိုအပင်တို့သည် အလုပ်လည်းမလုပ်၊ ချည်ဖြစ်စေခြင်းငှါ မငင်မဝင့်။ သို့သော်လည်း ဘုန်းကြီးသော ရှောလမုန်မင်းကြီးအဝတ်သည်၊ ထိုအပင်တပင်မျှ၏ အဝတ်ကိုမမှီ၊ ဟုငါဆို၏။ ၂၈ ယုံကြည် အားနည်းသောသူတို့၊ ယနေ့ အသက်ရှင်လျက်၊ နက်ဖြန် မီးဖိုထဲသို့ရောက်သော တောမြက်ပင်ကို၊ ဘုရားသခင်သည် ထိုသို့သော အဝတ်နှင့် ဖုံးလွှမ်းတော်မူလျှင်၊ ထိုမျှမက သင်တို့ကို အဝတ်နှင့် ဖုံးလွှမ်းတော်မူမည် မဟုတ်လော။ ၂၉ ထိုကြောင့် အဘယ်သို့ စားရအံ့နည်း၊ အဘယ်သို့ သောက်ရ အံ့နည်းဟူ၍ မရှာဖွေကြနှင့်။ သောက မွှေနှောက်ခြင်းလည်း မရှိကြနှင့်။ ၃၀ ထိုအရာများကို လောကီသား အမျိုးမျိုးတို့သည် ရှာဖွေတတ်ကြ၏။ ထိုအရာများကို သင်တို့သည် အသုံးလိုကြောင်းကို သင်တို့အဘ သိတော်မူ၏။ ၃၁ သင်တို့မူကား ဘုရားသခင်၏ နိုင်ငံတော်ကိုရှာကြလော့။ နောက်မှ ထိုအရာများကို ထပ်၍ပေးတော်မူလတံ့။

ကောင်းကင်၌ ဘဏ္ဍာကိုဆည်းဖူးကြ

၃၂ သိုးစုငယ်၊ သင်တို့သည် မကြောက်ကြနှင့်။ သင်တို့အဘသည် သင်တို့အား နိုင်ငံကိုပေးခြင်းငှါ အလိုရှိတော်မူ၏။ ၃၃ သင်တို့ဥစ္စာများကို ရောင်း၍ ဆင်းရဲသားတို့အား စွန့်ကြဲကြလော့။ မဆွေးမဟောင်းတတ်သော အိတ်တို့ကို ကိုယ်သုံးဘို့ လုပ်ကြလော့။ သူခိုးမရောက်၊ ပိုးများမဖျက်ဆီးရာအရပ်၊ ကောင်းကင်ဘုံ၌ မကုန်မဆုံးနိုင်သော ဘဏ္ဍာကို ဆည်းဖူးကြလော့။ ၃၄ အ ကြောင်းမူကား၊ အကြင်အရပ်၌ သင်တို့၏ ဘဏ္ဍာရှိ၏၊ ထိုအရပ်သို့ သင်တို့စိတ်နှလုံး ရောက်တတ်၏။

သခင်လာမည့်အချိန်ကို စောင့်နေကြလော့

၃၅ သင်တို့သည် ခါးပန်းစည်းလျက်၊ ဆီးမီးထွန်းလျက် နေသဖြင့်၊ ၃၆ သခင်သည် မင်္ဂလာဆောင်ပွဲမှ ပြန်လာ၍၊ တံခါးကို ခေါက်သောအခါ၊ ချက်ချင်းဖွင့်ခြင်းငှါ သခင်လာမည်ကို မြော်လင့်၍နေသော ကျွန်ကဲ့သို့၊ ရှိနေကြလော့။ ၃၇ အကြင်ကျွန်တို့သည် စောင့်လျက်နေသည်ကို သခင်သည် ပြန်လာ၍တွေ့၏၊ ထိုကျွန်တို့သည် မင်္ဂလာရှိကြ၏။ ငါအမှန်ဆိုသည်ကား၊ သခင်သည် ခါးပန်းစည်းလျက် ကျွန်တို့ကိုစားပွဲ၌ လျောင်းစေပြီးမှ၊ ကိုယ်တိုင်လာ၍ သူတို့အားလုပ်ကျွေးလိမ့်မည်။ ၃၈ နှစ်ချက်တီးအချိန် ဖြစ်စေ၊ သုံးချက်တီးအချိန်ဖြစ်စေ၊ သခင်သည်လာ၍ ထိုသို့တွေ့လျှင်၊ ထိုကျွန်တို့သည် မင်္ဂလာရှိကြ၏။ ၃၉ အိမ်ရှင်သည် သူခိုးလာမည် အချိန်နာရီကို သိရလျှင်၊ မိမိအိမ်ကို မထွင်းမဖောက်စေခြင်းငှါ စောင့်နေလိမ့်မည်ကို သင်တို့သိကြ၏။ ၄၀ ထိုကြောင့် သင်တို့သည် ပြင်ဆင်လျက် နေကြလော့။ အကြောင်းမူကား၊ သင်တို့မထင်မမှတ်သော အချိန်၌ ၊ လူသားသည် ကြွလာလိမ့်မည်၊ ဟုမိန့်တော်မူ၏။

မင်္ဂလာရှိသော ကျွန်ဖြစ်ပါ

၄၁ ပေတရုကလည်း၊ သခင်၊ ဤဥပမာကို အကျွန်ုပ်တို့အားသာ မိန့်တော်မူသလော။ လူအပေါင်းတို့အား မိန့်တော်မူသလော၊ ဟုမေးလျှောက်လျှင်၊ ၄၂ သခင်ဘုရားက၊ အိမ်ရှင်သည် မိမိအိမ်သားတို့အား အချိန်တန်လျှင်၊ အစားအသောက်တို့ကို ဝေဖန်စေခြင်းငှါ၊ အအုပ်အချုပ်ခန့်ထား၍ သစ္စာနှင့်၎င်း၊ သတိပညာနှင့်၎င်း၊ ပြည့်စုံသောကျွန်ကား အဘယ်သူနည်း။ ၄၃ အကြင်ကျွန်သည် ဤသို့ပြုလျက်နေသည်ကို အရှင်သည် ပြန်လာ၍တွေ့၏။ ထိုကျွန်သည် မင်္ဂလာရှိ၏။ ၄၄ ငါအမှန်ဆိုသည်ကား၊ အရှင်သည် မိမိဥစ္စာရှိသမျှတို့ကို၊ ထိုကျွန်၌ အပ်လိမ့်မည်။ ၄၅ သို့မဟုတ်မူကား၊ အကြင်ကျွန်က၊ ငါ့အရှင် လာခဲလိမ့်မည်၊ ဟုစိတ်ထဲ၌ အောက်မေ့သည်နှင့်၊ ကျွန်ချင်း ယောကျ်ားမိန်းမတို့ကို ရိုက်ပုတ်လျက်၊ စားသောက် ယစ်မူးလျက်နေ၏။ ၄၆ ထိုကျွန်မ ကြည့်မမျှော်သောနေ့ရက်၊ မကြားမသိသော အချိန်နာရီ၌ သခင်သည် ရောက်လာလျှင်၊ ထိုကျွန်ကိုပြင်းစွာ ဆုံးမကွပ်မျက်၍ သစ္စာမရှိသောသူတို့နှင့်တကွ နေရာချလတံ့။ ၄၇ အကြင်ကျွန်သည် မိမိသခင်၏အလိုကို သိလျက်နှင့် အသင့်မနေ၊ သခင်၏အလိုကို မဆောင်၊ ထိုကျွန်သည် များစွာသောဒဏ်ကို ခံရ၏။ ၄၈ သခင်၏အလိုကို မလိုက်ဘဲလျက်၊ ဒဏ်ခံထိုက်သောအမှုကို ပြုမိသောသူကား၊ အနည်းငယ်သော ဒဏ်ကိုသာခံရ၏။ အကြင်သူသည် များစွာသော ကျေးဇူးကိုခံ၏၊ ထိုသူသည် အများကိုဆပ်ရ၏။ အကြင်သူ၌ များစွာသော ဥစ္စာကိုအပ်နှင်း၏၊ ထိုသူကို များစွာတောင်းလိမ့်မည်။

ငြိမ်သက်ခြင်းပေးရန်မလာ

၄၉ မြေပေါ်၌ မီးလောင်စေခြင်းငှါ ငါလာသတည်း။ ထိုမီးမညှိမှီတိုင်အောင် ငါ၏အလိုမပြည့်စုံ။ ဗတ္တိဇံတခုကိုလည်း ငါခံစရာရှိ၏။ ၅၀ ထိုဗတ္တိဇံကို မခံမှီတိုင်အောင် ငါသည်အလွန် ငြီးငွေ့သောစိတ်ရှိ၏။ ၅၁ မြေပေါ်၌ ငြိမ်သက်ခြင်းကို ပေးအံ့သောငှါ ငါလာသည်၊ ဟုထင်ကြသလော။ ထိုသို့သောအလိုငှါ ငါလာသည်မဟုတ်။ အချင်းချင်း ကွဲပြားစေခြင်းငှါ ငါလာသည်၊ ဟုငါဆို၏။ ၅၂ အဘယ်သို့နည်းဟူမူကား၊ ယခုမှစ၍ အိမ်တအိမ်၌ နေသော လူငါးယောက်တို့သည် နှစ်ယောက်တစု၊ သုံးယောက်တစု အချင်းချင်း ကွဲပြားလိမ့်မည်။ ၅၃ အဘနှင့်သား၊ အမိနှင့်သမီး၊ ယောက္ခမနှင့် ချွေးမ အချင်းချင်း ကွဲပြားလိမ့်မည်၊ ဟုမိန့်တော်မူ၏။

ကပ်ကာလပိုင်းခြား၍ မသိနိုင်ကြ

၅၄ တဖန် လူတစုအဝေးတို့အား မိန့်တော်မူသည်ကား၊ သင်တို့သည် အနောက်မျက်နှာ၌(b) မိုးရိပ်တက်သည်ကို မြင်သောအခါ၊ မိုးရွာမည်၊ ဟုချက်ချင်းဆိုတတ်၏။ ဆိုသည်အတိုင်းလည်း ဖြစ်တတ်၏။ ၅၅ တောင်လေ(c) လာသည်ကို မြင်သောအခါ နေပူမည်၊ ဟုဆိုတတ်၏။ ဆိုသည်အတိုင်းလည်း ဖြစ်တတ်၏။ ၅၆ လျှို့ဝှက်သောသူတို့၊ သင်တို့သည် မြေကြီး၏ မျက်နှာနှင့် မိုးကောင်းကင်၏ မျက်နှာကို ပိုင်းခြား၍ သိနိုင်ကြ၏။ ယခုကပ်ကာလကို အဘယ်ကြောင့် ပိုင်းခြား၍ မသိနိုင်ကြသနည်း။ ၅၇ ထိုမှတပါး ဖြောင့်မတ်ခြင်းတရားကို၊ အဘယ်ကြောင့် အလိုအလျောက် ပိုင်းခြား၍၊ မသိကြသနည်း။

တရားတွေ့ဘက်နှင့်ပြေလည်စေကြ

၅၈ သင်သည် တရားတွေ့ဘက်နှင့်အတူ မင်းထံသို့သွားသောအခါ၊ အမှုပြေစေခြင်းငှါ လမ်း၌ ကြိုးစားလော့။ သို့မဟုတ် တရားတွေ့ဘက်သည် တရားသူကြီးရှေ့သို့ ဆွဲမည်။ တရားသူကြီးသည် လုလင်ခေါင်း၌ အပ်၍၊ လုလင်ခေါင်းသည် ထောင်ထဲ၌ လှောင်ထားမည်။ ၅၉ လျော်ပြစ်ငွေရှိသမျှကို မလျော်မှီတိုင်အောင် ထောင်ထဲက မထွက်ရ၊ ငါဆိုသည်၊ ဟုမိန့်တော်မူ၏။

_________________________
Footnotes

၁၃ (a) မူရင်းဂရိတ်ကျမ်း၌ Διδάσκαλε အင်္ဂလိပ်အသံထွက် Didaskale ကိုမြန်မာကျမ်းစာအုပ်၌ "အရှင်ဘုရား" ဟုဘာသာပြန်ထားသည်။ ထိုအရာသည် "ဆရာ" ဖြစ်သည်။

၅၄ (b) ဣသရေလပြည်၏ အနောက်ဖက်၌ မြေထဲပင်လယ်ရှိသည်။ ထို့ကြောင့်အနောက်ဖက်မှ လေတိုက်လျှင် မိုးရွာတတ်ခြင်းဖြစ်သည်။ တိုင်းနိုင်ငံတိုင်းနှင့် မဆိုင်ပါ။

၅၅ (c) ဣသရေလပြည်၏ တောင်ဖက်၌ သဲကန္တာရရှိသည်။ ထို့ကြောင့် တောင်လေတိုက်လျှင် မိုးမရွာပါ။