ရှင်မာကုခရစ်ဝင်

အခန်းကြီး ၁၁

CROSS REFERENCES

၁ ဓမ္မ ၁၆း၁၃
၁၃ ရှမွေလသည်လည်း ဆီဘူးကိုယူ၍ သူ၏အစ်ကိုစုထဲမှာ သူ့ကိုဘိသိက်ပေးလေ၏။ ထိုနေ့မှစ၍ ထာဝရဘုရား၏ ဝိညာဉ်တော်သည် ဒါဝိဒ်အပေါ်မှာ သက်ရောက်လေ၏။ ရှမွေလသည် ထ၍ ရာမမြို့သို့ သွား၏။ sရှောလုကို ဝိညာဉ်ဆိုးက နှောင့်ယှက်တတ်

၂ ဓမ္မ ၂း၁-၄
၁ ထိုနောက်ဒါဝိဒ်က အကျွန်ုပ်သည် ယုဒမြို့ တစ်စုံတစ်မြို့သို့ သွားရပါမည်လောဟု ထာဝရဘုရား ထံတော်၌ မေးလျှောက်လျှင် ထာဝရဘုရားက သွားလော့ဟု မိန့်တော်မူ၏။ ဒါဝိဒ်ကလည်း အဘယ်မြို့သို့ သွားရပါမည်နည်းဟု မေးလျှောက်သော် ဟေဗြုန်မြို့သို့ သွားလော့ဟု မိန့်တော်မူသည့်အတိုင်း၊

၂ ဓမ္မ ၅း၁-၃
၁ ထိုအခါ ဣသရေလ အမျိုးအနွယ် အပေါင်းတို့သည် ဒါဝိဒ်ရှိရာ ဟေဗြုန်မြို့သို့လာ၍၊ ကျွန်တော်တို့သည် ကိုယ်တော်အရိုး၊ ကိုယ်တော်အသား ဖြစ်ကြပါ၏။

၂ ဓမ္မ ၁၅း၁၀
၁၀ သို့ရာတွင် လျှို့ဝှက်သော သူတို့ကို ဣသရေလ အမျိုးအနွယ် ရှိသမျှသို့ အနှံ့အပြား စေလွတ်သဖြင့် သင်တို့သည် တံပိုးမှုတ်သံကို ကြားသောအခါ အဗရှလုံသည် ဟေဗြုန်မြို့၌ နန်းထိုင်တော်မူပြီဟု ပြောဆိုကြလော့ဟု မှာထားလေ၏။

၃ ဓမ္မ ၁း၃၃
၃၃ ရှင်ဘုရင်ကလည်း သင်တို့အရှင်၏ ကျွန်များကိုခေါ်၍ ငါ့သား ရှောလမုန်ကို ငါ၏ မြင်းလားတော်ပေါ်မှာ စီးစေလျက် ဂိဟုန်မြို့သို့ ဆောင်သွားကြလော့။

မာကု ၁၁း၁-၁၀
၁ ယေရုရှလင်မြို့နှင့်အနီး၊ သံလွင်တောင်ခြေရင်း၌ ၊ ဗက်ဖာဂေရွာနှင့် ဗေသနိရွာသို့ ရောက်ကြသောအခါ၊ တပည့်တော် နှစ်ယောက်တို့ကို စေလွှတ်တော်မူ၍၊

လုကာ ၁၉း၂၉-၃၈
၂၉ သံလွင်အမည်ရှိသော တောင်ခြေရင်း၌ ဗက်ဖာဂေရွာနှင့် ဗေသနိရွာအနီးသို့ ရောက်တော်မူသောအခါ၊ တပည့်တော် နှစ်ယောက်တို့ကို စေလွှတ်၍၊

သခင်ယေရှု ရှင်ဘုရင်အဖြစ်ပေးနေ့ [A]

CROSS REFERENCES

မဿဲ ၂၁း၉

မဿဲ ၂၁း၁၅

မာကု ၁၁း၉-၁၀

မဿဲ ၂၁း၉
၉ ရှေ့နောက်လိုက်သွားသော အခြံအရံများတို့က၊ ဒါဝိဒ်၏ သားတော်အား ဟောရှဏ္ဏ ဖြစ်စေသတည်း။ ထာဝရဘုရား၏ အခွင့်နှင့် ကြွလာတော်မူသော သူသည် မင်္ဂလာရှိစေသတည်း။ ကောင်းကင် ဘဝဂ်ဝယ် ဟောရှဏ္ဏ (Yahweh is salvation) ဖြစ်စေသတည်း၊ ဟုကြွေးကြော်ကြ၏။

မဿဲ ၂၁း၁၅
၁၅ ကိုယ်တော် ပြုတော်မူသော အံ့ဩဘွယ် အမှုတို့ကို၎င်း၊ သူငယ်တို့ကလည်း ဒါဝိဒ်၏ သားတော်အား ဟောရှဏ္ဏ ဖြစ်စေသတည်း၊ ဟုဗိမာန်တော်၌ ကြွေးကြော် ကြသည်ကို၎င်း၊ ယဇ်ပုရောဟိတ်အကြီး၊ ကျမ်းပြုဆရာတို့သည် ကြားမြင်လျှင် အမျက်ထွက်ကြ၍၊

မာကု ၁၁း၉-၁၀
၉ ရှေ့နောက် လိုက်သွားသောသူတို့က၊ ဟောရှဏ္ဏ ဖြစ်စေသတည်း။ ထာဝရဘုရား၏ အခွင့်နှင့် ကြွလာ တော်မူသောသူသည်၊ မင်္ဂလာရှိစေသတည်း။

၁ ယေရုရှလင်မြို့နှင့်အနီး၊ သံလွင်တောင်ခြေရင်း၌ ၊ ဗက်ဖာဂေရွာနှင့် ဗေသနိရွာသို့ ရောက်ကြသောအခါ၊ တပည့်တော် နှစ်ယောက်တို့ကို စေလွှတ်တော်မူ၍၊ ၂ သင်တို့ရှေ့၌ ရှိသောရွာသို့သွားကြ။ ထိုရွာသို့ရောက်လျှင်၊ အဘယ်သူမျှ မစီးဘူးသော မြည်းကလေး ချည်နှောင်လျက်ရှိသည်ကို၊ သင်တို့သည် ချက်ချင်းတွေ့လိမ့်မည်။ မြည်းကြိုး ကိုဖြည်၍ ဆောင်ခဲ့ကြ။ ၃ သူတပါးက၊ အဘယ်ကြောင့် ဤသို့ပြုသနည်း၊ ဟုသင်တို့အားဆိုလျှင်၊ သခင်အလိုရှိသည်၊ ဟုပြန်ပြောကြလော့။ ထိုသို့ပြောလျှင်၊ ထိုသူသည် ချက်ချင်းပေးလိုက်မည်၊ ဟုမှာထားတော်မူ၏။ ၄ တပည့်တော်တို့သည် သွား၍၊ လမ်း၌တံခါးပြင်မှာ ချည်ထားသော မြည်းကလေးကို တွေ့ပြီးလျှင်၊ မြည်းကြိုးကို ဖြည်ကြ၏။ ၅ ထိုအရပ်၌ ရပ်နေသောသူအချို့တို့က၊ အဘယ်ကြောင့် မြည်းကြိုးကို ဖြည်သနည်း၊ ဟုဆိုလျှင်၊ ၆ ယေရှုမှာ ထားတော်မူသည်အတိုင်း၊ တပည့်တော်တို့သည် ပြန်ပြောပြီးမှ၊ ထိုသူတို့သည် အခွင့်ပေးကြ၏။ ၇ ယေရှုထံတော်သို့ မြည်းကလေးကို ဆောင်ခဲ့၍၊ မိမိတို့အဝတ်ကို မြည်းကျောပေါ်မှာ တင်ကြပြီးလျှင်၊ ကိုယ်တော်သည် စီးတော်မူ၏။ ၈ လူများတို့သည် မိမိတို့အဝတ်ကို လမ်း၌ ခင်းကြ၏။ အချို့တို့သည် သစ်ကိုင်းသစ်ခက်များကို ခုတ်၍၊ လမ်း၌ခင်းကြ၏။ ၉ ရှေ့နောက် လိုက်သွားသောသူတို့က၊ ဟောရှဏ္ဏ ဖြစ်စေသတည်း။ ထာဝရဘုရား၏ အခွင့်နှင့် ကြွလာ တော်မူသောသူသည်၊ မင်္ဂလာရှိစေသတည်း။ ၁၀ ထာဝရဘုရား၏ အခွင့်နှင့် ယခုတည်လုသော ငါတို့အဘဒါဝိဒ်၏ နိုင်ငံတော်သည်၊ မင်္ဂလာရှိစေသတည်း။ ကောင်းကင် ဘဝဂ်ဝယ်ဟောရှဏ္ဏ [B] ဖြစ်စေသတည်း၊ ဟုကြွေးကြော်ကြ၏။ ၁၁ ယေရှုသည် ယေရုရှလင်မြို့သို့၎င်း၊ ဗိမာန်တော်သို့၎င်းဝင်၍၊ အရာရာတို့ကို ကြည့်ရှုတော်မူပြီးလျှင်၊ မိုးချုပ်သောကြောင့်၊ တကျိပ် နှစ်ပါးသောသူ တို့နှင့်တကွ၊ ဗေသနိရွာသို့ ထွက်ကြွတော်မူ၏။

CROSS REFERENCES

ယေရမိအ ၂၄
၁ ထာဝရဘုရား ပြတော်မူသော ရူပါရုံဟူမူကား၊ ဗာဗုလုန်ရှင်ဘုရင် နေဗုခဒ်နေဇာသည် ယုဒရှင်ဘုရင် ယောယကိမ်သား ယေခေါနိမင်းအစရှိသော ယုဒမှူးမတ်များ၊ လက်သမားများ၊ ပန်းပဲသမားများတို့ကို ယေရုရှလင်မြို့မှ ဗာဗုလုန်မြို့သို့ သိမ်းသွားသောနောက်၊ ထာဝရဘုရား၏ ဗိမာန်တော်ရှေ့၌ ထားသော သင်္ဘောသဖန်းသီး တောင်းနှစ်လုံးသည် ထင်ရှားလေ၏။

ယေရမိအ ၈း၁၃
၁၃ သူတို့ကို ငါရှင်းရှင်း ဖျက်ဆီးမည်။ စပျစ်နွယ်ပင်၌ စပျစ်သီးမရှိရ။ သင်္ဘောသဖန်းပင်၌ သင်္ဘောသဖန်းသီးမရှိရ။ အရွက်လည်း ညှိုးနွမ်းရမည်အကြောင်း၊ လွှမ်းမိုးသော သူတို့ကို ငါစေလွှတ်မည်ဟု ထာဝရဘုရား မိန့်တော်မူ၏။ sချမ်းသာကို မြော်လင့်သော်လည်း ဘေးသက်သက်

ဟောရှေ ၉း၁၀
၁၀ တော၌ စပျစ်သီးကဲ့သို့ဣသရေလအမျိုးကိုငါတွေ့၏။ သီးစသောသင်္ဘောသဖန်းပင်၌ အဦးဆုံးမှည့်သောသင်္ဘောသဖန်းသီးကဲ့သို့သင်တို့ဘိုးဘေးများကိုငါမြင်၏။ သူတို့သည်ကိုယ်အလိုအလျောက်ဗာလပေဂုရဘုရားထံသို့သွား၍၊ ထိုရှက်ဘွယ်သောအရာ အဘို့ကိုယ်ကိုအပ်နှံသဖြင့်တပ်မက်သည်အတိုင်းစက်ဆုပ်ရွံရှာဘွယ်သောအမှုတို့ကိုပြုကြ၏။

မိက္ခာ ၄း၄
၄ လူအပေါင်းတို့သည် ကိုယ်ပိုင်သော စပျစ်ပင်၊ ကိုယ်ပိုင်သော သင်္ဘောသဖန်းပင် အောက်မှာ ထိုင်ကြလိမ့်မည်။ ကြောက်စေသောသူ တယောက်မျှမရှိရ။ ကောင်းကင် ဗိုလ်ခြေ အရှင်ထာဝရ ဘုရား၏ နှုတ်တော်ထွက် အမိန့်တော်ရှိ၏။

မဿဲ ၃း၁၀
၁၀ သစ်ပင်အမြစ်နားမှာ ပုဆိန်ထားလျက် ရှိသည်ဖြစ်၍၊ ကောင်းသော အသီးမသီးသော အပင်ရှိသမျှတို့ကို ခုတ်လှဲ၍ မီးထဲသို့ချလိုက်ရ၏။

မဿဲ ၂၁း၁၉
၁၉ လမ်းနားမှာ သင်္ဘောသဖန်းပင် တစ်ပင်ကို မြင်လျှင်၊ ထိုအပင်သို့ကြွသွား၍ အရွက်ကိုသာ တွေ့တော်မူသည် ရှိသော်၊ ယခုမှစ၍ အစဉ်မပြတ် သင်၌ အသီးမသီးစေနှင့်၊ ဟုမိန့်တော်မူလျှင်၊ ထိုအပင်သည် ချက်ချင်း သွေ့ခြောက်လေ၏။

မာကု ၁၁း၁၂-၁၄
၁၂ နက်ဖြန်နေ့၌ ဗေသနိရွာမှ ပြန်ကြစဉ်တွင် ဆာမွတ်တော်မူ၏။

မာကု ၁၁း၂၀-၂၄
၂၀ နံနက်အချိန်တွင် လမ်း၌ သွားကြစဉ်၊ သင်္ဘောသဖန်းပင်သည် အမြစ်မှစ၍ ခြောက်သွေ့လျက် ရှိသည်ကိုမြင်ကြ၏။

လု ၁၃း၆-၉
၆ တဖန် ဥပမာကို မိန့်တော်မူသည်ကား၊ လူတယောက်သည် ဥယျာဉ်၌ စိုက်သော သင်္ဘောသဖန်းပင် တပင်ရှိ၏။ ထိုအပင်သို့လာ၍ အသီးကို ရှာသော်လည်းမတွေ့။

သင်္ဘောသဖန်းပင်ကျိန် [C]

၁၂ နက်ဖြန်နေ့၌ ဗေသနိရွာမှ ပြန်ကြစဉ်တွင် ဆာမွတ်တော်မူ၏။ ၁၃ အရွက်နှင့် ပြည့်စုံသော သင်္ဘောသဖန်းပင်ကို အဝေးမှမြင်လျှင်၊ သင်္ဘောသဖန်းသီး ဆွတ်သောအချိန် ကာလမရောက်သေး သောကြောင့်၊ ထိုအပင်၌ အသီးကို တွေ့ကောင်းတွေ့လိမ့်မည်၊ ဟုကြွသွား၍ ရောက်သောအခါ၊ အရွက်ကိုသာ တွေ့တော်မူသည်ရှိသော်၊ ၁၄ ယခုမှစ၍ အစဉ်မပြတ်၊ သင်၏အသီးကို၊ အဘယ်သူမျှ မစားစေနှင့်၊ ဟုမိန့်တော်မူ၏။ တပည့်တော်တို့သည်လည်း ကြားကြ၏။

ဗိမာန်တော်ရှင်း

CROSS REFERENCES

ဟေရှာယ ၅၆းရမဿဲ ၂၁း၁၃

လုကာ ၁၉း၄၆

ဟေရှာယ ၅၆းရမဿဲ ၂၁း၁၃
c၅၆ sဖြောင့်မတ်စွာကျင့်လော့ ၁ ထာဝရဘုရား မိန့်တော်မူသည်ကား၊ တရားကိုစောင့်၍ ဖြောင့်မတ်စွာ ကျင့်လော့။ ငါ၏ ကယ်တင်ခြင်း ကျေးဇူးရောက်ချိန်နှင့် ငါ၏ဖြောင့်မတ်ခြင်း တရားတို့ ထင်ရှား ချိန်ရောက်လုနီးပြီ။ ၂ ထိုသို့ပြုသောသူ၊ အမြဲစွဲလမ်းသော လူသားသည်၊ ဥပုသ်နေ့ကို မရှုတ်ချ၊ စောင့်ရှောက်၍ ဒုစရိုက်ကို မပြုမည်အကြောင်း၊ မိမိလက်ကို ချုပ်တည်းလျှင်လည်း မင်္ဂလာရှိ၏။ sတပါးအမျိုးသားနှင့် မိန်းမလျှာတို့ ၃ ထာဝရဘုရား၌ မှီဝဲသော တပါးအမျိုးသားက၊ ထာဝရဘုရားသည် ငါ့ကို မိမိလူမျိုးနှင့် ရှင်းရှင်းခွဲထားတော်မူပြီ၊ ဟုမဆိုစေနှင့်။ မိန်းမလျှာကလည်း၊ ငါသည် သွေ့ခြောက်သော အပင်ဖြစ်သည်၊ ဟုမဆိုစေနှင့်။ ၄ ထာဝရဘုရား မိန့်တော်မူသည်ကား၊ ငါ၏ ဥပုသ်နေ့ကို စောင့်လျက်၊ ငါနှစ်သက်သော အရာကိုရွေးယူ၍၊ ငါ၏ ပဋိညာဉ်ကို မှီဝဲသော မိန်းမလျှာတို့အား၊ ၅ သားသမီးတို့ထက် မြတ်သောအရာ၊ မြတ်သော နာမကိုငါ့အိမ်၊ ငါ့တန်တိုင်းအတွင်း၌ ငါပေးမည်။ မပျောက်နိုင်သော ထာဝရနာမကို သူတို့အား ငါပေးမည်။ ၆ ထာဝရဘုရားထံ၌ အမှုစောင့်ခြင်း၊ နာမတော်ကို ချစ်ခြင်း ကျွန်တော်ရင်း ဖြစ်ခြင်းအလိုငှါ၊ ထာဝရဘုရား၌ မှီဝဲသော တပါးအမျိုးသားတို့ကို၎င်း၊ ဥပုသ်နေ့ကို မရှုတ်ချ စောင့်ရှောက်၍၊ ငါ၏ ပဋိညာဉ်ကို စွဲလမ်းသောသူ အပေါင်းတို့ကို၎င်း၊ ၇ ငါ၏ သန့်ရှင်းသော တောင်သို့ ငါဆောင်ခဲ့၍ ငါ၏ပဌနာအိမ်၌ ဝမ်းမြောက်စေမည်။ သူတို့မီးရှို့ရာယဇ်နှင့် ယဇ်အမျိုးမျိုးတို့ကို ငါယဇ်ပလ္လင်ပေါ်မှာ လက်ခံမည်။ ငါ့အိမ်ကို လူအမျိုးမျိုး ဆုတောင်းရာအိမ်၊ ဟုခေါ်ဝေါ်လတံ့။ ၈ အရပ်ရပ်၌ ကွဲပြားသော ဣသရေလ အမျိုးသားတို့ကို စုဝေးစေသော အရှင်ထာဝရဘုရား မိန့်တော်မူသည်ကား၊ စုဝေးပြီးသောသူ များမှတပါး အခြားသောသူတို့ကို ထိုအစုအဝေး၌ ငါစုဝေးစေဦးမည်ဟု မိန့်တော်မူ၏။ sကင်းစောင့်တို့ ယောင်ယမ်းသောခွေး ၉ အိုလယ်ပြင်သား အပေါင်းနှင့် တော၌ လည်သော သားရဲအပေါင်းတို့၊ ကိုက်စားခြင်းငှါ လာကြလော့။ ၁၀ သူ၏ကင်းစောင့်တို့သည် မျက်စိကန်းကြ၏။ ရှိသမျှတို့သည် မိုက်ကြ၏။ အ၍ မဟောင်နိုင်သောခွေး၊ ယောင်ယမ်းသောခွေး၊ အိပ်လျက် အိပ်ချင်အားကြီးသော ခွေးဖြစ်ကြ၏။ ၁၁ စားချင်အားကြီး၍ ဝမ်းမပြည့်နိုင်သော ခွေးလည်းဖြစ်ကြ၏။ သိုးထိန်းတို့သည်လည်း မကြည့်မရှုတတ်ကြ။ ထိုသိုးထိန်းရှိသမျှတို့သည် လမ်းလွဲ၍ မိမိတို့ လမ်းလိုက်ကြပြီ။ တယောက်မျှမကြွင်း၊ တညီတညွတ်တည်း ကိုယ်အကျိုးစီးပွားကိုသာ ရှာကြ၏။ ၁၂ လာကြ၊ စပျစ်ရည်ကို ယူခဲ့ကြလော့။ သေရည်သေရက်ကို ဝစွာသောက်ကြစို့။ ယနေ့ဖြစ်သကဲ့သို့ နက်ဖြန်နေ့ ဖြစ်လိမ့်မည်။ ထိုမျှမက၊ သာ၍ကြွယ်ဝလိမ့်မည်ဟု ဆိုတတ်ကြ၏။

လုကာ ၁၉း၄၆
၄၆ ငါ့အိမ်သည်ဆု တောင်းရာအိမ်ဖြစ်၏၊ ဟုကျမ်းစာ၌ လာသော်လည်း၊ သင်တို့သည် ထိုအိမ်ကို ဓါးပြတွင်းဖြစ်စေကြပြီတကား၊ ဟုမိန့်တော်မူ၏။

၁၅ ယေရုရှလင်မြို့သို့ ရောက်သောအခါ၊ ယေရှုသည် ဗိမာန်တော်သို့ ဝင်တော်မူပြီးလျှင်၊ ဗိမာန်တော်၌ ရောင်းဝယ်သောသူတို့ကို နှင်ထုတ်၍ ပွဲစားခုံတို့ကို၎င်း၊ ချိုးငှက်ရောင်းသော သူတို့၏ ထိုင်ရာကို၎င်း၊ တွန်းလှဲတော်မူ၍၊ ၁၆ ဗိမာန်တော်အထဲ၌ အဘယ်သူမျှ အဘယ်ပစ္စည်းမျှ မဆောင်မသွင်းမည့်အကြောင်း မြစ်တားတော်မူလျက်၊(a) ၁၇ ငါ့အိမ်ကို လူအမျိုးမျိုးဆုတောင်း ရာအိမ်ဟူ၍၊ ခေါ်ဝေါ်ကြလတံ့၊ [D]၊ ဟုကျမ်းစာ၌ လာသည်မဟုတ်လော။ သို့သော်လည်း သင်တို့သည်၊ ထိုအိမ်ကို ဓါးပြတွင်း ဖြစ်စေကြပြီတကား ဟူ၍၊ ဆုံးမဩဝါဒ ပေးတော်မူ၏။ ၁၈ ကျမ်းပြုဆရာနှင့် ယဇ်ပုရောဟိတ် အကြီးတို့သည် ကြားလျှင်၊ ကိုယ်တော်ကို သတ်ရသောအခွင့်ကို ရှာကြံကြ၏။ လူများအပေါင်းတို့သည်၊ ဆုံးမဩဝါဒ ပေးတော်မူခြင်းကို၊ အံ့ဩ မိန်းမောသောကြောင့်၊ ထိုသူတို့သည် ကိုယ်တော်ကို ကြောက်ရွံ့ကြ၏။ ၁၉ ညအချိန် ရောက်သောအခါ၊ မြို့ပြင်သို့ ထွက်တော်မူ၏။

သင်္ဘောသဖန်းပင် ခြောက်သွေ့

၂၀ နံနက်အချိန်တွင် လမ်း၌ သွားကြစဉ်၊ သင်္ဘောသဖန်းပင်သည် အမြစ်မှစ၍ ခြောက်သွေ့လျက် ရှိသည်ကိုမြင်ကြ၏။ ၂၁ ပေတရုသည် သတိရလျှင်၊ ဆရာ(b) ကြည့်တော်မူပါ။ ကျိန်တော်မူသော သင်္ဘောသဖန်းပင်သည်၊ ခြောက်သွေ့ ပါပြီတကား၊ ဟုလျှောက်လေ၏။ ၂၂ ယေရှုကလည်း၊ သင်တို့သည် ဘုရားသခင်ကို ယုံကြည်ခြင်းရှိကြလော့။ ၂၃ ငါအမှန်ဆိုသည်ကား၊ အကြင်သူသည် ယုံမှားသော စိတ်နှင့်ကင်း၍၊ မိမိဆိုသည် အတိုင်းဖြစ်မည်၊ ဟုယုံကြည်လျက်၊ ထိုတောင်ကို နေရာမှရွေ့လော့၊ ပင်လယ်၌ ကျလော့၊ ဟုဆိုလျှင်၊ ထိုသူ ဆိုသည်အတိုင်း ဖြစ်လိမ့်မည်။ ၂၄ ထိုကြောင့် ငါဆိုသည်ကား၊ သင်တို့သည် ဆုကျေးဇူးကိုရမည်၊ ဟုယုံကြည်သောစိတ်နှင့် ဆုတောင်းသမျှတို့ကို ရကြလိမ့်မည်။

ဆုတောင်းလျှင် သူတပါးအပြစ်လွှတ်ပါ

၂၅ သင်တို့သည် ဆုတောင်းသောအခါ၊ သူတပါး၌ အပြစ်တင်ခွင့်ရှိလျှင်၊ သူ့အပြစ်ကို လွှတ်ကြလော့။ လွှတ်လျှင်ကောင်း ကင်ဘုံ၌ ရှိတော်မူသော သင်တို့အဘသည်၊ သင်တို့၏ အပြစ်ကို လွှတ်တော်မူမည်။ ၂၆ သင်တို့သည် သူ့အပြစ်ကို မလွှတ်လျှင်၊ ကောင်းကင်ဘုံ၌ ရှိတော်မူသော သင်တို့အဘသည်၊ သင်တို့၏ အပြစ်ကို လွှတ်တော်မမူ၊ ဟုမိန့်တော်မူ၏။

မည်သူ၏အခွင့်နှင့် ပြုသနည်း

၂၇ ယေရုရှလင်မြို့သို့ တဖန်ရောက်ကြပြီးမှ၊ ဗိမာန်တော်တွင် စင်္ကြံသွားတော်မူစဉ်၊ ယဇ်ပုရောဟိတ်အကြီး၊ ကျမ်းပြုဆရာ၊ လူအကြီးအကဲတို့သည်၊ အထံတော်သို့ ချဉ်းကပ်၍၊ ၂၈ ကိုယ်တော်သည်၊ ဤအမှုများကို အဘယ်အခွင့်နှင့် ပြုသနည်း။ ဤသို့ပြုရသော အခွင့်ကို၊ အဘယ်သူပေးသနည်း၊ ဟုမေးလျှောက်ကြသော်၊ ၂၉ ယေရှုက၊ ငါသည် တစုံတခုကိုမေးဦးမည်။ သင်တို့ဖြေကြလော့။ ဖြေလျှင် ဤအမှုများကို၊ အဘယ်အခွင့်နှင့် ငါပြုသည်ကို ငါပြောမည်။ ၃၀ ယောဟန်၏ ဗတ္တိဇံတရားသည် ဘုရားကဖြစ်သလော၊ လူက ဖြစ်သလော။ ဤအမေးကို ဖြေကြလော့၊ ဟုမိန့်တော်မူ၏။ ၃၁ ထိုသူတို့သည် အချင်းချင်း ဆင်ခြင်ကြ၍၊ ဘုရားက ဖြစ်သည်၊ ဟုငါတို့ဖြေလျှင်၊ သင်တို့သည် ယောဟန်ကို အဘယ်ကြောင့် မယုံသနည်း၊ ဟုသူမေးလေဦးမည်။ ၃၂ လူကဖြစ်သည်၊ ဟုငါတို့ဖြေလျှင်၊ လူများကို ကြောက်ရ၏။ ယောဟန်သည် ပရောဖက်အမှန် ဖြစ်သည်ကို၊ လူအပေါင်းတို့သည် အယူရှိကြ၏၊ ဟုအချင်းချင်း ဆင်ခြင်ပြီးမှ၊ ၃၃ အကျွန်ုပ်တို့မသိပါ၊ ဟုယေရှုအား ပြန်ပြောကြ၏။ ယေရှုကလည်း၊ ထိုအတူ ဤအမှုများကို အဘယ်အခွင့်နှင့် ငါပြုသည်ကို၊ ငါမပြော၊ ဟုမိန့်တော်မူ၏။

_________________________
Footnotes

၁၆ (a) မြန်မာကျမ်းစာအုပ်၌ "ဗိမာန်တော်ထဲ၌ အဆောက်အဦးကို အဘယ်သူမျှ မဆောင်မရွက် ရမည်အကြောင်း မြစ်တားတော်မူလျက်" ဟုရေးထားသည်။

၂၁ (b) မူရင်းဂရိတ်ကျမ်း၌ Ῥαββί အင်္ဂလိပ်အသံထွက် Rabbi ကိုမြန်မာကျမ်းစာအုပ်၌ "အရှင်ဘုရား"ဟုဘာသာပြန်ထားသည်။ ထိုအရာသည် "ဆရာ" သို့မဟုတ် "သခင်" ဖြစ်သည်။