ဇာခရိ အနာဂတ္တိ

အခန်းကြီး ၇

ဇာခရိမှပြည်သူများထံစကား

၁ ဒါရိမင်းကြီး နန်းစံလေးနှစ် ခိသလုမည်သော နဝမလလေးရက်နေ့တွင်၊ ၂ ထာဝရဘုရားရှေ့တော်၌ ဆုတောင်းခြင်းငှါ၎င်း၊ ၃ နှစ်ပေါင်းများစွာ ပဥ္စမလတွင် ငိုကြွေး၍ ခြိုးခြံစွာ ကျင့်ရပါမည်လော၊ ဟုကောင်းကင်ဗိုလ်ခြေ အရှင်ထာဝရဘုရား၏ အိမ်တော်၌ ရှိသော ယဇ်ပုရောဟိတ်နှင့် ပရောဖက်တို့အား မေးလျှောက်ခြင်းငှါ၎င်း၊ ရှရဇော၊ ရေဂင်္မေလက်နှင့် သူတို့လူများကို ဘုရားသခင်၏ အိမ်တော်သို့ စေလွှတ်ကြသောအခါ၊ ၄ ကောင်းကင်ဗိုလ်ခြေ အရှင်ထာဝရဘုရား၏ နှုတ်ကပတ်တော်သည်၊ ငါဇာခရိသို့ ရောက်လာ၍၊ ၅ ယဇ်ပုရောဟိတ်နှင့် ပြည်သူပြည်သား အပေါင်းတို့အား သင်ဆင့်ဆိုရမည်မှာ၊ အနှစ်ခုနစ်ဆယ်ပတ်လုံး သင်တို့သည် ပဥ္စမလနှင့် သတ္တမလတွင် အစာရှောင်၍ ငိုကြွေးမြည်တမ်းသောအခါ၊ အကယ်စင်စစ် ငါ့အလိုရှိသည်အတိုင်း ငါ့အားအစာရှောင်ကြသလော။ ၆ စားသောက်သောအခါ၌လည်း၊ ကိုယ်အလိုအလျောက် စားသောက်ကြသည် မဟုတ်လော။ ၇ ယေရုရှလင်မြို့မပျက်၊ စည်ပင်၍ပတ်လည်၌ ရှိသောမြို့ရွာ၊ တောင်မျက်နှာအရပ်နှင့် မြေညီသောအရပ်၌ လူများသေးသောအခါ၊ ရှေးပရောဖက်တို့ဖြင့် ထာဝရဘုရား ကြွေးကြော်တော်မူသော အမိန့်တော် ပြည့်စုံပြီမဟုတ်လော၊ ဟုမိန့်တော်မူ၏။

မကြားစေခြင်းငှါ နှလုံးကို စိန်ကဲ့သို့မာစေကြ

CROSS REFERENCES

ယေဇ ၃း၉

ယေဇ ၁၁း၁၉

ယေဇ ၃၆း၂၆

ယေဇ ၃း၉
၉ သင်၏နဖူးကို ကျောက်ထက်မက စိန်ထက်သာ၍ ခိုင်မာစေပြီ။ သူတို့သည် ပုန်ကန်တတ်သော အမျိုးဖြစ်၍၊ သင်သည် မကြောက်နှင့်။ သူတို့ မျက်နှာရည်ကြောင့် သင်စိတ်မပျက်နှင့်၊ ဟုမိန့်တော်မူ၏။ sနားထောင်သည် ဖြစ်စေမထောင်သည် ဖြစ်စေဟောပြောလော့

ယေဇ ၁၁း၁၉
၁၉ ငါသည်လည်း၊ ညီညွတ်သောစိတ်နှလုံးနှင့် အသစ်သောသဘောကိုသွင်းပေးမည်။ သူတို့ ခန္ဓာကိုယ်ထဲကကျောက်နှလုံးကိုနှုတ်၍၊ အသားနှလုံးကိုပေးသောကြော့င်၊

ယေဇ ၃၆း၂၆
၂၆ စိတ်နှလုံးသစ်ကို ငါပေးမည်။ သဘောသစ်ကို သွင်းထားမည်။ သင်တို့ခန္ဓာထဲက ကျောက်နှလုံးကိုနှုတ်၍ အသားနှလုံးကိုပေးမည်။

၈ ထိုအခါ ထာဝရဘုရား၏ နှုတ်ကပတ်တော်သည် ဇာခရိသို့ ရောက်လာသည်ကား၊ ၉ တရားအမှုကို တရားသဖြင့် စီရင်ကြလော့။ သနားခြင်းကရုဏာစိတ်နှင့် တယောက်ကိုတယောက် ကျေးဇူးပြုကြလော့။ ၁၀ မိဘမရှိသောသူ၊ မုဆိုးမ၊ တကျွန်းတနိုင်ငံသား၊ ဆင်းရဲသားကို မညှဉ်းဆဲကြနှင့်။ တယောက်ကိုတယောက် မကောင်းသောအကြံကို မကြံကြနှင့်၊ ဟုကောင်းကင် ဗိုလ်ခြေအရှင် ထာဝရဘုရား မိန့်တော်မူသော်လည်း၊ ၁၁ သူတို့သည် နားမထောင်ဘဲ လွတ်အောင်ရုန်းကြ၏။ မကြားစေခြင်းငှါ၊ နားကိုပိတ်ကြ၏။ ၁၂ တရားစကားကို၎င်း၊ ကောင်းကင်ဗိုလ်ခြေ အရှင်ထာဝရဘုရား၏ ဝိညာဉ်တော်သည် ရှေးပရောဖက်တို့ဖြင့် ထားတော်မူသော စကားကို၎င်း၊ သူတို့သည် မကြားစေခြင်းငှါ မိမိတို့နှလုံးကို စိန်ကျောက်ကဲ့သို့ မာစေကြ၏။ [A] ထိုကြောင့် ကောင်းကင်ဗိုလ်ခြေ အရှင်ထာဝရဘုရားသည် အလွန်အမျက် ထွက်တော်မူ၏။ ၁၃ ငါဟစ်ခေါ်၍ သူတို့သည် နားမထောင်သကဲ့သို့၊ တဖန်သူတို့သည် ဟစ်ခေါ်၍ ငါလည်း နားမထောင်ဘဲနေပြီ၊ ဟုကောင်းကင် ဗိုလ်ခြေ အရှင်ထာဝရဘုရား မိန့်တော်မူ၏။ ၁၄ သူတို့မသိသော လူမျိုးအပေါင်းတို့တွင် လေဘွေတိုက်၍ ငါလွင့်ပြီ။ ထိုကြောင့် သူတို့ပြည်သည် လူဆိတ်ညံလျက်ရှိ၍ အဘယ်သူမျှ မသွားမလာ။ သာယာသောပြည်သည် သုတ်သင် ပယ်ရှင်းရာ ဖြစ်လေပြီတကား၊ ဟုမိန့်တော်မူ၏။