ဇာခရိ အနာဂတ္တိ

အခန်းကြီး ၂

ယေရုရှလင်မြို့သားတို့အလွန်များလိမ့်မည်

CROSS REFERENCES

တရားဟော ၃၂း၁၀
၁၀ လူဆိတ်ညံသော အရပ်၊ သားရဲမြည်၍၊ လွတ်လပ်သော တောလွင်ပြင်၌ ယာကုပ်ကို တွေ့တော်မူသောအခါ ဝန်းရံဆီးကာခြင်း၊ သွန်သင်ခြင်း ကျေးဇူးကိုပြု၍ မျက်ဆန်တော်ကဲ့သို့ စောင့်တော်မူ၏။ sလင်းယုန်ကဲ့သို့ ထာ၀ရဘုရားသည် ယာကုပ်ကိုဆောင်

ဇာခရိ ၂း၈
၈ ကောင်းကင်ဗိုလ်ခြေ အရှင်ထာဝရဘုရား မိန့်တော်မူသည်ကား၊ သင်တို့ကိုဖျက်ဆီးသောလူမျိုးတို့ရှိရာသို့ ဘုန်းထင်ရှားပြီးမှ ငါ့ကိုစေလွှတ်တော်မူ၏။ သင်တို့ကိုထိသောသူသည် မျက်ဆန်တော်ကိုထိသောသူဖြစ်၏။

၁ တဖန်ငါမျှော်ကြည့်၍၊ တိုင်းစရာကြိုးကိုကိုင်သောလူတဦးကိုမြင်လျှင်၊ ၂ အဘယ်အရပ်သို့သွားမည်နည်းဟုထိုသူအားမေးသော်၊ ယေရုရှလင်မြို့အလျားအနံကိုသိလို၍မြို့ကိုတိုင်းခြင်းငှါသွားသည်ဟုပြန်ပြော၏။ ၃ ငါနှင့်ပြောဆိုသောကောင်းကင်တမန်သည်ထွက်သွားသော်၊ အခြားသောကောင်းကင်တမန်သည်ကြိုဆိုလျက်၊ ၄ သင်သည်ပြေး၍ထိုလုလင်ကိုဆင့်ဆိုရမည်မှာ၊ ယေရုရှလင်မြို့သားလူသတ္တဝါတိရစ္ဆာန်တို့သည်အလွန်များသောကြောင့်၊ ရွာတို့၌ နေရကြလိမ့်မည်။ ၅ ထာဝရဘုရားမိန့်တော်မူသည်ကား၊ ငါသည်မြို့ကိုကာသောမီးမြို့ရိုးဖြစ်မည်။ မြို့အလယ်၌ လည်းငါသည်မြို့၏ဘုန်းအသရေဖြစ်မည်။ ၆ အချင်းတို့၊ အချင်းတို့၊ မြောက်မျက်နှာအရပ်မှပြေးလာကြလော့ဟုထာဝရဘုရားမိန့်တော်မူ၏။ မိုးကောင်းကင်အောက်လေးမျက်နှာတို့၌ သင်တို့ကိုငါနှံ့ပြားစေပြီဟုထာဝရဘုရားမိန့်တော်မူ၏။ ၇ ဗာဗုလုန်မြို့သမီးထံမှာနေသောအချင်းဇိအုန်သတို့သမီး၊ အလွတ်ပြေးလော့။ ၈ ကောင်းကင်ဗိုလ်ခြေ အရှင်ထာဝရဘုရား မိန့်တော်မူသည်ကား၊ သင်တို့ကိုဖျက်ဆီးသောလူမျိုးတို့ရှိရာသို့ ဘုန်းထင်ရှားပြီးမှ ငါ့ကိုစေလွှတ်တော်မူ၏။ သင်တို့ကိုထိသောသူသည် မျက်ဆန်တော် [A]ကိုထိသောသူဖြစ်၏။ ၉ သူတို့ကိုငါသတ်၍သူတို့၏ကျွန်များသည် လုယူဖျက်ဆီးကြလိမ့်မည်။ ကောင်းကင်ဗိုလ်ခြေအရှင်ထာဝရဘုရားသည်ငါ့ကိုစေလွှတ်တော်မူသည်ကိုသင်တို့သိရကြလိမ့်မည်။

၁၀ အိုဇိအုန်သတို့သမီး၊ သီချင်းဆို၍ရွှင်လန်းလော့။ ငါလာ၍သင့်အလယ်၌ နေမည်ဟုထာဝရဘုရားမိန့်တော်မူ၏။ ၁၁ ထိုကာလ၌ လူမျိုးအများတို့သည်ထာဝရဘုရားဘက်သို့ဝင်စား၍ငါ၏လူဖြစ်ကြလိမ့်မည်။ သင့်အလယ်၌ ငါနေမည်။ ကောင်းကင်ဗိုလ်ခြေ အရှင်ထာဝရဘုရားသည်ငါ့ကိုသင့်ဆီသို့စေလွှတ်တော်မူသည်ကိုသင်သိရလိမ့်မည်။ ၁၂ ထာဝရဘုရားသည်သန့်ရှင်းသောပြည် ၌ မိမိအဘို့ယုဒပြည်ကိုအမွေခံ၍တဖန်ယေရုရှလင်မြို့ကိုရွေးချယ်တော်မူလိမ့်မည်။ ၁၃ အိုလူသတ္တဝါအပေါင်းတို့ထာဝရဘုရားရှေ့တော်၌ ငြိမ်ဝပ်စွာနေကြလော့။ သန့်ရှင်းသောကျိန်းဝပ်ရာဌာနတော်၌ ထတော်မူပြီ။