ဇာခရိ အနာဂတ္တိ

အခန်းကြီး ၁၁

ထာ၀ရဘုရားကမသနားရ

၁ အိုလေဗနုန်တောင်၊ သင်၏ အာရဇ်ပင်တို့ကို မီးလောင်စေခြင်းငှါ သင်၏တံခါးတို့ကို ဖွင့်လော့။ ၂ အိုထင်းရှုးပင်၊ အာရဇ်ပင်လဲသောကြောင့် မြည်တမ်းလော့။ မြတ်သောအပင်တို့သည် ပျက်စီးကြပြီ။ အိုဗာရှန်သပိတ်ပင်တို့၊ ခိုင်ခံ့သောတောကို ခုတ်လှဲသောကြောင့် မြည်တမ်းကြလော့။ ၃ သိုးထိန်းတို့သည် မိမိတို့ အသရေပျက်သောကြောင့် မြည်တမ်းသော အသံကို ပြုကြ၏။ ယော်ဒန်မြစ်၏ ဂုဏ်အသရေ ပျက်သောကြောင့်၊ ခြင်္သေ့ဟောက်သော အသံကို ကြားရ၏။ ၄ ငါ၏ ဘုရားသခင် ထာဝရဘုရား မိန့်တော်မူသည်ကား၊ သတ်ဘို့ရာထားသော ဤသိုးစုကို ကျွေးမွေးလော့။ ၅ ပိုင်သောသူတို့သည် သတ်၍ ကိုယ်အပြစ်ရှိသည်ကို မသိကြ။ ရောင်းစားသောသူတို့ကလည်း၊ ငါရတတ်သည်ဖြစ်၍ ထာဝရဘုရားသည် မင်္ဂလာ ရှိတော်မူစေသတည်း၊ ဟုဆိုကြ၏။ သိုးထိန်းတို့သည်လည်း သနားခြင်း ကရုဏာမရှိကြ။ ၆ ထာဝရဘုရား မိန့်တော်မူသည်ကား၊ ငါသည် ပြည်သူပြည်သားတို့ကို နောက်တဖန်မသနား၊ မနှမြောဘဲ၊ လူအသီးအသီးတို့ကို အိမ်နီးချင်း လက်သို့၎င်း၊ ရှင်ဘုရင်လက်သို့၎င်း အပ်သဖြင့်၊ သူတို့သည် တပြည်လုံးကို နှိပ်စက်ကြလိမ့်မည်။ သူတို့လက်မှ ငါမကယ်လွှတ်ဘဲ နေမည်၊ ဟုမိန့်တော်မူ၏။

ကျေးဇူးနှင့် အနှောင်အဖွဲ့တောင်ဝေး

၇ ထိုသို့ သတ်ဘို့ရာထားသော သိုးစုတည်းဟူသော၊ ဆင်းရဲသော သိုးတို့ကို ငါကျွေးမွေးရ၏။ သိုးထိန်းတောင်ဝေး နှစ်စင်းကိုယူ၍၊ တစင်းကို ကျေးဇူးဟူ၍၎င်း၊ တစင်းကို အနှောင်အဖွဲ့ဟူ၍၎င်း ခေါ်ဝေါ်လျက်၊ သိုးစုကို ကျွေးမွေး၏။ ၈ သိုးထိန်း သုံးယောက်ကိုလည်း တလတွင် ငါပယ်ဖျက်၏။ သူတို့ကြောင့် ငါ့စိတ်ငြီးငွေ့၏။ သူတို့သည်လည်း ငါ့ကိုရွံရှာကြ၏။ ၉ နောက်တဖန် သင်တို့ကို ငါမကျွေး။ သေသောအကောင်သည် သေပါလေစေ။ အသတ်ခံရသော အကောင်သည် ခံရပါလေစေ။ ကျန်ကြွင်းသော အကောင်တို့သည် တကောင်ကို တကောင် စားပါလေစေ၊ ဟုငါဆိုလျက်၊ ၁၀ ခပ်သိမ်းသော လူမျိုးတို့နှင့် အရင်ဖွဲ့သော ပဋိညာဉ်ကို ဖျက်လို၍၊ ကျေးဇူးအမည်ရှိသော ငါ၏ တောင်ဝေးကိုယူ၍ ချိုး၏။ ၁၁ ထိုပဋိညာဉ်သည် ထိုနေ့၌ ပျက်သောကြောင့် ငါ့ကိုအမှီပြုသော သိုးဆင်းရဲတို့သည် ထာဝရဘုရား၏ နှုတ်ကပတ်တော်ကို နားလည်ကြ၏။

ငွေသုံးဆယ်နှင့်ရောင်း

CROSS REFERENCES

ထွက် ၂၁း၃၂

ဇာခရိ ၁၁း၁၂

မဿဲ ၂၆း၁၅

ထွက် ၂၁း၃၂
၃၂ ကျွန်ယောက်ျား၊ ကျွန်မိန်းမကို ခွေ့လျှင်မူကား၊ နွားရှင်သည် ကျွန်ရှင်အား ငွေအကျပ်သုံးဆယ်ကို လျော်ရမည်။နွားကိုလည်း ကျောက်ခဲနှင့် ပစ်သတ်ရမည်။

ဇာခရိ ၁၁း၁၂
၁၂ တဖန်ငါက၊ ငါရထိုက်သော အခကို ပေးအံ့သောငှါ၊ သင်တို့သည် အလိုရှိလျှင် ပေးကြလော့။ အလိုမရှိလျှင် မပေးကြနှင့်၊ ဟုဆိုသော်၊ သူတို့သည် ငါ့အား အခပေးအံ့သောငှါ ငွေသုံးဆယ်ကို ချိန်ကြ၏။

မဿဲ ၂၆း၁၅
၁၅ အကျွန်ုပ်သည် ယေရှုကို ကိုယ်တော်တို့ လက်သို့ အပ်လျှင် အဘယ်မျှလောက် ပေးပါမည်နည်း၊ ဟုလျှောက်သော်၊ ထိုသူတို့က ငွေအကျပ် သုံးဆယ် ပေးမည်၊ ဟုဝန်ခံကြ၏။

CROSS REFERENCES

ဟေရှာယ ၂၉း၁၆
၁၆ သင်တို့သည် ဖောက်ပြန်ကြသည်တကား။ အိုးထိန်းသမားကို၊ အိုးမြေကဲ့သို့ မှတ်ရမည်လော။ လုပ်အပ်သောအရာသည် လုပ်တတ်သောသူကို ရည်မှတ်၍၊ ဤသူသည် ငါ့ကိုမလုပ်၊ ဟုဆိုရမည်လော။ ဖန်ဆင်းအပ်သော အရာသည် ဖန်ဆင်းတတ်သော သူကိုရည်မှတ်၍၊ ဤသူ၌ ပညာအတတ်မရှိ၊ ဟုဆိုရမည်လော။ sအားလုံး ပြန်ကောင်းလိမ့်မည်

ဟေရှာယ ၄၅း၉
၉ အကြင်သူသည် မိမိကို ဖန်ဆင်းသောသူနှင့် ဆန့်ကျင်ဘက်ပြု၏၊ ထိုသူသည် အမင်္ဂလာရှိ၏။ မြေအိုးခြမ်းတို့တွင် အိုးခြမ်းပါတကား။ အိုးမြေက၊ သင်သည် အဘယ်သို့သော အရာကိုလုပ်သနည်း၊ ဟုအိုးထိန်းသမားကို ဆိုရမည်လော။ ငါ့ကိုလုပ်သောသူ၌ လက်မရှိ၊ ဟုသင်လုပ်သောအရာက ဆိုရမည်လော။

ယေရမိအ ၁၈း၆
၆ အိုဣသရေလအမျိုး၊ အိုးထိန်းသမားပြုသကဲ့သို့ သင်တို့ကို ငါမပြုနိုင်သလော။ အိုဣသရေလအမျိုး၊ အိုးမြေသည် အိုးထိန်းသမားလက်၌ ရှိသကဲ့သို့၊ သင်တို့သည် ငါ့လက်၌ ရှိကြ၏။ sဘုရားနောင်တရမည်

ယေရမိအ ၁၉း၁
၁ ထာဝရဘုရား မိန့်တော်မူသည်ကား၊ သင်သည် အိုးထိန်းသမားထံတော်သို့ သွား၍ ရေဘူးကို ယူပြီးလျှင်၊ အသက်ကြီးသောလူ၊ အသက်ကြီးသော ယဇ်ပုရောဟိတ် အချို့တို့နှင့်တကွ၊

ယေရမိမြည် ၄း၂
၂ အမြတ်ဆုံးသောရွှေနှင့်အမျှအလွန်အဘိုးထိုက်သောဇိအုန်မြို့သားတို့ကို၊ အိုးထိန်းသမားလုပ်သော မြေအိုးကဲ့သို့မှတ်တတ်သည်တကား။

ဇာခရိ ၁၁း၁၃
၁၃ ထာဝရဘုရားကလည်း၊ ထိုငွေကို အိုးထိန်းသမားရှေ့မှာ ပစ်ချကြလော့။ငါ့ကိုအဘိုးပျက်၍ ငွေများလှသည်တကား၊ ဟုမိန့်တော်မူသည်အတိုင်း၊ ထိုငွေသုံးဆယ်ကို ငါယူ၍ ထာဝရဘုရား၏ ဗိမာန်တော်၌ အိုးထိန်းသမားရှေ့မှာ ပစ်ချ၏။

မဿဲ ၂ရးရ
၇ တိုင်ပင်ပြီးမှ၊ အိုးထိန်းသမား၏ မြေအကွက်ကို၊ တပါးအမျိုးသားတို့၏ သင်္ချိုင်းဖြစ်စေဖို့ရာ၊ ထိုငွေနှင့်ဝယ်ကြ၏။

မဿဲ ၂ရး၁၀
၁၀ အိုးထိန်းသမား၏ မြေအကွက်ကို ဝယ်ကြ၏၊ ဟူသော စကားသည် ထိုအခါ ပြည့်စုံခြင်းသို့ ရောက်လေ၏။ sယေရှုကို ပိလတ်မင်းကစစ်

ရော ၉း၂၁-၂၂
၂၁ အိုးထိန်းသမားသည် အိုးမြေကို ပိုင်သည်မဟုတ်လော။ အိုးမြေတပုံတည်းနှင့် အိုးမြတ်၊ အိုးယုတ်ကို လုပ်ပိုင်သည် မဟုတ်လော။

၁၂ တဖန်ငါက၊ ငါရထိုက်သော အခကို ပေးအံ့သောငှါ၊ သင်တို့သည် အလိုရှိလျှင် ပေးကြလော့။ အလိုမရှိလျှင် မပေးကြနှင့်၊ ဟုဆိုသော်၊ သူတို့သည် ငါ့အား အခပေးအံ့သောငှါ ငွေသုံးဆယ်ကို ချိန်ကြ၏။ [A] ၁၃ ထာဝရဘုရားကလည်း၊ ထိုငွေကို အိုးထိန်းသမားရှေ့မှာ ပစ်ချကြလော့။ [B]ငါ့ကိုအဘိုးပျက်၍ ငွေများလှသည်တကား၊ ဟုမိန့်တော်မူသည်အတိုင်း၊ ထိုငွေသုံးဆယ်ကို ငါယူ၍ ထာဝရဘုရား၏ ဗိမာန်တော်၌ အိုးထိန်းသမားရှေ့မှာ ပစ်ချ၏။ ၁၄ ထိုအခါ ယုဒအမျိုးနှင့် ဣသရေလအမျိုးဖွဲ့သော မိဿဟာယကို ဖျက်လို၍၊ အနှောင်အဖွဲ့အမည်ရှိသော အခြားတောင်ဝေးကို ငါချိုး၏။

သိုးထိန်းတဦးပေါ်စေမည်

၁၅ တဖန်ထာဝရဘုရားက၊ မိုက်သော သိုးထိန်း၏ တန်ဆာတို့ကို သိမ်းယူလော့။ ၁၆ အကြောင်းမူကား၊ ဤပြည်၌ သိုးထိန်းတဦးကို ငါပေါ်ထွန်းစေမည်။ သူသည် အသတ်ခံရသော အကောင်ကို မကြည့်မရှု၊ လမ်းလွှဲသော အကောင်ကိုမရှာ၊ နာသော အကောင်ကို အနာပျောက်စေခြင်းငှါ မပြု၊ ရပ်နေသော အကောင်ကိုမမစ၊ ဆူသောအကောင်တို့ကို စားလိမ့်မည်။ သူတို့ခွါကိုလည်း ချိုးဖဲ့လိမ့်မည်။ ၁၇ သိုးစုကို စွန့်ပစ်သော အချည်းနှီး သိုးထိန်းသည် အမင်္ဂလာ ရှိစေသတည်း။ သူ၏လက်ရုံးနှင့် လက်ျာမျက်စိ၌ ဓါးဘေးရောက်လိမ့်မည်။ လက်ရုံးသည် အကုန်အစင် ခြောက်ကပ်လိမ့်မည်။ လက်ျာမျက်စိသည် အကုန်အစင် မိုက်လိမ့်မည်၊ ဟုမိန့်တော်မူ၏။