ယေရမိ အနာဂတ္တိ

အခန်းကြီး ၂၃

ထာ၀ရဘုရားက သူ့သိုးများကို နေရင်းပြည်သို့ဆောင်ဦးမည်

၁ ထာဝရဘုရား မိန့်တော်မူသည်ကား၊ ငါ့ထံမှာ ကျက်စားသော သိုးတို့ကို ဖျက်ဆီး၍၊ အရပ်ရပ်သို့ ကွဲပြားစေသောသိုးထိန်းတို့ သည် အမင်္ဂလာရှိကြ၏။ ၂ ထိုကြောင့်၊ ဣသရေလ အမျိုး၏ ဘုရားသခင် ထာဝရဘုရား မိန့်တော်မူသည်ကား၊ ငါ၏လူတို့ကို ကျွေးမွေးရသော သိုးထိန်းတို့အမှုမှာ သင်တို့သည် ငါ၏သိုးစုကိုမကြည့်ရှု၊ မပြုစု၊ အရပ်ရပ်သို့ ကွဲပြားစေ၍နှင်ထုတ်သောကြောင့်၊ သင်တို့ပြုသော ဒုစရိုက်အပြစ်ကို သင်တို့အပေါ်မှာ ငါသက်ရောက်စေမည်ဟု ထာဝရဘုရား မိန့်တော်မူ၏။ ၃ တဖန်မိန့်တော်မူသည်ကား၊ ငါ၏သိုးစုကို ငါနှင်ထုတ်သော ပြည်ရှိသမျှတို့၌ ကျန်ကြွင်းသော သိုးတို့ကိုငါစုဝေး၍၊ နေရင်းသိုးခြံသို့ တဖန်ငါဆောင်ခဲ့ဦးမည်။ သူတို့သည်လည်း၊ သားဖွား၍ များပြားကြလိမ့်မည်။ ၄ သူတို့ကို ကျွေးမွေးသောသိုးထိန်းတို့ကို သူတို့အပေါ်မှာ ငါခန့်ထားသဖြင့်၊ သူတို့သည် နောက်တဖန်ကြောက်ခြင်း၊ ထိတ်လန့်ခြင်းမရှိရကြ။ ဆုံးမခြင်းကိုလည်းမခံရကြဟု ထာဝရဘုရား မိန့်တော်မူ၏။

ဒါဝိဒ်အညွန့်၌ ဉာဏ်ကောင်းသော ဘုရင်ပေါ်မည်

CROSS REFERENCES

ဟေရှာ ၄း၂
၂ ထိုကာလ၌ ထာဝရဘုရား၏ အညွန့်သည် ဘုန်းအသရေ ပွင့်လန်းလိမ့်မည်။၊ လွတ်သော ဣသရေလ အမျိုးသားတို့အဘို့၊ မြေအသီးအနှံ့သည် ကောင်းမြတ် လျောက်ပတ်လိမ့်မည်။

ဟေရှာ ၅၃း၂
၂ ထာဝရဘုရား၏ ကျွန်သည်%fo(a) အညွန့်ကဲ့သို့၎င်း၊သွေ့ခြောက်သောမြေ၌ ပေါက်သော အတက်ကဲ့သို့၎င်း၊ ရှေ့တော်၌ ကြီးပွား၏။ ပမာဏပြုစရာ အဆင်းတင့်တယ်ခြင်းမရှိ။ ချစ်လိုဘွယ်သော မျက်နှာလက္ခဏာနှင့် မပြည့်စုံ။

ယေရမိအ ၂၃း၅
၅ ထာဝရဘုရား မိန့်တော်မူသည်ကား၊ သန့်ရှင်းသော အညွန့်ကို ဒါဝိဒ်အဘို့ ငါပေါက်စေသည်အတိုင်း။ ဥာဏ်ကောင်းသော ရှင်ဘုရင်တဦးသည် စိုးစံ၍၊ မြေကြီးပေါ်မှာ တရားသဖြင့် ဖြောင့်မတ်စွာ စီရင်ရာကာလသည် ရောက်လိမ့်မည်။

ယေရမိအ ၃၃း၁၅
၁၅ ထိုကာလအခါ သန့်ရှင်းသော အညွန့်ကို ဒါဝိဒ်အဘို့ငါပေါက်စေ၍။သူသည် မြေကြီးပေါ်မှာ တရားသဖြင့် ဖြောင့်မတ်စွာ စီရင်လိမ့်မည်။

ဇာခရိ ၃း၈
၈ အိုယဇ်ပုရောဟိတ်မင်း ယောရှု သင့်ရှေ့မှာ နေသော သင့်အပေါင်းအဖေါ်တို့နှင့်တကွ နားထောင်လော့။ သူတို့သည် နိမိတ်လက္ခာဏာနှင့် ယှဉ်သောသူ ဖြစ်ကြ၏။ ငါ၏ကျွန်တည်းဟူသော အညွတ်ကို ငါပေါ်ထွန်းစေမည်။၊

ဇာခရိ ၆း၁၂
၁၂ ကောင်းကင်ဗိုလ်ခြေ အရှင်ထာဝရဘုရား အမိန့်တော်ကို ထိုသူအား ဆင့်ဆိုရမည်မှာ၊ အညွတ်အမည်ရှိသော သူကို ကြည့်ရှုလော့။ မိမိဒေသအရပ်၌ ပေါက်၍ ထာဝရဘုရား၏ ဗိမာန်တော်ကို တည်ဆောက်လိမ့်မည်။

၅ ထာဝရဘုရား မိန့်တော်မူသည်ကား၊ သန့်ရှင်းသော အညွန့်ကို ဒါဝိဒ်အဘို့ ငါပေါက်စေသည်အတိုင်း။ [A] ဥာဏ်ကောင်းသော ရှင်ဘုရင်တဦးသည် စိုးစံ၍၊ မြေကြီးပေါ်မှာ တရားသဖြင့် ဖြောင့်မတ်စွာ စီရင်ရာကာလသည် ရောက်လိမ့်မည်။ ၆ ထိုမင်းလက်ထက်၌ ယုဒပြည်သည် ကယ်တင်ခြင်းသို့ ရောက်၍၊ ဣသရေလပြည်လည်း ငြိမ်ဝပ်စွာ နေရလိမ့်မည်။ ထိုမင်းသည် ယေဟောဝါ ဇေဒနုဟူသော ဘွဲ့နာမရှိလိမ့်သတည်း။ ၇ သို့ဖြစ်၍၊ ထာဝရဘုရား မိန့်တော်မူသည်ကား၊ ဣသရေလ အမျိုးသားတို့ကို အဲဂုတ္တုပြည်မှ နှုတ်ဆောင်သော ထာဝရဘုရား အသက်ရှင်တော်မူသည်ဟူ၍ မကျိန်ဆိုဘဲ၊ ၈ ဣသရေလ အမျိုးသားအစဉ်အဆက်တို့ကို မြောက်ပြည်မှစ၍၊ နှင်ထုတ်ဘူးသော ပြည်ရှိသမျှတို့မှ ပို့ဆောင်သော ထာဝရဘုရား အသက်ရှင်တော်မူသည်ဟူ၍၊ ကျိန်ဆိုရသော ကာလသည် နောက်တဖန် ရောက်လိမ့်မည်။ သူတို့သည် နေရင်းပြည်၌ တဖန်နေရကြလိမ့်မည်။

ပြည်သားများ ပရောဖက်နှင့် ယဇ်ပုရောဟိတ်များ မဖြောင့်မတ်

CROSS REFERENCES

ကမ္ဘာ ၃၈း၂၄
၂၄ ထိုနောက် သုံးလခန့် လွန်သည်ရှိသော်၊ သူတပါးက၊ သင်၏ချွေးမတာမာသည် ပြည်တန်ဆာလုပ်၍ မတရားသောမေထုန် ပြုသဖြင့်ကိုယ်ဝန်ဆောင်လျက် နေပြီတကား၊ ဟုယုဒအားပြောဆိုလျှင်၊ ယုဒက သူ့ကိုထုတ်၍ မီးရှို့စေ၊ ဟုစီရင်လေ၏။

ယေရမိအ ၃း၂
၂ မြင့်သော အရပ်များကို မျှော်ကြည့်၍၊ လင်မနေဘူးသော အရပ်တစုံတခုကို ရှာလော့။ အာရပ်လူသည် တော၌ စောင့်သကဲ့သို့၊ သင်သည်လမ်းတို့၌ စောင့်နေ၍၊ မတရားသောမေထုန်အားဖြင့်၎င်း၊ အဓမ္မအမှုအားဖြင့်၎င်း၊ ပြည်ကိုညစ်ညူးစေပြီ။

ယေရမိအ ၃း၈-၉
၈ ဖောက်ပြန်သော ဣသရေလသည် မတရားသော မေထုန်ကို ပြု၍၊ မှားယွင်းသော အပြစ်များကြောင့်၊ သူနှင့်ငါကွာ၍ ဖြတ်စာကို အပ်သော်လည်း၊ သစ္စာပျက်သော ညီမယုဒသည်လည်း၊ မကြောက်ဘဲသွား၍ ပြည်တန်ဆာ လုပ်ကြောင်းကို ငါမြင်ရ၏။

ယေရမိအ ၁၃း၂ရ
၂၇ သင်၏မျောက်မ ထားခြင်း၊ ဟီမြည်ခြင်း၊ မတရားသော မေထုန်၏ ညစ်ညူးခြင်း၊တောင်ပေါ်၌၎င်း၊ လယ်ပြင်၌၎င်း၊ ပြုသော စက်ဆုပ်ရွံရှာဘွယ်တို့ကို ငါသိမြင်၏။ အိုယေရုရှလင်မြို့၊ သင်သည် အမင်္ဂလာရှိ၏။ သန့်ရှင်းခြင်းသို့မရောက်ဘဲ အဘယ်မျှ ကာလပတ်လုံး နေလိမ့်မည်နည်းဟု ထာဝရဘုရား မိန့်တော်မူ၏။

ယေရမိအ ၂၃း၁၀
၁၀ အကြောင်းမူကား၊ မတရားသောမေထုန်၌ မှီဝဲသောသူတို့သည်တပြည်လုံး၌ အနှံ့အပြားရှိကြ၏။ ထိုသူတို့ကြောင့်တပြည်လုံးမြည် တမ်းရ၏။ တော၌ ကျက်စားရာအရပ်တို့သည် သွေ့ခြောက်ကြ၏။ ပြည်သားများလိုက်သောလမ်းသည်မဖြောင့်၊ သူတို့အစွမ်းသတ္တိ သည်တရားဘက်၌ မနေတတ်။

ယေရမိအ ၂၃း၁၄
၁၄ ယေရုရှလင်မြို့သားပရောဖက်တို့၌လည်း၊ စက်ဆုပ်ရွံရှာဘွယ်သောသဘောကိုငါမြင်ပြီ။ သူတို့သည်မတရားသောမေထုန်၌ မှီဝဲလျက်၊ မုသာကိုလည်းသုံးလျက်၊ အဓမ္မပြုသောသူတို့ကိုအားပေးတတ်သဖြင့်၊ အဘယ်သူမျှမိမိပြုသောအဓမ္မအမှုကိုမစွန့်။ ထိုသူရှိသမျှတို့သည်ငါ၌ သောဒုံမြို့သားတို့ကဲ့သို့၎င်း၊ ယေရုရှလင်မြို့သားတို့သည်ဂေါမောရမြို့သားကဲ့သို့၎င်းဖြစ်ကြ၏။

ယေဇ ၁၆း၁၅-၁၆
၁၅ သို့ရာတွင်သင်သည်၊ ကိုယ်လှသောအဆင်းကိုကိုးစား၍၊ ဂုဏ်အသရေကျော်စောသောကြောင့်၊ ပြည်တန်ဆာလုပ်၍ ခရီးသွားသောသူအပေါင်းတို့နှင့် မတရားသောမေထုန်ကို အနှံ့အပြားပြုသဖြင့်၊ ယောက်ျားတိုင်းအခွင့်ရ၏။

ယေဇ ၁၆း၂၁-၂၂
၂၁ သင်သည်မတရားသောမေထုန်ကိုပြု၍၊ စိတ်မပြေသောကြောင့် ငါ၏သားသမီးတို့ကိုသတ်၍၊ ရုပ်တုတို့အားမီးဖြင့်ပူဇော်ရမည်လော။

ယေဇ ၁၆း၂၅-၂၆
၂၅ သင်သည်မြင့်သောအရပ်ကို လမ်းဦးတိုင်းလုပ်၍၊ ကိုယ်လှသောအဆင်းကို ရွံ့ရှာဘွယ်ဖြစ်သည်တိုင်အောင်ပြုလျက်၊ ခရီးသွားသောသူအပေါင်းတို့အား ပေါင်တို့ကိုခွါဖွင့်၍၊ မတရားသောမေထုန်အမှုတို့ကို များပြားစေ၏။

ယေဇ ၁၆း၂၉
၂၉ ထိုမှတပါး၊ ခါနာန်ပြည်မှသည် ခါလဒဲပြည်တိုင်အောင်မတရားသောမေထုန်အမှုတို့ကို များပြားစေသော်လည်း စိတ်မပြေနိုင်။

ယေဇ ၁၆း၃၃-၃၄
၃၃ ပြည်တန်ဆာမိန်းမရှိသမျှတို့သည် လက်ဆောင်ကိုခံယူတတ်ကြ၏။ သင်မူကား၊ သင်၏ရည်းစားအပေါင်းတို့ အားလက်ဆောင်ကိုပေးတတ်၏။ အရပ်ရပ်တို့ကလာ၍မတရားသောမေထုန်ကို ပြုစေခြင်းငှါသူတပါးတို့ကိုငှါးတတ်၏။

ယေဇ ၂၃း၃
၃ သူတို့သည် အသက်ငယ်စဉ်အခါ၊ အဲဂုတ္တုပြည်၌ မတရားသောမေထုန်ကိုပြုကြ၏။ ထိုပြည်၌ သူတို့၏ သားမြတ်ကိုပွတ်နယ်၍ အပျိုမအသရေကို ရှုတ်ချကြ၏။

ယေဇ ၂၃း၅-၈
၅ အဟောလသည် ငါ၏ခင်ပွန်းဖြစ်စဉ်အခါ၊ မတရားသောမေထုန်ကိုပြု၏။

ယေဇ ၂၃း၁၁
၁၁ ထိုအမှုကို ညီမဟောလိဗသည် မြင်သောအခါ၊ အစ်မထက်သာ၍ တပ်မက်သောစိတ်ရှိသည်နှင့်၊ အစ်မထက်သာ၍ မတရားသောမေထုန်ကိုပြု၏။

ယေဇ ၂၃း၁၄
၁၄ အထူးသဖြင့် မတရားသောမေထုန်ကို ပြုသောအကြောင်းအရာဟူမူကား၊ ခါးစည်းကိုစည်းလျက်၊ ထူးဆန်းသောပန်းဆိုး ခေါင်းပေါင်းကိုပေါင်းလျက်၊ မွေးဖွားရာဌာန ခါလဒဲပြည်ဗာဗုလုန်မြို့သားကဲ့သို့၊ မင်း၏အသွင်ကိုဆောင်လျက်၊

ယေဇ ၂၃း၁ရ-၁၈
၁၇ ဗာဗုလုန်မြို့သားတို့သည် သူနှင့်သံဝါသပြုရာ ခုတင်သို့လာ၍၊ မတရားသောမေထုန်ကို ပြုသောအားဖြင့်ညစ်ညူးစေကြ၏။ သူသည်လည်းထိုသူတို့ကို ရွံရှာသည်တိုင်အောင် ညစ်ညူးခြင်းကိုခံရလေသည်။

ယေဇ ၂၃း၂၉
၂၉ သူတို့သည်မုန်းသည်အတိုင်းပြုလျက်၊ သင်ကြိုးစား၍ ဆည်းပူးသမျှသောဥစ္စာတို့ကို သိမ်းယူ၍၊ သင့်ကိုယ်၌ အဝတ်မရှိ၊ အချည်းစည်းရှိရစ်စေကြလိမ့်မည်။ သင်မှားယွင်း၍ အချည်းစည်းရှိခြင်း၊ အဓမ္မအမှုကိုပြုခြင်း၊ မတရားသောမေထုန်သို့လိုက်ခြင်း အရာသည်ထင်ရှားရလိမ့်မည်။

ယေဇ ၂၃း၃၅
၃၅ သို့ဖြစ်၍၊ သင်သည်မေ့လျော့၍၊ သင့်ကျောနောက်သို့ ငါ့ကိုပစ်လိုက်သောကြောင့်၊ သင်သည်အဓမ္မအမှုနှင့် မတရားသောမေထုန်အမှု၏ အပြစ်ကိုခံလော့၊ ဟုအရှင်ထာဝရဘုရားမိန့်တော်မူ၏။

ယေဇ ၂၃း၄၃
၄၃ ငါကလည်း၊ ထိုသူတို့သည် ဤမိန်းမနှင့်ပင် အကယ်၍မတရားသောမေထုန်ကို ပြုကြလိမ့်မည်လော၊ ဟုအိုသည်တိုင် အောင် ပြည်တန်ဆာလုပ်သော ထိုမိန်းမကို ရည်မှတ်၍ဆိုသော်၊

ဟောရှေ ၄း၁၀
၁၀ သူတို့သည်စား၍မဝရကြ။ မတရားသောမေထုန်ကိုပြု၍ သားသမီးကိုမဖွားမြင်ရကြ။

ဟောရှေ ၄း၁၈
၁၈ သူတို့စားသောက်ပွဲခံချိန်လွန်ပြီ။ မင်းလုပ်သောသူတို့သည်အထပ်ထပ်မတရားသောမေထုန်ကိုပြုကြပြီ။ ရှက်ဘွယ်သောအမှုကိုတပ်မက်ကြပြီ။ လေသည်မိမိအတောင်တို့နှင့်တိုက်၍ပါသွားမည်။ သူတို့သည်မိမိတို့ပူဇော်သောယဇ်များကြောင့်ရှက်ကြလိမ့်မည်။

ဟောရှေ ရး၄
၄ ထိုသူအပေါင်းတို့သည်မတရားသောမေထုန်ဖြင့်မှားယွင်းသောသူဖြစ်၍၊ မီးထဲ့သောမုန့်သည်၏မီးဖိုနှင့်တူကြ၏။ မုန့်စိမ်းကိုနယ်ပြီးမှမဖောင်းကြွမှီတိုင်အောင်၊ မီးမဆော်ဘဲငြိမ်ဝပ်စွာနေရ၏။

နာဟုံ ၃း၄
၄ အဆင်းလှ၍ ပြုစားတတ်လျက်၊ မတရားသောမေထုန်အမှုနှင့် စုန်းမအတတ်အားဖြင့်၊ လူအမျိုးမျိုးအနွယ်နွယ်တို့ကို ကုန်သွယ်လုပ်တတ်သော ပြည်တန်ဆာမိန်းမသည် မတရားသောမေထုန်ကို ပြုဖန်များပြားသောကြောင့်၊

၁ ကော ၅း၁
၁ မတရားသော မေထုန်သာမညမဟုတ်၊ အဘ၏မယားကို သိမ်းယူခြင်းတည်းဟူသော၊ သာသနာပလူတို့တွင် ပင်မကြားရသော မေထုန်၌ မှီဝဲသောသူသည်၊ သင်တို့တွင်ရှိကြောင်းကို အနှံ့အပြားကျော်စောကြ၏။

၁ ကော ၅း၉
၉ သင်တို့သည်၊ မတရားသောမေထုန်၌ မှီဝဲသောသူတို့နှင့်၊ မပေါင်းဖေါ်မည်အကြောင်း၊ အထက်ဩဝါဒစာ၌ ငါရေးထားခဲ့ပြီ။

၁ ကော ၆း၉
၉ မတရားသောသူတို့သည်၊ ဘုရားသခင်၏ နိုင်ငံတော်ကို အမွေမခံရသည်ကို၊ သင်တို့မသိကြသလော။ အလွဲမယူကြနှင့်။ မတရားသောမေထုန်၌ မှီဝဲသောသူ၊ ရုပ်တုကို ကိုးကွယ်သောသူ၊ သူ့မယားကို ပြစ်မှားသောသူ၊ ယောက်ျားချင်း မေထုန်ကို ပြုသောသူ၊ ထိုအမှုကိုခံသောသူ၊

၁ ကော ၆း၁၃
၁၃ အစားအသောက်တို့သည် ဝမ်းအဘို့၊ ဝမ်းသည်လည်း အစားအသောက်တို့အဘို့ ဖြစ်သည်မှန်စေတော့။ သို့သော်လည်း ဘုရားသခင်သည် ထိုနှစ်ပါးကို ဖျက်ဆီးတော်မူလိမ့်မည်။ ကိုယ်ခန္ဓာသည် မတရားသောမေထုန်အဘို့ ဖြစ်သည်မဟုတ်။ ဘုရားသခင်အဘို့ ဖြစ်၏။ သခင်ဘုရားသည်လည်း ကိုယ်ခန္ဓာအဘို့ ဖြစ်တော်မူ၏။

၂ ကော ၁၂း၂၁
၂၁ အထက်က ပြစ်မှား၍ ညစ်ညူးစွာကျင့်ခြင်း၊ မတရားသောမေထုန်၌ မှီဝဲခြင်း၊ ကိလေသာ လွန်ကျူးခြင်းအမှုတို့ကို ပြုမိ၍၊ ယခုတိုင်အောင် နောင်တမရသောသူ အများကြောင့်၊ ငါစိတ်မသာ ညည်းတွားရသဖြင့်၊ သင်တို့ရှေ့၌ ဘုရားသခင်သည်၊ ငါ့ကိုနှိမ့်ချတော်မူမည်ဟူ၍၎င်း စိုးရိမ်ခြင်းရှိ၏။

ဂလာ ၁း၁၉
၁၉ သူနှင့် သခင်ဘုရား၏ ညီတော် ယာကုပ် မှတပါး၊ အခြားသော တမန်တော် တစ်ယောက်ကိုမျှ ငါမတွေ့မမြင်။

ကောလော ၃း၅
၅ ထိုကြောင့်မတရားသောမေထုန်၌ မှီဝဲခြင်း၊ ညစ်ညူးစွာကျင့်ခြင်း၊ ကိလေသာပူပန်ခြင်း၊ ဆိုးညစ်သောတပ်မက်ခြင်း၊ ရုပ်တုကို ကိုးကွယ်ခြင်း ဖြစ်သော လောဘလွန်ကျူးခြင်း တည်းဟူသော၊ မြေကြီးပေါ်မှာ ရှိသောသင်တို့၏ ကိုယ်အင်္ဂါတို့ကို သေစေကြလော့။

၁ သက် ၄း၃
၃ ဘုရားသခင်၏ အလိုတော်ဟူမူကား၊ သင်တို့သည် မတရားသောမေထုန်ကို ကြဉ်ရှောင်၍ သန့်ရှင်းစေခြင်းငှါ၎င်း၊

၁ တိ ၁း၁၀
၁၀ ဘုရားကို မကိုးကွယ်သောသူ၊ အပြစ်ထင်ရှားသောသူ၊ မသန့်ရှင်းသောသူ၊ ဘုရားတရားကို မရိုမသေပြုသောသူ၊ မိဘကို ညှဉ်းဆဲသောသူ၊ လူအသက်ကို သတ်သောသူ၊ မတရားသောမေထုန်၌ မှီဝဲသောသူ၊ ယောကျ်ားချင်း မေထုန်ကိုပြုသောသူ၊ လူကိုခိုးသွားသောသူ၊ မုသာစကားကို သုံးသောသူ၊ မဟုတ်မမှန်ဘဲ ကျိန်ဆိုသောသူမှစ၍၊ စင်ကြယ်သောဩဝါဒနှင့် ဆန့်ကျင်ဘက် ဖြစ်သမျှတို့အဖို့၊ ပညတ်တရားကို ထားသည်၊ ဟုသိမှတ်၍၊ ထိုတရားကို တရားသဖြင့် သုံးသောသူ၌ ပညတ်တရားသည် အကျိုးကို ပေးတတ်သည်၊ ဟုငါတို့သိကြ၏။

ဟေဗြဲ ၁၂း၁၆
၁၆ မတရားသောမေထုန်၌ မှီဝဲသောသူမရှိစေခြင်းငှါ၎င်း၊ တနပ်စာအဘို့နှင့်သားဦးအရာကို ရောင်းသောဧသောကဲ့သို့၊ ဘုရားတရားကို မရိုသေပြုသောသူ မရှိစေခြင်းငှါ၎င်း၊ သတိနှင့် ကြည့်ရှုကြလော့။

ဟေဗြဲ ၁၃း၄
၄ ခပ်သိမ်းသောသူတို့၌ မင်္ဂလာဆောင်ခြင်းအမှုနှင့်၊ သစ္စာသံဝါသပြုခြင်းအမှုသည် အသရေရှိစေလော့။ မတရားသောမေထုန်ကို ပြုသောသူနှင့်၊ သူ့မယားကို ပြစ်မှားသောသူကို၊ ဘုရားသခင် စစ်ကြောစီရင်တော်မူလိမ့်မည်။

ဗျာ ၂း၁၄
၁၄ သို့သော်လည်း ဣသရေလအမျိုးသားတို့သည်၊ ရုပ်တုရှေ့မှာ ပူဇော်သော ယဇ်ကောင်ကို စားစေခြင်းငှါ၎င်း၊ မတရားသောမေထုန်ကို ပြုစေခြင်းငှါ၎င်း၊ ထိမိ၍ လဲစရာအရာကို၊ သူတို့ရှေ့၌ ချထားမည်အကြောင်း၊ ဗာလက်မင်းကို အကြံပေးသောသူတည်းဟူသော၊ ဗာလမ်၏အယူကို စွဲလမ်းသောသူတို့သည်၊ သင်၏နေရာ၌ ရှိကြသည်ဖြစ်၍၊ သင်၌ အနည်းငယ်သော အပြစ်တင်စရာရှိ၏။

ဗျာ ၉း၂၁
၂၁ ကိုယ်ကျင့်သော အကျင့်တည်းဟူသော၊ လူအသက်ကိုသတ်ခြင်း၊ သူတပါးကို ပြုစားခြင်း၊ မတရားသောမေထုန်၌ မှီဝဲခြင်း၊ သူ့ဥစ္စာကိုခိုးခြင်း၊ အမှုများကိုလည် နောင်တမရဘဲ နေကြ၏။

ဗျာ ၂၁း၈
၈ ကြောက်တတ်သောသူ၊ မယုံကြည်သောသူ၊ စက်ဆုပ်ရွံရှာဘွယ်သောသူ၊ လူအသက်ကို သတ်သောသူ၊ မတရားသောမေထုန်၌ မှီဝဲသောသူ၊ ပြုစားတတ်သောသူ၊ ရုပ်တုကိုကိုးကွယ်သောသူ၊ သစ္စာပျက်သောသူ အပေါင်းတို့မူကား၊ ဒုတိယသေခြင်းတည်းဟူသော၊ ကန့်နှင့်လောင်သော မီးအိုင်ထဲ၌ ၊ မိမိတို့အဘို့ကို ရကြလိမ့်မည် ဟူ၍၎င်း၊ ငါ့အားမိန့်တော်မူ၏။ s မင်္ဂလာဆောင်သတို့သမီး

ဗျာ ၂၂း၁၅
၁၅ ပြင်၌ ကား၊ ခွေးဖြစ်သောသူ၊ ပြုစားတတ်သောသူ၊ မတရားသောမေထုန်၌ မှီဝဲသောသူ၊ လူအသက်ကို သတ်သောသူ၊ ရုပ်တုကို ကိုးကွယ်သောသူ၊ သစ္စာပျက်ခြင်းကို နှစ်သက်၍ ပြုသောသူအပေါင်းတို့သည် ရှိကြ၏။

၉ ပရောဖက်များနှင့် ဆိုင်သော စကားဟူမူကား၊ ထာဝရဘုရားကြောင့်၎င်း၊ သန့်ရှင်းသော စကားတော်ကြောင့်၎င်း၊ ငါ့စိတ် ပျက်လျက်ရှိ၏။ ငါ့အရိုးရှိသမျှတို့သည်လှုပ်ရှားကြ၏။ ယစ်မူးသောသူနှင့်စပျစ်ရည်နိုင်သောသူကဲ့သို့ငါဖြစ်၏။ ၁၀ အကြောင်းမူကား၊ မတရားသောမေထုန် [B]၌ မှီဝဲသောသူတို့သည်တပြည်လုံး၌ အနှံ့အပြားရှိကြ၏။ ထိုသူတို့ကြောင့်တပြည်လုံးမြည် တမ်းရ၏။ တော၌ ကျက်စားရာအရပ်တို့သည် သွေ့ခြောက်ကြ၏။ ပြည်သားများလိုက်သောလမ်းသည်မဖြောင့်၊ သူတို့အစွမ်းသတ္တိ သည်တရားဘက်၌ မနေတတ်။ ၁၁ ပရောဖက်နှင့်ယဇ်ပုရော ဟိတ် နှစ်ပါးတို့သည်ဘုရားကို မရိုမသေပြုကြပြီ။ ငါ့အိမ်၌ ပင်သူတို့ပြုသောအဓမ္မအမှုကိုငါတွေ့ပြီ၊ ဟုထာဝရဘုရားမိန့်တော်မူ၏။

ပရောဖက်တို့ကိုဒဏ်ခတ်မည်

CROSS REFERENCES

ယေဇ ၂၃း၅-၈
၅ အဟောလသည် ငါ၏ခင်ပွန်းဖြစ်စဉ်အခါ၊ မတရားသောမေထုန်ကိုပြု၏။

CROSS REFERENCES

ဟေရှာယ ၁း၁၀

ဟေရှာယ ၁း၁၀
၁၀ သောဒုံမြို့ကို အစိုးရသောမင်းတို့၊ ထာဝရဘုရား၏ နှုတ်ကပတ်တော်ကို ကြားကြလော့။ ဂေါမောရမြို့သားတို့၊ ငါတို့ ဘုရားသခင်၏ တရားတော်ကို နားထောင်ကြလော့။ %fo(a)

၁၂ ထိုကြောင့်၊ သူတို့သွားသောလမ်းသည် မှောင်မိုက်၌ ချောတတ်သောလမ်းကဲ့သို့ဖြစ်၍၊ သူတို့သည်တွန်းတိုးခြင်းကိုခံရ၍ လဲကြလိမ့်မည်။ အကြောင်းမူကား၊ သူတို့သည်ဆုံးမခြင်းကိုခံရသောကာလ၌ သူတို့အပေါ်မှာဘေးဥပါဒ်ကိုသင့်ရောက်စေမည်၊ ဟုထာဝရဘုရားမိန့်တော်မူ၏။ ၁၃ ရှမာရိပြည်သားပရောဖက်တို့၌ လည်း၊ မိုက်သောသဘောကိုငါမြင်ပြီ။ သူတို့သည်ဗာလဘုရားကိုမှီဝဲ၍ပရောဖက်ပြုသဖြင့်၊ ငါ၏လူဣသရေလအမျိုးသားတို့ကိုမှားယွင်းစေကြပြီ။ ၁၄ ယေရုရှလင်မြို့သားပရောဖက်တို့၌လည်း၊ စက်ဆုပ်ရွံရှာဘွယ်သောသဘောကိုငါမြင်ပြီ။ သူတို့သည်မတရားသောမေထုန် [B]၌ မှီဝဲလျက်၊ မုသာကိုလည်းသုံးလျက်၊ အဓမ္မပြုသောသူတို့ကိုအားပေးတတ်သဖြင့်၊ အဘယ်သူမျှမိမိပြုသောအဓမ္မအမှုကိုမစွန့်။ ထိုသူရှိသမျှတို့သည်ငါ၌ သောဒုံမြို့သားတို့ကဲ့သို့၎င်း၊ ယေရုရှလင်မြို့သားတို့သည်ဂေါမောရမြို့သားကဲ့သို့၎င်းဖြစ်ကြ၏။ [C] ၁၅ ထိုကြောင့်၊ ကောင်းကင်ဗိုလ်ခြေအရှင်ထာဝရဘုရားသည်ပရောဖက်တို့အမှု၌ မိန့်တော်မူသည်ကား၊ သူတို့ကိုဒေါနနှင့်ငါကျွေးမည်။ ဆေးခါးကိုလည်းသောက်စေမည်။ ယေရုရှလင်မြို့သားပရောဖက်တို့သည်မူလအမြစ်ဖြစ်၍၊ အဓမ္မအမှုသည် တပြည်လုံးကိုနှံ့ပြားလေပြီ။

ပရောဖက်တို့၏စကားနားမထောင်ကြနှင့်

CROSS REFERENCES

တရားဟော ၁၃း၁-၃
၁ သင်တို့တွင် ပရောဖက်ပြုသောသူ၊ အိပ်မက်ကို မြင်သောသူသည် ပေါ်လာ၍၊

တရားဟော ၁၈း၂၀-၂၂
၂၀ ငါမမှာထားဘဲ ငါ့အခွင့်ကို ဆောင်၍ ရဲရင့်စွာ ဟောပြောသော ပရောဖက်၊ အခြားတစ်ပါးသော ဘုရားအခွင့်နှင့် ဟောပြောသော ပရောဖက်သည် အသေသတ်ခြင်းကို ခံရမည်၊ ဟုငါ့အားမိန့်တော်မူ၏။

၃ ဓမ္မ ၂၂း၆
၆ ဣသရေလ ရှင်ဘုရင်သည် ပရောဖက် လေးရာတို့ကို စုဝေးစေပြီးလျှင်၊ ငါသည် ဂိလဒ်ပြည် ရာမုတ်မြို့သို့ စစ်ချီကောင်းသလော။ မချီဘဲ နေကောင်းသလော၊ ဟုမေးသော်၊ သူတို့က ချီတော်မူပါ။ ထာဝရဘုရားသည် အရှင်မင်းကြီး၏ လက်တော်သို့ အပ်တော်မူမည်၊ ဟုလျှောက်ကြ၏။

ယေရမိအ ၅း၃၁
၃၁ ပရောဖက်တို့သည် မဟုတ်မမှန် ဟောပြောကြ၏။ ယဇ်ပုရောဟိတ်တို့သည် ဝန်ခံ၍ အစိုးရကြ၏။ ထိုသို့သော အမှုကိုငါ၏ လူတို့သည် နှစ်သက်ကြ၏။ ထိုအမှုဆုံးသောအခါ သင်တို့သည်အဘယ်သို့ ပြုကြလိမ့်မည်နည်း။ %ln

ယေရမိအ ၆း၁၃
၁၃ အငယ်ဆုံးသောသူမှစ၍ အကြီးဆုံးသော သူအပေါင်းတို့သည် မတရားသော စီးပွားကိုရှာကြ၏။ ပရောဖက်မှစ၍ ယဇ်ပုရောဟိတ် ရှိသမျှတို့သည် မုသာကိုသုံးကြ၏။

ယေရမိအ ၁၄း၁၃-၁၄
၁၃ ငါကလည်း၊ အိုအရှင် ထာဝရဘုရား၊ ပရောဖက်တို့က၊ သင်တို့သည် ဓါးဘေးကို မတွေ့ရကြ။ မွတ်သိပ်ခြင်းဘေးသည် သင်တို့ရှိရာသို့ မရောက်ရကြ။ ဤအရပ်၌ မြဲသောငြိမ်သက်ခြင်းကို ငါပေးမည်ဟု ဤသူတို့အား ဟောပြောကြောင်းကို ငါလျှောက်သောအခါ၊

ယေရမိအ ၂၃း၁၆-၁၇
၁၆ ကောင်းကင်ဗိုလ်ခြေအရှင် ထာ၀ရဘုရားမိန့်တော်မူသည်ကား၊ ပရောဖက်ပြု၍သင်တို့အား ဟောတတ်သောဆရာတို့၏ စကားကိုနားမထောင်ကြနှင့်။ သူတို့သည်သင်တို့အားအချည်းနှီးဟောတတ်ကြ၏။ ထာဝရဘုရား၏နှုတ်တော်ထွက်သို့မလိုက်၊ ကိုယ်အလိုအလျောက်ရူပါရုံကိုမြင်သည်အတိုင်းဟောပြောတတ်ကြ၏။

ယေရမိအ ၂၃း၂၅-၂၈
၂၅ ငါသည်အိပ်မက်မြင်ပြီ။ အိပ်မက်မြင်ပြီ၊ ဟုငါ့နာမကိုအမှီပြု၍၊ မုသာဖြင့်ဟောပြောသော ပရောဖက်တို့၏စကားကို ငါကြားပြီ။

ယေရမိအ ၂၇း၉-၁၀
၉ သို့ဖြစ်၍၊ သင်တို့သည် ဗာဗုလုန် ရှင်ဘုရင်၏ အစေခံကိုမခံရဟု သင်တို့အား ပြောတတ်သော ပရောဖက်၊ အနာဂတ်ဆရာ၊ အိပ်မက်မြင်သောဆရာ၊ နတ်ဝိဇ္ဇာဆရာ၊ ပြုစားတတ်သော ဆရာတို့၏စကားကို နားမထောင်ကြနှင့်။

ယေရမိအ ၂၈း၁-၁၇
၁ ထိုနှစ်တည်းဟူသော၊ ယုဒရှင်ဘုရင် ဇေဒကိနန်းစံစတုတ္ထနှစ်၊ ပဥ္စမလတွင်၊ ဂိဗောင်မြို့နယ်၊ အာဇုရသားဟာနနိက၊

ယေရမိအ ၂၉း၂၀-၂၁
၂၀ ထာဝရဘုရားသည် ငါတို့အဘို့ ပရောဖက်များကို ဗာဗုလုန်မြို့၌ ပေါ်ထွန်းစေတော်မူပြီဟု သင်တို့ဆိုကြသည်ဖြစ်၍၊

ယေရမိအ ၂၉း၃၁
၃၁ ငါမစေလွှတ်ဘဲ ရှေမာယသည် သင်တို့အား ပရောဖက်ပြု၍ မုသာ၌ ခိုလှုံစေသောကြောင့်၊

ယေဇ ၂၂း၂၈
၂၈ ပရောဖက်တို့ကလည်း၊ အရှင်ထာဝရဘုရားမိန့်တော်မူသည်၊ ဟုထာဝရဘုရားမိန့်တော်မမူဘဲ၊ အချည်းနှီးသောအရာကိုမြင်၍၊ မုသာစကားကို ဟောပြောလျက်၊ သူတို့ကိုအင်္ဂတေနှင့်မွမ်းမံကြ၏။

ဇာခရိ ၁၃း၂-၆
၂ ကောင်းကင်ဗိုလ်ခြေ အရှင်ထာဝရဘုရား မိန့်တော်မူသည်ကား၊ ပြည်တော်တွင် ရှိသော ရုပ်တုတို့၏ နာမများကို နောက်တဖန် အဘယ်သူမျှ မမှတ်မိစေခြင်းငှါ၊ ထိုကာလ၌ ငါသုတ်သင်ပယ်ရှင်းမည်။ ပရောဖက် လုပ်သောသူတို့ကို၎င်း၊ ညစ်ညူးသော ဝိညာဉ်ကို၎င်း၊ ပြည်တော်မှ နှင်ထုတ်မည်။

မဿဲ ၇း၁၅
၁၅ အတွင်း၌ ကြမ်းတမ်းသော တောခွေးဖြစ်လျက်၊ သိုးရေကိုခြုံ၍ သင်တို့ရှိရာသို့ လာသော မိစ္ဆာပရောဖက်တို့ကို သတိနှင့် ရှောင်ကြလော့။

မဿဲ ၂၄း၅
၅ အများသော သူတို့က၊ ငါသည် ခရစ်တော်ဖြစ်၏၊ ဟုဆိုလျက်၊ ငါ၏ အယောင်ကို ဆောင်၍ ပေါ်လာသဖြင့်၊ လူအများတို့ကို လှည့်ဖြားကြလိမ့်မည်။ sစစ်တိုက်မည်

မဿဲ ၂၄း၁၁
၁၁ အချင်းချင်း မုန်းကြလိမ့်မည်။ မိစ္ဆာပရောဖက် အများတို့သည် ပေါ်လာ၍၊ လူအများတို့ကို လှည့်ဖြားကြလိမ့်မည်။

မဿဲ ၂၄း၂၄
၂၄ အကြောင်းမူကား၊ ခရစ်တော်၏ အယောင်ကို ဆောင်သောသူနှင့် မိစ္ဆာပရောဖက်တို့သည် ပေါ်လာ၍၊ရွေးချယ်သော သူတို့ကိုပင် လှည့်ဖြားနိုင်လျှင်၊ လှည့်ဖြား လောက်အောင် ကြီးစွာသော နိမိတ်လက္ခဏာ၊ အံ့ဘွယ်သော အမှုတို့ကို ပြကြလိမ့်မည်။

မာကု ၁၃း၂၁-၂၃
၂၁ ထိုအခါ သူတပါးက၊ ဤအရပ်၌ ခရစ်တော်ရှိသည်၊ ထိုအရပ်၌ ရှိသည်၊ ဟုဆိုသော်လည်း မယုံကြနှင့်။

လု ၂၁း၈
၈ ကိုယ်တော်က၊ သင်တို့သည် လှည့်ဖြားခြင်းသို့ မလိုက်မပါမည်အကြောင်း သတိပြုကြလော့။ အများသောသူတို့က၊ ငါသည် ဤမည်သောသူဖြစ်၏၊ အချိန်ကာလလည်း ရောက်လာပြီ၊ ဟုဆိုလျက်၊ ငါ၏အယောင်ကို ဆောင်၍ ပေါ်လာကြလိမ့်မည်။ ထိုသူတို့နောက်သို့ မလိုက်ကြနှင့်။

တမန် ၁၃း၇
၇ ဗာယေရှုအမည်ရှိသော ယုဒအမျိုးသား၊ မိစ္ဆာပရောဖက် ဖြစ်သော နတ်ဝိဇ္ဇာအတတ် သမားကို၊ မြို့ဝန်မင်း သေရဂိပေါလုထံ၌ တွေ့ကြ၏။ ထိုမြို့ဝန်သည် ပညာသတိရှိသဖြင့်၊ ဗာနဗနှင့် ရှောလုတို့ကို ခေါ်ပင့်၍၊ ဘုရားသခင်၏ နှုတ်ကပတ် တရားတော်ကို နာလိုသောစိတ်ရှိသော်၊

တမန် ၂၀း၂၉-၃၀
၂၉ အကြောင်းမူကား၊ ငါမရှိသည်နောက်၊ ကြမ်းတမ်းသော တောခွေးတို့သည်၊ သိုးများကို မသနားဘဲ၊ သင်တို့အထဲသို့ ဝင်မည်ကို၎င်း၊

၂ ကော ၁၁း၁၂-၁၅
၁၂ အခွင့်ရလိုသောသူတို့သည် အခွင့်မရစေခြင်းငှါ၎င်း၊ ဝါကြွားခြင်းအရာ၌ သူတို့သည် ငါကဲ့သို့ ထင်ရှားစွာဖြစ်စေခြင်းငှါ၎င်း၊ ငါပြုခဲ့ပြီးသည်အတိုင်း အစဉ်ပြုဦးမည်။

ဂလာ ၁း၇-၈
၇ ထိုဧဝံဂေလိတရားသည် ဧဝံဂေလိတရား မဟုတ်။ သင်တို့ကို နှောင့်ယှက်၍၊ ခရစ်တော်၏ ဧဝံဂေလိတရားကို၊ မှောက်လှန်ချင်သောသူ အချို့ရှိကြ၏။

၁ ယော ၄း၁-၃
၁ ချစ်သူတို့၊ ခပ်သိမ်းသော ဝိညာဉ်%fo(a) တို့ကို မယုံကြနှင့်။ ဝိညာဉ်တို့သည်၊ ဘုရားသခင်နှင့် စပ်ဆိုင်သည် မစပ်ဆိုင်သည်ကို၊ စုံစမ်းကြလော့။ အကြောင်းမူကား၊ မိစ္ဆာပရောဖက်အများတို့သည် ဤလောကသို့ သွားကြပြီ။

၂ ပေ ၂း၁
၁ သို့သော်လည်း၊ ယုဒလူတို့တွင် မိစ္ဆာပရောဖက်ရှိကြ၏။ ထိုနည်းတူ ဖျက်ဆီးတတ်သော မိစ္ဆာဒိဌိအယူများကို ပရိယာယ်အားဖြင့်သွင်း၍၊ မိမိတို့ကို ဝယ်တော်မူသောအရှင်ကို ငြင်းပယ်လျက်၊ မိမိတို့အပေါ်သို့ လျင်စွာသော ဖျက်ဆီးခြင်းကို ရောက်စေသော မိစ္ဆာဆရာ တို့သည် သင်တို့တွင် ရှိကြလိမ့်မည်။

၁၆ ကောင်းကင်ဗိုလ်ခြေအရှင် ထာ၀ရဘုရားမိန့်တော်မူသည်ကား၊ ပရောဖက်ပြု၍သင်တို့အား ဟောတတ်သောဆရာတို့၏ စကားကိုနားမထောင်ကြနှင့်။ [D] သူတို့သည်သင်တို့အားအချည်းနှီးဟောတတ်ကြ၏။ ထာဝရဘုရား၏နှုတ်တော်ထွက်သို့မလိုက်၊ ကိုယ်အလိုအလျောက်ရူပါရုံကိုမြင်သည်အတိုင်းဟောပြောတတ်ကြ၏။ ၁၇ ထာဝရဘုရား၏နှုတ်ကပတ်တော်ကိုမထီမဲ့မြင် ပြုသောသူတို့အား၊ သင်တို့သည်ငြိမ်ဝပ်ခြင်းရှိကြလိမ့်မည်၊ ဟုဟောတတ်ကြ၏။ မိမိတို့စိတ်နှလုံးခိုင်မာခြင်းသဘောသို့လိုက်သော သူတို့အား၊ သင်တို့သည်ဘေးဥပဒ်နှင့်မတွေ့ရကြဟုဟောတတ်ကြ၏။ ၁၈ ထိုသူတို့တွင်အဘယ်သူသည်ထာဝရဘုရားနှင့် တိုင်ပင်ဘက်ပြုသနည်း။ အဘယ်သူသည် အမှုတော်ကိုကြားမြင်သနည်း။ အဘယ်သူသည်နှုတ်ကပတ်တော်ကိုနားထောင်၍ကြားသနည်း။ ၁၉ ထာဝရဘုရား၏လေဘွေတော်သည် ပူသောအရှိန်နှင့်ထွက်၏။ ပြင်းစွာသောလေဘွေဖြစ်၍၊ မတရားသောသူ တို့ခေါင်းပေါ်မှာပြင်းစွာတိုက်လိမ့်မည်။ ၂၀ ထာဝရဘုရားသည် လက်စသတ်၍၊ အကြံအစည်တော်ကိုပြည့်စုံစေတော်မမူမှီ အမျက်တော်မငြိမ်းရ။ နောက်ကာလ၌ သင်တို့သည်ရှင်းလင်းစွာနားလည်ကြလိမ့်မည်။ ၂၁ ငါမစေလွှတ်ဘဲ ထိုပရောဖက်တို့သည်ပြေးကြပြီ။ ငါမမှာထားဘဲ သူတို့သည်ကိုယ်အလိုအလျောက်ဟောပြောကြပြီ။ ၂၂ ထိုသူတို့သည် ငါနှင့်တိုင်ပင်ဘက်ပြုလျှင်၊ ငါ့စကားကိုငါ၏လူမျိုးအားဆင့်ဆို၍၊ ငါ၏လူမျိုးကိုမတရားသောလမ်းမှ၎င်း၊ မကောင်းသောအကျင့်ဓလေ့မှ၎င်း၊ လွဲသွားစေကြပြီ။

ထာ၀ရဘုရားသည်ကောင်းကင်မြေကြီးနှံ့ပြားသည်

CROSS REFERENCES

ဆာ ၁၃၉းရ

အာမုတ် ၉း၂-၃

ဆာ ၁၃၉းရ
၇ ဝိညာဉ်တော်နှင့် လွတ်ခြင်းအလို့ငှါ အဘယ်အရပ်သို့ သွားနိုင်ပါမည်နည်း။ မျက်နှာတော်နှင့် လွတ်ခြင်း အလို့ငှါ အဘယ်အရပ်သို့ ပြေးနိုင်ပါမည်နည်း။

အာမုတ် ၉း၂-၃
၂ မရဏာနိုင်ငံတိုင်အောင် တွင်းတူးသော်လည်း ငါနှုတ်ယူမည်။ မိုးကောင်ကင်သို့ တက်သော်လည်း ငါချမည်။

၂၃ ငါသည်နီးသောအရပ်၌ သာဘုရားဖြစ်သလော။ ဝေးသောအရပ်၌ လည်းဘုရားဖြစ်သည် မဟုတ်လော၊ ဟုထာဝရဘုရား မေးတော်မူ၏။ ၂၄ ငါမမြင်စေခြင်းငှါအဘယ်သူသည်မထင်ရှားသောအရပ်၌ ပုန်းရှောင်၍နေနိုင်သနည်း၊ ဟုထာဝရဘုရား မေးတော်မူ၏။ [E] ငါသည်ကောင်းကင်မြေကြီးကိုနှံ့ပြားသည်မဟုတ်လောဟုထာဝရဘုရားမေးတော်မူ၏။

အိပ်မက်မြင်သောသူတို့

CROSS REFERENCES

၂၅ ငါသည်အိပ်မက်မြင်ပြီ။ အိပ်မက်မြင်ပြီ၊ ဟုငါ့နာမကိုအမှီပြု၍၊ မုသာဖြင့်ဟောပြောသော ပရောဖက်တို့၏စကားကို ငါကြားပြီ။ [F] ၂၆ ထိုပရောဖက်တို့သည် အဘယ်မျှကာလပတ်လုံး ဤသို့ကြံစည်ကြလိမ့်မည်နည်း။ သူတို့သည်မုသာစကားကိုဟောပြောတတ်ကြ၏။ ကိုယ်စိတ်နှလုံးလှည့်စားသည်အတိုင်း ဟောပြောတတ်ကြ၏။ ၂၇ ဘိုးဘေးတို့သည်ဗာလကြောင့်ငါနာမကိုမေ့လျော့သကဲ့သို့၊ သူတို့သည်အိမ်နီးချင်း တယောက်ကိုတယောက် ပြောတတ်သောအိပ်မက်များအားဖြင့်၊ ငါ၏လူမျိုးသည်ငါ့နာမကို မေ့လျော့စေမည်၊ ဟုအကြံရှိကြသည်တကား။ ၂၈ အိပ်မက်မြင်သောပရောဖက်တို့သည်၊ အိပ်မက်စကားကိုပြောပါလေစေ။ ငါ၏နှုတ်ကပတ်တော်ခံရသောသူသည်၊ နှုတ်ကပတ်စကားတော်ကို မှန်ကန်စွာဟောပြောပါလေစေ။ အဖျင်းသည်စပါးနှင့်အဘယ်သို့ဆိုင်သနည်း၊ ဟုထာဝရဘုရားမိန့်တော်မူ၏။

ဘုရား၏နှုတ်ကပတ်တော်မီးနှင့်သံတူကဲ့သို့

CROSS REFERENCES

ယေရမိအ ၅း၁၄

ယေရမိအ ၂၀း၉

ယေရမိအ ၅း၁၄
၁၄ သို့ဖြစ်၍၊ ကောင်းကင်ဗိုလ်ခြေအရှင် ဘုရားသခင် ထာဝရဘုရား မိန့်တော်မူသည်ကား၊ သူတို့သည်ထိုသို့ဆိုသောကြောင့်၊ ငါ့စကားကိုသင်၏နှုတ်၌ မီးကဲ့သို့၎င်း၊ ဤလူမျိုးကို ထင်းကဲ့သို့၎င်းငါဖြစ်စေ၍၊ သူတို့ကို မီးလောင်ရလိမ့်မည်။

ယေရမိအ ၂၀း၉
၉ ထိုကြောင့်၊ ငါသည် နှုတ်ကပတ်တော်ကို မကြားမပြော၊ နာမတော်ကိုအမှီပြု၍ မဟောဘဲနေမည်ဟုသဘောထားသော်လည်း၊ ငါ့အရိုးတို့၌ ချုပ်ထား၍၊ လောင်သောမီးကဲ့သို့ နှုတ်ကပတ်တော်သည် ငါ့နှလုံး၌ ဖြစ်သောကြောင့်၊ အလွန်ငြီးငွေ့သဖြင့် အောင့်၍ မနေနိုင်။ sယေရမိကသူ့ကို ညှဉ်းဆဲသူတို့ ရှုံးမည်ဟုဆို

CROSS REFERENCES

ရော ၁း၁၆
၁၆ ငါသည် ခရစ်တော်၏ ဧဝံဂေလိတရားကြောင့်၊ ရှက်ကြောက်ခြင်းမရှိ။ အကြောင်းမူကား၊ ထိုတရားသည် ရှေ့ဦးစွာ၌ ယုဒလူ၊ နောက်၌ ဟေလသလူ၊ ယုံကြည်သမျှ သောသူအပေါင်းတို့ကို ကယ်တင်စေသော၊ ဘုရားသခင်၏ တန်ခိုးတော်ဖြစ်၏။)

၁ ကော ၁း၁၈
၁၈ အကြောင်းမူကား၊ ဆုံးရှုံးခြင်းသို့ ရောက်သော သူတို့၌ လက်ဝါးကပ်တိုင်တော် တရားသည်၊ မိုက်သောတရား ဖြစ်၏။ ကယ်တင်ခြင်းသို့ ရောက်သော ငါတို့၌၊ ထိုတရားသည် ဘုရားသခင်၏ တန်ခိုးတော်ဖြစ်၏။ sလောကီပညာကို မိုက်စေ

၁ ကော ၁း၂၄
၂၄ သို့သော်လည်း၊ ယုဒလူဖြစ်စေ၊ ဟေလသလူဖြစ်စေ၊ ခေါ်တော်မူသော သူတို့၌ ဘုရားသခင်၏ တန်ခိုးတော်နှင့်၊ ဘုရားသခင်၏ ပညာတော် တည်းဟူသော၊ ခရစ်တော်၏ တရားဖြစ်၏။ s ဘုရား၏ ပညာတော်နှင့် ခေါ်တော်မူခြင်း

၂ ကော ၁၀း၄-၅
၄ ငါတို့စစ်တိုက်၍ သုံးစွဲသောလက်နက်သည် ဇာတိပကတိလက်နက် မဟုတ်။ ဘုရားသခင်၏ တန်ခိုးတော်အားဖြင့်၊ မြို့ရိုးမြို့ပြတို့ကို ဖြိုဖျက်နိုင်သော လက်နက်ဖြစ်၏။

ဟေဗြဲ ၄း၁၂
၁၂ ဘုရား၏ နှုတ်ကပတ်တရားတော်သည် အသက်ရှင်ခြင်း၊ တန်ခိုးနှင့် ပြုပြင်ခြင်း၊ သန်လျက်တကာတို့ထက် ထက်ခြင်းနှင့်ပြည့်စုံသည် ဖြစ်၍၊ အသက်နှင့် စိတ်ဝိညာဉ်ကို၎င်း၊ အရိုးဆစ်နှင့် ခြင်ဆီကို၎င်း၊ ပိုင်းခြား၍ ထုတ်ချင်းခွင်းတတ်၏။ စိတ်နှလုံး အကြံအစည်များကိုလည်း သိမြင်တတ်၏။

၂၉ ငါ၏နှုတ်ကပတ်တော်သည် မီးကဲ့သို့၎င်း၊ [G] ကျောက်ကိုထုချေသောသံတူကဲ့သို့၎င်း၊ ဖြစ်သည်မဟုတ်လောဟုထာဝရ ဘုရားမေးတော်မူ၏။ [H] ၃၀ သို့ဖြစ်၍၊ ငါ့စကားတော်ကိုအိမ်နီးချင်းတယောက်မှတယောက်ခိုးသောပရောဖက်တို့ကို၊ ငါသည်ဆန့်ကျင်ဘက်ပြုမည်၊ ဟုထာဝရ ဘုရားမိန့်တော်မူ၏။ ၃၁ မိမိတို့အလိုအလျောက်ဟောပြောလျက်နှင့်အမိန့်တော်ရှိသည်ဟုဆိုသောပရောဖက်တို့ကို၊ ငါသည်ဆန့်ကျင်ဘက်ပြုမည်ဟုထာဝရဘုရားမိန့်တော်မူ၏။ ၃၂ မှားသောအိပ်မက်ကိုဟောပြော၍၊ မုသာစကားအချည်းနှီးစကားအားဖြင့် ငါ၏လူမျိုးကိုမှားယွင်းစေသော ပရောဖက်တို့ကို၊ ငါသည်ဆန့်ကျင်ဘက်ပြုမည်။ သူတို့ကိုငါမစေလွှတ်၊ မမှာထားသောကြောင့်ဤလူမျိုးသည်ကျေးဇူးမရှိ၊ ဟုထာဝရဘုရားမိန့်တော်မူ၏။

သင်တို့ကိုငါစွန့်ပစ်မည်

၃၃ ဤလူမျိုးတွင်ဆင်းရဲသားဖြစ်စေ၊ ပရောဖက်ဖြစ်စေ၊ ယဇ်ပုရောဟိတ်ဖြစ်စေ၊ တစုံတယောက်က၊ ထာဝရဘုရား၏ ဗျာဒိတ်တော်အဘယ်သို့နည်းဟုသင့်ကိုမေးလျှင်၊ ပြန်ပြောရမည်မှာ၊ သင်တို့နှင့်ဆိုင်သောဗျာဒိတ်တော်ဟူမူကား၊ သင်တို့ကိုငါစွန့်ပစ်မည်ဟုထာဝရဘုရားမိန့်တော်မူ၏။ ၃၄ ထာဝရဘုရား၏ဗျာဒိတ်တော်ရှိသည်၊ ဟုပြောဆိုသောပရောဖက်၊ ယဇ်ပုရော ဟိတ်၊ ပြည်သူပြည်သားကို၎င်း၊ ထိုသူ၏အိမ်သူအိမ်သားတို့ကို၎င်း၊ ငါသည်ဒဏ်ပေးမည်။ ၃၅ သင်တို့က၊ ထာဝရဘုရား အဘယ်သို့ပြန်ပြောတော်မူသနည်းဟူ၍၎င်း၊ အဘယ်သို့မိန့်တော်မူသနည်းဟူ၍၎င်း၊ အိမ်နီးချင်း၊ ညီအစ်ကိုချင်းတယောက်ကိုတယောက်မေးမြန်းရမည်။ ၃၆ ထာဝရဘုရား၏ဗျာဒိတ်တော်ရှိသည်ဟူ၍နောက်တဖန်မဆိုရ။ လူတိုင်းမိမိစကားမှတပါး အခြားသောဗျာဒိတ်တော်မရှိရ။ အကြောင်းမူကား၊ သင်တို့သည်အသက်ရှင်တော်မူသောဘုရား၊ ငါတို့၏ဘုရားသခင်တည်းဟူ သောကောင်းကင်ဗိုလ်ခြေအရှင်ထာဝရဘုရား၏စကားတော်ကိုဖျက်ကြပြီ။ ၃၇ ထာဝရဘုရားသည်သင့်အားအဘယ်သို့ ပြန်ပြောတော်မူသနည်း။ ထာဝရဘုရားသည် အဘယ်သို့မိန့်တော်မူသနည်း၊ ဟုပရောဖက်ကိုမေးလော့။ ၃၈ သင်တို့က၊ ထာဝရဘုရား၏ဗျာဒိတ်တော်၊ ဟုဆိုကြသည်ဖြစ်၍၊ ထာဝရဘုရားမိန့်တော်မူသည်ကား၊ ထာဝရဘုရား၏ ဗျာဒိတ်တော်ရှိသည်၊ဟုမဆိုရမည်အကြောင်း ငါပညတ်သော်လည်း၊ သင်တို့သည်ထာဝရဘုရား၏ ဗျာဒိတ်တော်ရှိသည်ဟူသောစကားကို သုံးကြသောကြောင့်၊ ၃၉ ငါသည်သင်တို့ကို၎င်း၊ သင်တို့နှင့်ဘိုးဘေးတို့အားငါပေးသောမြို့ကို၎င်း၊ ငါ့ထံမှအကုန်အစင်ကျုံး၍ ပစ်လိုက်မည်။ ၄၀ အစဉ်အမြဲမမေ့လျော့နိုင်သော ထာဝရကဲ့ရဲ့ခြင်းနှင့်အရှက်ကွဲခြင်းကို သင်တို့အပေါ်မှာသက်ရောက်စေမည်။