ယေရမိ အနာဂတ္တိ

အခန်းကြီး ၁၂

မတရားသောသူတို့ အဘယ်ကြောင့် အောင်မြင်ကြသနည်း

၁ အိုထာဝရဘုရား၊ အကျွန်ုပ်သည် ကိုယ်တော်နှင့် တရားစကားကို ဆွေးနွေးသောအခါ၊ ကိုယ်တော်သည် တရားတော်မူ၏။ သို့သော်လည်း၊ စစ်ကြောစီရင် တော်မူခြင်းအကြောင်းကို မေးလျှောက်ပါမည်။ မတရားသောသူတို့သည် အဘယ်ကြောင့်အကြံမြောက်ရ ကြပါသနည်း။ အလွန်သစ္စာပျက်သော သူအပေါင်းတို့သည် အဘယ်ကြောင့် ချမ်းသာရကြပါသနည်း။ ၂ ကိုယ်တော်သည် သူတို့ကို စိုက်တော်မူသဖြင့်၊ သူတို့သည် အမြစ်ကျ၍ ကြီးပွါးလျက် အသီးကို သီးကြပါ၏။ ကိုယ်တော်သည်သူတို့နှုတ်နှင့်နီး၍ နှလုံးနှင့် ဝေးတော်မူ၏။

မတရားသောသူတို့ကို ဆွဲထုတ်တော်မူပါ

၃ အိုထာဝရဘုရား၊ ကိုယ်တော်သည် အကျွန်ုပ်ကို သိမြင်တော်မူ၏။ အကျွန်ုပ်သည် ကိုယ်တော်နှင့် သဘောတူကြောင်းကိုစစ်ကြောတော်မူပြီ။ သိုးတို့ကို ထုတ်သကဲ့သို့၊ ထိုမတရားသောသူတို့ကို အသေသတ်ခြင်းငှါ ဆွဲထုတ်တော်မူပါ။ သတ်ရသောနေ့အဘို့ ပြင်ဆင်တော်မူပါ။ ၄ ပြည်သားများပြုသော ဒုစရိုက်အပြစ်ကြောင့်၊ ပြည်သည် အဘယ်မျှ ကာလပတ်လုံး မြည်တမ်းရပါအံ့နည်း။ အရပ်ရပ်တို့၌ ရှိသော မြက်ပင်သည် အဘယ်မျှ ကာလပတ်လုံး ညှိုးနွမ်းရပါအံ့နည်း။ ငါတို့ခံရသော အကျိုးအပြစ်ကို ဘုရားသခင် မသိမမြင်ဟု ပြည်သားများ ဆိုသောကြောင့်၊ သားများနှင့် ငှက်များတို့သည် ပျောက်ပျက်ကြပါပြီ။ ၅ သင်သည် ခြေသည်တို့နှင့် ပြိုင်ပြေး၍ မောလျှင်မြင်းတို့နှင့် အဘယ်သို့ ပြိုင်နိုင်မည်နည်း။ စိုးရိမ်ခြင်းမရှိ၊ ငြိမ်ဝပ်စွာ နေရသောပြည်၌ မောလျှင်၊ ယော်ဒန်မြစ်၏ ဂုဏ်အသရေထဲမှာ အဘယ်သို့ ပြုလိမ့်မည်နည်း။ ၆ သင်၏ညီအစ်ကို၊ အဘ၏ အိမ်သူအိမ်သားတို့ပင် သင့်ကို သစ္စာဖျက်၍၊ သင့်နောက်သို့ အော်ဟစ်လျက် လိုက်ကြ၏။ သူတို့သည်ကောင်းသော စကားကို ပြောသော်လည်း မယုံနှင့်။

အဘယ်သူမျှချမ်းသာမရ

CROSS REFERENCES

ဆာ ၈၀း၈-၁၉
၈ ကိုယ်တော်သည် စပျစ်နွယ်ပင်ကို အဲဂုတ္တုပြည်က ဆောင်ခဲ့၍၊ တပါးအမျိုးသားတို့ကို နှင်ထုတ်ပြီးမှ စိုက်တော်မူ၏။

ဟေရှာ ၅းရ
၇ ကောင်းကင် ဗိုလ်ခြေ အရှင်ထာဝရဘုရား၏ စပျစ်ဥယျာဉ်ကား၊ ဣသရလအမျိုးတည်း။ နှစ်သက်တော်မူသော ပျိုးပင်ကား၊ ယုဒလူတည်း။ တရားစီရင်ခြင်းကို မြော်လင့်တော်မူသည်ရှိသော်၊ အသေသတ်ခြင်းကို၎င်း၊ ဖြောင့်မတ်ခြင်းအရာ၌လည်း ငိုကြွေခြင်းကို၎င်း၊ တွေ့မြင်တော်မူ၏၊

ဟေရှာ ၂ရး၂-၃
၂ ထိုကာလ၌ စပျစ်ဥယျာဉ်ကို အကြောင်းပြု၍၊ ဤသို့ သီချင်းဆိုကြလော့၊၊

ယေရမိအ ၂း၂၁
၂၁ အကောင်းဆုံးသော စပျစ်နွယ်ပင် အမျိုးစစ်ဖြစ်သော သင့်ကိုငါစိုက်သော် လည်း၊ သင်သည်ငါ့ရှေ့မှာ အဘယ်မျှလောက် ဖောက်ပြန်၍၊ အမျိုးမစစ်သော စပျစ်နွယ်ပင်ဖြစ်ပါသည်တကား။ sပေါက်ဆပ်ပြာနှင့် ရေချိုးသော်လည်း

၇ ငါသည် ကိုယ်အိမ်ကိုစွန့်၍၊ ကိုယ်အမွေကို ပစ်ထားပြီ။ ငါအလွန်ချစ်သော အစ်မကိုသူ၏ ရန်သူ လက်သို့အပ်နှံပြီ။ ၈ ငါ့အမွေသည် တော၌ တွေ့သောခြင်္သေ့ကဲ့သို့ ငါ့အားဖြစ်၍၊ ငါ့ကိုဟောက်သောကြောင့် ငါမုန်းလေ၏။ ၉ ငါ့အမွေသည် ဇဘောသားရဲကဲ့သို့ ငါ့အားဖြစ်၏။ ပတ်လည်၌ ရှိသော သားရဲတို့သည် တိုက်ကြ၏။ လာကြ။ တောသားရဲအပေါင်းတို့၊ စည်းဝေးကြ။ ကိုက်စားခြင်းငှါ လာကြစေ။ ၁၀ များစွာသော သိုးထိန်းတို့သည် ငါ့စပျစ်ဥယျာဉ်ကို ဖျက်ဆီးကြပြီ။ [A] ငါရထိုက်သော အဘို့ကို ကျော်နင်းကြပြီ။ ငါရထိုက်သော နှစ်သက်ရာအဘို့ကို လူဆိတ်ညံ့ရာ တောဖြစ်စေကြပြီ။ ၁၁ သုတ်သင် ပယ်ရှင်းသောကြောင့်၊ လူဆိတ်ညံ့လျက်ရှိ၍၊ ငါ့အား ညည်းတွားလေ၏။ တပြည်လုံး ပျက်စီးသော်လည်း၊ အဘယ်သူမျှ ပမာဏာမပြုတတ်။ ၁၂ တော၌ မြင့်သော အရပ်အလုံးစုံတို့အပေါ်မှာ လုယက်သော သူတို့သည် တက်ကြပြီ။ အကယ်စင်စစ် ပြည်စွန်းတဘက်မှ တဘက်တိုင်အောင် ထာဝရဘုရား၏ ထားတော်သည် ဖျက်ဆီးသဖြင့်၊ အဘယ်သူမျှ ချမ်းသာမရ။ ၁၃ သူတို့သည် ဂျုံစပါးမျိုးစေ့ကိုကြဲ၍ ဆူးပင်ကို သာရိတ်ရကြ၏။ ပင်ပန်းစွာ ကြိုးစားသော်လည်း ကျေးဇူးမရှိကြ။ ထာဝရဘုရား၏ အမျက်တော်အရှိန်ကြောင့်၊ မိမိတို့ခံရသော အကျိုးကိုထောက်၍ ရှက်ကြလိမ့်မည်။

နားမထောင်သော လူမျိုးကို ရှင်းရှင်းဖျက်ဆီးမည်

CROSS REFERENCES

ယေရမိအ ၁၂း၁၅
၁၅ နှုတ်ပြီးမှ တဖန် ငါသနား၍၊ အသီးအသီးတို့ကို မိမိတို့ ပိုင်ထိုက်သောမြေ၊ မိမိတို့နေရင်းပြည်သို့ ငါပြန်ပို့မည်။

ယေရမိအ ၂၄း၆
၆ သူတို့၌ ကျေးဇူးပြုမည်၊ ဟုငါကြံစည်၍၊ ဤပြည်သို့ တဖန်ငါဆောင်ခဲ့ဦးမည်။နောက်တဖန် မဖြိုမဖျက်ဘဲ တည်ဆောက်မည်။ မနှုတ်မပယ်ဘဲ စိုက်ထားမည်။

ယေရမိအ ၂၉း၁၀
၁၀ တဖန်မိန့်တော်မူသည်ကား၊ ဗာဗုလုန်မြို့၌ အနှစ်ခုနစ်ဆယ် စေ့သောအခါ၊ သင်တို့ကို ငါအကြည့်အရှု ကြွလာမည်။ ငါထားသော ဂတိကောင်းကို တည်စေ၍၊ သင်တို့ကို ဤပြည်သို့ ပို့ဆောင်ဦးမည်။

ယေရမိအ ၃၂း၃ရ
၃၇ ငါသည်အမျက် ဟုန်းဟုန်းထွက်၍၊ အမျက်အရှိန်အားကြီးသည်နှင့်၊ သူတို့ကို နှင်ထုတ်ရာ တိုင်းပြည်ရှိသမျှတို့မှ တဖန်စုသိမ်း၍ ဤအရပ်သို့ဆောင် ခဲ့ပြီးလျှင်၊ ငြိမ်ဝပ်စွာနေစေမည်။

ယေဇ ၁၁း၁ရ
၁၇ အရှင်ထာဝရဘုရားမိန့်တော်မူသည်ကားသူတို့ကိုဖြန့်ကြဲသောလူအမျိုးမျိုးနေရာအတိုင်းတိုင်းအပြည်ပြည်တို့မှငါသိမ်းယူ၍၊ စုဝေးပြီးလျှင်၊ ဣသရေလပြည်ကိုပေးမည်။

၁၄ ထာဝရဘုရား မိန့်တော်မူသည်ကား၊ ငါပေးသနား၍၊ ငါ၏လူ ဣသရေလ အမျိုးပိုင်ထိုက်သော အမွေကို ထိခိုက်သော၊ ငါ၏ အိမ်နီးချင်းဆိုး အပေါင်းတို့ကို၊ သူတို့ပြည်ထဲက ငါနှုတ်မည်။ သူတို့ထဲကလည်း ယုဒအမျိုးကို ငါနှုတ်မည်။ ၁၅ နှုတ်ပြီးမှ တဖန် ငါသနား၍၊ အသီးအသီးတို့ကို မိမိတို့ ပိုင်ထိုက်သောမြေ၊ မိမိတို့နေရင်းပြည်သို့ ငါပြန်ပို့မည်။ [B]၁၆ ဗာလဘုရားကို တိုင်တည်၍ ကျိန်ဆိုစေခြင်းငှါ၊ သူတို့သည် ငါ၏လူမျိုးကို သွန်သင်ဘူးသည်နည်းတူ၊ ထာဝရဘုရား အသက်ရှင်တော်မူသည်ဟု ငါ၏နာမကို တိုင်တည်၍ ကျိန်ဆိုခြင်းငှါ၊ ငါ့လူမျိုး၏ ဘာသာဓလေ့ကို ကြိုးစား၍သင်လျှင်၊ ငါ၏လူမျိုးထဲ၌ သူတို့ကို ငါတည်စေမည်။ ၁၇ သို့မဟုတ်၊ နားမထောင်ဘဲနေလျှင်၊ နားမထောင်သော လူမျိုးကို ငါသည် ရှင်းရှင်းနှုတ်ပယ်ဖျက်ဆီးမည်ဟု ထာဝရဘုရား မိန့်တော်မူ၏။