၁ သားမဖွားသောအမြုံမ၊ ဝမ်းမြောက်လော့။ သားဖွားခြင်းဝေဒနာကို မခံသေးသောမိန်းမ၊ ကြွေးကြော်အော်ဟစ်လော့။ အကြောင်းမူကား၊ စွန့်ထားသောမိန်းမသည် လင်ရှိသောမိန်းမထက်သာ၍ များသောသားတို့ကို ဖွားမြင်ပြီ၊ ဟုထာဝရဘုရား မိန့်တော်မူပြီ။ [A] သင်၏တဲရာကို ကျယ်စေလော့။ ၂ သင်၏ နေရာမျက်နှာကြက်ကို ကြက်ဦးလော့။ နှမြောသော စိတ်မရှိနှင့်။ ကြိုးတို့ကို ရှည်စေဦးလော့။ တိုင်တို့ကို မြဲစွာစိုက်လော့။ ၃ အကြောင်းမူကား၊ သင်သည် လကျာ်ဘက်၊ လက်ဝဲဘက်တို့၌ တိုးပွားလိမ့်မည်။ သင်၏အမျိုးအနွယ်သည် တပါးအမျိုးသားတို့ကို အမွေခံ၍၊ သူတို့၏ ဆိတ်ညံသော မြို့တို့၌ နေကြလိမ့်မည်။ ၄ မစိုးရိမ်နှင့်။ [B]ရှက်ကြောက်ခြင်းသို့ မရောက်ရ။ မျက်နှာမပျက်နှင့်။ အရှက်ကွဲခြင်းမခံရ။ အသက်ငယ်စဉ်အခါ ခံရသော ရှက်ကြောက်ခြင်းကို မေ့လျော့လိမ့်မည်။ မုဆိုးမဖြစ်၍ ခံရသော ကဲ့ရဲ့ခြင်းကို နောက်တဖန် မအောက်မေ့ရ။

ထာ၀ရဘုရား ဣသရေလ၏လင်

CROSS REFERENCES

ယေရမိအ ၂း၂

ယေရမိအ ၃း၁၄

ယေရမိအ ၃၁း၃၂

ယေဇ ၁၆း၈

ယေဇ ၂၃း၄

ယေရမိအ ၂း၂
၂ အော်ဟစ်ရမည့်အရာဟူမူကား၊ ထာဝရဘုရားက၊ လယ်မလုပ်သော တောအရပ်၌ သင်သည် ငါ့နောက်သို့ လိုက်သောအခါ၊ အသက်အရွယ်နုငယ်၍ ခံရသောကျေးဇူးကို၎င်း၊ ထိမ်းမြားပေးစားခြင်းနှင့် ယှဉ်သော ချစ်ခြင်းမေတ္တာကို၎င်း၊ ငါအောက်မေ့၏။

ယေရမိအ ၃း၁၄
၁၄ အိုဖောက်ပြန်သော သူငယ်တို့၊ ပြန်လာကြလော့ဟု ထာဝရဘုရား မိန့်တော်မူ၏။ ငါသည် သင်၏ လင်ဖြစ်သော်လည်း၊%fo(a) သင်တို့မြို့များထဲက တမြို့လျှင် လူတယောက်၊ အမျိုးသားချင်းအစုစုထဲက တစုလျှင် လူနှစ်ယောက်ကိုရွေးယူ၍ ဇိအုန်မြို့သို့ ပို့ဆောင်မည်။

ယေရမိအ ၃၁း၃၂
၃၂ ငါသည် သူတို့၏လင် ဖြစ်ဘူးသော်လည်း %fo(b)အရင်ငါပေးဘူးသော ပဋိညာဉ်တရားကို သူတို့သည် ဖျက်၍၊ ငါသည်လည်း သူတို့ကို ရွံရှာ၏။

ယေဇ ၁၆း၈
၈ တဖန်ငါသည်လျှောက်သွား၍ သင့်ကိုမြင်သောအခါ၊ သင်၌ချစ်လိုဘွယ်သောအချိန် အရွယ်ရှိသောကြောင့်၊ ငါသည်ကိုယ်အဝတ်စွန်းကိုဖြန့်၍၊ သင်၌အချည်းစည်းရှိခြင်းကိုဖုံးအုပ်၏။ ကျိန်ဆိုခြင်းပြု၍သင်နှင့်ပဋိညာဉ်ဖွဲ့သဖြင့်၊ သင်သည်ငါ၏ခင်ပွန်းဖြစ်လေ၏။%fo(b)

ယေဇ ၂၃း၄
၄ အစ်မကား၊ အဟောလ၊ ညီမကားအဟောလိဗအမည်ရှိ၏။ ထိုသူနှစ်ယောက်တို့သည် ငါ၏ခင်ပွန်းဖြစ်၍ သားသမီးတို့ကိုဖွားမြင်ကြ၏။ အဟောလအမည်သည် ရှမာရိဟူ၍၎င်း၊ အဟောလိဗ အမည်သည် ယေရုရှလင်ဟူ၍၎င်း၊ ဆိုလိုသတည်း။ sအဟောလကိုသူ့ရည်းစားအာရှုရိထံအပ်

၅ အကြောင်းမူကား၊ သင့်ကို ဖန်ဆင်းသောသူသည် သင်၏လင်ဖြစ်တော်မူ၏။ [C] နာမတော်ကား၊ ကောင်းကင် ဗိုလ်ခြေ အရှင်ထာဝရဘုရားတည်း။ သင့်ကိုရွေးချယ်သောသူသည် ဣသရေလ အမျိုး၌ သန့်ရှင်းသော ဘုရားဖြစ်တော်မူသည်။ မြေကြီးတပြင်လုံးကို အစိုးရသော ဘုရားဟူ၍ ခေါ်ရကြ၏။ ၆ စွန့်ပစ်၍ စိတ်ငြိုငြင်သော မိန်းမ၊ ငယ်စဉ်အခါ မယားဖြစ်၍၊ နောက်မှငြင်းပယ်သော မိန်းမကို တဖန်ခေါ်သကဲ့သို့ သင့်ကိုငါခေါ်မည်၊ ဟုသင်၏ဘုရားသခင် မိန့်တော်မူ၏။ ၇ သင့်ကို ခဏသာ ငါစွန့်သည်ဖြစ်၍၊ များစွာသော ကရုဏာနှင့် ငါတဖန် သိမ်းဆည်းဦးမည်။ ၈ ပြင်းစွာသော အမျက်ထွက်၍ ခဏမျှ ငါမျက်နှာလွှဲသော်လည်း၊ ထာဝရမေတ္တာနှင့် သင့်ကို ကယ်မသနားဦးမည်၊ ဟုသင့်ကိုရွေးနှုတ်သော ထာဝရဘုရား မိန့်တော်မူသည်။ ၉ နောဧလက်ထက်၌ လွှမ်းမိုးသော ရေကို ငါသည်မှတ်၍ ထိုရေသည် မြေကြီးကို နောက်တဖန် မလွှမ်းမိုးရ၊ ဟုကျိန်ဆိုခြင်းကို ပြုသည်နည်းတူ၊ သင့်ကို အမျက်မထွက်မဆုံးမ၊ ဟုကျိန်ဆိုခြင်းကိုပြုပြီ။ ၁၀ တောင်ကြီးတို့သည်ရွေ့၍၊ တောင်ငယ်တို့သည် လှုပ်ရှားသော်လည်း၊ ငါ၏မေတ္တာသည် သင်မှမရွေ့ရ။ ငါ၏ငြိမ်သက်ခြင်း ပဋိညာဉ်လည်း မလှုပ်ရှားရ၊ ဟုသင်၌ သနားခြင်း ကရုဏာစိတ် ရှိတော်မူသော ထာဝရဘုရား မိန့်တော်မူ၏။

ဘုရားက ကြည့်ရှုပြုစုမည်

၁၁ အိုညှဉ်းဆဲခြင်းနှင့် မိုးသက်မုန်တိုင်း တိုက်ခြင်းကို ခံရ၍၊ သက်သာမရနိုင်သောသူ၊ သင်၏တိုက်ကို ဟင်းသပြတားသရွတ်နှင့် ငါစေ့စပ်မည်။ တိုက်မြစ်ကို နီလာဖြင့်၎င်း၊ ၁၂ ပြအိုးတို့ကို ကျောက်နီဖြင့်၎င်း၊ တံခါးတို့ကို ပတ္တမြားဖြင့်၎င်း၊ ပတ်ဝန်းကျင် တန်ဆာများကို ကျောက်မျက်အမျိုးမျိုးဖြင့်၎င်း ငါပြီးစေမည်။ ၁၃ သင်၏ သားသမီး အပေါင်းတို့သည် ထာဝရဘုရား ဆုံးမသွန်သင်တော်မူသော သူဖြစ်၍၊ များစွာသော စည်းစိမ်ချမ်းသာနှင့် ပြည့်စုံကြလိမ့်မည်။ ၁၄ သင်သည် ဖြောင့်မတ်ခြင်းအားဖြင့် တည်လိမ့်မည်။ ညှဉ်းဆဲခြင်းနှင့် ဝေးသည်ဖြစ်၍ မကြောက်ရ။ ထိတ်လန့်ခြင်းသည်လည်း ဝေး၍၊ သင့်အနီးသို့ မရောက်ရ။ ၁၅ ငါ၏အခွင့်မရှိဘဲ သင့်တဘက်၌ အဘယ်သူမျှ နေရာမကျရ။ နေရာကျဘူးသော သူတို့သည် သင့်ဘက်သို့ ဝင်စားကြလိမ့်မည်။ ၁၆ မီးကိုမှုတ်၍၊ မိမိအလုပ်တည်းဟူသော လက်နက်ကို လုပ်တတ်သော ပန်းပဲကို၎င်း၊ ဖျက်ဆီးစေခြင်းငှါ ဖျက်ဆီးသောသူကို၎င်း၊ ငါဖန်ဆင်း၏။ ၁၇ သင့်တဘက်၌ လုပ်သော လက်နက်တစုံတခုမျှ အထမမြောက်ရ။ သင့်ကို တရားတွေ့သောသူ မည်သည်ကား၊ အရှုံးခံရလိမ့်မည်။ ထာဝရဘုရား၏ ကျွန်တို့သည် ထိုသို့သော အမွေကိုခံရ၍၊ ငါ့ကြောင့် ဖြောင့်မတ်ရာသို့ ရောက်ရကြလိမ့်မည်၊ ဟုထာဝရဘုရား မိန့်တော်မူသည်။