ဟေရှာယ အနာဂတ္တိ

အခန်းကြီး ၄၈

အိုယာကုပ်အမျိုး နားထောင်လော့

၁ အိုယာကုပ်အမျိုး၊ ဣသရေလဟူ၍ သမုတ်ခြင်းကို ခံသောသူ၊ ယုဒစမ်းရေတွင်းမှ ထွက်စီးသောသူ၊ ထာဝရဘုရား၏ နာမတော်အားဖြင့် ကျိန်ဆိုသောသူ၊ သစ္စာမရှိ၊ တရားနှင့်မညီဘဲ ဣသရေလ အမျိုး၏ ဘုရားသခင်ကို ချီးမွမ်းသောသူ၊ ၂ သန့်ရှင်းသော မြို့တော်အလိုက်၊ ကိုယ်ကိုကိုယ် သမုတ်သောသူ၊ ကောင်းကင် ဗိုလ်ခြေ အရှင် ထာဝရဘုရား တည်းဟူသော ဘွဲ့နာမရှိသော ဣသရေလ အမျိုး၏ ဘုရားသခင်ကို မှီခိုသောသူတို့၊ နားထောင်ကြလော့။

သံချောင်းလည်ပင်းကြေးဝါနဖူး

CROSS REFERENCES

ထွက် ၃၂း၉
၉ ဤလူမျိုးကို ငါကြည့်မြင်ပြီ။ လည်ပင်းခိုင်မာသောအမျိုး ဖြစ်၏။

ထွက် ၃၃း၃-၅
၃ နို့နှင့်ပျားရည်စီးသောပြည်သို့ သင်တို့ကို ပို့ဆောင်လိမ့်မည်။ သင်တို့နှင့်အတူ ငါကိုယ်တိုင်မသွား။ သင်တို့သည် လည်ပင်းခိုင်မာသောလူမျိုး ဖြစ်သောကြောင့်၊ လမ်း၌ သွားစဉ် သင်တို့ကို ငါဖျက်ဆီးမည် စိုးရိမ်စရာရှိသည်၊ ဟုမောရှေအား မိန့်တော်မူ၏။

ထွက် ၃၄း၉
၉ အိုဘုရားရှင်၊ အကျွန်ုပ်သည် ရှေ့တော်၌ မျက်နှာရလျှင်၊ အကျွန်ုပ်အရှင်သည် အကျွန်ုပ်တို့နှင့်အတူ ကြွတော်မူပါစေသော်၊ အကျွန်ုပ် တောင်းပန်ပါ၏။ ဤလူမျိုးသည် လည်ပင်းခိုင်မာသောအမျိုး ဖြစ်သော်လည်း အကျွန်ုပ်တို့ ပြစ်မှားမိသော ဒုစရိုက်အပြစ်များကို လွှတ်၍ အကျွန်ုပ်တို့ကို ကိုယ်တော် အမွေဥစ္စာဖို့ သိမ်းယူတော်မူပါ၊ ဟုလျှောက်လျှင်၊

တရားဟော ၉း၆
၆ သို့ဖြစ်၍ သင်၏ ဘုရားသခင် ထာဝရဘုရားသည် သင်၏ ကုသိုလ်ကြောင့်၊ ထိုကောင်းမွန်သော ပြည်ကို ပေးတော်မူသည်မဟုတ်။ သင်သည် လည်ပင်းခိုင်မာသောအမျိုး ဖြစ်၏။

ဟေရှာယ ၄၈း၄
၄ သင်သည် ခိုင်မာသောသဘော၊ သံချောင်းလည်ပင်း၊ ကြေးဝါနဖူးနှင့် ပြည့်စုံသည်ကို ငါသိသောကြောင့်၊

တမန် ရး၅၁
၅၁ လည်ပင်းခိုင်မာ၍ နှလုံးဖြင့်၎င်း၊ နားဖြင့်၎င်း အရေဖျားလှီးခြင်းကို မခံသောလူတို့၊ သင်တို့သည် သန့်ရှင်းသော ဝိညာဉ်တော်ကို အစဉ်မပြတ် ဆန့်ကျင်ဘက်ပြုလေ့ ရှိကြ၏။ သင်တို့ဘိုးဘေးများ၏ အလေ့နှင့် သင်တို့အလေ့တူ၏။

၃ ဖြစ်ဘူးသောအရာတို့ကို အထက်က သင်တို့အား ငါဟောလေပြီ။ ထိုအရာတို့သည် ငါ့နှုတ်မှထွက်၍ ထင်ရှားကြပြီ။ ချက်ချင်း ငါပြုသောကြောင့် ဖြစ်ကြပြီ။ ၄ သင်သည် ခိုင်မာသောသဘော၊ [A]သံချောင်းလည်ပင်း၊ ကြေးဝါနဖူးနှင့် ပြည့်စုံသည်ကို ငါသိသောကြောင့်၊ ၅ အထက်က သင့်အား ငါဟောပြီ။ အမှုမဖြစ်မှီ ငါဖေါ်ပြမည်။ သို့ဖြစ်၍သင်က၊ ငါ၏ ရုပ်တုသည်၊ ဤအမှုကိုပြုပြီ။ ငါထုသော ရုပ်တု၊ ငါသွန်းသော ရုပ်တုသည် ဤမှုကို စီရင်ပြီ၊ ဟုပြောရသော အခွင့်မရှိ။ ၆ သင်သည် အရင်ကြားရပြီ။ ဤအမှုအလုံးစုံတို့ကို ကြည့်ရှုလော့။ သူတပါးတို့အား မကြားမပြောဘဲ နေမည်လော။ ယခုမှစ၍ အသစ်သောအရာ၊ ဝှက်ထားသောအရာ၊ သင်မသိသေးသော အရာတို့ကို ငါဖေါ်ပြ၏။ ၇ ထိုအရာတို့ကို ယခုပင် ဖန်ဆင်း၏။ အထက်က ဖန်ဆင်းသည်မဟုတ်။ ယနေ့တိုင်အောင် သင်သည် မကြားစဖူး။ သို့ဖြစ်၍သင်က၊ ငါသိနှင့်ပြီ၊ ဟုပြောရသောအခွင့်မရှိ။

ဒုက္ခမီးဖို၌ စုံစမ်းခဲ့ပြီ

၈ အကယ်စင်စစ် သင်သည် မကြားမသိစဖူး။ သင်၏နားသည် အထက်ကမပွင့်။ အကြောင်းမူကား၊ သင်သည် သစ္စာပျက်လိမ့်မည်။ ဖွားစကပင် သင့်ကိုသူပုန်ဟူ၍ သမုတ်ရလိမ့်မည်ကို ငါသိ၏။ ၉ သို့သော်လည်း၊ သင့်ကို ရှင်းရှင်း မပယ်မဖျက်ခြင်းငှါ၊ ငါသည် ကိုယ်နာမအတွက် ကိုယ်အမျက်ကို ချုပ်တည်းမည်။ ကိုယ်ဂုဏ်သရေအတွက် သင်၏အမှု၌ ငါသည်းခံမည်။ ၁၀ ငါသည် သင့်ကိုစစ်ခဲ့ပြီ။ သို့သော်လည်း၊ ငွေကို စစ်သကဲ့သို့မဟုတ်၊ ဒုက္ခမှိုက်(a) ၌ သင့်ကိုစုံစမ်းခဲ့ပြီ။ ၁၁ ကိုယ်အတွက် ငါပြဦးမည်။ ငါ့နာမသည် ရှုတ်ချခြင်းကို အဘယ်ကြောင့် ခံရမည်နည်း။ ငါ့ဂုဏ်အသရေကို သူတပါးအား ငါမပေး။

ငါသည် ဘုရားဖြစ်၏

၁၂ အိုယာကုပ်၊ ငါခေါ်သော ဣသရေလ၊ ငါ့စကားကို နားထောင်လော့။ ငါသည် ဘုရားဖြစ်၏။ ငါသည် အဦးဆုံးသောသူ၊ နောက်ဆုံးသော သူဖြစ်၏။ ၁၃ အကယ်စင်စစ် ငါ့လက်သည် မြေကြီးကို တည်လေပြီ။ ငါ့လက်ျာလက်သည် မိုးကောင်းကင်ကို ကြက်လေပြီ။ ငါခေါ်၍ သူတို့သည် ချက်ချင်း ပေါ်လာကြ၏။

နားထောင်ကြလော့

၁၄ ရှိသမျှသောသင်တို့၊ စည်းဝေး၍ နားထောင်ကြလော့။ ဤအမှုအရာတို့ကို သင်တို့တွင် အဘယ်သူသည် ရှေးမဆွက ဟောနှင့်သနည်း။ ထာဝရဘုရား ချစ်တော်မူသောသူသည် ဗာဗုလုန်မြို့၌ အလိုတော်ကို ပြည့်စုံစေမည်။ သူ၏ လက်သည်လည်း၊ ခါလဒဲ လူတို့အပေါ်သို့ ရောက်လိမ့်မည်။ ၁၅ ငါကိုယ်တိုင် အမိန့်တော်ရှိပြီ။ အကယ်စင်စစ် သူ့ကိုငါခေါပြီ။ သူသွားသောလမ်း၌ မင်္ဂလာရှိရလိမ့်မည်။ ၁၆ ငါ့ထံသို ချဉ်းကပ်၍ ဤစကားကို နားထောင်ကြလော့။ ရှေ့ဦးစွာမှစ၍ တိတ်ဆိတ်စွာ မဟော။ အမှုဖြစ်စကာလ၌ ငါရှိ၏။ ယခုတွင် အရှင် ထာဝရဘုရားနှင့် ဝိညာဉ်တော်သည် ငါ့ကို စေလွတ်တော်မူ၏။

သင့်ကိုသွန်သင်၍ ပို့ဆောင်သူ

၁၇ သင့်ကို ရွေးနှုတ်သောသူ၊ ဣသရေလ အမျိုး၏ သန့်ရှင်းသော အရှင် ထာဝရဘုရား မိန့်တော်မူသည်ကား၊ ငါသည် သင်၏ အကျိုးနှင့် ယှဉ်သောအရာကို သွန်သင်၍၊ သင်သွားအပ်သောလမ်းဖြင့် ပို့ဆောင်သော သင်၏ဘုရားသခင် ထာဝရဘုရား ဖြစ်၏။ ၁၈ သင်သည် ငါ၏ပညတ်တို့ကို စောင့်ရှောက်ပါစေသော်။ သို့ပြုလျှင်၊ သင်၏ ချမ်းသာသည် မြစ်ကဲ့သို့၎င်း၊ သင်၏ ဖြောင့်မတ်ခြင်း ပါရမီသည် သမုဒ္ဒရာ လှိုင်းတံပိုးကဲ့သို့၎င်း၊ ဖြစ်ရလိမ့်မည်။ ၁၉ သင်၏အမျိုးအနွယ်သည် သဲလုံးကဲ့သို့၎င်း၊ သင်၏ သားမြေးတို့သည်၊ သမုဒ္ဒရာ ကျောက်စရစ်ကဲ့သို့၎င်း၊ ဖြစ်ရကြလိမ့်မည်။ သင်၏နာမသည် ငါ့ရှေ့မှာမပြတ်၊ မပျက်မစီးရ။

ဗာဗုလုန်မြို့ထဲက ထွက်ကြလော့

၂၀ ဗာဗုလုန်မြို့ထဲက ထွက်ကြလော့။ ရွှင်လန်းစွာ သီချင်းသံနှင့် ခါလဒဲလူတို့နေရာမှ ပြေးကြလော့။ ဤသိတင်းစကားကို မြေကြီး စွန်းတိုင်အောင် ပြန်ပြောမြွက်ဆို၍ အသံကို လွှင့်ကြလော့။ ထာဝရဘုရားသည် မိမိကျွန် ယာကုပ်ကို ရွေးနှုတ်တော်မူပြီ၊ ဟုပြောဆိုကြလော့။ ၂၁ သူတို့သည် တောလမ်းဖြင့် ဆောင်သွားတော်မူခြင်းကို ခံသောအခါ ရေမငတ်ကြ။ သူတို့အဘို့ ကျောက်ထဲက ရေကို စီးစေတော်မူ၏။ ကျောက်ခဲကိုပင် ခွဲတော်မူသဖြင့်၊ ရေသည် စီးထွက်လေ၏။ ၂၂ မတရားသော သူတို့၌ ချမ်းသာမရှိ၊ ဟုထာဝရဘုရား မိန့်တော်မူ၏။

_________________________
Footnotes

၁၀ (a) ဒုက္ခမီးဖို