၁ သင်တို့၏ ဘုရားသခင် မိန့်တော်မူသည်ကား၊ ငါ၏လူတို့ကို နှစ်သိမ့်စေကြလော့။ နှစ်သိမ့်စေကြလော့။ [A] ၂ စစ်မှုကို ထမ်းရသောအချိန် ကုန်ဆုံးပြီ။(a) [B]သင်၏ အပြစ်လည်း ဖြေရှင်းပြီ၊ [C] ၊ ဟုယေရုရှလင်မြို့အား နှစ်သိမ့်စေသော စကားကိုပြော၍ ကြွေးကြော်ကြလော့။ အကြောင်းမူကား၊ ထာဝရဘုရား၏ လက်တော်၌ မိမိအပြစ်အတွက် နှစ်ဆ ခံရပြီ။ [D]

ထာ၀ရဘုရား ကြွတော်မူရာလမ်း ပြင်ကြလော့

CROSS REFERENCES

မဿဲ ၃း၃

မာကု ၁း၃

လု ၃း၄-၆

ယောဟန် ၁း၂၃

မဿဲ ၃း၃
၃ ပရောဖက်ဟေရှာယ ဟောဘူးသည်ကား၊ တော၌ ဟစ်ကျော်သောသူ၏ အသံမှာ၊ ထာဝရဘုရား ကြွတော်မူရာလမ်းကို ပြင်ကြလော့။ လမ်းခရီးတော်ကို ဖြောင့်စေကြလော့၊ ဟူသောအချက်၌ ထိုယောဟန်ကို ဆိုလိုသတည်း။

မာကု ၁း၃
၃ တော၌ ဟစ်ကြော်သော သူ၏အသံမှာ၊ ထာဝရဘုရား ကြွတော်မူရာလမ်းကို ပြင်ကြလော့။ လမ်းခရီးတော်ကို ဖြောင့်စေကြလော့၊ ဟုလာသည်နှင့်အညီ၊

လု ၃း၄-၆
၄ တော၌ ဟစ်ကြော်သောသူ၏ အသံမှာ၊ ထာဝရဘုရား ကြွတော်မူရာလမ်းကို ပြင်ကြလော့။ လမ်းခရီးတော်ကိုဖြောင့်စေကြလော့။

ယောဟန် ၁း၂၃
၂၃ ယောဟန်ကလည်း၊ ငါသည် ပရောဖက်ဟေရှာယ ဟောပြောသည်နှင့်အညီ၊ ထာဝရဘုရား၏ လမ်းခရီးတော်ကို ဖြောင့်စေကြလော့၊ ဟုတော၌ ဟစ်ကြော်သော သူ၏အသံဖြစ်သည်၊ ဟုဆို၏။

CROSS REFERENCES

မာလခိ ၃း၁

မာလခိ ၄း၅-၆

မာလခိ ၃း၁
၁ ကြည့်ရှုလော့။ ငါသွားရာလမ်းကို ပြင်ရသော ငါ၏တမန်ကို ငါစေလွှတ်မည်။ သင်တို့ရှာသော သခင်၊ သင်တို့ တောင့်တသော ပဋိညာဉ် တမန်တော်သည်၊ မိမိဗိမာန်တော်သို့ ချက်ချင်းလာလိမ့်မည်။ ကြည့်ရှုလော့၊ ထိုသခင် လာလိမ့်မည်၊ ဟုကောင်းကင်ဗိုလ်ခြေ အရှင်ထာဝရဘုရား မိန့်တော်မူ၏။

မာလခိ ၄း၅-၆
၅ ကြည့်ရှုလော့။ ထာဝရဘုရား၏ ကြောက်မက်ဖွယ်သော နေ့ရက်ကြီး မရောက်မှီ၊ ပရောဖက် ဧလိယကို သင်တို့ရှိရာသို့ ငါစေလွှတ်မည်။

CROSS REFERENCES

ဟေရှာ ၆း၃

ဟဗက္ကုတ် ၂း၁၄

ဟေရှာ ၆း၃
၃ သူတို့ကလည်း၊ ကောင်းကင် ဗိုလ်ခြေ အရှင်ထာဝရဘုရားသည် သန့်ရှင်းတော်မူ၏။ သန့်ရှင်းတော်မူ၏။ သန့်ရှင်းတော်မူ၏။ မြေကြီးလုံးသည် ဘုန်းတော်နှင့် ပြည့်လေ၏၊ ဟုတပါးကိုတပါး ကြွေးကြော်၍ မြွက်ဆိုကြ၏။

ဟဗက္ကုတ် ၂း၁၄
၁၄ အကြောင်းမူကား၊ ပင်လယ်ရေသည်မိမိနေရာကိုလွှမ်းမိုးသကဲ့သို့၊ မြေကြီးသည်ထာဝရဘုရား၏ဘုန်းတော်ကိုသိကျွမ်းခြင်းပညာနှင့်ပြည့်စုံလိမ့်မည်။

၃ တော၌ ဟစ်ကြော်သော သူ၏အသံမှာ၊ [E]ထာဝရဘုရား ကြွတော်မူရာ လမ်းကို ပြင်ကြလော့။ [F] ငါတို့ ဘုရားသခင်၏ လမ်းခရီးတော်ကို လွင်ပြင်၌ ဖြောင့်စေကြလော့။ ၄ ချိုင့်ဝှမ်းရာ ရှိသမျှတို့ကို ဖို့ရမည်။ တောင်ကြီး တောင်ငယ် ရှိသမျှတို့ကို ဖြိုရမည်။ ကောက်သော လမ်းများကို ဖြောင့်စေရမည်။ ကြမ်းတမ်းသော လမ်းများကိုလည်း သုတ်သင်ပြင်ဆင်ရမည်။ ၅ ထာဝရဘုရား၏ ဘုန်းတော် ပေါ်ထွန်း၍၊ [G]လူအပေါင်းတို့သည် အတူမြင်ကြရလေတုံ့၊ ဟုထာဝရဘုရား၏ နှုတ်တော်ထွက် အမိန့်တော်ရှိ၏။

လူသည်မြက်ပင်၊ ဘုန်းရှိသမျှမြက်ပွင့်

CROSS REFERENCES

ယောဘ ၈း၉
၉ ငါတို့သည် မနေ့၏သားဖြစ်၍ အလျှင်းမသိရပါ။ မြေကြီးပေါ်မှာ ငါတို့နေရသော နေ့ရက်ကာလသည် အရိပ် သက်သက်ဖြစ်၏။

ယောဘ ၁၄း၂
၂ ပန်းပွင့်ကဲ့သို့ပွင့်၍ ရိတ်ဖြတ်ခြင်းကို ခံရပါ၏။ မတည်မရပ်ဘဲ အရိပ်ကဲ့သို့ ရွှေ့သွားတတ်ပါ၏။

ဆာ ၁၀၂း၁၁
၁၁ အကျွန်ုပ်၏ နေ့ရက်တို့သည် ရှည်လျားသော အရိပ်ကဲ့သို့ဖြစ်၍၊ မြက်ပင်ကဲ့သို့ အကျွန်ုပ် ညှိုးနွမ်းပါ၏။

ဆာ ၁၀၃း၁၅
၁၅ လူတို့၏ နေ့ရက်ကာလသည် မြက်ပင်ကဲ့သို့ဖြစ်၏။ လူသည်လယ်ပြင်၌ ရှိသော ပန်းပွင့်ကဲ့သို့ ပွင့်တတ်၏။

ဆာ ၁၀၉း၂၃
၂၃ ရှည်လျားသော အရိပ်ကဲ့သို့ အကျွန်ုပ် ရွေ့သွားပါ၏။ ကျိုင်းကောင်ကဲ့သို့ လှုပ်ရှားလျက် ရှိပါ၏။

ဆာ ၁၄၄း၄
၄ လူသည် အငွေ့နှင့်တူပါ၏။ သူ၏နေ့ရက်တို့သည် လွန်သွားတတ်သော အရိပ်ကဲ့သို့ ဖြစ်ကြပါ၏။

ဟေရှာယ ၄၀း၆-၈
၆ တဖန် ထိုအသံက၊ ဟစ်ကြော်လော့၊ ဟုဆိုလျှင် ငါက၊ အဘယ်အရာကို ဟစ်ကြော်ရမည်နည်း၊ ဟုမေးသော်၊ လူမျိုးရှိသမျှသည် မြက်ပင်ဖြစ်၏။ လူမျိုး၏ ဘုန်းရှိသမျှသည်လည်း တောအပွင့်ကဲ့သို့ ဖြစ်၏။

၁ ပေ ၁း၂၄
၂၄ လူမျိုးရှိသမျှသည် မြက်ပင်ကဲ့သို့ဖြစ်၏။ လူမျိုး၏ ဘုန်းရှိသမျှသည်လည်း မြက်ပွင့်ကဲ့သို့ဖြစ်၏။ မြက်ပင်သည် ညှိုးနွမ်းသွေ့ခြောက်တတ်၏။ အပွင့်လည်း ကြွေတတ်၏။ ထိုနှုတ်ကပတ်တော်သည် သင်တို့အား ဟောပြောသော ဧဝံဂေလိတရားဖြစ်သတည်း။

CROSS REFERENCES

ဟဂဲ ၁း၉

ဟဂဲ ၁း၉
၉ စိတ်ဝိညာဉ်ကို ကယ်တင်ခြင်းတည်းဟူသော၊ ယုံကြည်ခြင်း၏ အကျိုးကို ခံရကြ၏။ s ခရစ်တော်၏ဝိညာဉ်သည် သက်သေခံနှင့်

၆ တဖန် ထိုအသံက၊ ဟစ်ကြော်လော့၊ ဟုဆိုလျှင် ငါက၊ အဘယ်အရာကို ဟစ်ကြော်ရမည်နည်း၊ ဟုမေးသော်၊ လူမျိုးရှိသမျှသည် မြက်ပင်ဖြစ်၏။ [H] လူမျိုး၏ ဘုန်းရှိသမျှသည်လည်း တောအပွင့်ကဲ့သို့ ဖြစ်၏။ ၇ ထာဝရဘုရား၏ လေတိုက်သောအခါမြက်ပင်သည် ညှိုးနွမ်း သွေ့ခြောက်တတ်၏။ [I] အပွင့်သည်လည်း ကြွေတတ်၏။ အကယ်စင်စစ် လူတို့သည် မြက်ပင်ဖြစ်ကြ၏။၊(b) ၈ မြက်ပင်သည် ညှိုးနွမ်း သွေ့ခြောက်တတ်၏။ အပွင့်လည်း ကြွေတတ်၏။ ထာဝရဘုရား၏ နှုတ်ကပတ်တရားမှုကား၊ ကာလအစဉ်အမြဲ တည်၏၊ ဟုဆိုသတည်း။

ထာ၀ရဘုရား ကြွလာခြင်းကို အသံလွှင့်လော့

CROSS REFERENCES

ဟေရှာယ ၄၀း၁၀
၁၀ ကြည့်ရှုလော့၊ အရှင်ထာဝရဘုရားသည်၊ ကြီးသော တန်ခိုးနှင့်ကြွလာ၍၊ လက်ရုံးတော်အားဖြင့် အစိုးရတော်မူလိမ့်မည်။ မိမိခံတော်မူထိုက်သော အခမိမိ၌ပါလျက်၊ ဆုလပ်တော်သည် ရှေ့တော်၌ရှိ၏။

ဟေရှာယ ၆၂း၁၁
၁၁ မြေကြီးစွန်းတိုင်အောင် ထာဝရဘုရား မိန့်တော်မူသည်ကား၊ သင့်ကို ကယ်တင်သော သူသည်လာ၏။ မိမိခံထိုက်သော အခသည် မိမိ၌ပါလျက် ဆုလပ်တော်သည် ရှေ့တော်၌ရှိ၏၊ ဟုဇိအုန်သတို့သမီးကို ပြောကြလော့။

မဿဲ ၁၆:၂ရ
၁ ဇိအုန်မြို့တည်းဟူသော ယေရုရှလင်မြို့၏ ဖြောင့်မတ်ခြင်းသည် ရောင်ခြည်ကဲ့သို့၎င်း၊ သူ၏ ကယ်တင်ခြင်းသည် ထွန်းတောက်သော ဆီမီးခွက်ကဲ့သို့၎င်း၊ မထင်ရှားမှီတိုင်အောင် ထိုမြို့အတွက် ငါသည် တိတ်ဆိတ် ငြိမ်သက်စွာမနေရ။

ရောမ ၂:၆
၁ ဇိအုန်မြို့တည်းဟူသော ယေရုရှလင်မြို့၏ ဖြောင့်မတ်ခြင်းသည် ရောင်ခြည်ကဲ့သို့၎င်း၊ သူ၏ ကယ်တင်ခြင်းသည် ထွန်းတောက်သော ဆီမီးခွက်ကဲ့သို့၎င်း၊ မထင်ရှားမှီတိုင်အောင် ထိုမြို့အတွက် ငါသည် တိတ်ဆိတ် ငြိမ်သက်စွာမနေရ။

ဗျာ ၂၂း၁၂
၁၂ ငါသည် အလျှင်အမြန်လာမည်။ ငါသည် အကျိုးအပြစ်ကို ဆောင်ခဲ့သည်ဖြစ်၍၊ လူအသီးသီးတို့အား မိမိတို့အကျင့်အတိုင်း ဆပ်ပေးမည်။

၉ ဇိအုန်တောင်သို့ ဝမ်းမြောက်စရာ သိတင်းကို ဆောင်ခဲ့သောသူ၊ မြင့်သော တောင်ပေါ်သို့ တက်လော့။ ယေရုရှလင်မြို့သို့ ဝမ်းမြောက်စရာ သတင်းကို ဆောင်ခဲ့သောသူ၊ ကျယ်သောအသံကို လွှင့်လော့။ မစိုးရိမ်ဘဲ အသံကိုလွှင့်လော့။ သင်တို့၏ ဘုရားသခင်ကို ကြည့်ရှုကြ၊ ဟုယုဒမြို့ရွာတို့အား ပြောလော့။ ၁၀ ကြည့်ရှုလော့၊ အရှင်ထာဝရဘုရားသည်၊ ကြီးသော တန်ခိုးနှင့်ကြွလာ၍၊ လက်ရုံးတော်အားဖြင့် အစိုးရတော်မူလိမ့်မည်။ မိမိခံတော်မူထိုက်သော အခမိမိ၌ပါလျက်၊ ဆုလပ်တော်သည် ရှေ့တော်၌ရှိ၏။ [J] ၁၁ မိမိသိုးစုကို သိုးထိန်းကဲ့သို့ ကျွေးမွေးတော်မူမည်။ သိုးသငယ်တို့ကို ချီ၍ ပိုက်ပွေ့တော်မူမည်။ သားငယ်ရှိသော သိုးမတို့ကိုလည်း ဖြည်းညှင်းစွာ ပို့ဆောင်တော်မူမည်။

ဘုရား၏အစွမ်းအစ

CROSS REFERENCES

ဟေရှာယ ၄၀း၁၃-၁၄

ရော ၁၁း၃၄

၁ ကော ၂း၁၆

ဟေရှာယ ၄၀း၁၃-၁၄
၁၃ ထာဝရဘုရား၏ ဝိညာဉ်ကို အဘယ်သူ စစ်ကြောသနည်း။ ထိုဘုရားနှင့် တိုင်ပင်၍၊ အဘယ်သူသည် အကြံပေးသနည်း။

ရော ၁၁း၃၄
၃၄ ထာဝရဘုရား၏ စိတ်တော်ကို အဘယ်သူသိသနည်း။ ထာဝရဘုရားနှင့် အဘယ်သူသည် တိုင်ပင်ဘက်ပြုသနည်း။

၁ ကော ၂း၁၆
၁၆ ထိုလူကို သွန်သင်နိုင်မည်အကြောင်း၊ အဘယ်သူသည် ထာဝရဘုရား၏ စိတ်တော်ကိုသိသနည်း။ ငါတို့မူကား ခရစ်တော်၏ စိတ်ကိုခံရကြ၏။

၁၂ ရေများကို လက်ဆွန်းဖြင့်ခြင်သောသူ၊ မိုးကောင်ကင်ကို မိမိလက်ဖြင့် ထွာသောသူ၊ မြေမှုန့်ကို တင်းတောင်းဖြင့် ချင့်တွက်သောသူ၊ တောင်ကြီးကို ချိန်ခွင်ဖြင့်၎င်း၊ တောင်ငယ်ကို ကပ်ပယ်ဖြင့်၎င်း၊ ချိန်သောသူကား အဘယ်သူနည်း။ ၁၃ ထာဝရဘုရား၏ ဝိညာဉ်ကို အဘယ်သူ စစ်ကြောသနည်း။ ထိုဘုရားနှင့် တိုင်ပင်၍၊ အဘယ်သူသည် အကြံပေးသနည်း။ ၁၄ အဘယ်သူနှင့် တိုင်ပင်တော်မူသနည်း။ ထိုဘုရားကို အဘယ်သူ သွန်သင်သနည်း။ ထိုဘုရားအား တရားလမ်းကို ပြသောသူ၊ ပညာနည်းကို ပေးသောသူ၊ ဥာဏ်လမ်းကို ညွှန်သောသူကား အဘယ်သူနည်း။ [K]

ဘုရားရှေ့၌ လူနှင့်အရာ ခပ်သိမ်းသည် ဘာမျှမဟုတ်

CROSS REFERENCES

၄ ဓမ္မ ၁ရး၁၅
၁၅ စီရင်တော်မူချက်၊ ဘိုးဘေးတို့နှင့် ဖွဲ့တော်မူသော ပဋိညာဉ်၊ သူတို့၌ သက်သေခံတော်မူသော သက်သေတို့ကိုပယ်၍၊ အနတ္တတရားကို ကျင့်လျက် အချည်းနှီး သက်သက်ဖြစ်ကြ၏။ အကြင်တပါးအမျိုးသား ကျင့်သကဲ့သို့ မကျင့်ကြနှင့်၊ ဟုထာဝရဘုရား ပညတ်တော်မူ၏၊ ပတ်လည်၌ နေသော ထိုအမျိုးသား နောက်သို့လိုက်ကြ၏။

ယောဘ ၁၅း၃၁-၃၅
၃၁ အဘယ်သူမျှ လှည့်စားခြင်းကို ခံရ၍ အနတ္တကို မခိုလှုံစေနှင့်။သို့မဟုတ် အနတ္တ အကျိုးကို ခံရလိမ့်မည်။

ဆာ ၄း၂
၂ အချင်းလူသားတို့၊ အဘယ်မျှ ကာလပတ်လုံး ငါ၏ဘုန်းကို ရှုတ်ချကြမည်နည်း။ အဘယ်မျှ ကာလပတ်လုံး အနတ္တကိုနှစ်သက်၍ မုသာကို လိုက်ရှာကြမည်နည်း။

ဆာ ၃၁း၆
၆ မုသာအနတ္တကို ဆည်းကပ်သော သူတို့ကို အကျွန်ုပ်သည် မုန်း၍ ထာဝရဘုရားကို ခိုလှုံပါ၏။

ဆာ ၃၉း၅
၅ အကျွန်ုပ် အသက်တာကို တမိုက်မျှသာ ခန့်ထားတော်မူပြီ။ အကျွန်ုပ်အရွယ်သည် ရှေ့တော်၌ ဘာမျှမဟုတ်သကဲ့သို့ ဖြစ်ပါ၏။ အကယ်စင်စစ် လူမည်သည်ကား၊ လူ၏ အထွဋ်သို့ ရောက်သော်လည်း၊ အနတ္တ သက်သက်ဖြစ်ပါ၏။

ဆာ ၃၉း၁၁
၁၁ ကိုယ်တော်သည် လူတို့အပြစ်ကြောင့် ဆုံးမ၍ ဒဏ်ခတ်တော်မူလျှင်၊ ပိုးရွဖျက်တတ်သကဲ့သို့ လူတို့၏ တင့်တယ်ခြင်း အသရေကို ပြက်ပျောက်စေတော်မူ၏။ အကယ်စင်စစ် လူခပ်သိမ်းတို့သည် အနတ္တသက်သက် ဖြစ်ကြပါ၏။

ဆာ ၆၂း၉
၉ အကယ်စင်စစ် ယုတ်ညံ့သောသူတို့သည် အနတ္တ၊ အသရေ ရှိသောသူတို့သည် မုသာဖြစ်ကြ၏။ ချိန်ခွင်နှင့် ချိန်စက်လျှင် ထိုသူ အပေါင်းတို့သည် အနတ္တထက်သာ၍ ပေ့ါကြ၏။

ဆာ ၁၁၉း၃ရ
၃၇ အနတ္တကိုပမာဏာမပြုစေခြင်းငှါ အကျွန်ုပ်မျက်စိကို အခြားသို့ လွှဲတော်မူပါ။ လမ်းခရီးတော်၌ အကျွန်ုပ် အသက်ရှင် စေတော်မူပါ။

သု ၂၁း၆
၆ မုသာစကားအားဖြင့်ဘဏ္ဍာကိုဆည်းဖူးခြင်းအမှုသည်၊ သေမင်းကျော့ကွင်းတို့တွင် ပျောက်လွင့်သောအနတ္တဖြစ်၏။

သု ၃၀း၈
၈ အကျွန်ုပ်မသေမှီတိုင်အောင်ငြင်းတော်မမူပါနှင့်။ အကျွန်ုပ်မှ အနတ္တနှင့်မုသာကိုပယ်တော်မူပါ။ ဆင်းရဲခြင်းနှင့်ငွေရတတ်ခြင်းကိုပေးတော်မမူပါနှင့်။ အသက်မွေးလောက်သောအစာကိုသာပေးတော်မူပါ။

ဒေ ၁း၁
၁ ဒါဝိဒ်၏သားတော်၊ ဓမ္မဒေသနာဆရာဖြစ်သော ယေရုရှလင်မင်းကြီး၏ စကားဟူမူကား၊

ဒေ ၁း၁၄
၁၄ နေရောင်အောက်မှာ ပြုလေသမျှသော အမှုအရာတို့ကို ငါမြင်ပြီ။ အလုံးစုံတို့သည်အနတ္တအမှု၊ လေကို ကျက်စားသောအမှု ဖြစ်ကြ၏။

ဒေ ၂း၁
၁ တဖန် ငါသည် ကိုယ်စိတ်နှလုံးထဲမှာ ပြောသည်ကား၊ လာပါ။ ရွှင်လန်းခြင်းအားဖြင့် သင့်ကိုငါစုံစမ်းမည်။ သို့ဖြစ်၍၊ ကာမဂုဏ်၌ ပျော်မွေ့လော့၊ ဟုဆိုရာတွင် ထိုအမှုအရာသည်လည်း အနတ္တဖြစ်လေ၏။

ဒေ ၂း၁၁
၁၁ ထိုအခါ ငါစီရင်ပြုပြင်သမျှ၊ ငါကြိုးစားအားထုတ်သမျှတို့ကို ငါကြည့်ရှု၍၊ အလုံးစုံတို့သည် အနတ္တအမှု၊လေကို ကျက်စားသော အကျိုး တစုံတခုမျှ မရှိ။ s

ဒေ ၂း၁၅
၁၅ သို့ဖြစ်၍၊ မိုက်သောသူ တွေ့ကြုံသကဲ့သို့၊ ငါသည်တွေ့ကြုံလျှင်၊ အဘယ်ကြောင့် သူ့ထက်သာ၍ ပညာရှိသနည်းဟူ၍၎င်း၊ ဤအမှုအရာသည်လည်း အနတ္တဖြစ်သည်ဟူ၍၎င်း၊ ငါအောက်မေ့၏။

ဒေ ၂း၁ရ
၁၇ ထို့ကြောင့် အသက်ရှင်ခြင်းကို ငါငြီးငွေ့၏။ နေအောက်မှာ ပြုရသောမှုသည်ငါ၌ ခက်ခဲ၏။ အလုံးစုံတို့သည် အနတ္တအမှု၊လေကို ကျက်စားသောအမှု ဖြစ်ကြ၏။

ဒေ ၂း၁၉
၁၉ ထိုသူသည် ပညာရှိမည်လော၊ မိုက်မည်လော၊ ဟုအဘယ်သူ ပြောနိုင်သနည်း။ ထိုသူသည် ငါကြိုးစား အားထုတ်သမျှ၊ နေအောက်မှာ ငါ့ပညာကို ထင်ရှားပြလေသမျှသော အမှုတို့ကို အစိုးရလိမ့်မည်။ ထိုအမှုအရာသည်လည်း အနတ္တဖြစ်၏။

ဒေ ၂း၂၁
၂၁ အကြောင်းမူကား ပညာရှိလျက် သိပ္ပံအတတ်နှင့် ပြည့်စုံလျက်၊ အမှုအောင်လျက် ကြိုးစားအားထုတ်သောသူ ဖြစ်သော်လည်း၊ မကြိုးစား၊ အားမထုတ်သောသူ ဝင်စရာဖို့ ထိုအမှုကို စွန့်ထားရမည်။ ထိုအမှုအရာသည်လည်း အနတ္တအမှု၊ အလွန်ဆိုးသောအမှု ဖြစ်၏။

ဒေ ၂း၂၃
၂၃ သူ၏နေ့ရက် အပေါင်းတို့သည်ဝမ်းနည်းခြင်း၊ သူ၏အလုပ်အကိုင်လည်း ငြိုငြင်ခြင်းဖြစ်၏။ ညအခါ၌ပင် သူ၏စိတ်နှလုံး မငြိမ်ရ။ ထိုအမှုအရာသည်လည်း အနတ္တဖြစ်၏။

ဒေ ၂း၂၆
၂၆ ရှေ့တော်၌ ကောင်းသောသူအား ဥာဏ်ပညာ၊ သိပ္ပံအတတ်နှင့် ဝမ်းမြောက်ခြင်းအခွင့်ကို ပေးတော်မူ၏။ အပြစ်ရှိသောသူအား ပင်ပန်းစွာ အလုပ်လုပ်ရသော အခွင့်ကို၎င်း၊ ဘုရားသခင်၏ ရှေ့တော်၌ ကောင်းသောသူအား ပေးစရာဖို့၊ ဆည်းဖူး သိုထားရသောအခွင့်ကို၎င်း၊ ပေးတော်မူ၏။ ထိုအမှုအရာသည်လည်း အနတ္တအမှု၊လေကို ကျက်စားသောအမှု ဖြစ်၏။

ဒေ ၃း၁၉
၁၉ လူသား တွေ့ကြုံသောအမှုကို တိရစ္ဆာန် တွေ့ကြုံတတ်၏။ ထိုနှစ်ဦးတို့သည် တပါးတည်းသောအမှုကို တွေ့ကြုံလျက်၊ တဦးသေသကဲ့သို့ တဦးသေတတ်၏။ အလုံးစုံတို့သည် အသက်တမျိုးတည်း ရှိကြ၏။ သို့ဖြစ်၍၊ လူသည် တိရစ္ဆာန် ထက်ထူးမြတ်သော အကြောင်းမရှိ။ အလုံးစုံတို့သည် အနတ္တဖြစ်ကြ၏။

ဒေ ၄း၄
၄ တဖန် ကြိုးစား အားထုတ်ခြင်းအမှုနှင့်၊ ကောင်းမွန်စွာ ပြီးစီးသော အမှုအလုံးစုံတို့ကို၎င်း၊ ထိုသို့သောအမှုတို့ကြောင့် သူတပါး ငြူစူကြောင်းကို၎င်း ငါဆင်ခြင်၏။ ထိုအမှုအရာသည် အနတ္တအမှု၊လေကို ကျက်စားသောအမှုဖြစ်၏။

ဒေ ၄းရ-၈
၇ တဖန်ငါထပ်၍၊ နေအောက်မှာ အနတ္တအမှုကို ဆင်ခြင်သောအရာဟူမူကား၊

ဒေ ၄း၁၆
၁၆ ထိုမင်းအုပ်စိုးသော သူအပေါင်းတို့ကို ရေတွက်၍ မကုန်နိုင်။ နောက်လာသော သူတို့သည်လည်း၊ ထိုမင်းကို အားမရဘဲ နေကြလိမ့်မည်။ အကယ်စင်စစ် ထိုအမှုအရာသည်လည်း အနတ္တအမှု၊ လေကို ကျက်စားသောအမှုဖြစ်၏။

ဒေ ၅း၁၀
၁၀ ငွေကိုတပ်မက်သောသူသည် ငွေနှင့် အလိုဆန္ဒမပြေနိုင်။ စည်းစိမ်ကို တပ်မက်သောသူသည် စည်းစိမ်တိုးပွားသော်လည်း မရောင့်ရဲနိုင်။ ထိုအမှုအရာသည်လည်း အနတ္တဖြစ်၏။

ဒေ ၆း၂
၂ အလိုဆန္ဒရှိသမျှ ပြေလောက်အောင် စည်းစိမ်ဥစ္စာ ဂုဏ်သရေကို ဘုရားသခင် ပေးသော်လည်း၊ ခံစားရသောအခွင့်ကို ပေးတော်မမူသောကြောင့်၊ ကိုယ်တိုင်မခံစားရ။ မဆိုင်သောသူ တပါးဝင်၍ ခံစားရသောအမှုသည် အနတ္တအမှု၊ဆိုးသောအမှုဖြစ်၏။

ဒေ ၆း၉-၁၂
၉ ကိုယ်တိုင် တွေ့မြင်ခြင်းအကျိုးသည် လောဘပြန့်ပွားခြင်း အကျိုးထက်သာ၍ ကြီး၏။ ထိုအမှုအရာသည် အနတ္တအမှု၊လေကိုကျက်စားသော အမှုဖြစ်၏။

ဒေ ရး၆
၆ အကြောင်းမူကား၊ မိုက်သောသူ၏ ရယ်ခြင်းသည် အိုးအောက်၌ ဆူးပင်ကိုလောင်သော အသံနှင့်တူ၏။ ထိုအမှုအရာသည်လည်း အနတ္တဖြစ်၏။

ဒေ ၈း၁၀
၁၀ ထိုမှတပါး၊ သန့်ရှင်းရာအရပ် ဌာနတော်သို့ သွားလာသော အဓမ္မလူတို့သည် သင်္ဂြိုလ်ခြင်း ခံရကြောင်းကို၎င်း၊ အဓမ္မပြုဘူးသော မြို့၌ သူတို့ကို အဘယ်သူမျှ မအောက်မေ့ကြောင်းကို၎င်း ငါမြင်ပြီ။ ထိုအမှုအရာသည်လည်း အနတ္တဖြစ်၏။

ဒေ ၉း၉
၉ နေအောက်မှာ ပေးသနားတော်မူသော အနတ္တအသက်ကာလပတ်လုံး၊ သင်ချစ်သော မယားနှင့်ရွှင်လန်းစွာ အသက်ကာလကိုလွန်စေလော့။ ဤရွေ့ကား၊ အသက်ရှင်၍နေအောက်မှာကြိုးစားအားထုတ်ရာ၌ သင်ခံရသောအကျိုးပေတည်း။

ဒေ ၁၂း၈
၈ အနတ္တသက်သက်၊ အလုံးစုံတို့သည် အနတ္တ ဖြစ်ကြသည်၊ ဟုဓမ္မဒေသနာဆရာ ဟောပြော၏။

ဟေရှာယ ၄၀း၁ရ
၁၇ ခပ်သိမ်းသော လူအမျိုးမျိုးတို့သည်၊ အဘယ်မျှ မဟုတ်သကဲ့သို့ ရှေ့တော်၌ ဖြစ်ကြ၏။ အဘယ်မျှ မဟုတ်သော အရာထက် သာ၍ငယ်သကဲ့သို့၎င်း၊ အနတ္တကဲ့သို့၎င်း၊ မှတ်တော်မူ၏။ sလူလုပ်သော ဘုရားများ

ဟေရှာယ ၄၀း၂၃
၂၃ မင်းတို့ကိုရှုတ်ချ၍၊ မြေကြီး တရားသူကြီးတို့ကို အနတ္တကဲ့သို့ ဖြစ်စေတော်မူသောသူ ပေတည်း။

ဟေရှာယ ၄၁း၁၂
၁၂ သင်နှင့် ဆန့်ကျင်ဘက် ပြုသောသူတို့ကို သင်သည် ရှာ၍မတွေ့ရ။ သင့်ကို စစ်တိုက်သော သူတို့သည် အဘယ်မျှ မဟုတ်သကဲ့သို့၎င်း၊ အနတ္တ သက်သက်ကဲ့သို့ ဖြစ်ကြလိမ့်မည်။

ဟေရှာယ ၅၉း၄
၄ တရားကို အဘယ်သူမျှမရှာ၊ သစ္စာကို အဘယ်သူမျှမစောင့်၊ အနတ္တကိုကိုးစား၍ မုသာစကားကို ပြောတတ်ကြ၏။ မကောင်းသောအကြံကို ပဋိသန္ဓေယူ၍၊ အဓမ္မအမှုကို ဖွားကြ၏။

ယေရမိအ ၂း၅
၅ ထာဝရဘုရား မိန့်တော်မူသည်ကား၊ သင်တို့၏ဘိုးဘေးတို့သည် ငါ့ထံမှဝေးစွာထွက်သွား၍၊ အနတ္တလမ်းသို့လိုက်လျက်၊ အနတ္တသက်သက်ဖြစ်ရမည်အကြောင်း၊ ငါ၌အဘယ်မည်သောအပြစ်ကို တွေ့ကြသနည်း။

ယေရမိအ ၁၆း၁၉
၁၉ အကျွန်ုပ်အစွမ်းသတ္တိ၊ အကျွန်ုပ်ရဲတိုက်၊ အမှုရောက်သောနေ့၌ အကျွန်ုပ်ခိုလှုံရာ ဖြစ်တော်မူသော ထာဝရဘုရား၊ တပါးအမျိုးသားတို့က၊ အကယ်စင်စစ် အကျွန်ုပ်တို့ ဘိုးဘေးတို့သည် မုသာ၊ အနတ္တ၊ အချည်းနှီးသော အရာတို့ကို အမွေခံကြပါပြီဟု မြေကြီးစွန်းမှ ကိုယ်တော်ထံသို့လာ၍ လျှောက်ကြပါလိမ့်မည်။ sငါသည် ထာ၀ရဘုရား ဖြစ်ကြောင်း သိကြမည်

ယောန ၂း၈
၈ မုသာအနတ္တကို မှီဝဲသောသူတို့သည် မိမိတို့ ကရုဏာခံရကြောင်းကို စွန့်ပစ်ကြပါ၏။

ဇာခရိ ၁၀း၂
၂ တေရပ်ရုပ်တုတို့သည် အနတ္တ စကားကို ပြောကြ၏။ ပရောဖက် လုပ်သောသူတို့သည် မုသာရူပါရုံကို မြင်၍၊ မမှန်သော အိပ်မက်ကို ဟောပြောကြ၏။ အချည်းနှီး နှစ်သိမ့်စေကြ၏။ ထိုကြောင့်၊ သိုးစုကဲ့သို့လည်သွား၍ သိုးထိန်းမရှိသောကြောင့် ဆင်းရဲခံရကြ၏။

၁၅ လူအမျိုးမျိုးတို့သည် ရေပုံးမှကျသော ရေစက်ကဲ့သို့ဖြစ်၍၊ ချိန်ခွင်၌ မြူမှုန်ကဲ့သို့ ထင်မှတ်စရာရှိ၏။ ကျွန်းတို့သည်လည်း၊ လွှင့်တတ်သော အဏုမြူကဲ့သို့ ဖြစ်ကြ၏။ ၁၆ လေဗနုန်တောသည် မီးမွေးဖို့မလောက်။ ထိုတော၌ ရှိသော တိရစ္ဆာန်တို့သည်လည်း၊ မီးရှို့ရာယဇ်ဖို့ မလောက်။ ၁၇ ခပ်သိမ်းသော လူအမျိုးမျိုးတို့သည်၊ အဘယ်မျှ မဟုတ်သကဲ့သို့ ရှေ့တော်၌ ဖြစ်ကြ၏။ အဘယ်မျှ မဟုတ်သော အရာထက် သာ၍ငယ်သကဲ့သို့၎င်း၊ အနတ္တကဲ့သို့၎င်း၊ [A] မှတ်တော်မူ၏။

လူလုပ်သော ဘုရားများ

၁၈ သို့ဖြစ်၍၊ ဘုရားသခင်ကို အဘယ်သို့ ပုံပြရအံ့နည်း။ ဘုရားသခင်နှင့် အဘယ်မည်သော ပုံသဏ္ဍာန်တူသည်၊ ဟုဆိုရအံ့နည်း။ ၁၉ ပန်းတဉ်းသမားသည် ရုပ်တုကိုသွန်းပြီးမှ၊ ပန်းထိမ်သမားသည် ရွှေနှင့်မွမ်းမံ၍၊ ငွေကြိုးကိုလည်း လုပ်တတ်၏။ ၂၀ အဘိုးထိုက်သော အလှူကို မလှူနိုင်သောသူသည်၊ မဆွေးမြေ့တတ်သော သစ်သားကို ရွေးကောက်ပြီးမှ၊ မြဲမြံသော ရုပ်တုကို လုပ်စေခြင်းငှာ၊ လိမ္မာသော လက်သမားကို ရှာတတ်၏။

မြေကြီးသားတို့ကို နှံကောင်ကဲ့သို့မှတ်

CROSS REFERENCES

ဒေ ၄းရ-၈
၇ တဖန်ငါထပ်၍၊ နေအောက်မှာ အနတ္တအမှုကို ဆင်ခြင်သောအရာဟူမူကား၊

၂၁ သင်တို့သည် မသိကြသလော။ မကြားကြသလော။ ရှေ့ဦးစွာမှစ၍ သင်တို့အား မဖော်ပြသလော။ မြေကြီးတည်သည် အကြောင်းကို နားမလည်ကြသလော။ ၂၂ မြေကြီးစက်အပေါ်မှာ ထိုင်၍၊ မြေကြီးသားတို့ကို နှံကောင်ကဲ့သို့ မှတ်တော်မူထသော၊ မိုးကောင်းကင်ကို မျက်နှာကြက်သကဲ့သို့ ကြက်၍၊ နေစရာတဲကဲ့သို့ ဖြန့်တော်မူထသော၊ ၂၃ မင်းတို့ကိုရှုတ်ချ၍၊ မြေကြီး တရားသူကြီးတို့ကို အနတ္တ [A]ကဲ့သို့ ဖြစ်စေတော်မူသောသူ ပေတည်း။ ၂၄ အကယ်စင်စစ် သူတို့ကို မစိုက်မပျိုးရ။ အကယ်စင်စစ် သူတို့၏မျိုးစေ့ကို မကြဲရ။ အကယ်စင်စစ် သူတို့အပင်သည် မြေ၌အမြစ်မစွဲရ။ သူတို့အပေါ်မှာ မှုတ်တော်မူသဖြင့်၊ သူတို့သည် ညှိုးနွမ်းသွေ့ခြောက်၍၊ လေဘွေသည် သူတို့ကို ဖွဲ့ကဲ့သို့ တိုက်လွှင့်လိမ့်မည်။

ကြယ်များကို ဖန်ဆင်းရေတွက်သောသူ

၂၅ သို့ဖြစ်ပါ၍၊ ငါ့ကိုအဘယ်သို့ ပုံပြအံ့နည်း။ ငါသည် အဘယ်သူနှင့် တူရအံ့နည်း၊ ဟုသန့်ရှင်းသော ဘုရား မေးတော်မူ၏။ ၂၆ အထက်သို့ မျှော်ကြည့်ကြလော့။ ထိုအရာတို့ကို အဘယ်သူ ဖန်ဆင်းသနည်း။ ထိုသူသည် သူတို့ အလုံးအရင်းကို အရေအတွက်အားဖြင့် ထုတ်ဆောင်တော်မူ၏။ အလုံးစုံတို့ကို နာမည်ဖြင့် ခေါ်တော်မူ၏။ ခွန်အားကြီး၍ တန်ခိုးနှင့်ပြည့်စုံတော်မူသောကြောင့်၊ တစ်စုံတခုမျှ မပေါ်ဘဲမနေရ။

ဘုရား အားကိုးသောသူ အားပြည့်လိမ့်မည်

၂၇ အိုယာကုပ်အမျိုး၊ သင်သွားသောလမ်းကို ထာဝရဘုရား သိတော်မမူ၊ ဟုအဘယ်ကြောင့် ပြောသနည်း။ အိုဣသရေလအမျိုး၊ သင့်အမှုကို သင်၏ ဘုရားသခင် မှတ်တော်မမူ၊ ဟုအဘယ်ကြောင့် ဆိုရသနည်း။ ၂၈ ထာဝရဘုရားသည် အစဉ်အမြဲ တည်တော်မူသော ဘုရားသခင် ဖြစ်ကြောင်းကို၎င်း၊ မြေကြီးစွန်းတိုင်အောင် ဖန်ဆင်းတော်မူသော အရှင် ဖြစ်ကြောင်းကို၎င်း၊ မောတော်မူခြင်း၊ ပင်ပန်းတော်မူခြင်းမရှိ၊ စစ်၍ မကုန်နိုင်သော ဥာဏ်နှင့် ပြည့်စုံတော်မူကြောင်းကို၎င်း၊ သင်သည်မသိ၊ မကြားဘူးသလော။ ၂၉ ထိုဘုရားသည် မောသောသူတို့အား၊ ခွန်အားကို ပေးတော်မူ၏။ နွမ်းနယ်သောသူတို့အား၊ အစွမ်းသတ္တိနှင့် ပြည့်စုံသောအခွင့်ကို ပေးတော်မူ၏။ ၃၀ လူပျိုတို့သည်မော၍ ပင်ပန်းခြင်းသို့ ရောက်ကြလိမ့်မည်။ လုလင်တို့သည်လည်း ထိမိ၍ လဲကြလိမ့်မည်။ ၃၁ ထာဝရဘုရားကို မျှော်လင့်သောသူတို့မူကား၊ အားပြည့်ကြလိမ့်မည်။ လင်းယုန်ကဲ့သို့ မိမိတို့အတောင်ကို အသစ်ပြုပြင်ကြလိမ့်မည်။ ပြေးသောလည်း မပင်ပန်း၊ ခရီးသွားသောအခါ မမောရကြ။

_________________________
Footnotes

၂ (a) မြန်မာကျမ်းစာအုပ်၌ "စစ်မှုကိုထမ်းရသော အချိန်စေ့ပြီ" ဟုရေးထားသည်။

၇ (b) ר֥וּחַ rū·aḥ သည်အဓိပ္ပါယ် သုံးမျိုးရှိသည်။ "လေ" သို့မဟုတ် "အသက်" သို့မဟုတ် "ဝိညာဉ်" တို့ဖြစ်သည်။ ထို့ကြောင့် အထက်ပါစာကြောင်းကို၊ "ထာဝရဘုရား၏ လေတိုက်သောအခါ ဟူ၍၎င်း၊" "ထာဝရဘုရား၏ အသက်ရှု လေတိုက်သောအခါ၊" "ထာ၀ရဘုရား၏ ဝိညာဉ်တိုက်သောအခါ" ၊ ဟုအင်္ဂလိပ်ကျမ်းစာအုပ်များ၌ ဘာသာပြန်ကြသည်။