၁ ယေရှဲအမျိုးအငုတ်၌ အတက်ပေါက်လိမ့်မည်။ သူ၏အမြစ်တို့တွင် အညွန့်သည် အသီးသီးလိမ့်မည်။ [A] ၂ ထာဝရဘုရား၏ ဝိညာဉ်တော်တည်းဟူသော ဥာဏ်ပညာကို ပေးသောဝိညာဉ်၊ ကြံစည်တတ်စွမ်းနိုင်သော သတ္တိကို ပေးသောဝိညာဉ်၊ ထာဝရဘုရားကိုသိ၍ ကြောက်ရွံ့သောသဘောကို [B] ပေးသော ဝိညာဉ်တော်သည် ထိုသူအပေါ်မှာ ကျိန်းဝပ်တော်မူလိမ့်မည်။ ၃ ထိုသူသည် ထာဝရဘုရားကို ကြောက်ရွံ့ခြင်း၌ မွေ့လျော်သည်ဖြစ်၍၊ မိမိမျက်စိမြင်သည် အတိုင်းတရားမစီရင်၊ မိမိနားကြားသည် အတိုင်းမဆုံးဖြတ်ဘဲ၊ ၄ ဆင်းရဲသားတို့၏အမှုကို တရားတော်အတိုင်းစီရင်၍၊ [C] နှိမ့်ချသော မြေကြီးသားတို့ဘက်၌ နေလျက်၊ ဖြောင့်မတ်စွာ ဆုံးဖြတ်လိမ့်မည်။ မြေကြီးကို နှုတ်ကပတ်တော် လှံတံနှင့်ဒဏ်ခတ်၍၊ ဆိုးသောသူကို နှုတ်ခမ်းထွက်သက်နှင့် ကွပ်မျက်လိမ့်မည်။ ၅ တရားနှင့်သစ္စာသည် သူ၏ခါးပန်းခါးစည်း ဖြစ်လိမ့်မည်။ [D]

တိရစ္ဆာန်လောက၌ သားရဲမရှိညီညွတ်ကြမည်

CROSS REFERENCES

ဟေရှာယ ၆၅း၂၅

ဟေရှာယ ၆၅း၂၅
၂၅ တောခွေးနှင့်သိုးသငယ်တို့သည် အတူ ကျက်စားကြလိမ့်မည်။ ခြင်္သေ့သည် နွားကဲ့သို့ မြက်ကိုစားလိမ့်မည်။ မြွေမူကား၊ မြေမှုန့်ကိုသာ စားရလိမ့်မည်။ ငါ၏ သန့်ရှင်းသော တောင်တပြင်လုံး၌ အချင်းချင်းညှဉ်းဆဲခြင်း၊ ဖျက်ဆီးခြင်းကို မပြုရကြ၊ ဟုထာဝရဘုရား မိန့်တော်မူ၏။ %ln %ft(a)ဤကောင်းကင်သစ်နှင့် မြေကြီးသစ်သည်၊ ထာ၀ရကာလအရာ မဟုတ်ဘဲ၊ အနှစ်တထောင်ကာလ ခရစ်တော်က အုပ်စိုး မည့်အချိန်ကိုဆိုလိုသည်။ အကြောင်းမှာ၊ သေခြင်း၊ ကျိန်ခြင်း၊ အိမ်ဆောက်ခြင်း၊ စိုက်ပျိုးခြင်းများ ရှိဦးမည်ဖြစ်သည်။ ထာ၀ရကာလမှာ ထိုအရာများ ရှိတော့မည်မဟုတ်။ သို့သော် ခရစ်တော် ကိုယ်တော်တိုင် အုပ်စိုးသောကြောင့်၊ ယခုကာလနှင့် လုံး၀တူတော့ မည်မဟုတ်။ လူ့သက်တန်းလည်း အနှစ်တထောင်အထိ ပြန်ရှည်မည်။ တိရစ္ဆာန်လောကမှာလည်း သားရဲမရှိတော့ဘဲ၊ အားလုံးငြိမ် ချမ်းသာယာမည်ဖြစ်သည်။

၆ တောခွေးသည် သိုးသငယ်နှင့်အတူနေလိမ့်မည်။ [E]ကျားသစ်သည် ဆိတ်သငယ်နှင့်အတူ အိပ်လိမ့်မည်။ နွားသငယ်၊ ခြင်္သေ့သငယ်၊ ဆူအောင်ကျွေးသော အကောင်တို့သည် အတူသွားလာကြ၍၊ လူသူငယ်သည် သူတို့ကို ပို့ဆောင်လိမ့်မည်။ ၇ နွားမနှင့်ဝံမသည် အတူကျက်စား၍၊ သူတို့သားငယ်များသည် အတူအိပ်ကြလိမ့်မည်။ ခြင်္သေ့သည်လည်း နွားကဲ့သို့ မြက်ကိုစားလိမ့်မည်။ ၈ နို့စို့သူငယ်သည်လည်း မြွေဆိုးတွင်းပေါ်မှာ ကစားလိမ့်မည်။ နို့ကွာသော သူငယ်သည်လည်း၊ မြွေဟောက်တွင်းဝ၌ မိမိလက်ကို သွင်းလိမ့်မည်။ ၉ ငါ၏သန့်ရှင်းသော တောင်တပြင်လုံး၌ အချင်းချင်းညှဉ်းဆဲခြင်း၊ ဖျက်ဆီးခြင်းကို မပြုရကြ။ အကြောင်းမူကား၊ ပင်လယ်ရေသည် မိမိနေရာကို လွှမ်းမိုးသကဲ့သို့၊ မြေကြီးသည် ထာဝရဘုရားကို သိကျွမ်းခြင်း ပညာနှင့် ပြည့်စုံလိမ့်မည်။

ကိုယ်တော်၏လူတို့ အရပ်ရပ်မှ ပြန်မည်

၁၀ ထိုကာလ၌ ယေရှဲ၏အမြစ်သည် ပေါက်၍၊ လူများအဘို့ ထူသောအလံ ဖြစ်လိမ့်မည်။ ထိုအလံ၌ တပါးအမျိုးသားတို့သည် ဆည်းကပ်ကြလိမ့်မည်။ ကျိန်းဝပ်တော်မူရာ အရပ်သည်လည်း ဘုန်းကြီးလိမ့်မည်။ ၁၁ ထိုကာလ၌ ထာဝရဘုရားသည် လက်တော်ကို ဆန့်၍၊ ကျန်ကြွင်းသော ကိုယ်တော်၏လူတို့ကို အာရှုရိပြည်၊ အဲဂုတ္တုပြည်၊ ပါသရုပြည်၊ ကုရှပြည်၊ ဧလံပြည်၊ ရှိနာပြည်၊ ဟာမတ်ပြည်၊ ပင်လယ်တဘက်၌ ရှိသော ပြည်များတို့မှ ကယ်ယူခြင်းငှါ တဖန်ပြုတော်မူလိမ့်မည်။ ၁၂ တပါးအမျိုးသားတို့အဘို့ အလံကို ထူတော်မူသဖြင့်၊ နှင်ထုတ်သော ဣသရေလ အမျိုးသားနှင့်၊ အရပ်ရပ် ကွဲပြားသော ယုဒအမျိုးသားတို့ကို မြေကြီး လေးမျက်နှာတို့မှခေါ်၍ စုဝေးစေတော်မူလိမ့်မည်။ ၁၃ ဧဖရိမ်အမျိုးသည် ငြုစူသော စိတ်ငြိမ်းလိမ့်မည်။ ရန်ပြုတတ်သော ယုဒအမျိုးသားတို့သည်လည်း၊ ရန်ပြေကြလိမ့်မည်။ ဧဖရိမ်အမျိုးသည် ယုဒအမျိုးကို မငြူစူရ။ ယုဒအမျိုးလည်း ဧဖရိမ်အမျိုးကို ရန်မပြုရ။

အိမ်နီးချင်း အမျိုးများက အုပ်စိုးခြင်းဝန်ခံမည်

၁၄ သူတို့သည် အနောက်ဘက်၌ ဖိလိတ္တိလူများကိုလိုက်၍ တိုက်ကြလိမ့်မည်။ အရှေ့ပြည်သားတို့၏ ဥစ္စာကို အတူလုယူကြလိမ့်မည်။ ဧဒုံအမျိုးနှင့် မောဘအမျိုးကိုလည်း လုပ်ကြံကြလိမ့်မည်။ အမ္မုန်အမျိုးသားတို့သည် သူတို့၏ အုပ်စိုးခြင်းကို ခံရကြလိမ့်မည်။ ၁၅ ထာဝရဘုရားသည်လည်း၊ အဲဂုတ္တုပင်လယ်၏ လျှာကို ဖျောက်ဖျက်တော်မူမည်၊ ပြင်းစွာသောလေတော်နှင့်တကွ လက်တော်ကို မြစ်ပေါ်မှာလှုပ်၍၊ ချောင်းခုနစ်သွယ်ဖြစ်စေခြင်းငှါ ရိုက်ခတ်တော်မူသဖြင့် လူတို့သည် ခြေနင်းစီးလျက် ကျော်သွားကြလိမ့်မည်။ ၁၆ ဣသရေလ အမျိုးသားတို့သည် အဲဂုတ္တုပြည်မှ ထွက်သွားသောအခါ၌ ဖြစ်သကဲ့သို့၊ အာရှုရိပြည်မှ ကျန်ကြွင်းသော ကိုယ်တော်၏လူတို့သွားရာ လမ်းကြီး ဖြစ်ရလိမ့်မည်။