ဆာလံကျမ်း

အခန်းကြီး ၉၇

ဘုရားအပေါင်းတို့ ထာဝရဘုရားကို ပြပ်ဝပ် ကိုးကွယ်ကြလော့

CROSS REFERENCES

ဟေဗြဲ ၁း၆
၆ တနည်းကား၊ သားဦးကိုဤလောကသို့ သွင်းတော်မူသောအခါ၊ ဘုရားသခင်၏ ကောင်းကင်တမန် အပေါင်းတို့သည်၊ ထိုသူကို ပြပ်ဝပ်ကိုးကွယ်ကြစေ၊ ဟုလာသတည်း။

၁ ထာဝရဘုရားသည် စိုးစံတော်မူ၏။ မြေကြီးသည် ဝမ်းမြောက်၍၊ ကျွန်းများတို့သည်လည်း ရွှင်လန်းကြစေ။ ၂ မိုးတိမ်နှင့် မှောင်မိုက်တို့သည်၊ ထာဝရဘုရား၏ ပတ်ဝန်းကျင်တို့၌ ရှိကြသည်။ တရားသဖြင့် စီရင်ခြင်း၊ ဖြောင့်မတ်စွာ ဆုံးဖြတ်ခြင်းသည်၊ ပလ္လင်တော်၏ တည်ရာဖြစ်၏။ ၃ မီးသည် ရှေ့တော်၌ သွား၍၊ ရန်သူတို့ကို အလှည့်လှည့် လောင်လေ၏။ ၄ လျှပ်စစ်တော်သည် လောကဓါတ်ကို လင်းစေ၏။ မြေကြီးသည်မြင်၍ တုန်လှုပ်၏။ ၅ ထာဝရဘုရားရှေ့ မြေကြီးတပြင်လုံးကို အစိုးရ တော်မူသော အရှင်၏ ရှေ့တော်၌၊ တောင်တို့သည် ဘယောင်းကဲ့သို့ အရည်ဖြစ်ကြသည်။ ၆ ဖြောင့်မတ် တော်မူခြင်းအကြောင်းကို၊ ကောင်းကင်တို့သည် ထင်ရှားစွာ ပြ၍၊ လူများအပေါင်းတို့သည် ဘုန်းတော်ကို မြင်ရကြ၏။ ၇ ရုပ်တုဆင်းတုကို ဝတ်ပြုသောသူ၊ အချည်းနှီး သက်သက်သောအရာ၌ ဝါကြွားသောသူ အပေါင်းတို့သည်၊ အရှက်ကွဲခြင်းရှိကြစေ။ ဘုရားအပေါင်းတို့ ထာဝရ ဘုရားကို ပြပ်ဝပ် ကိုးကွယ်ကြလော့။ [A]

ထာ၀ရဘုရားသည် ဘုရားတကာတို့ထက် အလွန်ချီးမြှောက်ခြင်း ရှိတော်မူ၏

CROSS REFERENCES

ဆာ ၄း၇
၇ သူတို့၌ ဆန်စပါး၊ စပျစ်ရည်ပေါများ၍၊ သူတို့ဝမ်းမြောက်ခြင်း ရှိသည်ထက်၊ အကျွန်ုပ်ကိုသာ၍ ဝမ်းမြောက် စေတော်မူ၏။

ဆာ ၉၇း၁၁-၁၂
၁၁ အလင်းသည် တရားသောသူတို့အဘို့၊ ဝမ်းမြောက်ခြင်းသည် သဘောဖြောင့်သောသူတို့အဘို့၊ ပျိုးကြဲလျက် ရှိကြ၏။ ၁၂ ဖြောင့်မတ်သောသူတို့၊ ထာဝရဘုရားကို အမှီပြု၍ ဝမ်းမြောက်ကြလော့။ သန့်ရှင်းသော နာမတော်ကို ချီးမွမ်းကြလော့။

ဟေရှာယ ၉း၃
၃ ကိုယ်တော်သည် အမျိုးသားတို့ကို များပြားစေ၍၊ သူတို့၏ ဝမ်းမြောက်ခြင်းကို တိုးပွားစေတော်မူ၏။ စပါးကို စုသိမ်းရာ ကာလ၌ ဝမ်းမြောက်သကဲ့သို့၎င်း၊ လုယူသော ဥစ္စာကို ဝေသောသူ ဝမ်းမြောက်သကဲ့သို့၎င်း၊ ရှေ့တော်၌ သူတို့သည် ဝမ်းမြောက်ကြပါ၏။

တမန် ၁၄း၁၇
၁၇ သို့သော်လည်း၊ သင်တို့အား ကျေးဇူးပြုလျက်၊ အစာအာဟာရနှင့် ဝပြော၍ ဝမ်းမြောက်စေခြင်းငှာ၊ မိုးကောင်းကင်မှ မိုးရွာစေတော်မူ၍၊ အသီးအနှံတို့ကို သီးစေတတ်သော ဥတုကို ပေးတော်မူသောအားဖြင့်၊ ကိုယ်တော် ရှိတော်မူသည်ကို သက်သေမခံဘဲ နေတော်မမူ၊ ဟုပေါလုနှင့် ဗာနဗသည် ကြွေးကြော်လေ၏။

၈ အိုထာဝရဘုရား ကိုယ်တော်သည်၊ တရားစီရင်တော်မူချက်တို့ အကြောင်းကြောင့်၊ ဇိအုန်မြို့သည် ကြား၍ ရွှင်လန်းပါ၏။ ယုဒသတို့သမီးတို့လည်း ဝမ်းမြောက်ကြပါ၏။ ၉ အိုထာဝရဘုရား ကိုယ်တော်သည်၊ မြေကြီးသား အပေါင်းတို့ထက် ကြီးမြင့်တော်မူ၏။ ဘုရားတကာတို့ထက် အလွန် ချီးမြှောက်ခြင်း ရှိတော်မူ၏။ ၁၀ ထာဝရဘုရားကို ချစ်တော်မူသောသူတို့၊ မကောင်း သောအမှုကို ရွံရှာကြလော့။ ကိုယ်တော်၏ သန့်ရှင်းသူတို့၏ အသက်ဝိညာဉ်ကို စောင့်မတော်မူ၍၊ မတရားသောသူတို့၏ လက်မှလည်း ကယ်နှုတ်တော်မူ၏။ ၁၁ အလင်းသည် တရားသောသူတို့အဘို့၊ ဝမ်းမြောက်ခြင်းသည် သဘောဖြောင့်သောသူတို့အဘို့၊ ပျိုးကြဲလျက် ရှိကြ၏။ ၁၂ ဖြောင့်မတ်သောသူတို့၊ ထာဝရဘုရားကို အမှီပြု၍ ဝမ်းမြောက်ကြလော့။ [B]သန့်ရှင်းသော နာမတော်ကို ချီးမွမ်းကြလော့။