၆ ထို့ကြောင့် ကိုယ်တော်ကို တွေ့သင့်သော အချိန်ကာလ၌ သန့်ရှင်းသူအပေါင်းတို့သည် ရှေ့တော်၌ တောင်းလျှောက်ကြပါ လိမ့်မည်။ အကယ်စင်စစ် လွှမ်းမိုးတတ်သော ရေကြီးသည် သူတို့ထံသို့ မချဉ်းရပါ။
၇ ရေဘွေတော်များအသံ ဗလံနှင့်တကွ ဝဲဩဃတခုကို တခုဟစ်ခေါ်၍ လှိုင်းတံပိုးတော် အပေါင်းတို့သည် အကျွန်ုပ်ကို လွှမ်းမိုးကြပါပြီ။
၁ အကျွန်ုပ်ကို ကယ်ယူတော်မူပါ ဘုရား။ ရေသည် အကျွန်ုပ် အသက်ဝိညာဉ် တိုင်အောင်ရောက်ပါပြီ။
၆ အကျွန်ုပ်ကို အနက်ဆုံးသောတွင်း၊ မှောင်မိုက်ဖုံးလွှမ်း၍ အလွန်နက်နဲသော အရပ်၌ ချထားတော်မူပြီ။
၄ ထိုအခါ ငါတို့ကို ရေသည်လွှမ်းမိုး၍ စီးသောရေသည် ငါတို့ဝိညာဉ်အပေါ်မှာ ကျော်သွားပြီတကား။
၅ ရေတို့သည် အကျွန်ုပ်အသက်ကို သေစေခြင်းငှါ ဝိုင်းသဖြင့်၊အကျွန်ုပ်သည် ပင်လယ်အလယ်၌ အချုပ်ခံရပါ၏။ ပင်လယ်မြက်ပင်သည် အကျွန်ုပ်ခေါင်းကို ပေါင်းစည်းလျက်ရှိပါ၏။
၁၈ အကယ်စင်စစ် မရဏာနိုင်ငံသည် ဂုဏ်တော်ကို မချီးမွမ်းရပါ။ သေနေသောသူသည် ဂုဏ်တော်ကို ထောမနာသီချင်း မဆိုရပါ။ တွင်းထဲသို့ ဆင်းသောသူသည် သစ္စာတော်ကို မမြော်လင့်ရပါ။
၆ အကျွန်ုပ်သည် ညည်းတွား၍ ပင်ပန်းလှပါ၏။ အကျွန်ုပ်ခုတင်ကို ကိုယ်မျက်ရည်၌ တညလုံးမျှော၍ အိပ်ရာကိုလည်း မွန်းစေပါ၏။
၉ သင်္ချိုင်းတွင်းထဲသို့ ဆင်းလျှင် အဘယ်အကျိုး ရှိပါအံ့နည်း။
၁၁ ကရုဏာတော်ကို သင်္ချိုင်းတွင်း၌၎င်း၊သစ္စာတော်ကို ပျက်စီးရာအရပ်၌၎င်း၊ ကြားပြောရကြပါမည်လော။
၁၀ ဆောင်ရွက်စရာ အမှုရှိသမျှကို ကြိုးစား အားထုတ်၍ ဆောင်ရွက်လော့။ အကြောင်းမူကား၊ သင်ယခုသွား၍ ရောက်ရလတံ့သော အရပ်တည်းဟူသော မရဏာနိုင်ငံ၌ လုပ်ဆောင်ခြင်းမရှိ။ ကြံစည်ခြင်းမရှိ။ သိပ္ပံအတတ်မရှိ။ ပညာမရှိပါတကား။