ဆာလံကျမ်း

အခန်းကြီး ၈၄

ဘုရားကျိန်းဝပ်ရာ အလွန်နှစ်သက်ဘွယ်

၁ ကောင်းကင် ဗိုလ်ခြေ အရှင်ထာဝရဘုရား၊ ကိုယ်တော် ကျိန်းဝပ်တော်မူရာ အရပ်ဌာနတို့သည် အလွန်နှစ်သက်ဘွယ် ဖြစ်ပါသည်တကား၊ ၂ ထာဝရဘုရား၏ တန်တိုင်းတော်တို့ကို အကျွန်ုပ်၏ ဝိညာဉ်သည် တသ၍ အားလျော့လျက် ရှိပါ၏။ အကျွန်ုပ်နှလုံးနှင့် ကိုယ်ခန္ဓာသည် အသက်ရှင်တော်မူသော ဘုရားသခင်ကို အလိုရှိ၍ ကြွေးကြော်ပါ၏။ ၃ ကောင်းကင် ဗိုလ်ခြေ အရှင်ထာဝရဘုရား၊ အကျွန်ုပ်၏ ရှင်ဘုရင်၊ အကျွန်ုပ်၏ ဘုရားသခင်၊ အကယ်စင်စစ် ယဇ်ပလ္လင်တော်တို့အနားမှာ စာငှက်သည် နေရာအရပ်ကို၎င်း၊ ဇရက်သည်လည်း သားငယ် မွေးစရာအသိုက်ကို၎င်း တွေ့ရပါ၏။ ၄ အိမ်တော်၌ နေသောသူတို့သည် မင်္ဂလာရှိပါ၏။ ကိုယ်တော်ကို အစဉ် ချီးမွမ်းကြပါလိမ့်မည်။ ၅ ကိုယ်တော်ကို အားပြုသောသူသည် မင်္ဂလာရှိပါ၏။ ထိုသို့သောသူတို့သည် လမ်းခရီးတော်တို့ကို နှလုံး သွင်းတတ်ကြပါ၏။ ၆ သူတို့သည် ဗာကာလွင်ပြင်၌ လျှောက်သွားစဉ်၊ ထိုလွင်ပြင်ကို စမ်းရေထွက်ရာအရပ် ဖြစ်စေကြပါ၏။ အရင်မိုးရေလည်း မင်္ဂလာများနှင့် လွှမ်းစေပါ၏။ ၇ သူတို့သည် အားတိုးတက်၍ ခရီးသွားလျက်၊ ဇိအုန်မြို့မှာ ဘုရားသခင် ထံတော်၌ မျက်နှာပြကြပါ၏။

တန်တိုင်းတော်၌ တရက်နေခြင်းသာ၍ကောင်း

CROSS REFERENCES

ဆာ ၂ရး၄

ဆာ ၂ရး၄
၄ ထာဝရဘုရား၏ တင့်တယ်ခြင်း အသရေတော်ကို ဖူးမြင်၍၊ ဗိမာန်တော်၌ မွေ့လျော်ခြင်းအလို့ငှါ ထာဝရဘုရား၏ အိမ်တော်မှာ တသက်လုံး နေရမည်အကြောင်း တည်းဟူသော အခွင့်တခုကို ထာဝရဘုရား၌ ငါဆုတောင်းပြီ။ ထိုအခွင့်ကို ရှာရဦးမည်။

CROSS REFERENCES

မာလခိ ၄း၂

မာလခိ ၄း၂
၂ ငါ၏ နာမတော်ကို ကြောက်ရွံ့သော သင်တို့၌ကား၊ တရားတော် နေမင်းသည် အနာ ပျောက်စေသော အတောင်တို့နှင့် ပေါ်ထွန်းတော်မူမည်။ သင်တို့သည် ထွက်သွား၍ တင်းကုပ်၌ နွားသူငယ်ကဲ့သို့ ခုန်ကြလိမ့်မည်။

CROSS REFERENCES

ဗျာ ၂၁း၂၃

ဗျာ ၂၁း၂၃
၂၃ ထိုမြို့သည် နေ၏အရောင်၊ လ၏အရောင်ကို အလိုမရှိ၊ အကြောင်းမူကား၊ ဘုရားသခင်၏ ဘုန်းတော်သည် ထိုမြို့ကို လင်းစေ၏။ သိုးသငယ်သည်လည်း ထိုမြို့၏ ဆီမီးဖြစ်၏။

၈ ကောင်းကင် ဗိုလ်ခြေ အရှင်ဘုရားသခင် ထာဝရဘုရား၊ အကျွန်ုပ်၏ ပဌနာစကားကို မှတ်တော်မူပါ။ ယာကုပ်အမျိုး၏ ဘုရားသခင်၊ နားထောင်တော်မူပါ။ ၉ အကျွန်ုပ်တို့ကို ကွယ်ကာတော်မူသောဘုရား၊ ကြည့်ရှုတော်မူပါ။ အထံတော်၌ ဘိသိက်ခံသောသူ၏ မျက်နှာကို ထောက်ရှုတော်မူပါ။ ၁၀ တန်တိုင်းတော်တို့ အတွင်း၌ နေသောတရက်သည် အခြားအရပ်၌ နေသော အရက်တထောင်ထက် သာ၍ ကောင်းပါ၏။ [A] မတရားသောသူ၏ နေရာ၌ နေရသော အခွင့်ထက်၊ အကျွန်ုပ်၏ ဘုရားသခင် အိမ်တော်၌ တံခါးစောင့်အရာကိုအကျွန်ုပ်သာ၍ နှစ်သက်ပါ၏။ ၁၁ ထာဝရအရှင် ဘုရားသခင်သည် နေလည်း ဖြစ်တော်မူ၏။ [B] [C] အကွယ်အကာလည်း ဖြစ်တော်မူ၏။ ထာဝရဘုရားသည် ကျေးဇူးတော်နှင့် ဘုန်းအသရေကို ပေးတော်မူ၏။ ဖြောင့်မတ်စွာ ကျင့်သောသူတို့အား ကောင်းသောအရာကို ငြင်းတော်မမူ။ ၁၂ ကောင်းကင် ဗိုလ်ခြေ အရှင်ထာဝရဘုရား၊ ကိုယ်တော်၌ ခိုလှုံသောသူသည် မင်္ဂလာရှိပါ၏။