၂ ရာ ရး၂ရ
c၇ sရှောလမုန်ပဌနာပြုပြီးကောင်းကင်မှမီးကျ ၁ ထိုသို့ရှောလမုန်သည်ပဌနာပြု၍ပြီးသောအခါ၊ ကောင်းကင်ကမီးကျ၍ မီးရှို့ရာယဇ်အစရှိသောယဇ်မျိုးကိုလောင်သဖြင့်၊ အိမ်တော်သည်ထာဝရဘုရား၏ဘုန်းတော်နှင့်ပြည့်၏။ ၂ ထာဝရဘုရား၏အိမ်တော်သည်ဘုန်းတော်နှင့်ပြည့်သောကြောင့်၊ ယဇ်ပုရောဟိတ်တို့သည်ထာဝရဘုရား၏အိမ်တော်ထဲသို့မဝင်နိုင်ကြ။ ၃ ထိုသို့မီးကျ၍ထာဝရဘုရား၏ ဘုန်းတော်သည်အိမ်တော်ပေါ်မှာသက်ရောက်သည်ကို ဣသရေလအမျိုးသားအပေါင်းတို့သည်မြင်လျှင်၊ ကျောက်ခင်းအရပ်၌ မြေပေါ်မှာဦးချပြပ်ဝပ်လျက်၊ ကောင်းမြတ်တော်မူသည်၊ ကရုဏာတော်အစဉ်အမြဲတည်သည်၊ ဟုထာဝရဘုရားကိုကိုးကွယ်၍ ဂုဏ်တော်ကိုချီးမွမ်းကြ၏။ sများစွာသောယဇ်ပူဇော်ကြ ၄ ထိုအခါရှောလမုန်မင်းကြီးနှင့်တကွလူအပေါင်းတို့သည်ထာဝရဘုရားရှေ့တော်၌ ယဇ်ပူဇော်ကြ၏။ ၅ နွားနှစ်သောင်းနှစ်ထောင်၊ သိုးတသိန်းနှစ်သောင်းတို့ကိုယဇ်ပူဇော်သဖြင့်၊ ဘုရားသခင်၏အိမ်တော်ကိုအနုမောဒနာပြုကြ၏။ ၆ ယဇ်ပုရော ဟိတ်တို့သည်မိမိတို့အမှုကိုဆောင်ရွက်ကြ၏။ လေဝိသားတို့သည်ထာဝရဘုရား၏ကရုဏာတော်အစဉ်အမြဲတည်သောကြောင့်၊ ထာဝရဘုရား၏ဂုဏ်တော်ကိုချီးမွမ်းစရာဘို့ဒါဝိဒ်မင်းကြီးစီရင်သောတူရိယာမျိုးကိုတီးမှုတ်လျက်ဒါဝိဒ်၏ဆာလံသီချင်းကိုဆိုကြ ၏။ ယဇ်ပုရောဟိတ်တို့သည်လည်းတံပိုးမှုတ်၍ဣသရေလအမျိုးသားအပေါင်းတို့သည်မတ်တပ်နေကြ၏။ ၇ ရှောလမုန်သည်လည်းထာဝရဘုရား၏အိမ်တော်ရှေ့မှာရှိသောတံတိုင်းအတွင်းအရပ်ကိုသန့်ရှင်းစေ၍၊ ထိုအရပ်၌ မီးရှို့ရာယဇ်နှင့်မိဿဟာယယဇ်ကောင်ဆီဥကိုပူဇော်ကြ၏။ အကြောင်းမူကား၊ အရင်လုပ်သောကြေးဝါယဇ်ပလ္လင်သည်မီးရှို့ရာယဇ်၊ ဘောဇဉ်ပူဇော်သက္ကာ၊ ယဇ်ကောင်ဆီဥကိုမခံလောက်။ sဣသရေလလူများဆယ်လေးရက်ပွဲခံပြီးပြန်သွားကြ ၈ ထိုအခါရှောလမုန်သည်အလွန်များစွာသောပရိသတ်တည်းဟူသောဟာမက်မြို့ဝန်ဝမှစ၍အဲဂုတ္တုမြစ်တိုင်အောင်၊ အနှံ့အ ပြားအရပ်ရပ်ကလာကြသော၊ ဣသရေလအမျိုးသားအပေါင်းတို့နှင့်တကွခုနစ်ရက်ပတ်လုံးပွဲခံတော်မူ၏။ ၉ အဋ္ဌမနေ့ရက်၌ ဓမ္မစည်းဝေးခြင်းကိုပြုကြ၏။ ခုနစ်ရက်ပတ်လုံးယဇ်ပလ္လင်ကိုအနုမောဒနာပြုပြီးမှ၊ နောက်တဖန်ခုနစ်ရက်ပတ်လုံးပွဲခံကြ၏။ ၁၀ ထာဝရဘုရားသည်ဒါဝိဒ်နှင့်ရှောလမုန်မှစသောမိမိလူဣသရေလအမျိုးသားတို့၌ ပြုတော်မူသမျှသောကျေးဇူးတော်ကြောင့် ဝမ်းမြောက်ရွှင်လန်းလျက်လူများတို့သည်မိမိတို့နေရာသို့ပြန်သွားကြမည်အကြောင်း၊ သတ္တမလနှစ်ဆယ်သုံးရက်နေ့တွင်လွှတ် လိုက်တော်မူ၏။ sဗိမာန်တော်ကိုဘုရားကလက်ခံ၍ဆုတောင်းသံနားညောင်းမည် ၁၁ ရှောလမုန်သည်ဗိမာန်တော်နှင့်နန်းတော်ကိုလက်စသတ်၍၊ ဗိမာန်တော်နှင့်နန်းတော်၌ လုပ်ဆောင်မည်ဟုကြံစည်လေသမျှသောအကြံသည်အထမြောက်သောအခါ၊ ၁၂ ထာဝရဘုရားသည်ညအချိန်တွင်ထင်ရှားတော်မူလျက်၊ သင်ပြုသောပဌနာ စကားကိုငါကြားပြီ။ ဤအရပ်ဌာနကိုယဇ်ပူဇော်ရာအိမ်ဖြစ်စေခြင်းငှါကိုယ်အဘို့ငါရွေးယူပြီ။ ၁၃ မိုးမရွာစေခြင်းငှါငါသည် မိုးခေါင်စေသော်၎င်း၊ ကျိုင်းတို့သည်မြေအသီးအနှံကိုကိုက်စားစေခြင်းငှါငါမှာထားသော်၎င်း၊ ငါ့လူတို့၌ ကာလနာကိုစေလွှတ်သော်၎င်း၊ ၁၄ ငါ့နာမဖြင့်သမုတ်သောငါ့လူတို့သည်ကိုယ်ကိုနှိမ့်ချသဖြင့်၊ ငါ့မျက်နှာကိုရှာလျက်ဆုတောင်းပဌနာပြု၍ အဓမ္မလမ်းကိုလွှဲရှောင်လျှင်၊ ငါသည်ကောင်းကင်ဘုံ၌ နားထောင်မည်။ သူတို့အပြစ်ကိုဖြေ၍သူတို့ကိုချမ်းသာပေးမည်။ ၁၅ ငါကြည့်ရှုမည်။ ဤအရပ်ဌာန၌ ဆုတောင်းသောစကားကိုငါနားထောင်မည်။ ၁၆ ငါ့နာမသည်အစဉ်တည်၍ငါ့မျက်စိနှင့်ငါ့နှလုံးအ စဉ်စွဲလမ်းစရာဘို့ဤအိမ်ကိုငါရွေးချယ်၍သန့်ရှင်းစေပြီ။ ၁၇ သင်သည်ငါမှာထားသမျှကိုပြု၍ငါစီရင်ထုံးဖွဲ့ချက်တို့ကိုစောင့်ရှောက်ခြင်းငှါသင့်အဘဒါဝိဒ်ကဲ့သို့ငါ့ရှေ့မှာကျင့်နေလျှင်၊ ၁၈ ဣသရေလနိုင်ငံကိုအုပ်စိုးရသောသင်၏အမျိုးမင်းရိုးမပြတ်ရ၊ ဟုသင်အဘဒါဝိဒ်နှင့်ငါ့ပဋိညာဉ်ဖွဲ့သည်အတိုင်း၊ သင်ထိုင်ရသောရာဇပလ္လင်ကိုအစဉ်ငါတည်စေမည်။ sအခြားဘုရားကိုကိုးကွယ်လျှင်အိမ်တော်နှင့်လူများကိုဖျက်ဆီးမည် ၁၉ သို့မဟုတ်သင်တို့သည်လမ်းလွဲ၍ငါမှာထားသောစီရင်ထုံးဖွဲ့ချက်တို့ကိုစွန့်ပယ်သဖြင့်၊ အခြားတပါးသောဘုရားထံသို့သွား၍ဝတ်ပြုကိုးကွယ်လျှင်၊ ၂၀ ငါပေးသောပြည်မှသူတို့ကိုအမြစ်နှင့်တကွငါနှုတ်ပစ်မည်။ ငါ့နာမအဘို့ငါသန့်ရှင်းစေသောဤအိမ်တော်ကိုငါ့မျက်မှောက်မှငါပယ်ရှားမည်။ တပါးအမျိုးသားတို့တွင်ပုံခိုင်းရာ၊ ကဲ့ရဲ့ရာဖြစ်စေမည်။ ၂၁ အရပ်မြင့်သောဤအိမ်တော်ကိုလည်းလမ်း၌ လျှောက်သွားသောသူအပေါင်းတို့သည်အံ့ဩ၍၊ ထာဝရဘုရားသည်ဤပြည်နှင့်ဤအိမ်ကိုအဘယ် ကြောင့်ဤသို့ပြုတော်မူသနည်း၊ ဟုတယောက်မေးမြန်းသော်၊ ၂၂ တယောက်က၊ သူတို့၏ဘိုးဘေးများကိုအဲဂုတ္တုပြည်မှနှုတ်ဆောင်သောဘုရားသခင် ထာဝရဘုရားကိုသူတို့သည်စွန့်၍၊ အခြားတပါးသောဘုရားကိုမှီဝဲလျက်ဝတ်ပြုကိုးကွယ်သောကြောင့်၊ ဤအမှုအလုံးစုံကိုရောက်စေတော်မူကြောင်းကိုပြန်ပြောလိမ့်မည်ဟုမိန့်တော်မူ၏။