၁ အိုထာဝရဘုရား၊ ကိုယ်တော်ကို အကျွန်ုပ်ခိုလှုံပါ၏။ ရှက်ကြောက်ခြင်းနှင့် အစဉ် ကင်းလွတ်ပါစေသော်။ တရားတော်နှင့် အညီ အကျွန်ုပ်ကို ကယ်နှုတ်တော်မူပါ။ ၂ အကျွန်ုပ် ဘက်သို့ နားတော်ကိုလှည့်၍ အလျှင်အမြန် ကယ်နှုတ်တော်မူပါ။ ကိုယ်တော်သည် အကျွန်ုပ်၌ ခိုင်ခံ့သောကျောက်၊ အကျွန်ုပ် လုံခြုံရာ ရဲတိုက်ဖြစ်တော်မူပါ။ ၃ အကယ်စင်စစ် အကျွန်ုပ်၏ ကျောက်၊ အကျွန်ုပ်၏ ရဲတိုက်ကား၊ ကိုယ်တော် ပေတည်း။ နာမတော်အဘို့ အလို့ငှါ အကျွန်ုပ်ကို လမ်းပြ၍ သွန်သင် ပဲ့ပြင်တော်မူပါ။ ၄ ကိုယ်တော်သည် အကျွန်ုပ် ခိုလှုံရာ ဖြစ်တော်မူ၏။ ထို့ကြောင့် အကျွန်ုပ်အဘို့ ဝှက်ထားသော ကျော့ကွင်းထဲက အကျွန်ုပ်ကို နှုတ်ယူတော်မူပါ။ ၅ သစ္စာ စောင့်တော်မူသော ဘုရားသခင် ထာဝရဘုရား၊ ကိုယ်တော်သည် အကျွန်ုပ်ကို ရွေးနှုတ် တော်မူသည်ဖြစ်၍၊ အကျွန်ုပ်၏ ဝိညာဉ်ကို ကိုယ်တော်လက်၌ အပ်ပါ၏။ ၆ မုသာအနတ္တကို [A] ဆည်းကပ်သော သူတို့ကို အကျွန်ုပ်သည် မုန်း၍ ထာဝရဘုရားကို ခိုလှုံပါ၏။ ၇ ကရုဏာတော်ကြောင့် ဝမ်းသာရွှင်လန်းခြင်း ရှိပါလိမ့်မည်။ ကိုယ်တော်သည် အကျွန်ုပ် ဆင်းရဲခြင်းကို ကြည့်ရှု၍ အကျွန်ုပ်၏ ဝိညာဉ်တွေ့သော အမှုကို သိမှတ်တော်မူ၏။ ၈ အကျွန်ုပ်ကို ရန်သူလက်သို့ မအပ်ဘဲ ကျယ်ဝန်းသောအရပ်၌ နေရာချတော်မူ၏။ ၉ အိုထာဝရဘုရား အကျွန်ုပ်၌ အမှုရောက်ပါပြီ။ ထိုကြောင့် အကျွန်ုပ်ကို သနားတော်မူပါ။ ပူပန်ခြင်းအားဖြင့် အကျွန်ုပ်မျက်စိ၊ စိတ်နှလုံး၊ ဝမ်းတို့သည် ပျက်ကြပါပြီ။ ၁၀ အကျွန်ုပ်သည် ပူပန်ခြင်းရှိ၍ အသက်ကာလကို လွန်စေရပါ၏။ နှစ်စဉ်အတိုင်း ညည်းတွားလျက် နေရပါ၏။ ကိုယ့်အပြစ်ကြောင့် အကျွန်ုပ်အား လျော့၍ ရန်သူများသောကြောင့် အရိုးတို့သည် ဆွေးမြေ့ကြပါ၏။ ၁၁ အိမ်နီးချင်းတို့သည်အကျွန်ုပ်ကို အထူးသဖြင့် ကဲ့ရဲ့ကြပါ၏။ အကျွမ်းဝင်သော သူများတို့သည် လည်းရွံ့ကြပါ၏။ အိမ်ပြင်မှာ အကျွန်ုပ်ကို တွေ့မြင်သောသူတို့သည် ရှောင်၍ ပြေးကြပါ၏။ ၁၂ မအောက်မေ့သော အသေကောင်ကဲ့သို့ အကျွန်ုပ်ကို မေ့လျော့ကြပါ၏။ အိုးခြမ်းကဲ့သို့ အကျွန်ုပ် ဖြစ်ပါ၏။ ၁၃ လူများ ကဲ့ရဲ့ပြစ်တင်ခြင်းကို ကြားရပါ၏။ ပတ်ဝန်းကျင် အရပ်တို့၌ ကြောက်မက်ဘွယ်သော အကြောင်းရှိပါ၏။ လူများတို့သည် အချင်းချင်း သင်းဖွဲ့လျက် အကျွန်ုပ်အသက်ကို သတ်မည် အကြောင်းကြံ စည်ကြပါ၏။

၁၄ သို့သော်လည်း ထာဝရဘုရား၊ ကိုယ်တော်ကို အကျွန်ုပ် ကိုးစားပါ၏။ ကိုယ်တော်သည် အကျွန်ုပ်၏ ဘုရားသခင် ဖြစ်တော်မူသည်၊ ဟုအကျွန်ုပ် လျှောက်ဆိုပါ၏။ ၁၅ အကျွန်ုပ်၌ ဖြစ်လေသမျှသော အမှုအရာတို့ကို ကိုယ်တော် စီရင်ပိုင်တော်မူ၏။ ရန်သူတို့နှင့် ညှဉ်းဆဲတတ်သော သူတို့လက်မှ အကျွန်ုပ်ကို ကယ်နှုတ်တော်မူပါ။ ၁၆ မျက်နှာတော်၏ အလင်းကို ကိုယ်တော်၏ကျွန် အပေါ်၌ ထွန်းလင်းစေတော်မူပါ။ ကရုဏာတော်ကြောင့် အကျွန်ုပ်ကို ကယ်တင်တော်မူပါ။ ၁၇ အိုထာဝရဘုရား အကျွန်ုပ်သည် ကိုယ်တော်ကို ဆုတောင်း ပဌနာ ပြုပါသည်ဖြစ်၍ ရှက်ကြောက်ခြင်း မရှိပါစေနှင့်။ လူဆိုးတို့မူကား အရှက်ကွဲလျက် မရဏာနိုင်ငံ၌ တိတ်ဆိတ်စွာ နေကြပါစေသော်။ ၁၈ မာနထောင်လွှားခြင်း၊ မထီမဲ့မြင်ပြုခြင်းနှင့်တကွ၊ ဖြောင့်မတ်သောသူ တဘက်၌ စော်ကားသော စကားကိုပြော၍၊ မုသာ၌ ကျင်လည်သော နှုတ်တို့သည် တိတ်ဆိတ်စွာ နေကြပါစေသော်။

CROSS REFERENCES

ကမ္ဘာ ၃း၁၀

ကမ္ဘာ ၂၀း၁၁

ကမ္ဘာ ၃း၁၀
၁၀ လူကလည်းဥယျာဉ်၌ ကိုယ်တော်၏အသံကို ကျွန်တော်ကြားလျှင်၊ အဝတ်အချည်းစည်း ရှိသောကြောင့်၊ ကြောက်၍ ပုန်းလျက်နေပါသည်၊ ဟုလျှောက်လေ၏။

ကမ္ဘာ ၂၀း၁၁
၁၁ အာဗြဟံက၊ ဤအရပ်သားတို့သည် ဘုရားသခင်ကိုမကြောက်၊ အကျွန်ုပ်၏ မယားအတွက် အကျွန်ုပ်ကို သတ်ကြလိမ့်မည်၊ ဟုအကျွန်ုပ်ထင်သောကြောင့်၊ ထိုသို့ပြုမိပါပြီ။

ကမ္ဘာ ၂၂း၁၂
၁၂ ထိုလုလင်ကို မထိမခိုက်နှင့်။ အလျှင်းမပြုနှင့်။ သင်သည် ဘုရားသခင်ကို ကြောက်ရွံ့သည် ဟုယခုငါသိ၏။ အကြောင်းမူကား၊ သင်၏သား၊ သင်၌ တစ်ယောက်တည်းသောသားကို ငါတောင်း၍၊ သင်သည် ငါ့ကိုမငြင်း ဟုမိန့်တော်မူ၏။

ကမ္ဘာ ၃၁း၄၂
၄၂ ယခုလည်းကျွန်ုပ်အဘ၏ ဘုရားသခင်၊ အာဗြဟံ၏ ဘုရားသခင်၊ ဣဇာက်၏ ကြောက်ရွံ့ရာဘုရားသည် ကျွန်ုပ်ဘက်၌မရှိလျှင်၊ သင်သည် ကျွန်ုပ်ကို ဧကန်အမှန် လက်ချည်းလွှတ်လိုက်လိမ့်မည်တကား။ အကယ်စင်စစ် ကျွန်ုပ်ဆင်းရဲခံရခြင်း၊ ပင်ပန်းစွာ လုပ်ကိုင်ရခြင်းကို ဘုရားသခင်မြင်၍၊ မနေ့ညမှာ သင့်ကိုဆုံးမတော်မူပြီ ဟုဆိုလေ၏။ s လာဗန်နှင့်ယာကုပ် ပဋိညာဉ်ပြုကြ

ကမ္ဘာ ၃၁း၅၃
၅၃ အာဗြဟံ၏ဘုရားသခင်၊ နာခေါ်၏ ဘုရားသခင်၊ သင့်အဘ၏ ဘုရားသခင်သည် ငါတို့စပ်ကြား၌ စီရင်တော်မူစေသတည်း ဟူ၍၎င်း၊ ယာကုပ်အားဆို၏။ ယာကုပ်သည်လည်း၊ မိမိအဘ ကြောက်ရွံ့ရာဘုရားကို တိုင်တည်၍ ကျိန်ဆိုခြင်းကို ပြုလေ၏။

ကမ္ဘာ ၄၂း၁၈
၁၈ သုံးရက်မြောက်သောနေ့၌ ယောသပ်သည် သူတို့ကိုခေါ်၍၊ ငါသည် ဘုရားသခင်ကိုကြောက်ရွံ့သောသူ ဖြစ်၏။ သို့ဖြစ်၍ သင်တို့သည် အသက်ချမ်းသာစေခြင်းငှာ ပြုရသောအမှုဟူမူကား၊

ထွက် ၁း၁ရ
၁၇ ၀မ်းဆွဲမတို့သည် ဘုရားသခင်ကို ကြောက်ရွံ့၍၊ အဲဂုတ္တုရှင်ဘုရင် မိန့်တော်မူသည်အတိုင်း မပြု၊ ယောကျ်ားတို့ကို အသက်ချမ်းသာပေးကြ၏။

ထွက် ၉း၂၀
၂၀ ထာဝရဘုရား၏ နှုတ်ကပတ်တော်ကို ကြောက်ရွံ့သော ဖာရောဘုရင်၏ ကျွန်တို့သည်၊ မိမိကျွန်၊ မိမိတိရစ္ဆာန်တို့ကို အိမ်သို့ ပြေးစေကြ၏။

ထွက် ၁၄း၃၁
၃၁ ထိုသို့ အဲဂုတ္တုလူတို့၌ ထာဝရဘုရား ပြုတော်မူသောအမှုကြီးကို၊ ဣသရေလလူတို့သည် မြင်၍၊ ထာဝရဘုရားကို ကြောက်ရွံ့ကြ၏။ ထာဝရဘုရားနှင့် ကိုယ်တော်၏ကျွန် မောရှေကို ယုံကြည်ကြ၏။

ထွက် ၁၅း၁၁
၁၁ အိုထာဝရဘုရား၊ ဘုရားများတို့တွင် အဘယ်မည်သော ဘုရားသည် ကိုယ်တော်နှင့် တူပါသနည်း။ သန့်ရှင်းခြင်းအားဖြင့် ဘုန်းကြီးတော်မူထသော၊ ချီးမွမ်းခြင်းကို ခံစဉ်တွင်၊ ကြောက်မက်ဘွယ် ဖြစ်တော်မူထသော၊ အံ့ဘွယ်သော အမှုတို့ကို ပြုတော်မူသော၊ ကိုယ်တော်နှင့် အဘယ်ဘုရား တူပါသနည်း။

ထွက် ၁၅း၁၆
၁၆ အိုထာဝရဘုရား၊ ကိုယ်တော်၏ လူတို့သည် လွန်သွားသောအခါ၊ ရွေးတော်မူသော ကိုယ်တော်၏ လူတို့သည် လွန်သွားသောအခါ၊ ထိုလူအမျိုးမျိုးတို့သည် ကြောက်သောစိတ်၊ ထိတ်လန့်သော စိတ်အားကြီး၍ လက်ရုံးတော် တန်ခိုးကြောင့်၊ သူတို့သည် ကျောက်ကဲ့သို့ ငြိမ်ငြိမ်နေကြလိမ့်မည်။

ထွက် ၁၈း၂၁
၂၁ ထိုမှတပါး ဘုရားသခင်ကိုကြောက်ရွံလျက်၊ သစ္စာနှင့်ပြည့်စုံလျက်၊ လောဘကိုရွံရှာလျက်၊ တတ်စွမ်းနိုင်သော သူတို့ကို လူအပေါင်းတို့အထဲက ရွေးကောက်၍၊ တစ်ထောင်အုပ်၊ တစ်ရာအုပ်၊ ငါးဆယ်အုပ်၊ တစ်ဆယ်အုပ်အရာ၌ ခန့်ထားရမည်။

ထွက် ၂၀း၁၉-၂၀
၁၉ မောရှေကိုလည်း၊ အကျွန်ုပ်တို့အား ကိုယ်တော်မိန့်တော်မူပါ၊ အကျွန်ုပ်တို့သည် နားထောင်ပါမည်။ အကျွန်ုပ်တို့အား ဘုရားသခင် မိန့်တော် မမူပါစေနှင့်။ အကျွန်ုပ်တို့သည် သေမည်ကို စိုးရိမ်ပါသည်၊ ဟုလျှောက်ဆိုကြ၏။

ဝတ်ပြု ၁၉း၁၄
၁၄ နားပင်းသောသူကို မကျိန်ဆဲရ။ မျက်စိ မမြင်သော သူရှေ့မှာ ထိမိ၍ လဲစရာကို မထားရ။ သင်၏ ဘုရားသခင်ကို ကြောက်ရွံ့ရမည်။ ငါသည် ထာဝရဘုရား ဖြစ်၏။

ဝတ်ပြု ၁၉း၃၂
၃၂ ဆံပင်ဖြူသော သူရှေ့မှာ ထရမည်။ အသက်ကြီးသောသူ၏ မျက်နှာကို ရိုသေရမည်။ သင်၏ ဘုရားသခင်ကို ကြောက်ရွံ့ရမည်။ ငါသည် ထာဝရဘုရား ဖြစ်၏။

ဝတ်ပြု ၂၅း၁ရ
၁၇ သင်တို့သည် တစ်ယောက်ကို တစ်ယောက် မညှဉ်းဆဲရ။ သင်တို့၏ ဘုရားသခင်ကို ကြောက်ရွံ့ရမည်။ ငါသည်သင်တို့၏ ဘုရားသခင် ထာဝရဘုရားဖြစ်၏။ s သုံးနှစ်စာပေးမည်

ဝတ်ပြု ၂၅း၃၆
၃၆ သူ၌ အတိုးအပွားကို မယူရ။ သင်၏အမျိုးသားချင်းသည် သင့်ထံမှာ နေစေခြင်းငှာ၊ သင်၏ ဘုရားသခင်ကို ကြောက်ရွံ့လော့။

ဝတ်ပြု ၂၅း၄၃
၄၃ သူကို ကြမ်းတမ်းစွာ မစီရင်ရ။ သင်၏ ဘုရားသခင်ကိုကြောက်ရွံ့ရမည်။

တရားဟော ၄း၁၀
၁၀ ထိုအခါ ထာဝရဘုရားက၊ လူများတို့ကို ငါ့ထံမှာ စုဝေးစေလော့။ သူတို့သည် မြေကြီးပေါ်မှာ အသက်ရှင်သမျှသော ကာလပတ်လုံး ငါ့ကိုကြောက်ရွံ့၍ သားမြေးတို့အား သွန်သင်စေခြင်းငှာ ငါ့စကားကို ကြားစေမည်၊ ဟုငါ့အား မိန့်တော်မူသည်အတိုင်း၊

တရားဟော ၅း၂၉
၂၉ သူတို့နှင့် သားမြေး အစဉ်အဆက်တို့သည် ချမ်းသာရမည်အကြောင်း၊ ငါ့ကိုကြောက်ရွံ့၍ ငါပညတ်သမျှတို့ကို အစဉ် စောင့်ရှောက်ချင်သော စိတ်နှင့် ပြည့်စုံကြပါစေသော်။

တရားဟော ၆း၁
၁ သင်တို့နှင့် သားမြေးတို့သည် သင်တို့၏ ဘုရားသခင် ထာဝရဘုရားကို ကြောက်ရွံ့၍၊

တရားဟော ၆း၂၄
၂၄ ထာဝရဘုရားသည် ယနေ့တိုင်အောင် ကျေးဇူးပြုတော်မူ သကဲ့သို့၊ ငါတို့အသက်ကို စောင့်တော်မူမည် အကြောင်း၊ ငါတို့သည် ကိုယ်အကျိုးကို ထောက်၍၊ ငါတို့ ဘုရားသခင် ထာဝရဘုရားကို ကြောက်ရွံ့လျက်၊ ဤပညတ်အလုံးစုံတို့ကို ကျင့်စေခြင်းငှာ မှာထားတော်မူ၏။

တရားဟော ၈း၆
၆ သို့ဖြစ်၍ သင်၏ဘုရားသခင် ထာဝရဘုရား စီရင်တော်မူသော လမ်းသို့လိုက်၍၊ ကိုယ်တော်ကို ကြောက်ရွံ့သဖြင့် ပညတ်တော်တို့ကို စောင့်ရှောက်ရမည်။

တရားဟော ၁၀း၁၂-၁၃
၁၂ အိုဣသရေလအမျိုး၊ သင်၏ ဘုရားသခင် ထာဝရဘုရားကို ကြောက်ရွံ့၍၊ လမ်းတော်သို့ လိုက်သွားခြင်း၊ သင်၏ ဘုရားသခင် ထာဝရဘုရားကို စိတ်နှလုံးအကြွင်းမဲ့ချစ်၍ အမှုတော်ကို ဆောင်ရွက်ခြင်း၊

တရားဟော ၁၀း၁ရ
၁၇ အကြောင်းမူကား၊ သင်၏ ဘုရားသခင် ထာဝရဘုရားသည်၊ ဘုရားတို့၏ဘုရား၊ သခင်တို့၏သခင်၊ ကြီးမြတ်သောဘုရား၊ တန်ခိုးနှင့်ပြည့်စုံ၍ ကြောက်မက်ဘွယ်သော ဘုရား၊ လူမျက်နှာကို မထောက်၊ တံစိုးကို မစားဘဲ၊

တရားဟော ၁၀း၂၀
၂၀ သင်၏ ဘုရားသခင် ထာဝရဘုရားကို ကြောက်ရွံ့၍ အမှုတော်ကို ဆောင်ရွက်ရမည်။ ကိုယ်တော်၌ ဆည်းကပ်ရမည်။ နာမတော်အားဖြင့် ကျိန်ဆိုခြင်းကို ပြုရမည်။

တရားဟော ၁၃း၄
၄ သင်တို့၏ ဘုရားသခင် ထာဝရဘုရား နောက်တော်သို့ လိုက်ရကြမည်။ ကြောက်ရွံ့သော စိတ်နှင့် ပညတ်တော်တို့ကို စောင့်ရကြမည်။ စကားတော်ကို နားထောင်လျက် ဝတ်ပြု၍၊ ကိုယ်တော်၌ ဆည်းကပ်မှီဝဲ ကြရမည်။

တရားဟော ၂၈း၅၈
၅၈ သင်၏ ဘုရားသခင် ထာဝရဘုရားသည် ဘုန်းကြီး၌ ကြောက်မက်ဘွယ်သော နာမတော်ကို ကြောက်စေခြင်းငှာ၊ ဤကျမ်းစာ၌ ရေးထားသော ဤတရားတော် စကားအလုံးစုံတို့ကို သင်သည် မကျင့်မစောင့်ဘဲ နေလျှင်၊

တရားဟော ၃၁း၁၂-၁၃
၁၂ ယောကျ်ား၊ မိန်းမ၊ သူငယ်များ၊ တည်းခိုသော တပါးအမျိုးသား များတို့သည်ကြား၍ နားလည်သဖြင့်၊ သင်တို့၏ ဘုရားသခင် ထာဝရဘုရားကို ကြောက်ရွံ့၍၊ ဤပညတ်တရား စကားအလုံးစုံတို့ကို စောင့်ရှောက်စေခြင်းငှာ၊ ပရိသတ်တို့ကို စုဝေးစေကြလော့။

ယောရှု ၄း၂၃
၂၃ ထာဝရဘုရားသည် တန်ခိုး ကြီးတော်မူသည်ကို မြေကြီးသား အပေါင်းတို့သည် သိကြမည် အကြောင်းနှင့်၊ သင်တို့၏ ဘုရားသခင် ထာဝရဘုရားကို သင်တို့သည် အစဉ်အမြဲ ကြောက်ရွံ့ရမည် အကြောင်း၊ ငါတို့သည် ပင်လယ်နီကိုကူး၍ ကမ်းတဘက်သို့ မရောက်မှီတိုင်အောင်၊

ယောရှု ၂၄း၁၄
၁၄ ယခုမှာ ထာဝရဘုရားကို ကြောက်ရွံ့၍ ကြည်ဖြူခြင်း၊ သစ္စာစောင့်ခြင်း နှင့်တကွ ဝတ်ပြုကြလော့။ မြစ်ကြီးတဘက်၌၎င်း၊ အဲဂုတ္တုပြည်၌၎င်း၊ ဘိုးဘေးတို့ ဝတ်ပြုသော ဘုရားများကို ပယ်၍၊ ထာဝရဘုရားကိုသာ ဝတ်ပြုကြလော့။

၁ ဓမ္မ ၁၁းရ
၇ နွားတစ်ရှဉ်းကိုယူ၍ ခုတ်ဖြတ်ပြီးမှ၊ သံတမန်တို့လက်တွင် ဣသရေလပြည် တလျှောက်လုံးသို့ ပေးလိုက်၍၊ ရှောလုနှင့် ရှမွေလ နောက်သို့ထွက်၍ မလိုက်သောသူ၏ နွားတို့ကို ဤကဲ့သို့ ပြုမည်၊ ဟုကြော်ငြာစေသဖြင့်၊ လူတို့သည် ထာဝရဘုရားကို ကြောက်၍ တညီတညွတ်တည်း ထွက်လာကြ၏။

၁ ဓမ္မ ၁၂း၁၄
၁၄ သင်တို့သည် ထာဝရဘုရားကို ကြောက်ရွံ့ ဝတ်ပြုခြင်းနှင့်တကွ အာဏာတော်ကို မဆန်၊ စကားတော်ကို နားထောင်လျှင်၊ သင်တို့နှင့် သင်တို့ကို အုပ်စိုးသော ရှင်ဘုရင်သည် သင်တို့၏ ဘုရားသခင် ထာဝရဘုရား နောက်တော်သို့ အမြဲလိုက်ကြလိမ့်မည်။

၁ ဓမ္မ ၁၂း၁၈
၁၈ ထာဝရဘုရားကို ဆုတောင်း၍၊ ထိုနေ့၌ ထာဝရ ဘုရားသည် မိုးချုန်းခြင်းနှင့်တကွ မိုးရွာစေတော်မူ၍၊ လူအပေါင်းတို့သည် ထာဝရဘုရားနှင့် ရှမွေလကို အလွန်ကြောက်ရွံကြ၏။

၁ ဓမ္မ ၁၂း၂၄
၂၄ သို့ရာတွင် ထာဝရဘုရားကို ကြောက်ရွံ့၍ သစ္စာနှင့်တကွ စိတ်နှလုံး အကြွင်းမဲ့ ဝတ်ပြုကြလော့။ သင်တို့အဖို့ အဘယ်မျှလောက် ပြုတော်မူပြီးသည်ကို အောက်မေ့ကြလော့။

၂ ဓမ္မ ၆း၉
၉ ထိုနေ့၌ ဒါဝိဒ်သည် ထာဝရဘုရားကိုကြောက်၍၊ ထာဝရဘုရား၏ သေတ္တာတော်သည် အဘယ်သို့ ငါ့ထံသို့ ရောက်ရမည်နည်း ဟုဆိုလျက်၊

၃ ဓမ္မ ၁၈း၃
၃ အာဟပ်မင်းသည် နန်းတော်အုပ် ဩဗဒိကို ခေါ်၏။ ထိုဩဗဒိသည် ထာဝရဘုရားကို အလွန်ကြောက်ရွံ့%fo(a)သောသူဖြစ်၏။

၃ ဓမ္မ ၁၈း၁၂
၁၂ အကျွန်ုပ်သည် ကိုယ်တော်ထံမှ ထွက်သွား၍ အာဟပ်မင်းထံမှာ လျှောက်စဉ်တွင်၊ ထာဝရဘုရား၏ ဝိညာဉ်တော်သည် အကျွန်ုပ် မသိသောအရပ်သို့ ကိုယ်တော်ကို ဆောင်သွားတော်မူလျှင်၊ အာဟပ်မင်းသည် ကိုယ်တော်ကို မတွေ့နိုင်သောအခါ အကျွန်ုပ်ကို သတ်ပါလိမ့်မည်။ ကိုယ်တော်ကျွန် မူကား၊ အသက် ငယ်စဉ်ကာလမှစ၍ ထာဝရဘုရားကို ကြောက်ရွံ့%fo(a)ပါပြီ။

၄ ဓမ္မ ၄း၁
၁ ပရောဖက် အမျိုးသား၏မယား တစ်ယောက်သည် ဧလိရှဲထံသို့လာ၍၊ ကိုယ်တော်ကျွန်၊ ကျွန်မ၏ခင်ပွန်း သေပါပြီ။ ကိုယ်တော်ကျွန်သည် ထာဝရဘုရားကို ကြောက်ရွံ့သောသူ%fo(a) ဖြစ်သည်ကို ကိုယ်တော်သိတော်မူ၏။ ယခုမှာ ကြွေးရှင်သည် ကျွန်မ၏သား နှစ်ယောက်ကို ကျွန်ခံစေခြင်းငှာ လာပါပြီ၊ ဟုကြွေးကြော်လေ၏။

၁ ရာဇဝင် ၁၃း၁၂
၁၂ ထိုနေ့၌ ဒါဝိဒ်သည် ဘုရားသခင်ကို ကြောက်၍၊ ဘုရားသခင်၏ သေတ္တာတော်ကို အဘယ်ကြောင့် ငါ့ထံသို့ ဆောင်ခဲ့ရမည်နည်း၊ ဟုဆိုလျက်၊

၁ ရာဇဝင် ၁၆း၂၅
၂၅ ထာဝရဘုရားသည် ကြီးမြတ်၍၊ အလွန် ချီးမွမ်းဘွယ်ဖြစ်တော်မူ၏။ ဘုရားတကာတို့ထက် ကြောက်ရွံ့ဘွယ် ဖြစ်တော်မူ၏။

၁ ရာ ၁ရး၂၁
၂၁ အဲဂုတ္တုပြည်မှ ရွေးနှုတ်တော်မူသော ကိုယ်တော်၏ လူမျိုးရှေ့မှ လူအမျိုးမျိုးတို့ကို နှင်ထုတ်သဖြင့်၊ ကြီးမြတ်၍ ကြောက်မက်ဘွယ်သော နာမတော်ကို ကိုယ်တော်အဘို့ ထင်ရှားစေခြင်းငှါ၊ ဘုရားသခင်က ကြွ၍ ကိုယ်တော်အဘို့ ရွေးနှုတ်တော်မူသော ကိုယ်တော်၏လူ ဣသရေလ အမျိုးနှင့် တူသော လူမျိုးတစုံတမျိုးသည် မြေကြီးပေါ်မှာ ရှိပါသလော။

၂ ရာ ၁၄း၁၄
၁၄ ဂေရာမြို့ ပတ်ဝန်းကျင် မြို့သားတို့သည် ထာဝရဘုရားကို ကြောက်ရွံ့သော စိတ်ရှိသဖြင့်၊ ယုဒလူတို့သည် ထိုမြို့ရှိသမျှတို့ကို လုပ်ကြံ၍၊ သို ထားနှင့်သော ဘဏ္ဍာ ဥစ္စာအများတို့ကို သိမ်းယူကြ၏။

၂ ရာ ၁ရး၁၀
၁၀ ယုဒပြည် ပတ်ဝန်းကျင် တိုင်းနိုင်ငံရှိသမျှတို့သည်၊ ထာဝရဘုရားကို ကြောက်ရွံ့၍၊ ယောရှဖတ်ကို စစ်မတိုက်ဝံ့ဘဲ နေကြ၏။

၂ ရာ ၁၉းရ
၇ သို့ဖြစ်၍ ထာဝရဘုရားကို ကြောက်ရွံ့သော စိတ်ရှိ၍ သတိပြုကြလော့။ ငါတို့ ဘုရားသခင်သည် မတရားသော အမှုကိုလက်ခံခြင်း၊ လူမျက်နှာကို ထောက်ခြင်း၊ တံစိုးစားခြင်း အခွင့်ရှိတော် မမူဟု မှာထားတော်မူ၏။ sလေဝိသား ယဇ်ပုရောဟိတ်တို့ကိုခန့်ထား

၂ ရာ ၁၉း၉
၉ သင်တို့သည် စုံလင်သော စိတ်နှလုံးနှင့် ထာဝရဘုရားကို ကြောက်ရွံ့လျက်၊ သစ္စာ စောင့်လျက် စီရင်ကြလော့။

၂ ရာ ၂၀း၂၉
၂၉ ထာဝရဘုရားသည် ဣသရေလ အမျိုး၏ ရန်သူတို့ကို တိုက်တော်မူကြောင်းကို၊ အခြားတိုင်းနိုင်ငံသား ရှိသမျှတို့သည် ကြား၍၊ ဘုရားသခင်ကို ကြောက်ရွံကြ၏။

ဧဇရ ၁၀း၃
၃ သို့ဖြစ်၍ အရှင်ဘုရား အစရှိသော ငါတို့ဘုရားသခင်၏ ပညတ်တရားကို ကြောက်ရွံသောသူတို့ကို သတိပေးသည်အတိုင်း၊ ဤမိန်းမများနှင့် သူတို့သားသမီးများ ရှိသမျှကို စွန့်ပယ်မည်၊ ဟုငါတို့၏ ဘုရားသခင့် ရှေ့တော်၌ အဓိဋ္ဌာန်ပြုကြကုန်အံ့။ ဤအမှုကို တရားရှိသည်အတိုင်း စီရင်ကြကုန်အံ့။

နေဟမိ ၅း၉
၉ ငါကလည်း၊ သင်တို့ပြုသောအမှု မကောင်းပါတကား။ ငါတို့ရန်သူဖြစ်သော တပါးအမျိုးသားတို့သည် ငါတို့ကိုကဲ့ရဲ့မည်၊ ဟုစိုးရိမ်၍၊ ငါတို့၏ ဘုရားသခင်ကို ကြောက်ရွံ့သော စိတ်နှင့် သင်တို့ ကျင့်သင့်သည် မဟုတ်လော။

နေဟမိ ၅း၁၅
၁၅ အရင်မြို့ဝန်တို့ကို လူများတို့သည် ကျွေးရကြ၏။ မုန့်နှင့် စပျစ်ရည်ကို၎င်း၊ တနေ့လျှင် ငွေလေးဆယ်ကို၎င်း ပေးရကြ၏။ မင်းလုလင်၏ စေစားခြင်းကိုလည်း ခံရကြ၏။ ငါမူကား ဘုရားသခင်ကို ကြောက်ရွံ့သောကြောင့်၊ အရင် မြို့ဝန်ကဲ့သို့မပြု။

ယောဘ ၁း၁
၁ ယောဘ အမည်ရှိသောသူ တယောက်သည် ဥဇပြည်၌ နေ၏။ ထိုသူသည် စုံလင် ဖြောင့်မတ်ခြင်းရှိ၏။ ဘုရားသခင်ကို ကြောက်ရွံ့သောသူ၊ မကောင်းသော အကျင့်ကို ရှောင်သောသူ ဖြစ်၏။

ယောဘ ၁း၈
၈ ထာဝရ ဘုရားကလည်း၊ ငါ့ကျွန် ယောဘကို ဆင်ခြင်ပြီလော။ မြေကြီးပေါ်မှာ သူနှင့်တူသောသူ တယောက်မျှမရှိ။ စုံလင်ဖြောင့်မတ်ပေ၏။ ဘုရားသခင်ကို ကြောက်ရွံ့သောသူ၊ မကောင်းသော အကျင့်ကို ရှောင်သောသူ ဖြစ်သည်ဟု စာတန်အား မိန့်တော်မူ၏။ sစာတန်က ယောဘသည် ကောင်းကြီးခံစားသောကြောင့် ဟုဆို

ယောဘ ၂း၃
၃ ထာဝရဘုရားကလည်း၊ ငါ့ကျွန် ယောဘကို ဆင်ခြင်မိပြီလော။ မြေကြီးပေါ်မှာ သူနှင့်တူသော သူတယောက်မျှ မရှိ။ စုံလင် ဖြောင့်မတ်ပေ၏။ ဘုရားသခင်ကို ကြောက်ရွံ့သောသူ၊ မကောင်းသော အကျင့်ကို ရှောင်သောသူဖြစ်၏။ အကြောင်းမရှိဘဲ သူ့ကို ပျက်စီးစေခြင်းငှါ၊ သင်သည် ငါ့ကို တိုက်တွန်းသော်လည်း၊ သူသည် ဖြောင့်မတ်သော သဘောကို စွဲလမ်းလျက်နေသည်ဟု စာတန်အား မိန့်တော်မူ၏။ sစာတန်က ယောဘကို အနာစိမ်းပေါက်စေ

ယောဘ ၂၅း၂
၂ ဘုရားသခင်သည် အာဏာတော်နှင့်၎င်း၊ ကြောက်ရွှံ့ရိုသေဘွယ်သော ဂုဏ်တော်နှင့်၎င်း၊ ပြည့်စုံ၍ မြင့်သော ဌာနတော်၌ ငြိမ်သက်ခြင်းကို ပြုစုတော်မူ၏။

ယောဘ ၂၈း၂၈
၂၈ လူတို့အားလည်း ထာဝရဘုရားကို ကြောက်ရွှံ့ခြင်းသည် ပညာဖြစ်ကြောင်းနှင့်၊ ဒုစရိုက်ကို ရှောင်ခြင်းသည် ဉာဏ်ဖြစ်ကြောင်းကို မိန့်တော်မူပြီဟု မြွက်ဆို၏။

ဆာ ၂း၁၁
၁၁ ကြောက်ရွံ့သောစိတ်နှင့် ထာဝရဘုရား၏ အမှုတော်ကို ထမ်းရွက်၍၊ တုန်လှုပ်ခြင်းနှင့် ဝမ်းမြောက်ကြလော့။

ဆာ ၁၄း၃-၅
၃ လူအပေါင်းတို့သည် လမ်းလွဲကြပြီ။ တညီတညွတ်တည်း ဆွေးမြေ့ ယိုယွင်းခြင်းရှိကြ၏။ ကောင်းသောအကျင့်ကို ကျင့်သောသူမရှိ။ တယောက်မျှမရှိ။

ဆာ ၁၅း၄
၄ ဆိုးယုတ်သောသူကို အယုတ်ဟူ၍ ထင်မှတ်လျက်၊ ထာဝရဘုရားအား ကြောက်ရွံ့သောသူကို ရိုသေထသော၊ ကိုယ်အကျိုး ပျက်ရသော်လည်း ကိုယ်ကျိန်ဆိုသော သစ္စာဂတိကို မဖျက်၊

ဆာ ၁၉း၉
၉ ထာဝရဘုရားကို ကြောက်ရွံ့ခြင်း သဘောသည် သန့်ရှင်းသည်ဖြစ်၍၊ ကာလအစဉ် အမြဲတည်၏။ ထာဝရဘုရား၏ စီရင်တော်မူချက်တို့သည် သစ္စာတရားနှင့် ညီ၍၊ တညီတညွတ်တည်း ဖြောင့်မတ်ကြ၏။

ဆာ ၂၂း၂၃
၂၃ ထာဝရဘုရားကို ကြောက်ရွံ့သောအချင်းတို့၊ ချီးမွမ်းခြင်းကို ပြုကြလော့။ ယာကုပ် အမျိုးအပေါင်းတို့၊ ဂုဏ်ကျေးဇူးတော်ကို ဖေါ်ပြကြလော့။ ဣသရေလ အမျိုးအပေါင်းတို့၊ ကိုယ်တော်ကို ကြောက်ရွံ့ကြလော့။

ဆာ ၂၅း၁၂-၁၄
၁၂ အကြင်သူသည် ထာဝရဘုရားကို ကြောက်ရွံ့တတ်၏။ ထိုသူအား နှစ်သက်ဘွယ်သော လမ်းကို ပြညွှန်တော်မူမည်။

ဆာ ၃၁း၁၉
၁၉ ကိုယ်တော်ကို ကြောက်ရွံ့သောသူ တို့အဘို့ သိုထားတော်မူ၍၊ လူသားတို့ရှေ့မှာ ကိုယ်တော်ကို ခိုလှုံသောသူတို့အဘို့ ပြုပြင်တော်မူသော ဆုကျေးဇူးတော်သည် အလွန်ကြီးလှပါ၏။

ဆာ ၃၃း၈
၈ ထာဝဘုရားကို မြေကြီးတပြင်လုံး ကြောက်ရွံ့စေ။ လောကီနိုင်ငံသား အပေါင်းတို့သည် ရိုသေလေးမြတ်ကြစေ။

ဆာ ၃၃း၁၈-၁၉
၁၈ ထာဝရဘုရားကို ကြောက်ရွံ့သော သူတို့နှင့် ကရုဏာတော်ကို ခိုလှုံသောသူတို့သည်၊

ဆာ ၃၄းရ
၇ ထာဝရဘုရားကို ကြောက်ရွံ့သော သူတို့ပတ်လည်၌ ကောင်းကင် တမန်တော်တို့သည် တပ်ချ၍ ကယ်လွှတ်တတ်ကြ၏။

ဆာ ၃၄း၁၁
၁၁ အချင်းသူငယ်တို့ လာကြလော့။ ငါ့စကားကို နားထောင်ကြလော့။ ထာဝရဘုရားကို ကြောက်ရွံ့ခြင်း တရားကို သင်တို့အား ငါသွန်သင်မည်။

ဆာ ၄၀း၃
၃ ထိုသို့ ငါတို့ဘုရားသခင်ကို ချီးမွမ်းရာ သီချင်းသစ်ကို ငါမြွက်ဆိုစေခြင်းငှါ အခွင့်ပေးတော်မူ၏။ လူများတို့သည် သိမြင်၍ ကြောက်ရွံ့သော စိတ်နှင့် ထာဝရဘုရားကို ကိုးစားကြလိမ့်မည်။

ဆာ ၄ရး၂
၂ အကြောင်းမူကား၊ အမြင့်ဆုံးသော ထာဝရဘုရားသည် ကြောက်မက်ဘွယ်သောဘုရား၊ မြေကြီးတပြင်လုံးကို အစိုးရသော မဟာမင်းကြီး ဖြစ်တော်မူ၏။

ဆာ ၆၁း၅
၅ အိုဘုရားသခင်၊ အကျွန်ုပ် ပြုသော သစ္စာကတိတို့ကို ကြားတော်မူ၏။ နာမတော်ကို ကြောက်ရွံ့သောသူတို့၏အမွေကို အကျွန်ုပ်အား ပေးတော်မူလိမ့်မည်။

ဆာ ၆၄း၉
၉ လူအပေါင်း တို့သည်လည်း ကြောက်ရွံ့၍ ဘုရားသခင် စီရင်တော်မူကြောင်းကို နားလည်သဖြင့် အမှုတော်ကို ကြားပြောကြလိမ့်မည်။

ဆာ ရ၆းရ
၇ ကိုယ်တော် တပါးတည်းသာလျှင် ကြောက်ရွံ့ ဘွယ်ဖြစ်လေ၏။ အမျက် ထွက်တော်မူသောအခါ ရှေ့တော်၌ အဘယ်သူ ရပ်နေနိုင်ပါမည်နည်း။

ဆာ ရ၆း၁၁
၁၁ သစ္စာဂတိပြုကြလော့။ သင်တို့၏ ဘုရားသခင် ထာဝရဘုရားအား သစ္စာဝတ်ကိုလည်း ဖြေကြလော့။ ကိုယ်တော်၏ ပတ်လည်၌ နေသောသူအပေါင်းတို့သည် ကြောက်ရွံ့ ရိုသေဘွယ်သော ဘုရားထံတော်သို့ လက်ဆောင်ကို ဆောင်ခဲ့ကြစေ။

ဆာ ၈၅း၉
၉ ငါတို့ပြည်၌ ဘုန်းတော် ကျိန်းဝပ်မည်အကြောင်း၊ ကယ်တင်တော်မူခြင်း ကျေးဇူးသည်၊ ဘုရားသခင်ကို ကြောက်ရွံ့သောသူတို့၏ အနီးသို့ ဧကန်အမှန် ရောက်လေပြီ။

ဆာ ၈၆း၁၁
၁၁ အိုထာဝရဘုရား၊ ကိုယ်တော်၏ လမ်းကို အကျွန်ုပ်အား ပြညွှန်တော်မူပါ။ ကိုယ်တော်၏ သမ္မာတရားလမ်းသို့ လိုက်သွားပါမည်။ နာမတော်ကို ကြောက်ရွံ့မည့်အကြောင်း၊ အကျွန်ုပ်၏နှလုံးကို စေ့စပ်စေတော်မူပါ။

ဆာ ၉၆း၉
၉ သန့်ရှင်းသော တန်ဆာကိုဆင်၍၊ ထာဝရဘုရားကို ကိုးကွယ်ကြလော့။ မြေကြီးသားအပေါင်းတို့၊ ရှေ့တော်၌ ကြောက်ရွံ့ခြင်း ရှိကြလော့။

ဆာ ၉၉း၁-၃
၁ ထာဝရဘုရားသည် စိုးစံတော်မူ၏။ လူများတို့သည် တုန်လှုပ်ခြင်း ရှိကြစေ။ ခေရုဗိမ်တွင် ကျိန်းဝပ်တော်မူ၏။ မြေကြီးသည် လှုပ်ရှားခြင်းရှိစေ။

ဆာ ၁၀၂း၁၅
၁၅ တပါးအမျိုးသားတို့သည် ထာဝရဘုရား၏ နာမတော်ကို၎င်း၊ လောကီ ရှင်ဘုရင် အပေါင်းတို့သည် ဘုန်းတော်ကို၎င်း၊ ကြောက်ရွံ့ ကြပါလိမ့်မည်။

ဆာ ၁၀၃း၁၁
၁၁ မြေကြီးပေါ်တွင် ကောင်းကင် အမြင့်ရှိသည့်အတိုင်း ထာဝရဘုရားကို ကြောက်ရွံသောသူတို့၌ကရုဏာတော်သည် အားကြီးပေ၏။

ဆာ ၁၀၃း၁၃
၁၃ အဘသည် သားတို့ကို သနားစုံမက်သည်နည်းတူ၊ ထာဝရဘုရားသည် ကြောက်ရွံ့သောသူတို့ကို သနားစုံမက်တော်မူ၏။

ဆာ ၁၀၃း၁ရ
၁၇ ထာဝရဘုရား၏ ကရုဏာတော်မူကား၊ ကြောက်ရွံ့သောသူတို့အပေါ်သို့ ကာလအစဉ် အဆက် သက်ရောက်တတ်၏။

ဆာ ၁၁၁း၁၀
၁၀ ထာဝရဘုရားကို ကြောက်ရွံ့သော သဘောသည် ပညာ၏ အချုပ်အခြာဖြစ်၏။ ပညတ်တော်တို့ကို စောင့်ရှောက်သမျှသော သူတို့သည် ကောင်းသော ဥာဏ်ရှိကြ၏။ ဂုဏ်အသရေတော်သည် အစဉ်အမြဲ တည်သတည်း။

ဆာ ၁၁၂း၁
၁ ထာဝရဘုရားကို ကြောက်ရွံ့၍၊ ပညတ်တော်တို့၌ အလွန်မွေ့လျော်သောသူသည် မင်္ဂလာရှိ၏။

ဆာ ၁၁၅း၁၁-၁၃
၁၁ ထာဝရဘုရားကို ကြောက်ရွံ့သောသူတို့ ထိုဘုရားကို ကိုးစားကြလော့။ ထာဝရဘုရားသည် ထိုသို့သောသူတို့ကို မစသောသူ၊ ကွယ်ကာသောသူ ဖြစ်တော်မူ၏။

ဆာ ၁၁၈း၄
၄ ကရုဏာတော် အစဉ်အမြဲတည်သည်၊ ဟုထာဝရဘုရားကို ကြောက်ရွံ့သောသူတို့သည် ဝန်ခံကြစေ။ sထာ၀ရဘုရားသည် ငါ့ဘက်၌ ရှိတော်မူ၍

ဆာ ၁၂၈း၁
၁ ထာဝရဘုရားကို ကြောက်ရွံ့၍၊ လမ်းခရီးတော်သို့ လိုက်သွားသမျှ သောသူတို့သည် မင်္ဂလာ ရှိကြ၏။

ဆာ ၁၂၈း၄
၄ ထာဝရဘုရားကို ကြောက်ရွံ့သောသူသည်၊ ထိုသို့သော မင်္ဂလာ ရှိရလိမ့်မည်။

ဆာ ၁၃၅း၂၀
၂၀ အိုလေဝိ အမျိုးအနွယ်၊ ထာဝရဘုရားကို ကောင်းကြီးပေးလော့။ ထာဝရဘုရားကို ကြောက်ရွံ့သောသူတို့၊ထာဝရဘုရားကို ကောင်းကြီးပေးကြလော့။

ဆာ ၁၄၅း၁၈-၂၀
၁၈ ထာဝရဘုရားသည် ပဌနာပြုသောသူ အပေါင်း၊ သစ္စာနှင့်တကွ ပဌနာပြုသောသူ အပေါင်း၊ တို့၏အနီးအပါး၌ ရှိတော်မူ၏။

သု ၂း၅
၅ ထာဝရဘုရားကို ကြောက်သော သဘော၌ ကျင်လည်၍၊ ဘုရားသခင်ကို သိသောဥာဏ်နှင့် ပြည့်စုံလိမ့်မည်။

သု ၃းရ
၇ ငါသည် ပညာရှိ၏၊ ဟုကိုယ်ကိုမထင်နှင့်။ ထာဝရဘုရားကို ကြောက်ရွံ့၍ ဒုစရိုက်ကိုရှောင်လော့။

သု ၈း၁၃
၁၃ ထာဝရဘုရားကို ကြောက်ရွံ့သော သဘောကား၊ ဒုစရိုက်ကို မုန်းသော သဘောတည်း။ မာနထောင်လွှားခြင်း၊ စော်ကားခြင်း၊ မကောင်းသောလမ်းသို့လိုက်ခြင်း၊ ကောက်သောစကားဖြင့် ပြောဆိုခြင်းတို့ကို ငါမုန်း၏။

သု ၉း၁၀
၁၀ ထာဝရဘုရားကို ကြောက်ရွံ့သောသဘောသည် ပညာ၏မူလ မြစ်ဖြစ်၏။ သန့်ရှင်းတော်မူသော ဘုရားကို သိကျွမ်းသော သဘောသည် ဥာဏ်ဖြစ်၏။

သု ၁၀း၂ရ
၂၇ ထာဝရဘုရားကို ကြောက်ရွံ့သော သဘောသည် အသက်တာကို ရှည်စေတတ်၏။မတရားသောသူ၏ နှစ်ပေါင်းကာလမူကား တိုတတ်၏။

သု ၁၄း၂
၂ ဖြောင့်သောလမ်းသို့လိုက်သောသူသည် ထာဝရဘုရားကိုကြောက်ရွံ့တတ်၏။ ကောက်သောလမ်းကိုလိုက်သောသူမူကား၊ မထီမဲ့မြင်ပြုတတ်၏။

သု ၁၅း၁၆
၁၆ နှောက်ယှက်ခြင်းနှင့်ယှဉ်၍ ကြီးစွာသောစည်းစိမ်ထက်ထာဝရဘုရားကိုကြောက်ရွံ့ခြင်းနှင့် ယှဉ်သောဥစ္စာအနည်းငယ်သည်သာ၍ကောင်း၏။

သု ၁၅း၃၄
၃၄ ထာဝရဘုရားကို ကြောက်ရွံ့သောသဘောသည် ပညာကိုသွန်သင်ခြင်းဖြစ်၏။ ဂုဏ်အသရေအရင်၌ နှိမ့်ချခြင်း၏နေရာရှိ၏။

သု ၁၆း၆
၆ ကရုဏာတရားနှင့်သမ္မာတရားအားဖြင့်အပြစ်ပြေတတ်၏။ ထာဝရဘုရားကိုကြောက်ရွံ့သောသဘောအားဖြင့်ဒုစရိုက်ကိုရှောင်တတ်၏။

သု ၁၉း၂၃
၂၃ ထာဝရဘုရားကိုကြောက်ရွံ့သောသဘောသည် အသက်ရှင်ခြင်းနှင့်ဆိုင်သည်ဖြစ်၍၊ ထိုသဘောရှိသောသူသည်အလိုဆန္ဒပြည့်စုံလျက်ရှိ၍၊ ဘေးဥပဒ်နှင့်ကင်းလွတ်လိမ့်မည်။

သု ၂၂း၄
၄ စိတ်နှိမ့်ချခြင်း၊ ထာဝရဘုရားကိုကြောက်ရွံခြင်းကျေးဇူးကြောင့်စည်းစိမ်၊ ဂုဏ်အသရေ၊ အသက်ကိုရတတ်၏။

သု ၂၃း၁ရ
၁၇ အပြစ်ထင်ရှားသောသူတို့ကို ငြူစူသောစိတ်မရှိစေနှင့်၊ တနေ့လုံး ထာဝရဘုရားကိုကြောက်ရွံ့သောသဘောရှိစေလော့။

သု ၂၄း၂၁
၂၁ ငါ့သားထာဝရဘုရားကို၎င်း၊ ရှင်ဘုရင်ကို၎င်း၊ ကြောက်ရွံ့လော့။ မတည်ကြည်သောသူတို့နှင့် မရောနှောမပေါင်းဖေါ်နှင့်။

သု ၃၁း၃၀
၃၀ ယဉ်ကျေးသောအရာသည်လှည့်စားခြင်းနှင့်ယှဉ်တတ်၏။ လှသောအဆင်းသည်လည်းအချည်းနှီးဖြစ်၏။ ထာဝရဘုရားကိုကြောက်ရွံ့သောမိန်းမမူကား၊ ချီးမွန်းခြင်းကိုခံရလိ့မ်မည်။

ဒေသနာ ၃း၁၄
၁၄ ဘုရားသခင် ပြုတော်မူသမျှသော အမှုသည် နိစ္စထာဝရ ဖြစ်သည်ကိုငါသိ၏။ ထပ်၍မပြုနိုင်ရာ။ နှုတ်၍မယူနိုင်ရာ။ လူတို့သည် ရှေ့တော်၌ ကြောက်ရွံ့မည်အကြောင်း၊ဘုရားသခင်ပြုတော်မူ၏။

ဒေသနာ ၅းရ
၇ အိပ်မက်များရာ၌၎င်း၊ စကားများရာ၌၎င်း၊ အချည်းနှီးသော အကြောင်းအရာပါတတ်၏။ သင်မူကား ဘုရားသခင်ကို ကြောက်ရွံ့လော့။

ဒေသနာ ရး၁၈
၁၈ ဤစကားကို စွဲလမ်းကောင်း၏။ လက်မလွှတ်နှင့်။ ဘုရားသခင်ကို ကြောက်ရွံ့သောသူသည် ခပ်သိမ်းသော အမှုထဲက ထွက်မြောက်လိမ့်မည်။

ဒေသနာ ၈း၁၂
၁၂ အဓမ္မလူသည် အကြိမ်တရာတိုင်အောင် အဓမ္မအမှုကို ပြု၍၊ အသက်တာ ရှည်သော်လည်း၊ ဘုရားသခင်ကို ကြောက်ရွံသောသူတို့သည် ရှေ့တော်၌ ကြောက်ရွံ့သောကြောင့်၊ ကောင်းသော အကျိုးကို ခံရကြမည်၊ ဟုငါအမှန်သိ၏။

ဒေသနာ ၁၂း၁၃
၁၃ အချုပ် အခြာစကားဟူမူကား ဘုရားသခင်ကို ကြောက်ရွံ့၍၊ ပညတ်တော်တို့ကို စောင့်ရှောက်လော့။ ဤရွေ့ကား၊ လူနှင့်ဆိုင်သော အမှုအရာအလုံးစုံတို့ကို ချုပ်ခြာသတည်း။

ဟေရှာယ ၂း၁၀
၁၀ ထာဝရဘုရားသည် မြေကြီးကို ချောက်လှန့်အံ့သောငှါ ထတော်မူသော ထိုအခါ၊ ဘုရားကို ကြောက်ခြင်းအရှိန်၊ ဘုန်းတန်ခိုး အာနုဘော်တော် အရှိန်ကြောင့်၊ ကျောက်ထဲသို့ဝင်လော့။ မြေမှုန့်၌ ပုန်း၍နေလော့။

ဟေရှာယ ၂း၁၉-၂၁
၁၉ ထာဝရ ဘုရားသည် မြေကြီးကို ချောက်လှန့်အံ့သောငှါ ထတော်မူသောအခါ၊ ထိုဘုရားကို ကြောက်ခြင်းအရှိန်၊ ဘုန်းတန်ခိုး အာနုဘော်တော် အရှိန်ကြောင့်လူတို့သည် ကျောက်တွင်း၊ မြေတွင်းထဲသို့ ဝင်ကြလိမ့်မည်။

ဟေရှာယ ၈း၁၃
၁၃ ကောင်းကင်ဗိုလ်ခြေ အရှင်ထာဝရဘုရားကို ရိုသေခြင်း ရှိကြလော့။ ထိုဘုရားကိုသာ ကြောက်ရွံ့ခြင်း၊ထိတ်လန့်ခြင်း ရှိကြလော့။

ဟေရှာယ ၁၁း၁-၂
၁ ယေရှဲအမျိုးအငုတ်၌ အတက်ပေါက်လိမ့်မည်။ သူ၏အမြစ်တို့တွင် အညွန့်သည် အသီးသီးလိမ့်မည်။

ဟေရှာယ ၁၉း၁
၁ အဲဂုတ္တုပြည်နှင့်ဆိုင်သော ဗျာဒိတ်တော်ကား၊ ကြည့်ရှုလော့။ ထာဝရဘုရားသည် လျှင်မြန်သောမိုးတိမ်ကိုစီး၍ အဲဂုတ္တုပြည်သို့ကြွတော်မူ၏။ ရှေ့တော်၌ အဲဂုတ္တုပြည်၏ရုပ်တု၊ ဆင်းတုတို့သည် လှုပ်ရှား၍၊ အဲဂုတ္တုပြည်၏ နှလုံးသည် သူ၏အထဲမှာ အရည်ကျိုလျက် ရှိလိမ့်မည်။

ဟေရှာယ ၁၉း၁၆
၁၆ ထိုကာလ၌ အဲဂုတ္တုလူတို့သည် မိန်းမကဲ့သို့ဖြစ်၍ ကောင်းကင် ဗိုလ်ခြေ အရှင် ထာဝရဘုရားသည် သူတို့အပေါ်မှာ လက်တော်ကို လှုပ်ရှားတော်မူသောကြောင့်၊ ကြောက်လန့် တုန်လှုပ်ကြလိမ့်မည်။

ဟေရှာယ ၂၉း၁၃
၁၃ ထာဝရဘုရား ကလည်း ဤလူမျိုးသည် နှုတ်နှင့် ငါ့ထံသို့ ချဉ်းကပ်၍၊ နှုတ်ခမ်းနှင့် ငါ့ကိုရိုသေကြ၏။ စိတ်နှလုံးမူကား ငါနှင့်ဝေးလှ၏။ လူတို့စီရင်သော ပညတ်တို့ကိုအမှီပြု၍ ငါ့ကို ကြောက်ရွံ့ကြ၏။

ဟေရှာယ ၂၉း၂၃
၂၃ ထိုအမျိုးသားတို့သည် ငါစီရင်သော အမှုကိုမြင်လျှင် ငါ့နာမကို မိမိတို့တွင် ရိုသေကြလိမ့်မည်။ ယာကုပ်အမျိုး၏ သန့်ရှင်းသော ဘုရားကို ရိုသေ၍၊ ဣသရေလအမျိုး၏ ဘုရားသခင်ကို ကြောက်ရွံ့ကြလိမ့်မည်။

ဟေရှာယ ၃၃း၆
၆ ဥာဏ်နှင့်ပညာသည် သင်၏လက်ထက်၌ တည်ကြည်ခြင်း၊ မြဲမြံစွာ ကယ်တင်ခြင်းကို ဖြစ်စေလိမ့်မည်။ ထာဝရဘုရားကို ကြောက်ရွံ့ခြင်း သဘောသည်လည်း သင်၏ ဘဏ္ဍာဖြစ်လိမ့်မည်။

ဟေရှာယ ၅၀း၁၀
၁၀ သင်တို့တွင် အဘယ်သူသည် ထာဝရဘုရားကို ကြောက်ရွံ့သနည်း။ ထိုသူသည် ကိုယ်တော်ကျွန်၏ စကားသံကို နားထောင်ပါစေ။ အဘယ်သူသည် အလင်းမရှိဘဲ မှောင်မိုက်၌ သွားလာသနည်း။ ထိုသူသည် ထာဝရဘုရား၏ နာမတော်ကို ခိုလှုံ၍၊ မိမိဘုရားသခင်ကို အမှီပြုပါစေ။

ဟေရှာယ ၆၃း၁ရ
၁၇ အိုထာဝရဘုရား၊ ကိုယ်တော်၏ လမ်းမှ အကျွန်ုပ်တို့ကို အဘယ်ကြောင့် လွဲစေတော်မူ သနည်း။ ကိုယ်တော်ကို မကြောက်ရွံ့မည်အကြောင်း၊ အကျွန်ုပ်တို့၏ စိတ်နှလုံးကို အဘယ်ကြောင့် ခိုင်မာစေတော်မူသနည်း။ ကိုယ်တော်၏ ကျွန်တို့အတွက်၊ အမွေတော်ဖြစ်သော အနွယ်တို့အတွက် ပြန်လာတော်မူပါ။

ဟေရှာယ ၆၆း၂
၂ ဤအရာ အလုံးစုံတို့သည် ငါကိုယ်တိုင် ဖန်ဆင်းသောကြောင့် ဖြစ်ကြ၏။ စိတ်နှိမ့်ချခြင်း၊ နှလုံးကြေကွဲခြင်း၊ ငါ့စကားကြောင့် တုန်လှုပ်ခြင်း ရှိသောသူကိုသာ ငါကြည့်ရှုမည်။ sမိမိအလိုရှိရာလမ်းကို ရွေးကြ

ဟေရှာယ ၆၆း၅
၅ ထာဝရဘုရား၏ နှုတ်ကပတ် စကားတော်ကြောင့် တုန်လှုပ်သောသူတို့၊ စကားတော်ကို နားထောင်ကြလော့။ သင်တို့ကိုမုန်း၍၊ ငါ့နာမကြောင့် နှင်ထုတ်သော ညီအစ်ကိုတို့က၊ ငါတို့သည် သင်တို့၏ ဝမ်းမြောက်ခြင်းကို မြင်ရမည်အကြောင်း၊ ထာဝရဘုရားသည် ဘုန်းပွင့် တော်မူစေသတည်း၊ ဟုပြောတတ်သော်လည်း၊ ရှက်ကြောက်ကြလိမ့်မည်။

ယေရမိအ ၂း၁၉
၁၉ သင်၏ဒုစရိုက်သည် သင့်ကိုဆုံးမမည်။ သင်၏ဖောက်ပြန်ခြင်းသည် သင့်ကိုအပြစ်ပေးမည်။ သို့ဖြစ်၍ သင်၏ ဘုရားသခင် ထာဝရဘုရားကို စွန့်ပစ်သောအမှု၊ ငါ့ကိုမကြောက်ဘဲ နေသောအမှုသည်၊ မကောင်းသောအမှု၊ ခါးသောအမှုဖြစ်သည်ကို သိမြင်ရမည်၊ဟုကောင်းကင် ဗိုလ်ခြေ အရှင်ထာဝရဘုရား မိန့်တော်မူ၏။ sပြည်တန်ဆာလုပ်

ယေရမိအ ၅း၂၂-၂၄
၂၂ ထာဝရဘုရား မိန့်တော်မူသည်ကား၊ ပင်လယ်မလွန်နိုင်အောင် ဆီးတားဘို့ရာသဲကို ထာဝရ အပိုင်းအခြားခန့်ထားသောငါ့ကို၊ သင်တို့သည် မကြောက်ကြသလော။ ငါ၏ ရှေ့တော်၌ မတုန်လှုပ်ကြသလော။ ပင်လယ်လှိုင်းတံပိုးတို့သည် ထ၍မနိုင်၊ ဟုန်း၍ မကျော်မလွန်နိုင်သော်လည်း၊

ယေရမိအ ၁၀းရ
၇ အိုလူအမျိုးမျိုးတို့၏ဘုရင်၊ ကိုယ်တော်ကို ကြောက်သင့်သည်ဖြစ်၍၊ အဘယ်သူသည် မကြောက်ဘဲ နေရပါမည်နည်း။ အမျိုးမျိုးသော ပညာရှိအပေါင်းတို့၌၎င်း၊ ခပ်သိမ်းသော တိုင်းနိုင်ငံတို့၌၎င်း ကိုယ်တော်နှင့်တူသောသူ တစုံတယောက်မျှ မရှိပါ။

ယေရမိအ ၂၆း၁၉
၁၉ ထိုအခါယုဒပြည်သားအပေါင်းတို့နှင့်တကွ၊ ယုဒရှင်ဘုရင်ဟေဇကိသည်ထိုပရောဖက်ကိုသတ်သလော။ ထိုမင်းသည်ထာဝရဘုရားကိုကြောက်ရွံသည်မဟုတ်လော။ ရှေ့တော်၌ တောင်းပန်သည်မဟုတ်လော။ ထာဝရဘုရားသည်သူတို့၌ ဘေးဥပဒ်ကိုရောက်စေမည်ဟုခြိမ်းတော်မူသော်လည်း၊ တဖန်နောင်တရတော်မူသည်မဟုတ်လော။ ငါတို့မူကား၊ ကိုယ်အကျိုးကိုဖျက်ဆီးခြင်းငှါပြုကြသည်တကားဟုစည်းဝေးသောသူအပေါင်းတို့အားပြောဆိုကြ၏။ sယောယကိမ်မင်းသည်ပရောဖက်ဥရိယကိုသတ်

ဒံ ၆း၂၆
၂၆ ငါအစိုးရသော တနိုင်ငံလုံးတွင် ရှိနေသောသင်တို့သည် ဒံယေလ၏ ဘုရားသခင်ကို ကြောက်ရွံ့ ရိုသေကြကုန် ဟုငါအမိန့်တော်ရှိ၏။ အကြောင်းမူကား၊ ထိုဘုရားသခင်သည် အသက်ရှင် တော်မူသော ဘုရား၊ နိစ္စထာဝရ တည်တော်မူသော ဘုရားဖြစ်တော်မူ၏။ နိုင်ငံတော်သည် ပျက်စီးခြင်းသို့ မရောက်နိုင်။ အာဏာစက်တော်လည်း အစဉ်အဆက် တည်လိမ့်မည်။

ဒံ ၉း၄
၄ ထိုသို့အပြစ်ကို ဖေါ်ပြတောင်းပန်၍ ငါကိုးကွယ်သော ဘုရားသခင် ထာဝရဘုရား ထံငါပြုသော ပဌနာဟူမူကား၊ ကိုယ်တော်ကိုချစ်၍ ပညာတော်တို့ကို စောင့်သောသူတို့အား သစ္စာမပျက်၊ ကရုဏာတရားကို စောင့်တော်မူထသော၊ အလွန်ကြီးမြတ်၍ ကြောက်ရွံ့ဘွယ် ဖြစ်တော်မူသော အရှင်ဘုရားသခင်၊

ဟောရှေ ၃း၅
၅ ထိုနောက်မှဣသရေလ အမျိုးသားတို့သည်ပြန်လာ၍၊ သူတို့ဘုရားသခင်ထာဝရဘုရားကို၎င်း၊ သူတို့ရှင်ဘုရင်ဒါဝိဒ်ကို၎င်းရှာ၍၊ နောင်ကာလ၌ ကျေးဇူးတော်ကိုခံအံ့သောငှါ၊ ထာဝရဘုရားထံတော်သို့တုန်လှုပ်လျက်ပြေးကြလိမ့်မည်။

ဟောရှေ ၁၀း၃
၃ ငါတို့သည်ထာဝရဘုရားကိုမကြောက်ရွံ့သောကြောင့်ရှင်ဘုရင်မရှိ။ ရှင်ဘုရင်ရှိသော်လည်း၊ ငါတို့အဘို့အဘယ်သို့ပြုနိုင်မည်နည်းဟုချက်ချင်းဆိုရကြမည်။

မိက္ခာ ရး၁ရ
၁၇ မြွေကဲ့သို့ မြေမှုန့်ကိုလျက်၍၊ တီကဲ့သို့ တွင်းထဲက တုန်လှုပ်လျက် ထွက်ကြလိမ့်မည်။ ငါတို့ ဘုရားသခင် ထာဝရဘုရားကို၎င်း၊ သင့်ကို၎င်း ကြောက်ရွံ့ကြလိမ့်မည်။

ဟဗက္ကုတ် ၃း၂
၂ အိုထာဝရဘုရား၊ အကျွန်ုပ်သည်ကိုယ်တော်၏ဗျာဒိတ်တော်သံကိုကြား၍ကြောက်ရွံ့ပါပြီ။ အိုထာဝရဘုရား၊ ယခုနစ်များအတွင်းတွင်အမှုတော်ကိုပြုပြင်တော်မူပါ။ ယခုနစ်များတွင်အမှုတော်ကိုပြုပြင်စေတော်မူပါ။ အမျက်ထွက်တော်မူသော်လည်းကရုဏာတရားကိုအောက်မေ့တော်မူပါ။

မလာခိ ၁း၁၄
၁၄ ဗိုလ်မင်းတို့၏ ဦးခေါင်းကို မြှားတော်တို့နှင့် ထုတ်ချင်းခပ်ထိုးတော်မူ၏။ ထိုသူတို့သည် အကျွန်ုပ်တို့ကို လွင့်စေခြင်းငှါ လေပြင်းမုန်တိုင်းကဲ့သို့ တိုက်ကြပါ၏။ ဆင်းရဲသားတို့ကို အမှတ်တမဲ့ ကိုက်စားမည့်အကြံရှိသကဲ့ သို့ ဝမ်းမြောက်ကြပါ၏။

မလာခိ ၃း၅
၅ ရှေ့တော်ကာလနာဘေးသည် သွား၍၊ ပူလောင်ခြင်းဘေးသည်ခြေတော်ကိုခြံရံလျက်ရှိ၏။

မလာခိ ၃း၁၆
၁၆ ဗျာဒိတ်တော်သံကိုငါကြားသောအခါရင်၌ လှုပ်ရှားခြင်း၊ မေးခိုင်ခြင်း၊ အရိုးဆွေးမြှေးခြင်း၊ တကိုယ်လုံးတုန်လှုပ်ခြင်းရှိ၏။ အကြောင်းမူကား၊ အမှုရောက်သောနေ့၊ လုပ်ကြံသောသူသည်ငါ၏လူမျိုးကိုတိုက်လာသောနေ့တိုင်အောင်ငါသည်လူမျိုးကိုတိုက်လာသောနေ့တိုင်အောင်ငါသည်နေရစ်ရမည်။

မဿဲ ၁၀း၂၈
၂၈ တနည်းကား၊ ကိုယ်ခန္ဓာကိုသာ သတ်၍ စိတ်ဝိညာဉ်ကို မသတ်နိုင်သော သူတို့ကို မကြောက်ကြနှင့်။ ကိုယ်ခန္ဓာနှင့် စိတ်ဝိညာဉ်ကို ငရဲ ၌ဖျက်ဆီးနိုင်သောသူကို သာ၍ ကြောက်ကြလော့။

လု ၁း၅၀
၅၀ ထာဝရဘုရားကိုကြောက်ရွံ့သောသူတို့သည်၊ သနားတော်မူခြင်းကျေးဇူးကိုအစဉ်မပြတ်ခံစားကြ၏။

လု ၁၈း၂
၂ မြို့တမြို့၌ ဘုရားသခင်ကို မကြောက်ရွံ့၊ လူကို အားမနာတတ်သော တရားသူကြီး တယောက်ရှိ၏။

တမန် ရး၃၂
၃၂ ငါကား သင့်ဘိုးဘေးတို့၏ဘုရား၊ အာဗြဟံ၏ဘုရား၊ ဣဇာက်၏ဘုရား၊ ယာကုပ်၏ဘုရားဖြစ်၏၊ ဟုထာဝရဘုရား၏ ဗျာဒိတ်တော် အသံထွက်တော်မူ၏။ ထိုအခါ မောရှေသည် တုန်လှုပ်လျက် စေ့စေ့မကြည့်ဝံ့။

တမန် ၉း၃၁
၃၁ ထိုအခါ ယုဒပြည်၊ ဂါလိလဲပြည်၊ ရှမာရိပြည် အရပ်ရပ်တို့တွင် အသင်းတော်တို့သည် ငြိမ်သက်၍၊ တည်ဆောက်ခြင်း ရှိကြ၏။ သခင်ဘုရားကို ကြောက်ရွံ့ခြင်း၌၎င်း၊ သန့်ရှင်းသော ဝိညာဉ်တော်၏ အဆုံးအမ၌၎င်း၊ မွေ့လျော်သောအားဖြင့် ပွားများကြ၏။ sပေတရုက လက်ခြေသေသူ အဲနေ ကျန်းမာစေ

တမန် ၁၀း၂
၂ ထိုသူသည် မိမိအိမ်တွင် ရှိသမျှသောသူတို့နှင့်တကွ၊ ဘုရားဝတ်၌ မွေ့လျော်၍ ဘုရားသခင်ကို ကြောက်ရွံ့ခြင်းရှိသဖြင့်၊ လူတို့အား များစွာသော စွန့်ကြဲခြင်းကိုပြု၍၊ ဘုရားသခင်ကို အစဉ်ဆုတောင်းလေ့ရှိ၏။

တမန် ၁၀း၃၅
၃၅ လူအမျိုးမျိုးတို့တွင် ဘုရားသခင်ကို ကြောက်ရွံ့၍၊ တရားသဖြင့် ကျင့်ဆောင်သောသူသည်၊ အထံတော်၌ မျက်နှာရသည်ကို ငါသိမြင်၏။

တမန် ၁၃း၁၆
၁၆ ထိုအခါ ပေါလုသည်ထ၍ မိမိလက်နှင့် အမှတ်ပေးလျက်၊ ဣသရေလလူမှစ၍ ဘုရားသခင်ကို ကြောက်ရွံ့သောသူတို့၊ နားထောင်ကြလော့။

တမန် ၁၃း၂၆
၂၆ အာဗြဟံ အမျိုးဖြစ်သော ညီအစ်ကိုမှစ၍၊ သင်တို့တွင် ဘုရားသခင်ကို ကြောက်ရွံ့သောသူတို့၊ ဤကယ်တင်တော်မူခြင်း တရားစကားကို သင်တို့အား ကြားလိုက်တော်မူ၏။

၂ ကော ရး၁
၁ ထိုကြောင့် ချစ်သူတို့၊ ထိုဂတိတော်များနှင့် ငါတို့သည် ဆိုင်ကြသည်ဖြစ်၍၊ ကိုယ်ခန္ဓာ၏ အညစ်အကြေး၊ စိတ်ဝိညာဉ်၏ အညစ်အကြေး ရှိသမျှတို့နှင့်၊ ကိုယ်ကိုကိုယ် ကင်းစင်စေလျက်၊ ဘုရားသခင်ကို ကြောက်ရွံ့၍၊ သန့်ရှင်းခြင်းပါရမီနှင့် ပြည့်စုံကြကုန်အံ့။ sငါတို့ကိုလက်ခံကြလော့

ကောလော ၃း၂၂
၂၂ အစေခံကျွန်တို့၊ သခင်ဘုရားကို ကြောက်ရွံ့လျက်၊ လူတို့၏စိတ်ကို နူးညွတ်စေသောသူကဲ့သို့၊ မျက်မှောက်၌ သာနား ထောင်သည်မဟုတ်၊ စိတ်နှစ်ခွမရှိဘဲ၊ လောကီသခင်၏ စကားကို အရာရာ၌ နားထောင်ကြလော့။

ဟေဗြဲ ၁၂း၂၈-၂၉
၂၈ ထိုကြောင့်၊ ငါတို့သည် မလှုပ်နိုင်သောနိုင်ငံကို ရသည်ဖြစ်၍၊ ခန့်ငြားကြောက်ရွံ့သော သဘောနှင့်၊ ဘုရားသခင်ကို လျောက်ပတ်စွာ ဝတ်ပြုနိုင်မည်အကြောင်း၊ ကျေးဇူးတော်ကို စွဲလမ်းကြကုန်အံ့။ ၂၉ ငါတို့ဘုရားသခင်သည် လောင်သောမီးဖြစ်တော်မူ၏။

၁ ပေ ၁း၁ရ
၁၇ လူမျက်နှာကိုမငဲ့၊ ခပ်သိမ်းသောသူတို့၏ အကျင့်အတိုင်း စီရင်တော်မူသော ခမည်းတော်ကို၊ သင်တို့သည် ဆုတောင်းကိုးကွယ်လျှင်၊ ဧည့်သည်ဖြစ်စဉ် ကာလပတ်လုံး ကြောက်ရွံ့သော စိတ်နှင့်ကျင့်နေကြလော့။

ဗျာ ၁၄းရ
၇ ဘုရားသခင်ကို ကြောက်ရွံ့၍ ချီးမွမ်းကြလော့၊ တရားစီရင်တော်မူသော အချိန်ရောက်လာပြီ။ ကောင်းကင်၊ မြေကြီး၊ သမုဒ္ဒရာနှင့် စမ်းရေတွင်းတို့ကို၊ ဖန်ဆင်းတော်မူသော အရှင်ကို ကိုးကွယ်ကြလော့။ ဟုကြီးသောအသံနှင့် ပြောဆို၍၊ ကောင်းကင်အလယ်၌ ပျံဝဲလျက်ရှိသည်ကို ငါမြင်၏။

ဗျာ ၁၅း၄
၄ အိုထာဝရဘုရား၊ ကိုယ်တော်ကို မကြောက်ရွံ့ဘဲ၊ နာမတော်ကို မချီးမွမ်းဘဲ၊ အဘယ်သူ နေရပါအံ့နည်း၊ ကိုယ်တော်တပါးတည်းသာ လျှင်သန့်ရှင်းတော်မူ၏။ တရားသဖြင့် စီရင်တော်မူခြင်း အရာတို့သည် ထင်ရှားသည်ဖြစ်၍၊ လူမျိုးအပေါင်းတို့သည် လာ၍၊ ရှေ့တော်၌ ကိုးကွယ်ကြပါလိမ့်မည်။ ဟုလျှောက်ဆိုကြ၏။ s ဘေးဒဏ်ခုနစ်ပါးအတွက်ပြင်ဆင်

ဗျာ ၁၉း၅
၅ ပလ္လင်တော်ပေါ်က ထွက်သောအသံကား၊ ဘုရားသခင်၏ ကျွန်အပေါင်းတို့နှင့်၊ ဘုရားသခင်ကို ကြောက်ရွံ့သောသူ အကြီးအငယ်အပေါင်းတို့၊ ငါတို့ဘုရားသခင်ကို ချီးမွမ်းကြလော့၊ ဟုဆိုသတည်း။ s သိုးသငယ်၏မင်္ဂလာဆောင်ပွဲ

၁၉ ကိုယ်တော်ကို ကြောက်ရွံ့သောသူ [B] တို့အဘို့ သိုထားတော်မူ၍၊ လူသားတို့ရှေ့မှာ ကိုယ်တော်ကို ခိုလှုံသောသူတို့အဘို့ ပြုပြင်တော်မူသော ဆုကျေးဇူးတော်သည် အလွန်ကြီးလှပါ၏။ ၂၀ လူတို့ပြုတတ်သော ပရိယာယ်နှင့် ကင်းလွတ်စေခြင်းငှါ ကျိန်းဝပ်တော်မူရာ အတွင်းအရပ်၌ ထိုသူတို့ကို ဝှက်ထားတော်မူပါ။ ရန်တွေ့ခြင်းအသံကို ကွယ်ကာလျက် တဲတော်တွင် သူတို့ကို စောင့်မတော်မူ၏။ ၂၁ ထာဝရဘုရား၌ မင်္ဂလာဖြစ်စေသတည်း။ အကြောင်းမူကား၊ ခိုင်ခံ့သောမြို့၌ အံ့ဘွယ်သော မေတ္တာကရုဏာတော်ကို အကျွန်ုပ်အား ထင်ရှားပြတော်မူပြီ။ ၂၂ အကျွန်ုပ်သည် ကိုယ်တော်၏ မျက်နှာကွယ်ရာ၌ ဆုံးရှုံးပါပြီ၊ ဟုအကျွန်ုပ် တုန်လှုပ်လျက် ဆိုမိသော်လည်း၊ ကိုယ်တော်ကို အော်ဟစ်သောအခါ အကျွန်ုပ်ပြုသော ပဌနာစကားသံကို ကိုယ်တော် နားထောင် တော်မူသတည်း။

CROSS REFERENCES

တရားဟော ၃၃း၃
၃ အကယ်စင်စစ် ထိုလူမျိုးကို ချစ်တော်မူ၏။ မိမိသန့်ရှင်းသူ အပေါင်းတို့သည် အထံတော်ပါးတွင် ရှိကြ၏။ သူတို့သည် ခြေတော်ရင်း၌ ပြပ်ဝပ်၍ စကားတော်တို့ကို နားခံကြလေ၏။

တရားဟော ၃၃း၈
၈ လေဝိအမျိုးကိုကား၊ သင်၏ သုမိမ်နှင့် ဥရိမ်သည် မဿာအရပ်၌ သင်စုံစမ်း၍၊ မေရိဘစမ်းရေအနားမှာ သင်ဆန့်ကျင်ဘက် ပြုသော သင်၏ သန့်ရှင်းသူ ၌ ရှိပါစေသော်။

၁ ဓမ္မ ၂း၉
၉ မိမိသန့်ရှင်းသူတို့ ခြေကို စောင့်မတော်မူလိမ့်မည်။ မတရားသော သူတို့သည် မှောင်မိုက်၌ တိတ်ဆိတ်စွာ နေရကြလိမ့်မည်။ ကိုယ်အစွမ်းသတ္တိအားဖြင့် အဘယ်သူမျှ မနိုင်ရာ။

၄ ဓမ္မ ၄း၉
၉ မိန်းမကလည်း၊ ငါတို့ နေရာလမ်းဖြင့် အစဉ်သွားလာသော ဤသူသည် ဘုရားသခင်၏ သန့်ရှင်းသူ ဖြစ်သည်ကို ကျွန်ုပ်ရိပ်မိ၏။

၂ ရာ ၆း၄၁
၄၁ အိုထာဝရ အရှင်ဘုရားသခင်၊ ကျိန်းဝပ်တော်မူရာသို့ တန်ခိုးတော်နှင့် ယှဉ်သော ဓမ္မသေတ္တာနှင့်တကွ တက်တော်မူပါ။ အိုထာဝရ အရှင် ဘုရားသခင်၊ ကိုယ်တော်၏ ယဇ်ပုရောဟိတ် တို့သည် ကယ်တင်ခြင်း တန်ဆာကိုဆင်၍၊ ကိုယ်တော်၏ သန့်ရှင်းသူ တို့သည် ကျေးဇူးတော်၌ ဝမ်းမြောက်ကြပါစေသော်။

ယောဘ ၅း၁
၁ ယခုဟစ်ခေါ်ပါ။ အဘယ်သူ ထူးလိမ့်မည်နည်း။ သန့်ရှင်းသူတို့ တွင် အဘယ်သူကို ကြည့်မျှော်မည်နည်း။

ယောဘ ၁၅း၁၅
၁၅ ဘုရားသခင်သည် မိမိ သန့်ရှင်းသူ တို့ကိုပင် ယုံတော်မမူ။ ကောင်းကင်ဘုံသော်လည်း ရှေ့တော်၌ မစင်ကြယ်။

ဆာ ၄း၃
၃ ထာဝရဘုရားသည် မိမိသန့်ရှင်းသူ ကို ရွေးထားတော်မူသည်ကို သိမှတ်ကြလော့။ ငါခေါ်၍ လျှောက်သောအခါ၊ ထာဝရဘုရားသည် နားထောင် တော်မူလိမ့်မည်။

ဆာ ၁၆း၃
၃ ပြည်တော်၌ နေသောသန့်ရှင်းသူ နှင့် ထူးဆန်းသောသူတို့ကိုသာ နှစ်သက်ပါ၏။

ဆာ ၃၀း၄
၄ ထာဝရဘုရား၏ သန့်ရှင်းသူတို့၊ ထာဝရဘုရားကို ထောမနာ သီချင်းဆိုကြလော့။ သန့်ရှင်းသော နာမတော်ကို ချီးမွမ်းကြလော့။

ဆာ ၃၁း၂၃
၂၃ ထာဝရဘုရား၏ သန့်ရှင်းသူအပေါင်းတို့၊ ထာဝရဘုရားကို ချစ်ကြလော့။ ထာဝရဘုရားသည် သစ္စာရှိသောသူတို့ကို စောင့်မတော်မူ၏။ မာန ထောင်လွှားသောသူ တို့ကိုကား၊ အပြစ်များစွာ ပေးဆပ်တော်မူသတည်း။

ဆာ ၃၂း၆
၆ ထို့ကြောင့် ကိုယ်တော်ကို တွေ့သင့်သော အချိန်ကာလ၌ သန့်ရှင်းသူအပေါင်းတို့သည် ရှေ့တော်၌ တောင်းလျှောက်ကြပါ လိမ့်မည်။ အကယ်စင်စစ် လွှမ်းမိုးတတ်သော ရေကြီးသည် သူတို့ထံသို့ မချဉ်းရပါ။

ဆာ ၃၄း၉
၉ ထာဝရဘုရား၏ သန့်ရှင်းသူတို့၊ ထာဝရဘုရားကို ကြောက်ရွံ့ကြလော့။ ကြောက်ရွံ့သော သူတို့၌ ဆင်းရဲခြင်းမရှိရာ။

ဆာ ၃ရး၂၈
၂၈ ထာဝရဘုရားသည် တရားကို နှစ်သက်တော်မူ၏။ မိမိသန့်ရှင်းသူ တို့ကိုလည်း စွန့်တော်မမူ။ သူတို့သည် စောင့်မတော်မူခြင်းကို အစဉ်အမြဲ ခံရကြလိမ့်မည်။ မတရားသောသူ၏ သားမြေးတို့မူကား ပယ်ရှင်းခြင်းကို ခံရကြလိမ့်မည်။

ဆာ ၅၂း၉
၉ ကိုယ်တော် စီရင်တော်မူသောကြောင့် အကျွန်ုပ်သည် ကိုယ်တော်ကို ကာလအစဉ်အမြဲ ချီးမွမ်းပါမည်။ ကောင်းမြတ်တော် မူသောကြောင့် ကိုယ်တော်၏ သန့်ရှင်းသူတို့ရှေ့မှာ နာမတော်ကို မြော်လင့်ပါမည်။

ဆာ ရ၉း၂
၂ ကိုယ်တော်၏ကျွန် အသေကောင်တို့ကို မိုးကောင်းကင် ငှက်တို့အား၎င်း၊ ကိုယ်တော်၏ သန့်ရှင်းသူတို့အသားကို တောသားရဲတို့အား၎င်း၊ ကျွေးကြပါပြီ။

ဆာ ၈၅း၈
၈ ထာဝရအရှင် ဘုရားသခင် အဘယ်သို့ မိန့်တော်မူမည်ကို ငါနားထောင်မည်။ အကယ်စင်စစ် မိမိလူ၊ မိမိသန့်ရှင်းသူတို့အား ငြိမ်သက်ခြင်းအကြောင်းကို မိန့်တော်မူလိမ့်မည်။ သို့ရာတွင်၊ နောက်တဖန် မိုက်သောအကျင့်ကို မကျင့်ကြပါစေနှင့်။

ဆာ ၈၆း၂
၂ အကျွန်ုပ်၏ ဘုရားသခင်၊ သန့်ရှင်းသူတို့ အဝင်ဖြစ်သော အကျွန်ုပ်၏ ဝိညာဉ်ကို စောင့်မ၍၊ ကိုယ်တော်ကို ကိုးစားသော ကိုယ်တော်၏ကျွန်ကို ကယ်တင်တော်မူပါ။

ဆာ ၈၉း၅-ရ
၅ အိုထာဝရဘုရား၊ ကောင်းကင်သည် အံ့ဘွယ်သော အမှုတော်ကို၎င်း၊ သန့်ရှင်းသူတို့သည် စည်းဝေးလျက် သစ္စာတော်ကို၎င်း ချီးမွမ်းကြပါစေသော်။

ဆာ ၈၉း၁၉
၁၉ တရံရောအခါ ကိုယ်တော်၏ သန့်ရှင်းသူတို့ကို ဗျာဒိတ်တော်အားဖြင့် မိန့်မြွက်တော်မူသည်ကား၊ အားကြီးသောသူသည် ကူမမည်အကြောင်း ငါခန့်ထားပြီ။ လူစုထဲက ရွေးကောက်သောသူ တယောက်ကို ငါချီးမြှောက်ပြီ။

ဆာ ၉ရး၁၀
၁၀ ထာဝရဘုရားကို ချစ်တော်မူသောသူတို့၊ မကောင်း သောအမှုကို ရွံရှာကြလော့။ ကိုယ်တော်၏ သန့်ရှင်းသူတို့၏ အသက်ဝိညာဉ်ကို စောင့်မတော်မူ၍၊ မတရားသောသူတို့၏ လက်မှလည်း ကယ်နှုတ်တော်မူ၏။

ဆာ ၁၀၆း၁၆
၁၆ ထိုသူတို့သည်လည်း၊ တပ်ထဲမှာ မောရှေကို၎င်း၊ ထာဝရဘုရား၏ သန့်ရှင်းသူ အာရုန်ကို၎င်း ငြူစူကြ၏။

ဆာ ၁၁၆း၁၅
၁၅ ထာဝရဘုရား ရှေ့တော်၌ မိမိသန့်ရှင်းသူတို့၏ သေခြင်းအရာသည် အဘိုးကြီးလှ၏။

ဆာ ၁၃၂း၉
၉ ကိုယ်တော်၏ ယဇ်ပုရောဟိတ်တို့သည် ဖြောင့်မတ်ခြင်း တန်ဆာကိုဆင်၍၊ ကိုယ်တော်၏ သန့်ရှင်းသူတို့သည် ရွှင်လန်းစွာ သီချင်းဆိုကြပါစေသော်။

ဆာ ၁၃၂း၁၆
၁၆ သူ၏ ယဇ်ပုရောဟိတ်တို့ကို ကယ်တင်ခြင်း တန်ဆာကို ဆင်စေသဖြင့်၊ သူ၌ သန့်ရှင်းသူတို့သည် ရွှင်လန်းသော သီချင်းကို ရွှင်လန်းစွာ ဆိုရကြလိမ့်မည်။

ဆာ ၁၄၅း၁၀
၁၀ အိုထာဝရဘုရား ဖန်ဆင်းတော်မူသမျှတို့သည် ဂုဏ်တော်တို့ကို ပြ၍ ကိုယ်တော်၏ သန့်ရှင်းသူတို့သည် ကောင်းကြီး ပေးကြပါ၏။

ဆာ ၁၄၈း၁၄
၁၄ မိမိလူစုတို့၏ ဦးချိုကို ချီးမြှင့်တော်မူသဖြင့် အနီးတော်၌ ရှိသောလူစု၊ ဣသရေလ အမျိုးသားတည်းဟူသော မိမိသန့်ရှင်းသူ အပေါင်းတို့၏ ချီးမွမ်းရာ ဖြစ်တော်မူ၏။ ဟာလေလုယ။

ဆာ ၁၄၉း၁
၁ ထာဝရ ဘုရားရှေ့တော်၌ အသစ်သော သီချင်းကိုဆို၍၊ သန့်ရှင်းသူတို့ စည်းဝေးရာ၌ ဂုဏ်တော်ကို ချီးမွမ်းကြလော့။

သု ၂း၈
၈ မိမိသန့်ရှင်းသူတို့သည် တရားလမ်းကို စောင့်ရှောက်မည်အကြောင်း၊ သူတို့၏ လမ်းခရီးကို လုံခြုံစေတော်မူ၏။

ဟေရှာယ ၆၃း၁၈
၁၈ ကိုယ်တော်၏ သန့်ရှင်းသူတို့သည် ခဏသာ အစိုးရပြီးမှ၊ ရန်သူတို့သည် သန့်ရှင်းရာဌာနတော်ကို ကျော်နင်းကြသည်ဖြစ်၍၊ အကျွန်ုပ်တို့သည် ကိုယ်တော် မအုပ်စိုးဘူးသောသူ ကဲ့သို့၎င်း၊ နာမတော်ဖြင့် သမုတ်ခြင်းကို မခံဘူးသောသူ ကဲ့သို့၎င်း၊ ဖြစ်ကြပါ၏။

ဒံ ၄း၁၃
၁၃ အိပ်ပျော်၍ မြင်မက်စဉ်၊ တဖန် ငါကြည့်ရှုပြန်လျှင်၊ သစ်ပင်စောင့် တည်းဟူသော သန့်ရှင်းသူ တစ်ယောက်သည် ကောင်းကင်မှ ဆင်းလာ၍၊

ဒံ ၄း၁ရ
၁၇ အကြောင်းမူကား၊ အမြင့်ဆုံးသော ဘုရားသည် လောကီနိုင်ငံကို အုပ်စိုးတော်မူသည်ကို၎င်း၊ ပေးလိုသောသူတို့အား ပေးတော်မူသည်ကို၎င်း၊ ယုတ်မာသောသူတို့ကို ချီးမြှောက်၍ နိုင်ငံကို အပ်ပေးတော်မူသည်ကို၎င်း၊ သတ္တဝါတို့ သိနားလည်သော အခွင့်ရှိစေခြင်းငှါ၊ သစ်ပင်စောင့်တို့သည် ဤသို့ စီရင်ကြပြီ။ သန့်ရှင်းသူတို့သည် အမိန့်တော်ကို ပေးကြပြီ၊ ဟုဟစ်ကြော်လေ၏။

ဒံ ၄း၂၃
၂၃ သစ်ပင်စောင့်၊ သန့်ရှင်းသူ တစ်ယောက်သည် ကောင်းကင်မှ ဆင်းလာ၍၊ သစ်ပင်ကို ခုတ်လှဲဖျက်ဆီးလော့။ သို့သော်လည်း၊ မြေကြီး၌ စွဲသောအမြစ်နှင့်တကွ သစ်ငုတ်ကို ခြွင်းထား၍ သံကြိုး၊ ကြေးဝါကြိုးနှင့် ချည်နှောင်သကဲ့သို့ နုသော မြက်ပင်ထဲ၌ ရှိစေလော့။ ခုနစ်နှစ်ပတ်လုံး မိုးစွတ်ခြင်းကိုခံ၍၊ မြေတိရစ္ဆာန်တို့နှင့် ဆက်ဆံစေ၊ ဟုဆိုသည်မှာ၊

ဒံ ရး၁၈
၁၈ သို့သော်လည်း၊ အမြင့်ဆုံးသော ဘုရား၏ သန့်ရှင်းသူတို့သည် နိုင်ငံကိုသိမ်းယူ၍ ကမ္ဘာအဆက်ဆက် စံစားကြလတံ့၊ ဟုအနက်အဓိပ္ပါယ်ကို ကြားပြော၏။

ဒံ ရး၂၅
၂၅ အမြင့်ဆုံးသောဘုရားကို ဆန့်ကျင်ဘက်ပြု၍၊ ကြီးစွာသော စကားကို ပြောလိမ့်မည်။ အမြင့်ဆုံးသောဘုရား၏ သန့်ရှင်းသူတို့ကို ညှဉ်းဆဲ နှိပ်စက်လိမ့်မည်။ ကာလအချိန်နှင့် ပညတ်တရားတို့ကို ပြောင်းလဲစေခြင်းငှါ ကြံစည်လိမ့်မည်။ တကာလ၊ နှစ်ကာလ၊ ကာလတဝက်ပတ်လုံး သူသည် အခွင့်ရလိမ့်မည်။

ဒံ ၈း၁၃
၁၃ ထိုအခါ သန့်ရှင်းသူတပါး၏ စကားပြောသံကို ငါကြား၏။ သန့်ရှင်းသူတပါးက၊ ယခင်ပြောသောသူကို ဟစ်၍၊ သန့်ရှင်းရာ ဌာနနှင့် ဗိုလ်ခြေကို နင်းခြင်းအလိုငှာ နေ့ရက်အစဉ် ပြုသောဝတ်ကို ပယ်ခြင်းနှင့်၎င်း၊ ဖျက်ဆီးတတ်သော လွန်ကျူးခြင်းနှင့်၎င်း၊ စပ်ဆိုင်သော ဗျာဒိတ်ရူပါရုံသည် အဘယ်မျှ ကာလပတ်လုံး တည်လိမ့်မည်နည်း၊ ဟုမေးမြန်းလျှင်၊

ဇာခရိ ၁၄း၅
၅ သင်တို့သည် ငါ့တောင်ကြား ချိုင့်လမ်းဖြင့် ပြေးကြလိမ့်မည်။ ထိုချိုင့်သည် အာဇလမြို့တိုင်အောင် မှီလိမ့်မည်။ ယုဒရှင်ဘုရင် ဩဇိမင်းလက်ထက်၊ မြေကြီးလှုပ်၍ သင်တို့သည် ပြေးသကဲ့သို့ တဖန်ပြေးကြလိမ့်မည်။ ငါ၏ ဘုရားသခင် ထာဝရဘုရား၊ ကြွလာတော်မူ၍၊ မိမိသန့်ရှင်းသူ အပေါင်းတို့သည် ပါကြလိမ့်မည်။

မဿဲ ၂ရး၅၂
၅၂ သင်္ချိုင်းတွင်းတို့သည် ပွင့်လှစ်သဖြင့်၊ ကျိန်းစက်လျက် ရှိသော သန့်ရှင်းသူတို့၏ အလောင်း များစွာတို့သည် ထကြ၍၊

တမန် ၉း၁၃
၁၃ အာနနိကလည်း၊ သခင်ဘုရား၊ ထိုသူသည် ယေရုရှလင်မြို့၌ ကိုယ်တော်၏ သန့်ရှင်းသူတို့ကို၊ အဘယ်မျှလောက်ပင် ညှဉ်းဆဲသည်ကို၊ လူများပြော၍ အကျွန်ုပ်ကြားရပါပြီ။

တမန် ၉း၃၂
၃၂ ပေတရုသည် အရပ်ရပ်တို့ကို လှည့်လည်သည်တွင်၊ သန့်ရှင်းသူတို့ရှိရာ လုဒ္ဒမြို့သို့ ရောက်လေ၏။

တမန် ၉း၄၁
၄၁ ပေတရုသည် မိမိလက်ကို သူ့အားပေး၍ ချီကြွပြီးမှ၊ သန့်ရှင်းသူတို့နှင့် မုဆိုးမတို့ကို ခေါ်၍၊ အသက်ရှင်လျက် ရှိသော ထိုမိန်းမကို ပြလေ၏။

တမန် ၂၆း၁၀
၁၀ ယေရုရှလင်မြို့၌ ထိုအမှုကိုပြုမိပါ၏။ ယဇ်ပုရောဟိတ် အကြီးတို့ထံ၌ အခွင့်ရပြီးလျှင်၊ သန့်ရှင်းသူအများတို့ကို ထောင်ထဲမှာ လှောင် ထားပါ၏။ သူတို့သည် အသေသတ်ခြင်းကို ခံရသောအခါ၊ အကျွန်ုပ်သည် ဝန်ခံပါ၏။

ရော ၁း၆
၆ သန့်ရှင်းသူအရာ၌ ခန့်ထားသော၊ ရောမမြို့သူမြို့သားအပေါင်းတို့ကို ကြားလိုက်ပါ၏။

ရော ၈း၂ရ
၂၇ စိတ်နှလုံးကို စစ်တော်မူသော သူသည်လည်း၊ ဝိညာဉ်တော်၏ စိတ်သဘောကို သိတော်မူ၏။ အကြောင်းမူကား၊ ဝိညာဉ်တော်သည်၊ သန့်ရှင်းသူတို့၏ ဆုတောင်းခြင်း အမှုကို၊ ဘုရားသခင်၏ အလိုတော်နှင့်အညီ စောင့်မတော်မူ၏။ sယုံကြည်သူများသည် ဘုရားသားနှင့် ညီစေခြင်းငှာ

ရော ၁၂း၁၃
၁၃ သန့်ရှင်းသူတို့သည် ဆင်းရဲသောအခါ ဝေငှပေးကမ်းကြလော့။ အာဂန္တုတို့အား ဧည့်သည်ဝတ်ကို ကြိုးစား၍ပြုကြလော့။

ရော ၁၅း၂၅-၂၆
၂၅ ယခုအခါ သန့်ရှင်းသူတို့ကို လုပ်ကျွေး၍၊ ယေရုရှလင်မြို့သို့ ငါသွားရမည်။

ရော ၁၅း၃၁
၃၁ ယုဒပြည်၌ ငြင်းဆန်သောသူတို့လက်မှ ငါလွတ်မည်အကြောင်း၊ ယေရုရှလင်မြို့အား ငါလုပ်ကျွေးခြင်းအမှုကို သန့်ရှင်းသူတို့သည် နှစ်သက်မည်အကြောင်း၊ ညီအစ်ကိုတို့၊ သင်တို့သည် ငါနှင့်အတူ ကြိုးစားအားထုတ်၍၊ ငါ့အဘို့အလိုငှါ ဘုရားသခင်ကို ဆုတောင်းပဌနာပြုကြလော့၊ ဟုငါတို့သခင်ယေရှုခရစ်နှင့် ဝိညာဉ်တော်၏ မေတ္တာကရုဏာကို အကြောင်းပြု၍၊ သင်တို့ကို ငါတိုက်တွန်း နှိုးဆော်ပါ၏။

ရော ၁၆း၂
၂ သန့်ရှင်းသူတို့သည် ပြုသင့်သည်အတိုင်း၊ သခင်ဘုရားကိုထောက်၍ ထိုသူကိုလက်ခံကြလော့။ သူသည် အကူအမလိုသမျှသော အမှုတို့၌ ၊ သူ့ကိုကူမကြလော့။ အကြောင်းမူကား၊ သူသည် များစွာသောသူတို့ကို၎င်း၊ ငါ့ကို၎င်း၊ မစသော သူဖြစ်၏။

ရော ၁၆း၁၅
၁၅ ဖိလောလုပ်(Philologus)၊ ယုလိ(Julia)၊ နေရု(Nereus)၊ နေရုနှမနှင့်ဩလုမ္ပ (Olympas)မှစ၍၊ သူတို့နှင့်အတူနေသော သန့်ရှင်းသူအပေါင်းတို့ကို၊ နှုတ်ဆက်ကြလော့။

၁ ကော ၁း၂
၂ ယေရှုခရစ်အားဖြင့် အပြစ်နှင့်ကင်းစင်၍၊ သန့်ရှင်းသူအရာ၌ ခန့်ထားသောသူ တည်းဟူသော၊ ကောရိန္သုမြို့၌ ရှိသောဘုရားသခင်၏ အသင်းတော်မှစ၍၊ ခပ်သိမ်းသောအရပ်၌ ငါတို့သခင် ယေရှုခရစ်ကို၊ ပဌနာပြုသောသူ အပေါင်းတို့ကို ကြားလိုက်ပါ၏။

၁ ကော ၆း၁-၂
၁ သင်တို့သည် အချင်းချင်းအမှုရှိလျှင်၊ သန့်ရှင်းသူတို့ရှေ့၌ တရားစီရင်ခြင်းကိုမခံဘဲ၊ သာသနာပလူတို့ရှေ့၌ ခံဝံ့သောသူ တစုံတယောက်ရှိသလော။

၁ ကော ၁၄း၃၃
၃၃ ဘုရားသခင်သည် ရုန်းရင်းခတ်သောအမှုကို ပြုစုတော်မမူ။ သန့်ရှင်းသူတို့၏ အသင်းတော် အပေါင်းတို့၌ ဖြစ်သကဲ့သို့ အသင့်အတင့် ငြိမ်ဝပ်ခြင်းကို ပြုစုတော်မူ၏။ sခပ်သိမ်းသောအမှုကို တင့်တယ်လျောက်ပတ်စွာပြုကြလော့

၁ ကော ၁၆း၁
၁ သန့်ရှင်းသူတို့အဘို့ လှူဒါန်း၍ စုထားခြင်းအမှုမှာ၊ ဂလာတိပြည်၌ အသင်းတော်များကို ငါမှာထားသည်အတိုင်း သင်တို့ပြုကြလော့။

၁ ကော ၁၆း၁၅
၁၅ ညီအစ်ကိုတို့၊ သတေဖန်၏ အိမ်သူအိမ်သားတို့သည်၊ အခါယပြည်တွင် အဦးသီးသော အသီးဖြစ်၍၊ သန့်ရှင်းသူတို့၏ အမှုကို ဆောင်ရွက်ခြင်းငှါ၊ ကိုယ်ကိုကိုယ် အပ်ကြောင်းကို သင်တို့သိကြသည်နှင့်အညီ၊

၂ ကော ၁း၁
၁ ဘုရားသခင်၏ အလိုတော်အားဖြင့်၊ ယေရှုခရစ်၏ တမန်တော်ဖြစ်သော ငါပေါလုနှင့် ငါ့ညီ တိမောသေသည်၊ ကောရိန္သုမြို့၌ရှိသော ဘုရားသခင်၏ အသင်းတော်မှစ၍၊ အခါယပြည် အရပ်ရပ်တို့၌ရှိသော သန့်ရှင်းသူအပေါင်းတို့ကို ကြားလိုက်ပါ၏။

၂ ကော ၈း၄
၄ သူတို့အလှူဒါနကို ငါတို့သည်ယူ၍ သူတို့နှင့်ကူညီလျက်၊ သန့်ရှင်းသူတို့အားလုပ်ကျွေးခြင်းအမှုကို ဆောင်ရွက်မည်အကြောင်း၊ သူတို့သည် တိုက်တွန်းသွေးဆောင်သော စကားများအားဖြင့်၊ ငါတို့ကို တောင်းပန်ကြ၏။

၂ ကော ၉း၁
၁ သန့်ရှင်းသူတို့ကို လုပ်ကျွေးခြင်း၏ အမှုအရာများကို၊ သင်တို့အား ငါရေး၍ ကြားလိုက်သော် အကျိုးမရှိ။

၂ ကော ၉း၁၂-၁၃
၁၂ အဘယ်သို့နည်းဟူမူကား၊ ဤလုပ်ကျွေးခြင်း အမှုသည် သန့်ရှင်းသူတို့၏ ဆင်းရဲခြင်းကို မ,စသည်သာမက၊ ဘုရားသခင်၏ ကျေးဇူးတော်ကို၊ ချီးမွမ်းစရာ အကြောင်းအများနှင့် ပြည့်စုံလျက်ရှိ၏။

၂ ကော ၁၃း၁၃
၁၃ သန့်ရှင်းသူ အပေါင်းတို့သည် သင်တို့ကို နှုတ်ဆက်ကြ၏။ သခင်ယေရှုခရစ်၏ ကျေးဇူးတော်ကို၎င်း၊ ဘုရားသခင်၏ မေတ္တာတော်၎င်း၊ သန့်ရှင်းသော ဝိညာဉ်တော်၏ မိဿဟာရတော်ကို၎င်း၊ သင်တို့အပေါင်း၌ ရှိစေသတည်း။ အာမင်။ s ကောရိန္သုဩဝါဒစာ ဒုတိယစောင်ပြီး၏။

ဧဖက် ၁း၁
၁ ဘုရားသခင်၏ အလိုတော်အားဖြင့်၊ ယေရှုခရစ်၏ တမန်တော် ဖြစ်သော ငါပေါလုသည်၊ ဧဖက်မြို့၌ နေသော သန့်ရှင်းသူ တည်းဟူသော၊ ယေရှုခရစ်ကို ယုံကြည်သော သူတို့ကို ကြားလိုက်ပါ၏။

ဧဖက် ၁း၁၅
၁၅ ထိုကြောင့် သင်တို့သည် သခင်ယေရှုကို ယုံကြည်ခြင်းနှင့်၊ သန့်ရှင်းသူ အပေါင်းတို့ကို ချစ်ခြင်း အကြောင်းကို၊ ငါသည် ကြားပြီးလျှင်၊

ဧဖက် ၁း၁၈
၁၈ ခေါ်တော်မူသောကြောင့် မျှော်လင့်ရသော အရာကား၊ အဘယ်အရာ ဖြစ်သည်ကို၎င်း၊ သန့်ရှင်းသူတို့သည် ခံရသော အမွေတော်၏ ဘုန်းစည်းစိမ်ကား၊ အဘယ်မျှလောက် ကြီးသည်ကို၎င်း၊

ဧဖက် ၂း၁၉
၁၉ ထိုကြောင့်၊ သင်တို့သည် တစ်ကျွန်း တနိုင်ငံသား မဟုတ်၊ ဧည့်သည်လည်း မဟုတ်၊ သန့်ရှင်းသူတို့၏ အမျိုးသားခြင်း ဖြစ်ကြ၏။ ဘုရားသခင်၏ အိမ်တော်သားလည်း ဖြစ်ကြ၏။

ဧဖက် ၃း၉
၉ သန့်ရှင်းသူ အပေါင်းတို့တွင်၊ အငယ်ဆုံးသောသူ ထက်သာ၍ ငယ်သောငါအား၊ ထိုကျေးဇူးတော်ကို ပေးတော်မူသည်။ s ဘုရားသခင်၏ အကြံတော်ကို အသင်းတော်အားဖြင့်သိဘို့

ဧဖက် ၃း၁၈
၁၈ သင်တို့သည် သန့်ရှင်းသူ အပေါင်းတို့၏ နည်းတူ၊ အနံအလျား အနက်အမြင့်တို့ကို ပိုင်းခြား၍ သိခြင်းငှါ၎င်း၊

ဧဖက် ၄း၁၂
၁၂ သန့်ရှင်းသူတို့ကို ပြင်ဆင်ခြင်းအလိုငှါ၊ ထိုသခင်သည် လူအချို့တို့ကို တမန်တော်အရာ၌၎င်း၊ အချို့တို့ကို ပရောဖက်အရာ၌၎င်း၊ အချို့တို့ကို သာသနာ ပြုအရာ၌၎င်း၊ အချို့တို့ကို သင်းအုပ်အရာ၊ ဆရာအရာ၌၎င်း၊ ခန့်ထားတော်မူ၏။

ဧဖက် ၅း၃
၃ မတရားသော မေထုံ၌ မှီဝဲခြင်း၊ အမျိုးမျိုးသော ကိလေသာ ညစ်ညူးခြင်း၊ လောဘ လွန်ကျူးခြင်း အမှုတို့ကို၊ သန့်ရှင်းသူတို့သည် ရှောင်သင့်သည်အတိုင်း၊ စကားမျှဖြင့် မဆက်ဆံကြနှင့်။

ဧဖက် ၆း၁၈
၁၈ ကာလအစဉ် စိတ်နှလုံးပါလျက်၊ ဆုတောင်း ပဌနာပြုခြင်း အမျိုးမျိုးတို့ဖြင့် ဆုတောင်းကြလော့။ ထိုသို့ဆုတောင်းခြင်းငှါ အားမလျော့ဘဲလျက်၊ ငါမှစ၍ သန့်ရှင်းသူ အပေါင်းတို့အဘို့၊ ဆုတောင်းလျက် စောင့်ရှောက်ကြလော့။

ဖိလိ ၁း၁
၁ ယေရှုခရစ်၏ကျွန် ဖြစ်သော ပေါလုနှင့် တိမောသေသည်၊ ဖိလိပ္ပိမြို့၌ ရှိသောသင်းအုပ်တို့နှင့် သင်းထောက်တို့မှစ၍၊ ယေရှုခရစ်၏ သန့်ရှင်းသူအပေါင်းတို့ကို ကြားလိုက်ပါ၏။

ဖိလိ ၄း၂၁-၂၂
၂၁ ယေရှုခရစ်၌ ရှိသော သန့်ရှင်းသူ အပေါင်းတို့ကို နှုတ်ဆက်ကြလော့။

ကောလော ၁း၂-၃
၂ ကောလောသဲမြို့၌ နေသောသန့်ရှင်းသူတည်းဟူသော၊ ခရစ်တော်ကို ယုံကြည်သော ညီအစ်ကိုတို့ကို ကြားလိုက်ပါ၏။ သခင်ယေရှုခရစ်နှင့်၊ ငါတို့အဘတည်းဟူသော ဘုရားသခင့်အထံတော်က၊ ကျေးဇူးတော်နှင့် ငြိမ်သက်ခြင်းသည် သင်တို့၌ ရှိပါစေသော်။

ကောလော ၁း၁၂
၁၂ အလင်း၌ နေသောသန့်ရှင်းသူတို့၏ အမွေကို၊ ငါတို့သည် ဆက်ဆံ ဝင်စားထိုက်မည်အကြောင်း၊ ကျေးဇူးပြုတော်မူ၏။

ကောလော ၁း၂၅
၂၅ ရှေးကပ်ကာလပတ်လုံး ဝှက်ထားလျက်ရှိသော်လည်း၊ ယခုတွင် သန့်ရှင်းသူတို့အား ဖေါ်ပြသော နက်နဲရာတည်းဟူ သောဘုရားသခင်၏ နှုတ်ကပတ်တရားတော်ကို အကုန်အစင်ဟောပြောစေခြင်းငှါ၊ သင်တို့အကျိုးကိုထောက်၍၊

ကောလော ၁း၂ရ
၂၇ တပါးအမျိုးသားတို့တွင် ဤနက်နဲသောအရာ နှင့်ဆိုင်သော မဟာစည်းစိမ်ကား၊ အဘယ်မျှလောက် ကြီးသည်ကို သန့်ရှင်းသူတို့သည် သိစေခြင်းငှါ၊ ဘုရားသခင် အလိုရှိတော်မူ၏။ ထိုစည်းစိမ်ကား၊ ဘုန်းအသရေကို မြော်လင့်ခြင်းအကြောင်းတည်းဟူသော သင်တို့အထဲ၌ တည်တော်မူသော ခရစ်တော်ပေတည်း။

၁ သက် ၃း၁၂
၁၂ ထိုသခင်သည် မိမိသန့်ရှင်းသူ အပေါင်းတို့နှင့်အတူ ကြွလာတော်မူသောအခါ၊ ငါတို့အဘတည်းဟူသော ဘုရားသခင့်ရှေ့မှာ၊ အပြစ်တင်ခွင့်နှင့် ကင်းလွတ်သောသင်တို့၏ စိတ်နှလုံးကို၊ ကိုယ်တော်သည် သန့်ရှင်းခြင်းပါရမီ၌ မြဲမြံခိုင်ခန့်စိမ့်သောငှါ၊ ငါတို့သည် သင်တို့ကိုချစ်သကဲ့သို့ သင်တို့သည် အချင်းချင်းကို၎င်း၊ သူတပါးအပေါင်းတို့ကို၎င်း ချစ်၍၊ ချစ်ခြင်းမေတ္တာနှင့် အထူးသဖြင့် ကြွယ်ဝပြည့်စုံမည်အကြောင်း သခင်ဘုရား ပြုတော်မူပါစေသော်။

၂ သက် ၁း၉
၉ ထိုသခင်သည် မိမိသန့်ရှင်းသူတို့အားဖြင့်၊ ဂုဏ်အသရေတော် ထင်ရှားခြင်းကို၎င်း၊ ငါတို့သက်သေကို သင်တို့သည် ယုံကြည်သည်ဖြစ်၍၊

၁ တိ ၅း၁၀
၁၀ ကောင်းသောအကျင့်ကို ကျင့်၍ အသရေရှိသောသူ၊ သူငယ်တို့ကို ကျွေးမွေးခြင်း၊ ဧည့်သည်ဝတ်ကိုပြုခြင်း၊ သန့်ရှင်းသူတို့၏ ခြေကိုဆေးခြင်း၊ ဆင်းရဲသောသူတို့ကို လုပ်ကျွေးခြင်း၊ ကောင်းသောအမှုရှိသမျှတို့၌ ကြိုးစားအားထုတ်ခြင်းကို ပြုဘူးသောသူ ဖြစ်လျှင်၊ စာရင်းအင်းဝင်စေ။

ဖိလေ ၁း၄
၄ သင်သည် သခင်ယေရှုခရစ်ကို ယုံကြည်၍၊ သန့်ရှင်းသူအပေါင်းတို့ကို ချစ်သည်၊ ဟုငါသည်ကြားလျှင်၊

ဖိလေ ၁းရ
၇ အချင်းငါ့ညီ၊ သင်သည် သန့်ရှင်းသူတို့၏ စိတ်နှလုံးကို သက်သာစေသောကြောင့်၊ သင်၏မေတ္တာကို ထောက်၍၊ ငါတို့ သည် အလွန်ဝမ်းမြောက် ချမ်းသာခြင်းရှိ၏။

ဟေဗြဲ ၆း၁၀
၁၀ အကြောင်းမူကား၊ သင်တို့သည် သန့်ရှင်းသူတို့ကို အထက်က လုပ်ကျွေးသည်သာမက၊ ယခုပင် လုပ်ကျွေးခြင်းအမှုကို၎င်း၊ ထိုသို့ပြုသောအားဖြင့် နာမတော်ကိုထောက်၍ ပြသောမေတ္တာကို၎င်း၊ ဘုရားသခင်သည် မေ့လျော့သည်တိုင်အောင်၊ အဓမ္မအမှုကို ပြုတော်မူသည်မဟုတ်။

ဟေဗြဲ ၁၃း၂၄
၂၄ သင်တို့ကိုအုပ်သော သူအပေါင်းတို့ကို၎င်း၊ သန့်ရှင်းသူအပေါင်းတို့ကို၎င်း၊ နှုတ်ဆက်ကြလော့။ ဣတလိပြည် (Italy) သူပြည်သားတို့သည် သင်တို့ကိုနှုတ်ဆက်ကြ၏။ သင်တို့အပေါင်း၌ ကျေးဇူးတော်ရှိစေသတည်း။ အာမင်။ s ဟေဗြဲဩဝါဒစာပြီး၏။

၂ ပေ ၁း၂၁
၂၁ အကြောင်းမူကား၊ အနာဂတ္တိစကားသည် လူအလိုအားဖြင့် ဖြစ်ဘူးသည်မဟုတ်။ ဘုရားသခင်၏ သန့်ရှင်းသူတို့သည်၊ သန့်ရှင်းသော ဝိညာဉ်တော်၏ တိုက်တွန်းတော်မူခြင်းကိုခံရ၍ ဟောပြောကြ၏။ %ln ၁၉ %ft(a) φωσφόρος (phōsphoros) ကိုမြန်မာကျမ်းစာအုပ်၌ "ကြယ်နီ" ဟုရေးထားသည်။ ထိုအရာသည် မိုးသောက်ကြယ်ဖြစ်သည်။

ယုဒ ၁း၃
၃ ချစ်သူတို့၊ အညီအမျှ ဆက်ဆံသော ကယ်တင်ခြင်း အကြောင်းအရာကို၊ သင်တို့ထံသို့ ရေး၍ ပေးလိုက်ခြင်းငှါ၊ ငါသည်အ လွန်ကြိုးစား သည်တွင်၊ သန့်ရှင်းသူတို့၌ အထက်က အပ်ပေးခဲ့ပြီးသော ယုံကြည်ခြင်း တရားဘက်မှာ၊ သင်တို့သည် ကြိုးစား၍ တိုက်လှန်စေခြင်းငှါ၊ နှိုးဆော် သွေးဆောင်၍ ရေးလိုက်ရသော အကြောင်းရှိ၏။

ယုဒ ၁း၁၅
၁၅ အတိုင်းမသိများစွာသော မိမိသန့်ရှင်းသူတို့နှင့် တကွ၊ ကြွလာတော်မူ လိမ့်မည်၊ ဟုပရောဖက်ပြု၍ ဟောပြောလေ၏။

ဗျာ ၅း၈
၈ ထိုစာစောင်ကိုခံယူသောအခါ၊ သတ္တဝါလေးပါးနှင့် အသက်ကြီးသူ နှစ်ဆယ်လေးပါးတို့သည်၊ သန့်ရှင်းသူတို့၏ ပဌနာတည်းဟူသော မီးရှို့ရာနံ့သာပေါင်းနှင့် ပြည့်သော ရွှေဖလားတို့ကို၎င်း၊ စောင်းတို့ကို၎င်း၊ အသီးသီးကိုင်၍၊ သိုးသငယ်ရှေ့၌ ပြပ်ဝပ်လျက်၊

၂၃ ထာဝရဘုရား၏ သန့်ရှင်းသူ [C]အပေါင်းတို့၊ ထာဝရဘုရားကို ချစ်ကြလော့။ ထာဝရဘုရားသည် သစ္စာရှိသောသူတို့ကို စောင့်မတော်မူ၏။ မာန ထောင်လွှားသောသူ တို့ကိုကား၊ အပြစ်များစွာ ပေးဆပ်တော်မူသတည်း။ ၂၄ ထာဝရဘုရားကို ကိုးစားသောသူ အပေါင်းတို့၊ အားယူ၍ ရဲရင့်သော စိတ်နှလုံးရှိကြလော့။