၁ ထာဝရဘုရားသည် ကောင်းမြတ်တော်မူ၍၊ ကရုဏာတော် အစဉ်အမြဲ တည်သောကြောင့်၊ ဂုဏ်ကျေးဇူးတော်ကို ချီးမွမ်းကြလော့။ ၂ ကရုဏာတော် အစဉ်အမြဲတည်သည်၊ ဟုဣသရေလ အမျိုးဝန်ခံစေ။ ၃ ကရုဏာတော် အစဉ်အမြဲ တည်သည်၊ ဟုအာရုန်အနွယ်ဝန်ခံစေ။ ၄ ကရုဏာတော် အစဉ်အမြဲတည်သည်၊ ဟုထာဝရဘုရားကို ကြောက်ရွံ့သောသူတို့သည် ဝန်ခံကြစေ။ [A]

ထာ၀ရဘုရားသည် ငါ့ဘက်၌ ရှိတော်မူ၍

၅ ငါသည် ကျဉ်းမြောင်းရာထဲက ထာဝရဘုရားကို ခေါ်၍၊ ထာဝရဘုရားသည် ကျယ်ဝန်းသော အရပ်ထဲသို့ သွင်းတော်မူ၏။ ၆ ထာဝရဘုရားသည် ငါ့ဘက်၌ ရှိတော်မူသည်ဖြစ်၍ ကြောက်စရာမရှိ။ လူသည် ငါ၌ အဘယ်သို့ ပြုနိုင်သနည်း၊ ၇ ထာဝရဘုရားသည် ငါ့ဘက်၌ မစတော်မူသည်ဖြစ်၍၊ ငါ့ကို မုန်းသောသူတို့၌ ငါအလိုကို ပြည့်စုံလိမ့်မည်။

CROSS REFERENCES

၂ ရာဇဝင်ချုပ် ၃၂းရ-၈

၂ ရာဇဝင်ချုပ် ၃၂းရ-၈
၇ ခွန်အားယူ၍ ရဲရင့်ခြင်းရှိကြလော့။ အာရှုရိရှင်ဘုရင်နှင့် သူ၌ပါသော အလုံးအရင်း အပေါင်းတို့ကြောင့် မကြောက်ကြနှင့်။ စိတ်မပျက်ကြနှင့်။ ငါတို့ဘက်၌ နေသောသူတို့သည်၊ သူ့ဘက်၌ နေသောသူတို့ထက် သာ၍များကြ၏။

ဆာ ၄၀း၄
၄ မာန ထောင်လွှားသောသူနှင့် မိစ္ဆာတရားလမ်းသို့ လွဲသွားသောသူတို့ကို မမှီဝဲ ထာဝရဘုရားကို ကိုးစားသောသူသည် မင်္ဂလာရှိ၏။

ဆာ ၁၀၈း၁၂
၁၂ ဒုက္ခနှင့် ကင်းလွတ်စေခြင်းငှါ မစတော်မူပါ။ လူတို့သည် ကယ်တင်ခြင်းငှါ မတတ်နိုင်ကြပါ။ ဘုရားသခင်အားဖြင့် ငါတို့သည် ရဲရင့်စွာ ပြုကြမည်။ ငါတို့၏ ရန်သူများကို ကိုယ်တော်တိုင် နင်းတော်မူမည်။

ဟေရှာယ ၃၁း၁
၁ စစ်ကူတောင်းအံ့သောငှါ အဲဂုတ္တုပြည်သို့ သွား၍၊ မြင်းတို့ကို အမှီပြုလျက် များစွာသော ရထားတို့ကို၎င်း၊ အားကြီးသော မြင်းစီး သူရဲတို့ကို၎င်း ခိုလှုံလျက်၊ ဣသရေလ အမျိုး၏ သန့်ရှင်းသော ဘုရားကိုမမြော်လင့်၊ ထာဝရဘုရားကို မရှာဘဲ နေသောသူတို့သည် အမင်္ဂလာရှိကြ၏။

ဟေရှာယ ၅ရး၁၃
၁၃ ထိုသို့သောအမှုသည် အကျိုးကို မပေးနိုင်။ သင်သည် အော်ဟစ်သောအခါ၊ သင်၏ အလုံးအရင်းတို့သည် ကယ်နှုတ်ကြစေ။ လေသည် သူတို့ကို တိုက်သွားလိမ့်မည်။ လေတမှုတ်နှင့် လွင့်ကြလိမ့်မည်။ ငါ့ကို ကိုးစားသောသူမူကား၊ ပြည်တော်ကိုပိုင်၍၊ ငါ၏ သန့်ရှင်းသော တောင်ကို အမွေခံရလိမ့်မည်။

ယေရမိ ၁ရး၅
၅ ထာဝရဘုရား မိန့်တော်မူသည်ကား၊ လူကိုကိုးစား၍ လူသတ္တဝါကို အမှီပြုသဖြင့်၊ စိတ်နှလုံးထဲ၌ ထာဝရဘုရားထံတော်မှ ထွက်သွားသောသူသည် ကျိန်အပ်သောသူ ဖြစ်၏။

ထာ၀ရဘုရား ကိုးစားခြင်း ပိုကောင်း [B]

၈ ထာဝရဘုရား၌ ခိုလှုံခြင်းသည် လူကို ကိုးစားခြင်းထက်သာ၍ ကောင်း၏။ ၉ ထာဝရဘုရား၌ ခိုလှုံခြင်းသည် မင်းကို ကိုးစားခြင်းထက် သာ၍ကောင်း၏။ ၁၀ လူမျိုးအပေါင်းတို့သည် ငါကို ဝိုင်းကြသော်လည်း၊ ထာဝရဘုရား၏ နာမတော်အားဖြင့် သူတို့ကို ပယ်ဖြတ်ရ၏။ ၁၁ ငါ့ကို ဝိုင်းကြ၏။ ဝိုင်းသော်လည်း ထာဝရဘုရား၏ နာမတော်အားဖြင့်၊ သူတို့ကို ပယ်ဖြတ်ရ၏။ ၁၂ ပျားများကဲ့သို့ ငါ့ကိုဝိုင်း၍ အုံကြသော်လည်း၊ ဆူးပင်ကို လောင်သောမီးကဲ့သို့ ငြိမ်းကြ၏။ ထာဝရဘုရား၏ နာမတော်အားဖြင့် သူတို့ကို ပယ်ဖြတ်ရ၏။ ၁၃ သင်သည် ငါ့ကိုလှဲခြင်းငှါ ပြင်းထန်စွာ တွန်းသော်လည်း၊ ထာဝရဘုရားသည် ငါကိုမစတော်မူ၏။ ၁၄ ထာဝရဘုရားသည် ငါ၏အစွမ်းသတ္တိ၊ ငါသီချင်းဆိုရာအကြောင်း၊ ငါ့ကို ကယ်တင်ခြင်း အကြောင်း ဖြစ်တော်မူ၏။ ၁၅ ဖြောင့်မတ်သောသူတို့၏ နေရာ၌ ဝမ်းမြောက်ခြင်းအသံနှင့် ကယ်တင်ခြင်း အသံရှိ၏။ ထာဝရဘုရား၏ လက်ျာတော်သည် ကြီးသောအမှုကို ပြု၏။ ၁၆ ထာဝရဘုရား၏ လက်ျာလက်တော်သည် ချီးမြှင့်လျက်ရှိ၏။ ထာဝရဘုရား၏ လက်ျာလက်တော်သည် ကြီးသောအမှုကိုပြု၏။

ငါမသေရသေး

၁၇ ငါမသေရသေး။ အသက်ရှင်၍ ထာဝရဘုရား၏ အမှုတော်တို့ကို ကြားပြောရဦးမည်။ ၁၈ ထာဝရဘုရားသည် ငါ့ကိုကျပ်တည်းစွာ ဆုံးမသော်လည်း သေခြင်း၌ အပ်တော်မမူသေး။ ၁၉ ဖြောင့်မတ်ခြင်း တံခါးတို့ကို ငါအားဖွင့်ကြ။ ငါဝင်၍ ထာဝရဘုရား၏ ဂုဏ်တော်ကို ချီးမွမ်းရမည်။ ၂၀ ဤတံခါးသည် ထာဝရဘုရား၏ တံခါးဖြစ်၏။ ဖြောင့်မတ်သောသူတို့သည် ဝင်ရကြ၏။ ၂၁ ကိုယ်တော်ကို အကျွန်ုပ် ချီးမွမ်းပါမည်။ အကြောင်းမူကား ကိုယ်တော်သည် အကျွန်ုပ်၏ စကားကို နားထောင်၍၊ အကျွန်ုပ်ကို ကယ်တင်တော်မူ၏။

လူပယ်သောအရာ ဘုရားက ချီးမြှောက်

CROSS REFERENCES

မဿဲ ၂၁း၄၂
၄၂ ယေရှုကလည်း၊ တိုက်ကို တည်လုပ်သောသူများ ပယ်ထားသော ကျောက်သည်၊ နောက်တဖန် တိုက်ထောင့် အထွဋ်ဖျားသို့ ရောက်ပြန်၏။ ထိုအမှုသည် ထာဝရဘုရား ပြုတော်မူသော အမှုဖြစ်၏ ငါတို့မျက်မှောက်၌လည်း အံ့ဩဘွယ်ဖြစ်၏၊ ဟူသော စကားကို ကျမ်းစာ၌ သင်တို့သည် တရံတခါမျှ မဖတ်ဘူးသလော။

မာကု ၁၂း၁၀-၁၁
၁၀ တိုက်ကိုတည်လုပ်သော သူများပယ်ထားသော ကျောက်သည်၊ နောက်တဖန် တိုက်ထောင့်အထွဋ်ဖျားသို့ ရောက်ပြန်၏။ ထိုအမှုသည် ထာဝရဘုရား ပြုတော်မူသော အမှုဖြစ်၏။

လုကာ ၂၀း၁ရ
၁၇ ကိုယ်တော်သည် ထိုသူတို့ကို ကြည့်ရှု၍၊ တိုက်ကိုတည်လုပ်သောသူများ ပယ်ထားသောကျောက်သည်၊ နောက်တဖန် တိုက်ထောင့်အထွဋ်ဖျားသို့ ရောက်ပြန်၏၊ ဟူသောကျမ်းစာချက်သည် အဘယ်သို့ဆိုလိုသနည်း။

တမန် ၄း၁၁
၁၁ ထိုသခင်ကား၊ သင်တို့သည် တိုက်ကို တည်လုပ်သောအခါ ပယ်ထား၍၊ နောက်တဖန် တိုက်ထောင့် အထွဋ်ဖျားသို့ ရောက်ပြန်သော၊ ကျောက်ဖြစ်တော်မူ၏။ ထိုသခင်မှတပါး အဘယ်သူမျှ ကယ်တင်ခြင်းအမှုကို မတတ်နိုင်။

ဧဖက် ၂း၂၀
၂၀ အဘယ်သို့ နည်းဟူမူကား၊ တမန်တော်မှစ၍ ပရောဖက်များ တည်းဟူသော၊ တိုက်မြစ်အပေါ်၌ သင်တို့သည်၊ ထပ်ဆင့်၍ တည်ဆောက်လျက် ရှိကြ၏။

၁ ပေ ၂းရ-၈
၇ သို့ဖြစ်၍ ယုံကြည်ခြင်းရှိသော သင်တို့၌ကား ဘုန်းအသရေရှိ၏။ နားမထောင်သော သူတို့၌ကား၊ တိုက်ကိုတည်လုပ်သောသူများ ပယ်ထားသော ကျောက်သည်၊ နောက်တဖန် တိုက်ထောင် အထွဋ်အဖျားသို့ ရောက်ပြန်၏။

၂၂ တိုက်ကိုတည်လုပ်သော သူများ ပယ်ထားသော ကျောက်သည် နောက်တဖန် တိုက်ထောင့်အထွဋ်ဖျားသို့ ရောက်ပြန်၏။ [C] ၂၃ ထိုအမှုသည် ထာဝရဘုရား ပြုတော်မူသောအမှု ဖြစ်၏၊ ငါတို့မျက်မှောက်၌လည်း အံ့ဩဘွယ်ဖြစ်၏။ ၂၄ ဤနေ့ရက်သည် ထာဝရဘုရား စီရင်တော်မူသော နေ့ရက်ဖြစ်၍ ယနေ့ ဝမ်းမြောက်ရွှင်လန်း ကြကုန်အံ့။ ၂၅ အိုထာဝရဘုရား ကယ်တင်တော်မူပါ၊ ဟုတောင်းပန်ပါ၏။ အိုထာဝရဘုရား ကောင်းကြီးမင်္ဂလာကို ပေးတော်မူပါ၊ ဟုတောင်း ပန်ပါ၏။

ဘုရားအခွင့်နှင့် ကြွလာသူမင်္ဂလာရှိ

CROSS REFERENCES

မဿဲ ၂၁း၉
၉ ရှေ့နောက်လိုက်သွားသော အခြံအရံများတို့က၊ ဒါဝိဒ်၏ သားတော်အား ဟောရှဏ္ဏ ဖြစ်စေသတည်း။ ထာဝရဘုရား၏ အခွင့်နှင့် ကြွလာတော်မူသော သူသည် မင်္ဂလာရှိစေသတည်း။ ကောင်းကင် ဘဝဂ်ဝယ် ဟောရှဏ္ဏ (Yahweh is salvation) ဖြစ်စေသတည်း၊ ဟုကြွေးကြော်ကြ၏။

မဿဲ ၂၃း၃၉
၃၉ ငါဆိုသည်ကား၊ ထာဝရဘုရား၏ အခွင့်နှင့် ကြွလာသောသူသည်၊ မင်္ဂလာရှိစေသော၊ ဟုသင်တို့ မပြောမှီ တိုင်အောင်၊ ယခုမှစ၍ သင်တို့သည် ငါ့မျက်နှာကို မမြင်ရကြ၊ ဟုမိန့်တော်မူ၏။ %ln

မာကု ၁၁း၉
၉ ရှေ့နောက် လိုက်သွားသောသူတို့က၊ ဟောရှဏ္ဏ ဖြစ်စေသတည်း။ ထာဝရဘုရား၏ အခွင့်နှင့် ကြွလာ တော်မူသောသူသည်၊ မင်္ဂလာရှိစေသတည်း။

လု ၁၃း၃၅
၃၅ သင်တို့နေသောအိမ်သည်၊ သင်တို့၌ လူဆိတ်ညံလျက် ကျန်ရစ်ရ၏။ ငါဆိုသည်ကား၊ ထာဝရဘုရား၏ အခွင့်နှင့် ကြွလာသောသူသည်၊ မင်္ဂလာရှိစေသော၊ ဟုသင်တို့မပြောမှီတိုင် အောင်၊ ယခုမှစ၍ သင်တို့သည် ငါ့မျက်နှာကို မမြင်ရကြ၊ ဟုမိန့်တော်မူ၏။

လု ၁၉း၃၈
၃၈ ထာဝရဘုရား ၏အခွင့်နှင့် ကြွလာတော်မူသော ရှင်ဘုရင်သည်၊ မင်္ဂလာရှိစေသတည်း။ ကောင်းကင်ဘုံ၌ ငြိမ်သက်ခြင်းဖြစ်စေသတည်း။ ကောင်း ကင်ဘဝဂ်ဝယ် ဘုန်းကြီးပါစေသတည်း၊ ဟုကြွေးကြော်ကြ၏။

၂၆ ထာဝရဘုရား၏ အခွင့်နှင့် ကြွလာသောသူသည် မင်္ဂလာ ရှိစေသတည်း။ [D]ထာဝရဘုရား၏ အိမ်တော်ထဲက အကျွန်ုပ်တို့သည် ကိုယ်တော်ကို ကောင်းကြီးပေးကြပါ၏။ ၂၇ ထာဝရဘုရားသည် ဘုရားသခင်ဖြစ်၍ ငါတို့၌ ရောင်ခြည်တော်ကို လွှတ်တော်မူ၏။ ယဇ်တင်ရန် အကောင်ကို ယဇ်ပလ္လင်ဦးချို၌ ကြိုးနှင့်ချည်ကြလော့။ ၂၈ ကိုယ်တော်သည် အကျွန်ုပ်၏ ဘုရားဖြစ်တော်မူ၍ ကိုယ်တော်ကို ချီးမွမ်းပါမည်။ အကျွန်ုပ်၏ ဘုရား ဖြစ်တော်မူ၍ ကိုယ်တော်ကို ချီးမြှောက်ပါမည်။ ၂၉ ထာဝရဘုရားသည် ကောင်းမြတ်တော်မူ၍ ကရုဏာတော် အစဉ်အမြဲတည်သောကြောင့် ဂုဏ်ကျေးဇူးတော်ကို ချီးမွမ်းကြလော့။