ဆာလံကျမ်း

အခန်းကြီး ၁၀၅

ထာ၀ရဘုရားကို ချီးမွမ်းကြလော့

၁ ထာဝရဘုရား၏ ဂုဏ်ကျေးဇူးတော်ကို ချီးမွမ်းကြလော့။ နာမတော်ကို ပဌနာပြုကြလော့။ အမှုတော်တို့ကို လူများတို့အား ပြသကြလော့။ ၂ ထာဝရဘုရားကို သီချင်းဆိုကြလော့။ ဆာလံသီချင်းကို ဆိုကြလော့။ အံ့ဘွယ်သော အမှုတော်အပေါင်းတို့ကို ဟောပြောကြလော့။ ၃ သန့်ရှင်းသော နာမတော်၌ ဝါကြွား ဝမ်းမြောက်ကြလော့။ ထာဝရဘုရားကို ရှာသောသူတို့သည် စိတ်နှလုံး ရွှင်လန်းကြစေ။

ထာဝရဘုရားကို ရှာကြလော့

CROSS REFERENCES

တရားဟော ၄း၂၉
၂၉ သို့သော်လည်း ထိုအရပ်တို့၌ သင်တို့၏ ဘုရားသခင် ထာဝရဘုရားကို တဖန် ရှာလိုသောအခါ၊ စိတ်နှလုံး အကြွင်းမဲ့ရှာလျှင် တွေ့ရကြလိမ့်မည်။

ဆာ ၁၀၅း၄
၄ ထာဝရဘုရားနှင့် တန်ခိုးတော်ကို ရှာကြလော့။ မျက်နှာတော်ကို အစဉ်မပြတ် ရှာကြလော့။

ယေရမိအ ၂၉း၁၃
၁၃ ငါ့ကိုရှာသောအခါ စိတ်နှလုံးအကြွင်းမဲ့နှင့် ရှာလျှင် တွေ့ကြလိမ့်မည်။

ဇေဖနိ ၂း၃
၃ တရားတော်အတိုင်းကျင့်၍ စိတ်နှိမ့်ချသော ပြည်သူပြည်သား အပေါင်းတို့၊ ထာဝရဘုရားကို ရှာကြလော့။ဖြောင့်မတ်ခြင်းနှင့် စိတ်နှိမ့်ချခြင်းကိုလည်း ရှာကြလော့။ ထာဝရဘုရား အမျက် ထွက်တော်မူသောနေ့၌ သင်တို့သည် ပုန်းရှောင်ရာကို တွေ့ကောင်း တွေ့ကြလိမ့်မည်။ sမြို့များကိုသုတ်သင်ပယ်ရှင်းမည်

၄ ထာဝရဘုရားနှင့် တန်ခိုးတော်ကို ရှာကြလော့။ မျက်နှာတော်ကို အစဉ်မပြတ် ရှာကြလော့။ [A]၅ စီရင်တော်မူသော အံ့ဩဘွယ်တို့ကို၎င်း၊ ထူးဆန်းသော အမှုတော်တို့နှင့် နှုတ်ထွက်ပညတ်တို့ကို၎င်း၊ အောက်မေ့ကြလော့။

အာဗြဟံအမျိုး ယာကုပ်အနွယ်

၆ ထာဝရဘုရား၏ကျွန် အာဗြဟံအမျိုး၊ ရွေးကောက်တော်မူသော ယာကုပ်အနွယ်တို့၊ ၇ ကိုယ်တော်မြတ် ထာဝရဘုရားသည် ငါတို့ ဘုရားသခင် ဖြစ်တော်မူ၏။ မြေကြီးတပြင်လုံး၌ တရားစီရင် ပိုင်တော်မူ၏။ ၈ ငါသည် သင်တို့အမွေခံရာဘို့ ခါနာန်ပြည်ကိုသင်၌ ပေးမည်၊ ဟုငါတို့အမျိုးသည် အရေအတွက်အားဖြင့်မများ၊ ၉ အလွန်နည်း၍ ထိုပြည်၌ ဧည့်သည်ဖြစ်လျက် နေသောအခါ၊ ၁၀ အာဗြဟံ၌ ဂတိထား၍၊ ဣဇာက်၌ ကျိန်ဆိုတော်မူလျက်၊ ၁၁ ယာကုပ်၌ မြဲမြံသောတရား၊ ဣသရေလ၌ နိစ္စထာဝရ ပဋိညာဉ် ဖြစ်စေခြင်းငှါ၊ ၁၂ လူမျိုးအဆက် တထောင်တိုင်အောင် မိန့်မြွက်တော်မူသော နှုတ်ကပတ်တည်းဟူသော ဝန်ခံခြင်းတရားတော်ကို အစဉ်အမြဲ အောက်မေ့တော်မူ၏။ ၁၃ သူတို့သည် တမြို့မှတမြို့သို့၎င်း၊ တနိုင်ငံမှ တနိုင်ငံသို့၎င်း၊ လှည့်လည်၍ သွားကြသောအခါ၊ ၁၄ သူတို့ကို ညှဉ်းဆဲစေခြင်းငှါ အဘယ်သူအားမျှ အခွင့်ပေးတော်မမူ၊ သူတို့အတွက်လည်း ရှင်ဘုရင်ကို ဆုံးမလျက်၊ ၁၅ ငါ့ထံ၌ ဘိသိတ်ခံသောသူတို့ကို မထိမခိုက်နှင့်။ ငါ၏ ပရောဖက်တို့ကို အပြစ်မပြုနှင့်၊ ဟုမိန့်တော်မူ၏။

ယောသပ်ကို စေလွှတ်

၁၆ တဖန်တုံ၊ ထိုပြည်၌ မွတ်သိပ်ခြင်းဘေးကိုခေါ်၍၊ အစာအဟာရတည်းဟူသောအထောက်အပင့်ရှိသမျှကိုချိုးဖြတ်တော်မူသောအခါ၊ ၁၇ ကျွန်ဖြစ်စေဘို့အရောင်းခံရသောယောသပ်ကိုသူတို့ရှေ့မှာစေလွှတ်တော်မူ၏။ ၁၈ သူ့ကိုခြေချင်းခတ် ၍သံနှင့်ညှဉ်းဆဲကြသည်။ ၁၉ သူ၏စကားမပြည့်စုံမီတိုင်အောင်၊ ထာဝရဘုရား၏အမိန့်တော်အတိုင်းစုံစမ်းခြင်းကိုခံရ၏။ ၂၀ လူတို့ကိုအစိုးရသောအရှင်တည်းဟူသောရှင်ဘုရင်သည်စေလွှတ်၍၊ သူ့ကိုနှုတ်ပြီးမှချမ်းသာပေးတော်မူ၏။ ၂၁ သူသည်မိမိအလိုရှိသည့်အတိုင်းမင်းအရာရှိတို့ကိုချည်နှောင်၍၊ မှူးတော်မတ်တော်တို့ကိုဆုံးမပိုင်သော ၂၂ အခွင့်နှင့်နန်းတော်အုပ်၊ နိုင်ငံတော်အုပ်အရာ၌ ထိုသူကိုခန့်ထားတော်မူ၏။

ဣသရေလကို အဲဂုတ္တုပြည်မှ ကယ်နှုတ်

CROSS REFERENCES

ထွက် ၁၀း၂၁-၂၂
၂၁ တဖန် ထာဝရဘုရားက၊ အဲဂုတ္တုပြည် တလျှောက်လုံး၌ မှောင်မိုက် သာမည မဟုတ်၊ စမ်းသပ်၍ တွေ့ရသော မှောင်မိုက် ဖြစ်စေခြင်းငှာ၊ သင်၏လက်ကို မိုးကောင်းကင်သို့ ဆန့်လော့၊ ဟုမောရှေအား မိန့်တော်မူသည်အတိုင်း၊

ဆာလံ ၁၀၅း၂၈
၂၈ မှောင်မိုက်ကို စေလွှတ်၍၊ မိုက်မဲစေတော်မူ၏။ သူတို့သည် နှုတ်ကပတ်တော်ကို ဆန့်ကျင်ဘက်မပြုရ။

ယေဇ ၃၂းရ-၈
၇ သင့်ကိုဆုံးစေသောအခါ မိုးကောင်းကင်ကို ငါဖုံးလွှမ်း၍ ကြယ်တို့ကို မိုက်စေရမည်။ နေကိုမိုးအုံစေ၍ လသည်လည်း အလင်းကိုမပေးရ။

မဿဲ ၂ရး၄၅
၄၅ မွန်းတည့်အချိန်မှစ၍ သုံးချက်တီး အချိန်တိုင်အောင် မြေတပြင်လုံး၌ မှောင်မိုက်အတိ ဖြစ်လေ၏။

ဗျာ ၈း၁၂
၁၂ စတုတ္ထကောင်းကင်တမန်သည် တံပိုးမှုတ်သောအခါ၊ နေသုံးစုတစု၊ လသုံးစုတစု၊ ကြယ်သုံးစုတစုကြတ်၍ သုံးစုတစုမိုက်လေ၏။ နေ့သုံးစုတစု၊ ညသုံးစုတစုသည် အလင်းမရှိ။

ဗျာ ၁၆း၁၀
၁၀ ပဥ္စမ ကောင်းကင်တမန်သည် မိမိဖလားကို၊ သားရဲ၏ ပလ္လင်ပေါ်သို့ သွန်းလောင်းလျှင်၊ သူ၏နိုင်ငံသည် မှောင်မိုက်အတိ ဖြစ်လေ၏။ နိုင်ငံသားတို့သည် ပင်ပန်းအားကြီးသည်နှင့်၊ မိမိတို့လျှာကို ကိုက်ခဲကြ၏။

၂၃ ဣသရေလသည်လည်း အဲဂုတ္တုပြည်သို့ ရောက်လာ၍၊ ယာကုပ်သည် ဟာမအမျိုး နေရာပြည်၌ တည်းခို၏။ ၂၄ ဘုရားသခင်သည် မိမိလူတို့ကို အလွန်များပြားစေ၍၊ ရန်သူတို့ထက် အားကြီးစေတော်မူ၏။ ၂၅ မိမိလူတို့ကို ရန်သူတို့သည် မုန်း၍၊ မိမိကျွန်တို့ကို ပရိယာယ် ပြုမည်အကြောင်း၊ ထိုသူတို့စိတ်နှလုံးကို ပြောင်းလဲ စေတော်မူ၏။ ၂၆ တဖန် မိမိကျွန်မောရှေနှင့် ရွေးကောက်တော်မူသော အာရုန်ကို စေလွတ်တော်မူ၏။ ၂၇ အဲဂုတ္တုပြည်သားတို့တွင် လက္ခဏာ သက်သေတော်တို့ကိုပြ၍၊ ဟာမအမျိုး နေရာပြည်၌ အံ့ဘွယ်သောအမှုတို့ကို ပြုကြ၏။ ၂၈ မှောင်မိုက်ကို စေလွှတ်၍၊ မိုက်မဲစေတော်မူ၏။ [B] သူတို့သည် နှုတ်ကပတ်တော်ကို ဆန့်ကျင်ဘက်မပြုရ။ ၂၉ သူတို့ရေများကို အသွေးဖြစ်စေ၍၊ ငါးများကို သေစေတော်မူ၏။ ၃၀ သူတို့မြေသည် များစွာသော ဖားတို့ကို မင်းအိပ်ရာ အခန်းတို့၌ ပင်ဖွားလေ၏။ ၃၁ အမိန့်တော်ရှိ၍ ယင်ရဲနှင့်ခြင်တို့သည် တပြည်လုံးကို နှံပြားကြ၏။ ၃၂ မိုးရေအစား မိုးသီးကို၎င်း၊ သူတို့မြေပေါ်မှာ မီးလျှံကို၎င်း ပေးတော်မူ၏။ ၃၃ သူတို့ စပျစ်နွယ်ပင်နှင့် သင်္ဘောသဖန်းပင်တို့ကို ထိခိုက်၍၊ တပြည်လုံး၌ ရှိသောသစ်ပင်များကို ချိုးတော်မူ၏။ ၃၄ အမိန့်တော်ရှိ၍ မရေတွက်နိုင်အောင်၊ အရာဘကျိုင်းနှင့် ယာလက်ကျိုင်းတို့သည်လာ၍၊ ၃၅ သူတို့ပြည်မှာ ဟင်းသီးဟင်းရွက် ရှိသမျှတို့ကို၎င်း၊ မြေဩဇာ အသီးအနှံတို့ကို၎င်း ကိုက်စားကြ၏။ ၃၆ သူတို့အစွမ်းသတ္တိ အထွဋ်အမြတ်တည်းဟူသော သူတို့ပြည်မှာ သားဦးအပေါင်းတို့ကို ဒဏ်ခတ်တော်မူသည်။

ဣသရေလကိုကျွေးမွေး

၃၇ မိမိလူတို့ကို ရွှေငွေပါလျက် ထုတ်ဆောင်တော်မူ၍၊ သူတို့အစုစု၌ အားနည်းသော သူတယောက်မျှမရှိ။ ၃၈ အဲဂုတ္တု ပြည်သည် သူတို့ကို ကြောက်သောကြောင့်၊ သူတို့သည် ထွက်သွားသောအခါ တပြည်လုံး ဝမ်းမြောက်၏။ ၃၉ သူတို့အပေါ်မှာ မိုးတိမ်ကိုဖြန့်မိုး၍ ညအခါ လင်းစရာဘို့ မီးကိုပေးတော်မူ၏။ ၄၀ သူတို့သည် တောင်းသောအခါ ငုံးများကို ဆောင်ခဲ့တော်မူ၍၊ သူတို့ကို ကောင်းကင်မုန့်နှင့် ရောင့်ရဲစေတော်မူ၏။ ၄၁ ကျောက်ကိုလည်း ဖွင့်လှစ်တော်မူသဖြင့်၊ ရေသည်ထွက်၍ သွေ့ခြောက် သောအရပ်၌ မြစ်ကဲ့သို့ စီးသွားလေ၏။ ၄၂ အကြောင်းမူကား၊ မိမိကျွန် အာဗြဟံ၌ ထားခဲ့ဘူးသော သန့်ရှင်းသော ဂတိတော်ကို အောက်မေ့တော်မူ၏။ ၄၃ ရွေးကောက်တော်မူသော မိမိလူတို့ကို ဝမ်းမြောက် ရွှင်လန်းခြင်းနှင့်တကွ ထုတ်ဆောင်တော်မူ၏။ ၄၄ သူတို့သည် အထုံးအဖွဲ့တော်တို့ အတိုင်းကျင့်၍၊ ပညတ်တရားတော်ကို စောင့်ရှောက်မည့်အကြောင်း တပါးအမျိုးသားတို့၏ မြေကို ပေးတော်မူသဖြင့်၊ သူတို့သည် အခြားသောလူတို့၏ အလုပ်ထဲသို့ ဝင်စားကြရ၏။ ဟာလေလုယ။