ဆာလံကျမ်း

အခန်းကြီး ၁၀၄

ငါ့ဝိညာဉ် ထာဝရဘုရားကို ကောင်းကြီးပေးလော့

CROSS REFERENCES

ဟေဗြဲ ၁း၇
၇ တနည်းကား၊ မိမိတမန်တို့ကို လေကဲ့သို့၎င်း၊ မိမိအစေအပါတို့ကို မီးလျှံကဲ့သို့၎င်း၊ ဖြစ်စေတော်မူထသော၊ ဟုကောင်းကင်တမန်တို့ကို ရည်ဆောင်၍ ဆိုသတည်း။

၁ အိုငါ့ဝိညာဉ်၊ ထာဝရဘုရားကို ကောင်းကြီးပေးလော့။ အကျွန်ုပ်၏ ဘုရားသခင် ထာဝရဘုရား ကိုယ်တော်သည် အလွန်ကြီး မြတ်တော်မူ၏။ ဘုန်းတန်ခိုး အာနုဘော်နှင့် တန်ဆာဆင်တော်မူ၏။ ၂ အဝတ်နှင့်ခြုံသကဲ့သို့၊ အလင်းနှင့် ကိုယ်တော်ကို ခြုံတော်မူထသော၊ မိုးကောင်းကင်ကို မျက်နှာကြက်ကဲ့သို့ ကြက်တော်မူထသော၊ ၃ နေတော်မူရာအထက်ခန်း၊ အမြစ်ကိုရေ၌ တည်တော်မူသော၊ မိုးတိမ်ရထားကိုစီး၍ လေအတောင်တို့ဖြင့် ကြွသွားတော်မူထသော၊ ၄ မိမိတမန်တို့ကို လေကဲ့သို့၎င်း၊ မိမိအစေအပါးတို့ကို မီးလျှံကဲ့သို့၎င်း၊ ဖြစ်စေတော်မူထသော၊ [A] ၅ မြေကြီးအမြစ်ကို ကာလအစဉ်အမြဲ မရွေ့ မလှုပ်ရှားစေခြင်းငှါ၊ တည်တော်မူသော ဘုရားပေတည်း။

ဘုရားသည် ပင်လယ်နှင့်တောင်များအပေါ် လွှမ်းမိုး

၆ ကိုယ်တော်သည် မြေကြီးကို အဝတ်နှင့် ဖုံးသကဲ့သို့ ပင်လယ်နှင့် ဖုံးတော်မူ၍၊ ရေတို့သည် တောင်များအပေါ်မှာ ရပ်နေကြပါ၏။ ၇ တဖန်ဆုံးမတော်မူ၍ သူတို့သည် ပြေးကြပါ၏။ မိုးချုန်းတော်မူသံကိုကြား၍၊ အလျှင်အမြန် ပြန်သွားကြပါ၏။၈ တောင်တို့သည် တက်လျက်၊ ချိုင့်တို့သည် ဆင်းလျက်၊ သူတို့ဘို့ ခွဲတော်မူသော အရပ်သို့ ရောက်ကြပါ၏။ ၉ ရေတို့သည် ပြန်လာ၍ မြေကြီးကို မလွှမ်းမိုးစေခြင်းငှါ၊ မကျော်ရသော နယ်စပ်ကို ပိုင်းခြားတော်မူ၏။

ထာ၀ရဘုရားသည် အပင်နှင့် တိရစ္ဆာန်များဖန်ဆင်း

၁၀ ထာဝရဘုရားသည် ချိုင့်များထဲသို့ စမ်းရေကို လွှတ်တော်မူ၍၊ ရေသည် တောင်တို့တွင် စီးလျက်၊ ၁၁ မြေတိရစ္ဆာန် အပေါင်းတို့အား သောက်ရသော အခွင့်ကိုပေး၏။ မြည်းရိုင်းတို့သည် အငတ်ပြေရကြ၏။ ၁၂ ထိုရေအနားမှာ မိုးကောင်းကင်ငှက်တို့သည် နေရာကျ၍၊ သစ်ပင်အခက်အလက်တို့တွင် ကြွေးကြော်ကြ၏။ ၁၃ အထက်ခန်းတော်ထဲက တောင်များကို ရေပေးတော်မူ၏။ စီရင် ပြုပြင်တော်မူခြင်း အကျိုးကြောင့်၊ မြေကြီးသည် ရောင့်ရဲလျက်ရှိ၏။ ၁၄ တိရစ္ဆာန်ဘို့ မြက်ပင်ကို၎င်း၊ လူသုံးဘို့ စပါးပင်ကို၎င်း၊ ပေါက်စေတော်မူသဖြင့်၊ မြေကြီးထဲကမုန့်ကို ထုတ်ဖော်တော်မူ၏။ ၁၅ စပျစ်ရည်သည်လည်း လူတို့ကို ရွှင်လန်းစေ၏။ ဆီအားဖြင့်လည်း သူတို့မျက်နှာကို ပြောင်စေတော်မူ၏။ မုန့်သည်လည်း၊ သူတို့နှလုံးကို ထောက်မ၏။ ၁၆ ထာဝရဘုရား၏ သစ်ပင်၊ စိုက်တော်မူသော လေဗနုန် အာရဇ်ပင်တို့သည်လည်း ရောင့်ရဲလျက်ရှိကြ၏။ ၁၇ ထိုအပင်တို့၌ ငှက်တို့သည် အသိုက် လုပ်တတ်ကြ၏။ ထင်းရှူးပင်တို့၌ တောငန်းတို့သည် နေရာကျတတ်ကြ၏။ ၁၈ မြင့်သောတောင်တို့သည် တောဆိတ်များမှီခိုရာ၊ ကျောက်တို့သည် ရှာဖန်ယုန်များ မှီခိုရာဖြစ်ကြ၏။

နေနှင့်လလည်းဖန်ဆင်း

CROSS REFERENCES

ကမ္ဘာ ၁း၁၄

ကမ္ဘာ ၁း၁၄
၁၄ တဖန်ဘုရားသခင်က၊ နေ့နှင့်ညကို ပိုင်းခြားစေခြင်းငှါ၊ မိုးကောင်းကင် မျက်နှာကြက်၌ အလင်းအိမ်တည်စေ၊ နိမိတ်လက္ခဏာ၊ ချိန်းချက်သောအချိန်၊ နေ့ရက်အပိုင်းအခြား၊ နှစ်အပိုင်းအခြားဖို့ဖြစ်စေ။

၁၉ ချိန်းချက်သော အချိန်ဘို့၊ လကို ဖန်ဆင်းတော်မူပြီ။ [B] နေသည်လည်း မိမိဝင်ရသော အချိန်ကိုသိ၏။ ၂၀ ကိုယ်တော်သည် မှောင်မိုက်ကို စီရင်တော်မူ၍ ညဖြစ်ပါ၏။ ထိုအချိန်၌ တောတိရစ္ဆာန် အပေါင်းတို့သည် တွားလျက် ထွက်တတတ်ကြပါ၏။ ၂၁ ခြင်္သေ့ပျိုတို့သည် လုယက်ခြင်းအလို့ငှါ ဟောက်၍၊ ဘုရားသခင်ထံမှာ အစာကို ရှာကြ၏။ ၂၂ တဖန် နေထွက်ပြန်လျှင်၊ သူတို့သည် ဆုတ်သွား၍ နေမြဲတွင်းတို့၌ အိပ်နေကြပါ၏။ ၂၃ လူသည်လည်း လုပ်ဆောင်ပြုမူခြင်းငှါ ညဦးတိုင်အောင် ထွက်သွားပါ၏။ ၂၄ အိုထာဝရဘုရား၊ ကိုယ်တော် စီရင်ပြုပြင်တော်မူသော အရာတို့သည် အလွန်များပြားပါ၏။ ရှိရှိသမျှတို့ကို ပညာတော်အားဖြင့် ဖန်ဆင်းတော်မူ၏။ မြေကြီးသည် ဘဏ္ဍာတော်နှင့် ကြွယ်ဝပါ၏။

သမုဒ္ဒရာကိုလည်းဖန်ဆင်း

CROSS REFERENCES

ယောဘ ၄၁း၁
၁ လဝိသန်%fo(a)ကို ငါးမျှားနှင့်ဆွဲယူ၍ သူ၏လျှာကို ကြိုးနှင့် နှိပ်နင်းမည်လော။

ယောဘ ၄၁း၁၂
၁၂ လဝိသန်၏ အင်္ဂါများ၊ ခွန်အား၊ တင့်တယ်သော တန်ဆာတို့ကို ငါသည်ဝှက်၍မထား၊၊

ဆာ ၇၄း၁၄
၁၄ လဝိသန်၏ ဦးခေါင်းတို့ကို နှိပ်စက်၍ တောတွင်းသားတို့ စားစရာဘို့ အပ်ပေးတော်မူပြီ။

ဆာ ၁၀၄း၂၆
၂၆ ထိုအရပ်၌ သင်္ဘောတို့ သွားလာကြပါ၏။ ထိုအရပ်၌ ကွန့်မြူးစေခြင်းငှါ ဖန်ဆင်းတော်မူသော ငါးကြီးလဝိသန်သည်လည်း ရှိပါ၏။

ဟေရှာယ ၂၇း၁
၁ ထိုကာလ၌ ထာဝရဘုရားသည် ပြေးတတ်သော မြွေလဝိသန်ကို၎င်း၊%fo(a) လိမ်သော မြွေလဝိသန်ကို၎င်း၊ ခိုင်ခံ့ကြီးမားသော ဓါးတော်နှင့် ဒဏ်ပေး၍၊ ပင်လယ်၌ ရှိသော နဂါး ကိုလည်း သတ်တော်မူလိမ့်မည်၊၊ sဥယျာဉ်တော်စောင့် ထာ၀ရဘုရား

CROSS REFERENCES

ကမ္ဘာ ၃း၁၉
၁၉ သင်ထွက်ရာမြေသို့ မပြန်မှီတိုင်အောင်၊ သင်၏မျက်နှာမှ ချွေးထွက်လျက် အစာကိုစားရမည်။ အကြောင်းမူကား၊ သင်သည် မြေမှုန့်ဖြစ်၍ မြေမှုန့်သို့ပြန်ရမည်၊ ဟုမိန့်တော်မူ၏။sလူလင်မယားကို အဝတ်ပေး၍ ဥယျာဉ်မှနှင်ထုတ်

ဆာလံ ၉၀း၃
၃ လူမျိုးကိုကား၊ ကြေမွစေတော်မူ၏။ အချင်းလူသားတို့ မြေမှုန့်သို့ ပြန်ကြလော့၊ ဟုမိန့်တော်မူ၏။

ဆာ ၁၀၃း၁၄
၁၄ အကြောင်းမူကား၊ ငါတို့ကိုယ်ခန္ဓာကို သိတော်မူ၏။ ငါတို့သည် မြေမှုန့်ဖြစ်ကြောင်းကို အောက်မေ့တော်မူ၏။

ဒေသနာ ၁၂းရ
၇ ထိုကာလ၌ မြေမှုန့်သည် နေရင်းမြေသို့၎င်း၊ ဝိညာဉ်သည် အရင်ပေးသော ဘုရားသခင်ထံသို့၎င်း၊ ပြန်သွားရလိမ့်မည်။

၂၅ မရေတွက်နိုင်အောင် တွားသွားသော တိရစ္ဆာန် အစရှိသော တိရစ္ဆာန် အကြီးအငယ်များတို့နေရာ ကြီးမား ကျယ်ဝန်းသော သုမုဒ္ဒရာလည်း ရှိပါသေး၏။ ၂၆ ထိုအရပ်၌ သင်္ဘောတို့ သွားလာကြပါ၏။ ထိုအရပ်၌ ကွန့်မြူးစေခြင်းငှါ ဖန်ဆင်းတော်မူသော ငါးကြီးလဝိသန် [C]သည်လည်း ရှိပါ၏။ ၂၇ ထိုသို့သော တိရစ္ဆာန် အပေါင်းတို့သည် အချိန်တန်လျှင် အစာကျွေး တော်မူစေခြင်းငှါ၊ ကိုယ်တော်ကို မျှော်လင့်လျက် နေကြပါ၏။ ၂၈ ကိုယ်တော် ချထားတော်မူသည်အတိုင်း သူတို့သည် သိမ်းယူကြပါ၏။ လက်တော်ကို ဖွင့်တော်မူသောအားဖြင့်၊ သူတို့သည် ကောင်းသောအရာနှင့် ရောင့်ရဲကြပါ၏။ ၂၉ မျက်နှာတော်ကို လွှဲတော်မူလျှင်၊ သူတို့သည် ပင်ပန်းကြပါ၏။ သူတို့အသက်ကို ရုပ်သိမ်းတော်မူလျှင်၊ သူတို့သည်သေ၍ မိမိတို့ မြေမှုန့်ထဲသို့ ပြန်သွားကြပါ၏။ [D] ၃၀ တဖန် ဝိညာဉ်တော်ကိုလွှတ်၍ သူတို့ကို ဖန်ဆင်းတော်မူသဖြင့်၊ မြေကြီးမျက်နှာကို အသစ် ပြုပြင်တော်မူ၏။

ငါအသက်ရှင်စဉ် ထာဝရဘုရားကို သီချင်းဆိုမည်

CROSS REFERENCES

ထွက် ၁၉း၁၈
၁၈ ထာဝရဘုရားသည် မီးဖြင့်လွှမ်းလျက်၊ သိနာတောင်ပေါ်သို့ ဆင်းသက်တော်မူသောကြောင့်၊ တတောင်လုံး မီးခိုးထွက်လေ၏။ မီးခိုးသည်လည်း မီးဖို၏ မီးခိုးကဲ့သို့ တက်၍ တတောင်လုံး ပြင်းစွာလှုပ်လေ၏။

တရားဟော ၄း၁၁
၁၁ သင်တို့သည် အနီးတော်သို့ ချဉ်းကပ်၍၊ တောင်ခြေရင်း၌ ရပ်နေကြ၏။ တောင်ထိပ်သည် မိုးကောင်းကင်အလယ်၌ မီးလောင်လျက်၊ မည်းသောအဆင်း၊ မိုးတိမ်တိုက်၊ ထူထပ်သော မှောင်မိုက်နှင့် ပြည့်စုံလေ၏။

ဆာ ၁၀၄း၃၂
၃၂ မြေကြီးကို ကြည့်ရှုတော်မူ၍ သူသည် တုန်လှုပ်တတ်၏။ တောင်တို့ကို တို့တော်မူ၍၊ သူတို့သည် မီးခိုးထွက်ကြပါ၏။

ဆာ ၁၄၄း၅
၅ အိုထာဝရဘုရား ကိုယ်တော်၏ မိုးကောင်းကင်ကို ညွတ်၍ ဆင်းသက်တော်မူပါ။ တောင်တို့ကို တို့တော်မူပါ။ သူတို့သည် မီးခိုးထွက် ကြပါလိမ့်မည်။

၃၁ ထာဝရဘုရား၏ ဘုန်းတော်သည် နိစ္စအမြဲတည်၏။ ထာဝရဘုရားသည် မိမိအမှုတော်တို့တွင် ဝမ်းမြောက်တော်မူ၏။ ၃၂ မြေကြီးကို ကြည့်ရှုတော်မူ၍ သူသည် တုန်လှုပ်တတ်၏။ တောင်တို့ကို တို့တော်မူ၍၊ သူတို့သည် မီးခိုးထွက်ကြပါ၏။ [E] ၃၃ ငါသည် အသက်ရှင်စဉ်၊ ထာဝရဘုရားကို သီချင်းဆိုမည်။ ငါဖြစ်သည် ကာလပတ်လုံး၊ ငါ့၏ဘုရားသခင်ကို ထောမနာ သီချင်းဆိုမည်။ ၃၄ ငါဥဒါန်းကျူးခြင်းအသံသည် နှစ်သက်တော်မူဘွယ်ဖြစ်၍၊ ထာဝရဘုရား၌ ငါရွှင်လန်းလိမ့်မည်။ ၃၅ ပြစ်မှားသောသူတို့ကို မြေကြီးမှ သုတ်သင်ပယ်ရှင်း၍၊ မတရားသောသူတို့သည် နောက်တဖန် မဖြစ်ရကြ။ အိုငါ့ဝိညာဉ် ထာဝရဘုရားကို ကောင်းကြီးပေးလော့။ ဟာလေလုယ။

_________________________
Footnotes

၁ (a) ဤကျမ်းပိုဒ်၌ လေဝိသန်ကို ငါးကြီး၊ ဟုဆိုသော်လည်း၊ ဟေရှာယ ၂၇း၁ ၌မြွေ၊ ဟုဆိုသည်။ ကျမ်းစာထဲ၌ လေဝိသန်ဟု ၆ ကြိမ်ပါရှိသည်။ လေဝိသန်၏ ပုံပန်းသဏ္ဍာန်ကို ယောဘ ၄၁ ၌အပြည့်စုံဆုံး ဖေါ်ပြထားသည်။