နေဟမိမှတ်စာ

အခန်းကြီး ၉

ဣသရေလ အမျိုးသားတို့ အစာရှောင်

၁ ထိုလနှစ်ဆယ်လေးရက်နေ့တွင် ဣသရေလ အမျိုးသားတို့သည် အစာရှောင်လျက်၊ လျှော်တေအဝတ်ကို ဝတ်လျက်၊ ကိုယ်၌ မြေမှုန့်ကိုတင်လျက် စည်းဝေးကြ၏။ ၂ ထိုအခါ ဣသရေလ အမျိုးစစ်ဖြစ်သော သူတို့သည် တပါးအမျိုးသား ရှိသမျှတို့နှင့်ကွာ၍၊ ကိုယ်အပြစ်နှင့် ဘိုးဘေးတို့၏ အပြစ်များကို ဖေါ်ပြ တောင်းပန်ကြ၏။ ၃ မိမိတို့နေရာ၌ ရပ်နေ၍ မိမိတို့ ဘုရားသခင် ထာဝရဘုရား၏ ပညတ္တိကျမ်းစာကို နေ့လေးစုတစု ဖတ်ကြ၏။ အပြစ်ကို ဖေါ်ပြတောင်းပန်၍၊ မိမိတို့ ဘုရားသခင် ထာဝရဘုရားကို နေ့လေးစုတစု ကိုးကွယ်ကြ၏။

လေဝိသားတို့က ထာ၀ရဘုရားကို ချီးမွမ်းကြ

၄ ထိုအခါ လေဝိသားယောရှု၊ ဗာနိ၊ ကပ်မျေလ၊ ရှေဗနိ၊ ဗုန္နိ၊ ရှေရဘိ၊ ဗာနိ၊ ခေနနိတို့သည် ပလ္လင်ပေါ်မှရပ်၍ သူတို့၏ ဘုရားသခင် ထာဝရဘုရားအား ကြီးစွာသောအသံနှင့် ကြွေးကြော်ကြ၏။ ၅ တဖန် လေဝိသား ယောရှုကပ်မျေလ၊ ဗာနိ၊ ဟာရှဗနိ၊ ရှေရဘိ၊ ဟောဒိယ၊ ရှေဗနိ၊ ပေသဟိတို့က ထလော့။ သင်တို့၏ ဘုရားသခင် ထာဝရဘုရားသည် အစဉ်အမြဲ မင်္ဂလာ ရှိတော်မူစေသတည်း၊ ဟုကောင်းကြီးပေးကြလော့။ ကောင်းကြီးပေးခြင်း၊ ချီးမွမ်းခြင်း အမျိုးမျိုးထက်ကြီးမြင့်၍ ဘုန်းကြီးသော ကိုယ်တော်၏ နာမသည် မင်္ဂလာရှိပါစေသတည်း။ ၆ ကိုယ်တော်သာလျှင်၊ ထာဝရဘုရား ဖြစ်တော်မူ၏။ အမြင့်ဆုံးသော ကောင်းကင်နှင့် ကောင်းကင် ဗိုလ်ခြေအပေါင်းတို့ကို၎င်း၊ မြေကြီးနှင့် ပင်လယ်၌ ပါသမျှတို့ကို၎င်း၊ ပင်လယ်အလုံးစုံတို့ကို စောင့်မတော်မူ၏။ ကောင်းကင် ဗိုလ်ခြေတို့သည် ကိုယ်တော်ကို ကိုးကွယ်ကြပါ၏။

အာဗြဟံကို ဂတိတော်အတိုင်းမြေပေး

၇ အိုထာဝဘုရား အရှင်ဘုရားသခင်၊ ကိုယ်တော်သည် အာဗြံကို ရွေးချယ်၍ ခါလဒဲပြည်၊ ဥရမြို့မှ ခေါ်ခဲ့ပြီးလျှင် အာဗြဟံဟူ သောအမည်ကို ပေးတော်မူ၏။ ၈ ရှေ့တော်၌ သူ့သဘောဖြောင့်သည်ကို တွေ့သောကြောင့်၊ ခါနနိပြည်၊ ဟိတ္တိပြည်၊ အာမောရိပြည်၊ ဖေရဇိပြည်၊ ယေဗုသိပြည်၊ ဂိရဂါရှိပြည်တို့ကို အာဗြဟံ အမျိုးအနွယ်အား ငါပေးမည်၊ ဟုဝန်ခံသည်အတိုင်း သစ္စာတော် မပျက်ပြုတော်မူ၏။

ဘိုးဘေးတို့ကို အဲဂုတ္တုပြည်မှ နှုတ်ဆောင်ခဲ့

CROSS REFERENCES

ထွက် ၁၆း၂၃-၂၈
၂၃ သူကလည်း၊ နက်ဖြန်နေ့သည် ထာဝရဘုရားရှေ့၌ သန့်ရှင်းသော ဥပုသ်နေ့၊ ငြိမ်ဝမ်စွာ နေရသောနေ့ဖြစ်၏။ မုန့်ကို ပေါင်းချင်သည်အတိုင်း ပေါင်းကြလော့။ ပြုတ်ချင်သည်အတိုင်း ပြုတ်ကြလော့။ ကျန်သောအရာကို နံနက်တိုင်အောင် စောင့်၍ သိုထားကြလော့၊ ဟုထာဝရဘုရား မိန့်တော်မူကြောင်းကို ပြန်ပြောလေ၏။

ထွက် ၂၀း၈-၁၀
၈ ဥပုသ်နေ့ကို သန့်ရှင်းစေခြင်းငှာ၊ ထိုနေ့ရက်ကို အောက်မေ့လော့။

ထွက် ၃၁း၁၃-၁၆
၁၃ ငါသည် သင်တို့ကို သန့်ရှင်းစေသော ထာဝရဘုရား ဖြစ်ကြောင်းကို သင်တို့သိစေခြင်းငှာ၊ ငါနှင့် သင်တို့၏ သားစဉ်မြေးဆက် စပ်ကြား၌ လက္ခဏာ သက်သေဖြစ်ရာဖို့၊ ငါ့ဥပုသ်နေ့ကို စင်စစ်စောင့်ရကြမည်။

ထွက် ၃၅း၂-၃
၂ ခြောက်ရက်ပတ်လုံး အလုပ်လုပ်ရမည်။ သတ္တမနေ့ရက်သည် သင်တို့၌ သန့်ရှင်းသောနေ့၊ ထာဝရဘုရားအဖို့ ငြိမ်ဝပ်စွာ နေရသော ဥပုသ်နေ့ဖြစ်၏။ ထိုနေ့၌ အလုပ်လုပ်သောသူ မည်သည်ကား အသေခံရမည်။

ဝတ်ပြု ၁၆း၃၁
၃၁ ထိုနေ့ရက်သည် ထာဝရ ပညတ်တော်အတိုင်း၊ သင်တို့ ငြိမ်ဝပ်ရာ ဥပုသ်နေ့၊ ခြိုးခြံစွာ ကျင့်ရသောနေ့ ဖြစ်သတည်း။

ဝတ်ပြု ၁၉း၃
၃ လူတိုင်း ကိုယ်မိဘကို ရိုသေရမည်။ ငါ့ဥပုသ်နေ့ တို့ကိုလည်း စောင့်ရမည်။ ငါသည် သင်တို့၏ ဘုရားသခင် ထာဝရဘုရားဖြစ်၏။

ဝတ်ပြု ၁၉း၃၀
၃၀ ငါ့ဥပုသ်နေ့ တို့ကိုစောင့်၍၊ ငါ့သန့်ရှင်းရာ ဌာနတော်ကို ရိုသေရမည်။ ငါသည် ထာဝရဘုရား ဖြစ်၏။

ဝတ်ပြု ၂၃း၃
၃ ခြောက်ရက်ပတ်လုံး အလုပ်လုပ်ရမည်။ သတ္တမနေ့ရက်သည် ငြိမ်ဝပ်စွာ နေသော ဥပုသ်နေ့၊ ဓမ္မစည်းဝေးခြင်းကို ပြုရသောနေ့ ဖြစ်၏။ ထိုနေ့၌ သင်တို့သည် အလုပ်မလုပ်ရကြ။ သင်တို့ နေရာအရပ်ရပ်၌ ထာဝရဘုရား၏ ဥပုသ်နေ့ဖြစ်၏။ sပသခါနှင့်အဇုမပွဲ

ဝတ်ပြု ၂၃း၁၁
၁၁ သင်တို့သည် စိတ်တော်နှင့် တွေ့ခြင်းငှာ၊ ယဇ်ပုရောဟိတ်သည် ဥပုသ်နေ့လွန်မှ၊ နက်ဖြန်နေ့တွင် ထိုကောက်လှိုင်းကို ထာဝရဘုရား ရှေ့တော်၌ ချီလွှဲရမည်။

ဝတ်ပြု ၂၃း၁၅-၁၆
၁၅ ချီလွှဲရာ ပူဇော်သက္ကာ ကောက်လှိုင်းကို ဆောင်ခဲ့သောနေ့၊ ဥပုသ်နေ့ အလွန် နက်ဖြန်နေ့ကစ၍၊ သီတင်း ခုနစ်သီတင်း စေ့အောင် ရေတွက်ရမည်။

ဝတ်ပြု ၂၃း၂၄
၂၄ သင်တို့သည် သတ္တမလ၊ ပဌမနေ့ရက်၌ တံပိုးမှုတ်ပွဲ၊ ဓမ္မစည်းဝေးခြင်းကို ပြုရသော ဥပုသ်နေ့ကို စောင့်ရကြမည်။

ဝတ်ပြု ၂၃း၃၇
၃၇ ဤရွေ့ကား၊ ထာဝရဘုရား၏ ဥပုသ်နေ့၊ ထာဝရဘုရားအား ဆက်ကပ်ရသော အလှူဒါန၊

ဝတ်ပြု ၂၄း၈
၈ ထာဝရဘုရား၏ ပဋိညာဉ်နှင့်အညီ၊ ဣသရေလ အမျိုးသားတို့လက်မှ ခံယူသော ထိုမုန့်ကို၊ အာရုန်သည် ထာဝရဘုရား ရှေ့တော်၌ ဥပုသ်နေ့ တိုင်း အစဉ်အမြဲ ပြင်ဆင်ရမည်။

ဝတ်ပြု ၂၆း၂
၂ ငါ့ဥပုသ်နေ့ တို့ကို စောင့်၍၊ ငါ့သန့်ရှင်းရာ ဌာနတော်ကို ရိုသေရမည်။ ငါသည် ထာဝရဘုရား ဖြစ်၏။ sပညတ်စောင့်လျှင် မြေသီးနှံပေါများမည်

ဝတ်ပြု ၂၆း၃၄-၃၅
၃၄ ထိုသို့သင်တို့သည် ရန်သူပြည်၌ နေ၍၊ ကိုယ်ပြည်သည် လူဆိတ်ညံလျက် နေသော ကာလပတ်လုံး ငြိမ်ဝပ်စွာနေ၍၊ မိမိဥပုသ်နေ့တို့၌ မွေ့လျော်ရမည်။

ဝတ်ပြု ၂၆း၄၃
၄၃ ထိုပြည်သည် သူတို့လက်မှ လွတ်၍၊ သူတို့မရှိဘဲ လူဆိတ်ညံလျက် နေစဉ်တွင်၊ မိမိဥပုသ်နေ့တို့၌ မွေ့လျော်လိမ့်မည်။ သူတို့သည် င့ါစီရင် ထုံးဖွဲ့ချက်များကို ရွံရှာ၍ မထီမဲ့မြင်ပြုသော အပြစ်ကြောင့်၊ ခံရသောဒဏ်ကို ဝန်ခံရကြလိမ့်မည်။

တောလည် ၁၅း၃၂
၃၂ ဣသရေလ အမျိုးသားတို့သည် တော၌ ရှိကြသောအခါ၊ တနေ့သော ဥပုသ်နေ့ ၌ ထင်းခွေသော သူတယောက်ကို တွေ့လေ၏။

တောလည် ၂၈း၁၀
၁၀ သွန်းလောင်းရာ ပူဇော်သက္ကာ မှတပါး၊ ဥပုသ်နေ့ရက်၌ အခါမလည် အပြစ်မပါသော သိုးသူငယ် နှစ်ကောင်ကို၎င်း၊ သွန်းလောင်းရာ ပူဇော်သက္ကာ ပါလျက်၊ ဘောဇဉ် ပူဇော်သက္ကာဖို့၊ ဆီရောသော မုန့်ညက်နှစ်ဩမဲကို၎င်း ပူဇော်ရမည်။

တရားဟော ၅း၁၂-၁၅
၁၂ သင်၏ ဘုရားသခင် ထာဝရဘုရား မှာထားတော်မူသည်အတိုင်း၊ ဥပုသ်နေ့ကို သန့်ရှင်းစေခြင်းငှာ၊ ထိုနေ့ရက်ကို စောင့်လော့။

၄ ဓမ္မ ၄း၂၃
၂၃ ခင်ပွန်းက၊ အဘယ်ကြောင့် ယနေ့သွားချင်သနည်း။ လဆန်းနေ့မဟုတ်၊ ဥပုသ်နေ့ လည်းမဟုတ်၊ ဟုဆိုသော်၊ မိန်းမက ကောင်းပါလိမ့်မည်၊ ဟုပြန်ပြော၏။

၄ ဓမ္မ ၁၁း၅-၉
၅ ယောယဒကလည်း၊ သင်တို့ပြုရသော အမှုဟူမူကား၊ ဥပုသ်နေ့၌ ဝင်သောလူ သုံးစုတစ်စုသည် နန်းတော်တံခါးကို စောင့်ရမည်။

၁ ရာ ၉း၃၂
၃၂ သူ၏ ညီအစ်ကိုနှင့် အခြားသော ကောရသိ အဆွေအမျိုးသားတို့သည် ဥပုသ်နေ့၌ ရှေ့တော်မုန့်ကို ပြင်ဆင်ရကြ၏။

၁ ရာ ၂၃း၃၁
၃၁ ပညတ် တရားတော်အတိုင်း ဥပုသ်နေ့၊ လဆန်းနေ့၊ ဓမ္မပွဲနေ့၊ အစဉ်မပြတ် ထာဝရဘုရား ရှေ့တော်၌ မီးရှို့ရာယဇ်မျိုးတို့ကို ပူဇော်ရကြမည်။

၂ ရာ ၂း၄
၄ ဣသရေလ အမျိုးသည် အစဉ်ကျင့်ရသော တရားအတိုင်း ဘုရားရှေ့မှာ နံ့သာပေါင်းကို မီးရှို့ခြင်းငှါ၎င်း၊ ရှေ့တော်မုန့်ကို အစဉ်တင်ခြင်းငှါ၎င်း၊ ညဦး၊ နံနက်၊ ဥပုသ်နေ့၊ လဆန်းနေ့၊ ငါတို့ ဘုရားသခင် ထာဝရဘုရား၏ ဓမ္မပွဲနေ့တို့၌၊ မီးရှို့ရာယဇ် ပူဇော်ခြင်းငှါ၎င်း၊ ငါ၏ ဘုရားသခင် ထာဝရဘုရား၏ နာမတော်အဘို့ အိမ်တော်ကိုတည် ဆောက်၍ ပူဇော်ရမည်။

၂ ရာ ၈း၁၃
၁၃ ထိုမှတပါးဥပုသ်နေ့ နှင့်လဆန်းနေ့၌ ၎င်း၊ အဇုမပွဲ၊ ခုနစ်သီတင်းပွဲ၊ သကေနေပွဲ တည်းဟူသောတနှစ်တနှစ်လျှင်ဓမ္မပွဲသုံးပွဲခံသောနေ့၌၎င်း၊ ယဇ်ပူဇော်လေ့ရှိ၏။

၂ ရာ ၂၃း၄
၄ သင်တို့ပြုရသော အမှုဟူမူကား၊ ဥပုသ်နေ့ ၌ ဝင်သော ယဇ်ပုရောဟိတ်သား လေဝိသား သုံးစုတစုတို့သည် တံခါးစောင့်လုပ်ရမည်။

၂ ရာ ၂၃း၈
၈ ထိုသို့ ယဇ်ပုရောဟိတ် ယောယဒမှာ ထားသမျှတိုင်း၊ လေဝိသားများနှင့် ယုဒအမျိုးသား အပေါင်းတို့သည် ပြု၍၊ ယဇ်ပုရောဟိတ် ယောယဒသည် ဖွဲ့မြဲဖွဲ့သော အသင်းတို့ကို မဖျက်သောကြောင့် ဥပုသ်နေ့၌ ထွက်ရသောသူနှင့် ဝင်ရသောသူ အသီးအသီးတို့ကို ခေါ်ထားကြ၏။

၂ ရာ ၃၁း၃
၃ ထာဝရဘုရား၏ ပညတ္တိကျမ်း၌ ရေးထားသည်အတိုင်း၊ နေ့ရက်အစဉ် နံနက်အချိန်၊ ညဦးအချိန်၊ ဥပုသ်နေ့၊ လဆန်းနေ့၊ ဓမ္မပွဲနေ့တွင် မီးရှို့ရာယဇ် ပူဇော်စရာအဘို့၊ ဘဏ္ဍာတော်ထဲက ဥစ္စာတဘို့ကိုထုတ်၍ လှူတော်မူ၏။

၂ ရာ ၃၆း၂၁
၂၁ ထိုသို့ ဣသရေလ မြေသည် ဥပုသ်နေ့ တို့ကို မွေ့လျော်စေခြင်းငှါ၊ ယေရမိဆင့်ဆိုသော ထာဝရဘုရား၏ အမိန့်တော်သည် ပြည့်စုံရ၏။ ထိုပြည်သည် လူဆိတ်ညံလျက် နေသောကာလ၊ အနှစ်ခုနစ်ဆယ် စေ့အောင် ဥပုသ်နှစ်တို့ကို စောင့်သော အခွင့်ရှိသတည်း။ %fo(a)

နေဟမိ ၉း၁၄
၁၄ သန့်ရှင်းသော ဥပုသ်နေ့ရက်တော် ကို ဖေါ်ပြ၍၊ ကိုယ်တော် ကျွန်မောရှေအားဖြင့် နည်းနာ ဥပဒေသ ပညတ်တရားတို့ကိုလည်း ထားတော်မူ၏။

နေဟမိ ၁၀း၃၁-၃၂
၃၁ ပြည်သားတို့သည် ဥပုသ်နေ့၌ ဥစ္စာ၊ စားစရာကို ရောင်းခြင်းငှါ ယူခဲ့လျှင်၊ ဥပုသ်နေ့ ဖြစ်စေ၊ အခြားသော ဓမ္မနေ့ဖြစ်စေမဝယ်၊ သတ္တမနှစ်တွင် လယ်လုပ်ခြင်းအမှုကို မပြု၊ ကြွေးကိုအနိုင် မတောင်းဘဲ နေပါမည်ဟူ၍၎င်း၊ ကျိန်ဆိုလျက် သစ္စာဂတိထားကြ၏။ sဘုရားထံပူဇော်ခြင်းနှင့် ဆိုင်သောအရာ အမျိုးမျိုးဆောင်ကြ

နေဟမိ ၁၃း၁၅-၂၂
၁၅ ထိုကာလ၊ ယုဒပြည်မှာ အချို့တို့သည် ဥပုသ်နေ့၌ စပျစ်သီးကို နယ်လျက်၊ ကောက်လှိုင်းကို သွင်းလျက်၊ မြည်းပေါ်မှာ ဝန်ကို တင်လျက်၊ လုပ်ဆောင်ကြသည်ကို၎င်း၊ ဥပုသ်နေ့ ၌ စပျစ်ရည်၊ စပျစ်သီး၊ သင်္ဘောသဖန်းသီး အစရှိသည်တို့ကို တင်၍ ယေရုရှလင်မြို့သို့ ဆောင်ခဲ့ကြသည်ကို၎င်း ငါမြင်၍၊ ဤမည်သော နေ့ရက်၌သာ စားစရာများကို ရောင်းအပ်သည်၊ ဟုသူတို့အား ကြားပြောကြ၏။

ဟေရှာယ ၁း၁၃
၁၃ အချည်းနှီးသောပူဇော်သက္ကာကို နောက်တဖန် မဆောင်ခဲ့ကြနှင့်။ သင်တို့မီးရှို့သော နံ့သာပေါင်းကို ငါရွံ့ရှာ၏။ လဆန်းနေ့၊ ဥပုသ်နေ့၊ ပရိသတ်စည်းဝေးသောနေ့ကိုလည်း ရွံရှာ၏။ အဓမ္မအမှုနှင့် ရောနှောသော ဓမ္မစည်းဝေးခြင်းတို့ကို သည်းမခံနိုင်။

ဟေရှာယ ၅၆း၂-၆
၂ ထိုသို့ပြုသောသူ၊ အမြဲစွဲလမ်းသော လူသားသည်၊ ဥပုသ်နေ့ကို မရှုတ်ချ၊ စောင့်ရှောက်၍ ဒုစရိုက်ကို မပြုမည်အကြောင်း၊ မိမိလက်ကို ချုပ်တည်းလျှင်လည်း မင်္ဂလာရှိ၏။ sတပါးအမျိုးသားနှင့် မိန်းမလျှာတို့

ဟေရှာယ ၅၈း၁၃
၁၃ သင်သည် ဥပုသ်နေ့ ကိုမရှုတ်ချ။ ငါ၏သန့်ရှင်းသောနေ့မှာ ကိုယ်အလိုသို့မလိုက်၊ ဥပုသ်နေ့ကို မွေ့လျော်ရာနေ့၊ ထာဝရဘုရားအဘို့ သန့်ရှင်းသောနေ့၊ ရိုသေဘွယ်သော နေ့ဟူ၍ ခေါ်သဖြင့် ကိုယ်အမှုကိုမပြု၊ ကိုယ်အလိုသို့မလိုက်၊ ကိုယ်စကားကို မပြောဘဲနေ၍ ထိုနေ့ကိုရိုသေလျှင်၊

ယေရမိအ ၁ရး၂၁-၂ရ
၂၁ ထာဝရဘုရား မိန့်တော်မူသည်ကား၊ ဥပုသ်နေ့၌ ဝန်ကိုမထမ်းမရွက်၊ ယေရုရှလင်မြို့ တံခါးဖြင့် မဆောင်မသွင်းမည်အကြောင်း၊ သတိပြုကြလော့။

ယေရမိမြည် ၂း၆
၆ ဝင်းတော်ကို တောင်ယာခြံကဲ့သို့အမှတ်ပြု၍ ချိုးဖျက်တော်မူပြီ။ မိမိပွဲသဘင်တော်ကို ဖျက်ဆီးတော်မူပြီ။ ဇိအုန်မြို့၌ ခံသောဓမ္မပွဲနေ့၊ ဥပုသ်နေ့တို့ကို ထာဝရဘုရား မေ့စေတော်မူပြီ။ အမျက်တော် အရှိန်ပြင်း၍ ရှင်ဘုရင်နှင့် ယဇ်ပုရောဟိတ်ကို မရှုမမှတ်ပြုတော်မူပြီ။

ယေဇ ၂၀း၁၂-၁၃
၁၂ ထိုမှတပါးငါထာဝရဘုရားသည်သူတို့ကိုသန့်ရှင်းစေသည်ဟုသူတို့သည်သိမည်အကြောင်း၊ ငါနှင့်သူတို့စပ်ကြားမှာလက္ခဏာသက်သေဖြစ်စေခြင်းငှါ၊ ငါ၏ဥပုသ်နေ့တို့ကိုငါခန့်ထား၏။

ယေဇ ၂၀း၁၃
၁၃ သို့ရာတွင် ဣသရေလ အမျိုးသည် တော၌ ငါ့ကို ပုန်ကန်ကြ၏။ ကျင့်သောသူ၌ အသက်ရှင်စရာ အကြောင်း ဖြစ်သော ငါ၏ စီရင်ထုံးဖွဲ့ချက်တို့ကို မစောင့်ရှောက်၊ မထီမဲ့မြင် ပြု၍ ငါ၏ ဥပုသ်နေ့တို့ကို အလွန် ရှုတ် ချကြ၏။ ထိုအခါ သူတို့ ဖျက်ဆီးခြင်းငှါ၊ တော၌ သူတို့ အပေါ်သို့ ငါ့အမျက်အရှိန်ကို သွန်းလောင်းမည်၊ ဟုအကြံရှိ၏။

ယေဇ ၂၀း၂၀-၂၁
၂၀ ငါ၏ ဥပုသ်နေ့တို့ ကိုလည်း သန့်ရှင်းစေလော့။ ငါသည် သင်တို့၏ ဘုရားသခင် ထာဝရဘုရား ဖြစ်သည်၊ ဟုသင်တို့သည် သိမည်အကြောင်း၊ ထိုဥပုသ်နေ့တို့ကို ငါနှင့် သင်တို့ စပ်ကြားမှာ လက္ခဏာ သက်သေ ဖြစ်စေကြလော့၊ ဟုငါဆို၏။

ယေဇ ၂၀း၂၄
၂၄ အကြောင်းမူကား၊ သူတို့သည် ဘိုးဘေးတို့ကိုးကွယ်သော ရုပ်တုများကို ငဲ့ကွက်သောကြောင့်၊ ငါ၏ စီရင်ထုံးဖွဲ့ချက်တို့ကို မစောင့်ရှောက် မထီမဲ့မြင် ပြု၍ ငါ၏ ဥပုသ်နေ့တို့ကို ရှုတ်ချကြ၏။

ယေဇ ၂၂း၈
၈ သင်သည်ငါ၏သန့်ရှင်းသောအရာတို့ကိုမထီမဲ့မြင်ပြုပြီ။ ငါ၏ဥပုသ်နေ့တို့ကိုရှုတ်ချပြီ။

ယေဇ ၂၂း၂၆
၂၆ ယဇ်ပုရောဟိတ်တို့သည်လည်း ငါ၏တရားကိုဖျက်၍၊ ငါ၏သန့်ရှင်းရာဌာကိုလည်းညစ်ညူးစေကြ၏။ သန့်ရှင်းသောအရာ၊ မသန့်ရှင်းသောအရာတို့ကိုမပိုင်းခြား၊ စင်ကြယ်သောအရာ၊ မစင်ကြယ်သောအရာတို့ကိုရောနှောကြ၏။ ငါ၏ဥပုသ်နေ့တို့မှလည်းမျက်နှာလွှဲကြ၏။ သူတို့အလယ်၌ ငါသည်ရှုတ်ချခြင်းကိုခံရ၏။

ယေဇ ၂၃း၃၈
၃၈ ထိုမှတပါး ငါ၌ပြုသောအမှုတို့ဟူမူကား၊ ထိုနေ့ခြင်းတွင်ငါ၏သန့်ရှင်းရာဌာနကို ညစ်ညူးစေခြင်းငှါ ငါ၏ဥပုသ်နေ့ကိုရှုတ်ချကြ၏။

ယေဇ ၄၄း၂၄
၂၄ တရားတွေ့မှုကိုစီရင်လျှင်ငါ၏ ဓမ္မသတ်ပွဲတို့ကိုဆောင်ရွက်လျှင်ငါစီရင်ထုံးဖွဲ့ချက်တို့ကို၎င်း၊ ငါ၏ဥပုသ်နေ့တို့ကို၎င်း၊ စောင့်ရှောက်ကြရမည်။

ယေဇ ၄၅း၁၇
၁၇ မင်းသားသည်လည်းပွဲသဘင်နေ့လဆန်းနေ့ဥပုသ်နေ့ဣသရေလအမျိုးပရိသတ်စည်းဝေးသောနေ့ရက်အစဉ်အတိုင်းမီးရှို့ရာယဇ်ဘောဇဉ်ပူဇော်သက္ကာသွန်းလောင်းရာပူဇော်သက္ကာတို့ကိုပူဇော်ရမည်။ ဣသရေလ အမျိုး၏အပြစ်ကိုဖြေခြင်းငှါအပြစ်ဖြေရာယဇ်ဘောဇဉ်ပူဇော်သက္ကာမီးရှို့ရာယဇ်မိဿဟာယယဇ်ကိုလည်းပူဇော်ရမည်။

ယေဇ ၄၆း၁-၄
၁ အရှင်ထာဝရဘုရား မိန့်တော်မူသည်ကား အရှေ့သို့မျက်နှာပြုသော အတွင်းတန်တိုင်းတံခါးကို အလုပ်လုပ်သောနေ့ခြောက်ရက်ပတ်လုံး ပိတ်ထားရမည်။ ဥပုသ်နေ့နှင့် လဆန်းနေ့၌ ဖွင့်ထားရမည်။

ယေဇ ၄၆း၁၂
၁၂ မင်းသားသည် အလိုလိုပြုသော မီးရှို့ရာယဇ် မိဿဟရယဇ်ကို မိမိအလိုအလျောက်ထာဝရဘုရားအား ပူဇော်သက္ကာပြုသောအခါ အရှေ့သို့မျက်နှာပြုသော တံခါးကိုဖွင့်ရမည်။ သူသည်ဥပုသ်နေ့၌ မီးရှို့ရာယဇ်မိဿဟာရယဇ်ကို ပူဇော်သကဲ့သို့ပူဇော်ရမည်။ ပူဇော်ပြီးမှ ထွက်သွား၍ တံခါးကိုပိတ်ထားရမည်။

ဟောရှေ ၂း၁၁
၁၁ သူရွှင်လန်းစရာအကြောင်းရှိသမျှနှင့်ပွဲခံခြင်း၊ လဆန်းနေ့၊ ဥပုသ်နေ့စောင့်ခြင်း၊ ပရိသတ်စည်းဝေးခြင်းအလုံးစုံတို့ကိုငါပြတ်စေမည်။

အာမုတ် ၈း၄
၄ ငါတို့သည် စပါးကို ရောင်းအံ့သောငှါ လဆန်းနေ့လွန်ပါစေ။ ဂျုံကိုရောင်းအံ့သောငှါ ဥပုသ်နေ့ လွန်ပါစေ၊ ဟုဆိုလျက်၊

မဿဲ ၁၂း၁-၂
၁ ထိုကာလအခါ ယေရှုသည် ဥပုသ်နေ့၌ဂျုံစပါး၊ လယ်ကွက်တို့ကို လျှောက်ကြွတော်မူလျှင်၊ တပည့်တော်တို့သည် ဆာမွတ်သောကြောင့် စပါးအသီးအနှံကို ဆွတ်၍စားကြ၏။

မဿဲ ၁၂း၅-၈
၅ ယဇ်ပုရောဟိတ် တို့သည်လည်း ဗိမာန်တော်တွင် ဥပုသ်နေ့၌ ဥပုသ်ပျက်သော်လည်း၊ အပြစ် မသင့်သည်ကို ပညတ္တိကျမ်း၌ မဖတ်ဘူးသလော။

မဿဲ ၁၂း၁၀-၁၂
၁၀ လူအချို့တို့က၊ ဥပုသ်နေ့၌) ရောဂါကို ငြိမ်းစေအပ်သလောဟု ကိုယ်တော်၌ အပြစ်တင်ခွင့်ကို ရှာ၍ မေးလျှောက်ကြ၏။

မဿဲ ၂၄း၂၀
၂၀ သင်တို့ ပြေးရသော အချိန်သည်၊ ဆောင်းကာလ၌မကျ၊ ဥပုသ်နေ့၌လည်း မကျမည်အကြောင်း၊ ဆုတောင်းကြလော့။%fo(d)

မဿဲ ၂၈း၁
၁ ဥပုသ်နေ့လွန်၍ ခုနစ်ရက်တွင် ပဌမနေ့ရက်%fo(a) မိုးလင်းအံ့ဆဲဆဲ အချိန်၌၊ မာဂဒလမာရိနှင့် အခြားသော မာရိသည် သင်္ချိုင်းတော်ကို အကြည့်အရှု သွားကြ၏။

မာကု ၁း၂၁
၂၁ ကပေရနောင်မြို့သို့ သွားကြလျှင်၊ ဥပုသ်နေ့၌ကိုယ်တော်သည် ချက်ချင်း တရားစရပ်သို့ဝင်၍ ဆုံးမဩဝါဒပေးတော်မူ၏။

မာကု ၂း၂၃-၂၄
၂၃ ဥပုသ်နေ့၌ ကိုယ်တော်သည် ဂျုံစပါး လယ်ကွက်တို့ကို လျှောက်ကြွတော်မူလျှင်၊ တပည့်တော်တို့သည် စပါးအသီးအနှံကို ဆွတ်လျက် ခရီးသွားကြ၏။

မာကု ၂း၂ရ-၂၈
၂၇ ထိုမှတပါး ဥပုသ်နေ့သည် လူအဘို့ဖြစ်၏။ လူသည် ဥပုသ်နေ့အဘို့ ဖြစ်သည်မဟုတ်။ ၂၈ သို့ဖြစ်၍ လူသားသည် ဥပုသ်နေ့ကို ပင်အစိုးရသည်၊ ဟုမိန့်တော်မူ၏။

မာကု ၃း၂-၄
၂ ဥပုသ်နေ့၌ သူ၏ ရောဂါကို ငြိမ်းစေမည် မငြိမ်းစေမည်ကို ထိုသူတို့သည် ကိုယ်တော်၌ အပြစ်တင်ခွင့်ကိုရှာ၍ ချောင်းကြည့်ကြ၏။

မာကု ၆း၂
၂ ဥပုသ်နေ့ရောက်လျှင် တရားစရပ်၌ ဆုံးမဩဝါဒ ပေးတော်မူ၏။ လူများတို့သည် ကြားနာရလျှင် မိန်းမောတွေဝေခြင်းသို့ ရောက်၍၊ ဤသူသည် ဤအရာတို့ကို အဘယ်မှာရသနည်း။ သူရသော ပညာကား အဘယ်ပညာနည်း။ ဤမျှလောက်သော တန်ခိုးများကို အဘယ်သို့ပြနိုင်သနည်း။

မာကု ၁၆း၁
၁ ဥပုသ်နေ့လွန်မှ မာဂဒလမာရိ၊ ယာကုပ်၏ အမိဖြစ်သော မာရိနှင့် ရှာလုံတို့သည် သွား၍၊ အလောင်းတော်ကို လိမ်းခြင်းငှါ နံ့သာမျိုးကို ဝယ်ပြီးလျှင်၊

လု ၄း၁၆
၁၆ ကြီးပွား တော်မူရာ နာဇရက်မြို့သို့ ပြန်ရောက်လျှင်၊ ထုံးစံတော် ရှိသည်အတိုင်း ဥပုသ်နေ့၌ တရားဇရပ်သို့ ဝင်၍၊ ကျမ်းစာကို ဖတ်ရွတ်ခြင်းငှာ ထတော်မူ၏။

လု ၄း၃၁
၃၁ ဂါလိလဲပြည် ကပေရနောင်မြို့သို့ ရောက်လျှင်၊ ဥပုသ်နေ့၌ ဆုံးမဩဝါဒ ပေးတော်မူ၏။

လု ၆း၁-၂
၁ ဒုတိယဥပုသ်နေ့၌ %fo(a) ကိုယ်တော်သည်၊ ဂျုံစပါးလယ်ကွက်တို့ကို လျှောက်ကြွတော်မူလျှင်၊ တပည့်တော်တို့သည် စပါးအသီးအနှံကို ဆွတ်၍၊ လက်နှင့်ပွတ်နယ်လျက် စားကြ၏။

လု ၆း၅-ရ
၅ ထိုမှတပါး လူသားသည် ဥပုသ်နေ့ကိုပင် အစိုးရသည်၊ ဟုမိန့်တော်မူ၏။ sဥပုသ်နေ့၌ လက်သေသူကျန်းမာစေ

လု ၆း၉
၉ ယေရှုကလည်း၊ သင်တို့ကိုငါမေးမည်။ ဥပုသ်နေ့၌ အဘယ်သို့ပြုအပ်သနည်း။ ကျေးဇူးပြုအပ်သလော။ သူ့အကျိုးကို ဖျက်ဆီးအပ်သလော။ အသက်ကို ကယ်အပ်သလော၊ သတ်အပ်သလော၊ ဟုပရိသတ်တို့အား မေးတော်မူပြီးလျှင်၊

လု ၁၃း၁၁
၁၁ တဆယ်ရှစ်နှစ်ပတ်လုံး နတ်စွဲ၍၊ ရောဂါ နှိပ်စက်ခြင်းကိုခံရသော မိန်းမတယောက်ရှိ၏။ ထိုမိန်းမသည် ကျောကုန်း၍၊ ကိုယ်ကို အလျှင်းမဆန့်နိုင်။

လု ၁၃း၁၄-၁၆
၁၄ ထိုသို့ဥပုသ်နေ့၌ ယေရှုသည် အနာရောဂါကို ငြိမ်းစေတော်မူသောကြောင့်၊ တရားစရပ်မှူးသည် အမျက်ထွက်၍၊ အလုပ်လုပ်ရသော နေ့ရက်ခြောက်ရက်ရှိ၏၊ ထိုနေ့ရက်တွင်လာ၍ အနာရောဂါ ငြိမ်းစေခြင်းကျေးဇူးကို ခံကြလော့။ ဥပုသ်နေ့၌ မလာမခံကြနှင့်။ ဟုပရိသတ်တို့အားဆို၏။

လု ၁၄း၁-၅
၁ တနေ့သောဥပုသ်နေ့၌ ၊ ကိုယ်တော်သည် အစာကို သုံးဆောင်ခြင်းငှါ၊ အရာရှိဖြစ်သော ဖာရိရှဲတယောက်၏ အိမ်သို့ဝင်တော်မူပြီးလျှင်၊ ထိုသူတို့သည် ကိုယ်တော်ကို ချောင်းကြည့်ကြ၏။

လု ၂၃း၅၃-၅၆
၅၃ အလောင်းတော်ကိုချ၍ ပိတ်ချောနှင့် ပတ်ရစ်ပြီးလျှင်၊ တယောက်ကိုမျှ မသင်္ဂြိုလ်ဘူးသော ကျောက်သင်္ချိုင်းတွင်း၌ ထားလေ၏။

ယောဟန် ၅း၁၀
၁၀ ထိုနေ့သည် ဥပုသ်နေ့ဖြစ်၏။ ထိုကြောင့် ယုဒလူတို့က ဥပုသ်နေ့ဖြစ်၏။ အိပ်ရာကို မဆောင်အပ်၊ ဟုရောဂါကင်းသောသူအား ဆိုကြ၏။

ယောဟန် ၅း၁၆-၁၈
၁၆ ထိုအမှုကို ဥပုသ်နေ့၌ ပြုတော်မူသောကြောင့်၊ ယုဒလူတို့သည် ယေရှုကို ညှဉ်းဆဲကြ၏။

ယောဟန် ရး၂၂-၂၃
၂၂ မောရှေသည် အရေဖျားလှီးခြင်း တရားကို သင်တို့အားပေး၏။ ထိုသို့ဆိုသော် မောရှေမှအစစွာခံရသည်ဟုမဆိုလို။ ဘိုးဘေးများမှ ဆက်ခံရသတည်း။ ထိုကြောင့် ဥပုသ်နေ့၌ သင်တို့သည် အရေဖျားလှီးခြင်းကို ပေးကြ၏။

ယောဟန် ၉း၁၄
၁၄ ယေရှုသည် ရွှံ့လုပ်၍သူ၏မျက်စိကို ဖွင့်တော်မူသောနေ့သည် ဥပုသ်နေ့ဖြစ်သတည်း။

ယောဟန် ၁၉း၃၁
၃၁ ထိုနေ့သည် အဘိတ်နေ့ဖြစ်၍၊ နက်ဖြန်နေ့လည်း ကြီးမြတ်သော ဥပုသ်နေ့ဖြစ်သည်ကို ယုဒလူတို့သည်ထောက်၍၊ အ လောင်းကောင်တို့ကို ဥပုသ်နေ့၌ လက်ဝါးကပ်တိုင်ပေါ်မှာ မရှိစေခြင်းငှါ၊ ပိလတ်မင်းထံသို့ဝင်ပြီးလျှင်၊ ခြေကိုချိုး၍ ထိုအလောင်းကောင်တို့ကို ယူသွားရမည်အကြောင်း အခွင့်တောင်းကြ၏။

တမန် ၁း၁၂
၁၂ ထိုအခါ ယေရုရှင်လင်မြို့နှင့် ဥပုသ်နေ့တနေ့ခရီးသာကွာ၍၊ သံလွင်အမည်ရှိသော တောင်မှ၊ ယေရုရှလင်မြို့သို့ တမန်တော်တို့သည် ပြန်ကြ၏။

တမန် ၁၃း၁၄
၁၄ ပေရဂေမြို့မှ ထွက်သွားပြန်လျှင်၊ ပိသိဒိပြည်၊ အန္တိအုတ်မြို့သို့ ရောက်လျှင်၊ ဥပုသ်နေ့၌ တရားစရပ်သို့ဝင်၍ ထိုင်ကြ၏။

တမန် ၁၃း၂၇
၂၇ ယေရုရှလင်မြို့၌ နေသောသူတို့နှင့်တကွ မင်းများတို့သည် ထိုသခင်ကို၎င်း၊ ဥပုသ်နေ့တိုင်း အစဉ်ဖတ်ရွက်သော ပရောဖက်တို့၏ စကားကို၎င်း၊ မသိနားမလည်သောကြောင့်၊ ထိုသခင်ကို စီရင်သောအားဖြင့်၊ ထိုပရောဖက်တို့၏ စကားကိုပြည့်စုံ စေကြပြီ။

တမန် ၁၃း၄၂-၄၄
၄၂ လူများတို့သည် တရားစရပ်မှ ထွက်သွားကြစဉ်၊ ထိုအကြောင်း အရာတို့ကို မိမိတို့အား၊ နောက်ဥပုသ်နေ့၌ ဟောပြောပါမည်အကြောင်း တောင်းပန်ကြ၏။

တမန် ၁၅း၂၁
၂၁ အကြောင်းမူကား မောရှေ၏ ပညတ္တိကျမ်းကို တရားစရပ်၌၊ ဥပုသ်နေ့တိုင်း ဖတ်ရွတ်သဖြင့်၊ မောရှေ၏တရားကို ရှေးကာလမှစ၍၊ ခပ်သိမ်းသောမြို့တို့၌ ဟောပြောလေ့ရှိသည်၊ ဟုယာကုပ်ပြောဆို၏။ sဆွေးနွေးဆုံးဖြတ်ချက် စာကိုပို့

တမန် ၁၆း၁၃
၁၃ ဥပုသ်နေ့၌ ငါတို့သည် မြို့ပြင်သို့ထွက်လျှင်၊ ပဌနာစရပ်ရှိတတ်ရာ မြစ်နားသို့သွား၍ ထိုင်ပြီးမှ၊ ထိုအရပ်၌ စည်းဝေးသော မိန်းမတို့အား ဟောပြောကြ၏။

တမန် ၁ရး၂
၂ ပေါလုသည် မိမိထုံးစံရှိသည်အတိုင်း ထိုစရပ်သို့ဝင်၍၊ ဥပုသ်နေ့သုံးရက်တွင် ကျမ်းစာကိုအမှီပြု၍၊ ထိုသူတို့နှင့် ဆွေးနွေးနှီးနှောသဖြင့်၊

တမန် ၁၈း၄
၄ ပေါလုသည်လည်း ဥပုသ်နေ့မပြတ် တရားစရပ်၌ ဆွေးနွေးဟောပြော၍၊ ယုဒလူနှင့် ဟေလသလူတို့ကို ဖြားယောင်း သွေးဆောင်လေ၏။

တမန် ၂ရး၉
၉ ကာလကြာသည်ရှိသော်၊ ကြီးစွာသော ဥပုသ်နေ့လွန်၍၊ ပင်လယ်မကူးသင့်သော လဥတုအချိန်ဖြစ်သည်ကို ပေါလုသည် ထောက်၍၊

ကောလော ၂း၁၆
၁၆ ထိုကြောင့် စားသောက်ခြင်းအမှု၊ ပွဲနေ့၊ လဆန်းနေ့၊ ဥပုသ်နေ့တို့ကို စောင့်ခြင်းအမှုတွင် သင်တို့ကို အဘယ်သူမျှမစစ် ကြောမစီရင်စေနှင့်။

၉ အဲဂုတ္တုပြည်၌ အကျွန်ုပ်တို့၏ ဘိုးဘေးများ ခံရသော ညှဉ်းဆဲခြင်းကိုမြင်၍၊ ပင်လယ်နီနားမှာ သူတို့ အော်ဟစ်သောအသံကို ကြားတော်မူ၏။ ၁၀ ဖာရောဘုရင်နှင့် သူ၏ကျွန်များ၊ ပြည်သူ ပြည်သားအပေါင်းတို့သည် အကျွန်ုပ်တို့၏ ဘိုးဘေးတို့ကို စော်ကားစွာ ပြုသောကြောင့်၊ ကိုယ်တော်သည် ကြည့်ရှု၍ နေတော်မမူ။ ထိုပြည်သားတို့၌ နိမိတ်လက္ခာဏာနှင့် အံ့ဘွယ်သော အမှုတို့ကို ပြတော်မူ၍၊ သိတင်းတော်သည် ယနေ့တိုင်အောင် ကျော်စောလျက် ရှိပါ၏။ ၁၁ သူတို့သည် ပင်လယ်အလယ်၌ မြေပေါ်မှာ လျှောက်သွားမည်အကြောင်း သူတို့ရှေ့မှာ ပင်လယ်ခွဲတော်မူ၏။ ညှဉ်းဆဲသောသူတို့ကိုကား၊ နက်သော ရေထဲသို့ ကျောက်ကို ပစ်သကဲ့သို့ ပစ်တော်မူ၏။ ၁၂ ထိုမှတပါး၊ နေ့အချိန်၌ မိုးတိမ်တိုင်အားဖြင့်၎င်း၊ ညအချိန်၌ သူတို့သွားရာလမ်းကို လင်းစေသော မီးတိုင်အားဖြင့်၎င်း၊ သူတို့ကို ပို့ဆောင်တော်မူ၏။ ၁၃ ကိုယ်တော်တိုင်လည်း၊ သိနာတောင်ပေါ်သို့ ဆင်းသက်၍ မိုးကောင်းကင်ထဲက ဗျာဒိတ်သံကို လွှတ်သဖြင့်၊ ဟုတ်မှန်ဖြောင့်မတ်သော စီရင်ထုံးဖွဲ့ချက် ပညတ်တရားတို့ကို အပ်ပေးတော်မူ၏။ ၁၄ သန့်ရှင်းသော ဥပုသ်နေ့ရက်တော် [A] ကို ဖေါ်ပြ၍၊ ကိုယ်တော် ကျွန်မောရှေအားဖြင့် နည်းနာ ဥပဒေသ ပညတ်တရားတို့ကိုလည်း ထားတော်မူ၏။ ၁၅ သူတို့မွတ်သိပ်ခြင်းနှင့် ရေငတ်ခြင်းကို ပြေစေခြင်းငှါ မိုးကောင်းကင်မုန့်နှင့် ကျောက်ထဲက ထုတ်သောရေကို ပေးတော်မူ၏။ သူတို့ပိုင်ဘို့ ကျိန်ဆိုတော်မူသော ပြည်ထဲသို့ဝင်၍ သိမ်းယူမည်အကြောင်း မိန့်တော်မူ၏။

ဘုရားကို ဆန့်ကျင်သော်လည်း မစွန့်ခဲ့

၁၆ သို့ရာတွင် အကျွန်ုပ်တို့ ဘိုးဘေးတို့သည် မာနထောင်လွှား၍၊ ခိုင်မာသော လည်ပင်းနှင့် ပညတ်တော်ကို နားမထောင်ကြ။ ၁၇ သူတို့တွင် ပြုတော်မူသော အံ့ဘွယ်သော အမှုတို့ကို မအောက်မေ့။ အာဏာတော်ကို ငြင်းဆန်လျက်၊ လည်ပင်းခိုင်မာသည် ဖြစ်၍၊ ကျွန်ခံရာ အဲဂုတ္တုပြည်သို့ ပြန်လိုသောငှါ၊ လူကြီးတဦးကို ချီးမြှောက်ကြ၏။ သို့ရာတွင် ကိုယ်တော်သည် အပြစ်ကို ဖြေတတ်သောဘုရား၊ ချစ်သနားခြင်း မေတ္တာကရုဏာနှင့် ပြည့်စုံ၍၊ စိတ်ရှည်ခြင်း၊ ကျေးဇူးပြုခြင်းနှင့် ကြွယ်ဝသော ဘုရား ဖြစ်တော်မူသောကြောင့်၊ သူတို့ကို စွန့်ပစ်တော်မမူ။

နွားသငယ်အရုပ်ကို ဘုရား လုပ်သော်လည်းမစွန့်

၁၈ ထိုမျှမက သူတို့သည် နွားသငယ်အရုပ်ကို သွန်း၍၊ အိုဣသရေလအမျိုး၊ ဤဘုရားသည် သင့်ကို အဲဂုတ္တုပြည်မှ နှုတ်ဆောင်သော သင်၏ဘုရား ဖြစ်တော်မူ၏၊ ဟုဆိုလျက်၊ အလွန်ပြစ်မှားသော်လည်း၊ ၁၉ ကိုယ်တော်သည် အထူးသဖြင့် သနားတတ်သော ဘုရားဖြစ်တော်မူ၍၊ တော၌ သူတို့ကို စွန့်ပစ်တော်မမူ။ နေ့အချိန်၌ လမ်းပြသော မိုးတိမ်တိုင် မပျောက်၊ ညအချိန်၌ သူတို့သွားရာလမ်းကို လင်းစေသော မီးတိုင်လည်းမကွယ်။ ၂၀ သူတို့အား သွန်သင်စရာဘို့ ကောင်းသော ဝိညာဉ်တော်ကို ပေးတော်မူ၏။ သူတို့စားရသော ကိုယ်တော်၏မန္နကို ရုပ်သိမ်းတော်မမူ။ သူတို့အား အငတ်ပြေစေခြင်းငှါ၊ ရေကိုလည်း ပေးတော်မူ၏။ ၂၁ အနှစ်လေးဆယ်ပတ်လုံး သူတို့ကို အလျှင်းမဆင်းရဲစေခြင်းငှါ ကျွေးမွေးတော်မူ၏။ သူတို့အဝတ် မဟောင်းမနွမ်းရ။ သူတို့ခြေသည်လည်း မပွန်းမရောင်ရ။

ဂတိပေးခဲ့သော ပြည်သို့ပို့ဆောင်

CROSS REFERENCES

တရားဟော ၂း၃၃
၃၃ ငါတို့ ဘုရားသခင် ထာဝရဘုရားသည် ထိုမင်းကိုငါတို့၌ အပ်တော်မူသဖြင့် သူမှစ၍ သားများ၊ လူများအပေါင်းတို့ကို ငါတို့သည် လုပ်ကြံကြ၏။

တရားဟော ၃း၃
၃ ထိုသို့ ငါတို့ ဘုရားသခင် ထာဝရဘုရားသည်၊ ဗာရှန် ရှင်ဘုရင်ဩဃနှင့် သူ၏လူအပေါင်းတို့ကို ငါတို့လက်၌ အပ်တော်မူသဖြင့်၊ တယောက်မျှ မကြွင်းစေခြင်းငှာ၊ လုပ်ကြံကြ၏။

တရားဟော ၇း၂
၂ တဖန် သင့်လက်၌ အပ်တော်မူသောအခါ၊ သူတို့ကို လုပ်ကြံ၍ အကုန်အစင် သုတ်သင် ပယ်ရှင်းရမည်။ သူတို့နှင့် မိဿဟာယမဖွဲ့ရ၊ ကရုဏာကို မပြရ။

တရားဟော ၂၀း၁၃
၁၃ သင်၏ ဘုရားသခင် ထာဝရဘုရားသည် သင့်လက်၌ အပ်တော်မူသောအခါ၊ ယောကျ်ားရှိသမျှတို့ကို ဓားနှင့် လုပ်ကြံရမည်။

တရားဟော ၂၁း၁၀
၁၀ သင်သည် ရန်သူတို့ကို စစ်တိုက်သွား၍၊ သင်၏ ဘုရားသခင် ထာဝရဘုရားသည် သူတို့ကို သင့်လက်၌ အပ်တော်မူသဖြင့်၊ သင်သည် ဖမ်းယူသောအခါ၊

တရားဟော ၃၁း၅
၅ ထာဝရဘုရားသည် သူတို့ကို သင်တို့၌ အပ်တော်မူသဖြင့်၊ ငါမှာထားသမျှသော ပညတ်တို့အတိုင်း၊ သူတို့၌ ပြုရကြလိမ့်မည်။

ယောရှု ၈း၇
၇ ထိုအခါ သင်တို့သည် ကင်းထိုးလျက် နေရာအရပ်မှ ထ၍ မြို့ကိုတိုက်လျှင်၊ သင်တို့၏ ဘုရားသခင် ထာဝရဘုရားသည် သင်တို့လက်၌ အပ်တော်မူမည်။

ယောရှု ၁၀း၁၂
၁၂ ထိုသို့ အာမောရိလူတို့ကို ဣသရေလ အမျိုးသားတို့၌ အပ်တော်မူသောနေ့မှာ၊ ယောရှုသည် ထာဝရဘုရားကို ဆုတောင်းပြီးလျှင်၊ အိုနေ၊ သင်သည် ဂိဗောင်မြို့၌၎င်း၊ အိုလ၊ သင်သည် အာယလုန်ချိုင့်၌၎င်း၊ ငြိမ်ဝပ်စွာနေလော့၊ ဟုဣသရေလ အမျိုးသားများရှေ့တွင် မြွက်ဆိုသည်အတိုင်း၊

ယောရှု ၁၁း၈
၈ ထာဝရဘုရားသည် သူတို့ကို ဣသရေလ အမျိုးသားတို့လက်၌ အပ်တော်မူသဖြင့်၊ သူတို့ကို လုပ်ကြံ၍ ဇိဒုန်ရဗ္ဗာမြို့၊ မိသရ ဖေါသမိမ်မြို့ အရှေ့မျက်နှာ မိဇပါချိုင့် တိုင်အောင် လိုက်၍ တယောက်ကိုမျှ မကျန်ကြွင်းစေခြင်းငှာ လုပ်ကြံကြ၏။

ယောရှု ၂၁း၄၄
၄၄ ဘိုးဘေးတို့အား ကျိန်ဆိုတော်မူသမျှ အတိုင်း၊ ပတ်ဝန်းကျင်အရပ်၌ ငြိမ်ဝပ်ရာ အခွင့်ကို ပေးတော်မူသဖြင့်၊ သူတို့ရှေ့မှာ အဘယ်ရန်သူမျှ မရပ်နိုင်။ ရန်သူအပေါင်းတို့ကို သူတို့လက်သို့ အပ်တော်မူ၏။

တရားသူ ၁း၄
၄ ယုဒချီသွား၍ ထာဝရဘုရားသည် ခါနနိလူ၊ ဖေရဇိလူတို့ကို အပ်တော်မူသဖြင့်၊ ဗေဇက်မြို့၌ လူတထောင်ကို သတ်လေ၏။

တရားသူ ၃း၁၀
၁၀ ထာဝရဘုရား၏ ဝိညာဉ်တော်သည် သူ့အပေါ်သို့ သက်ရောက်သဖြင့်၊ သူသည် ဣသရေလ အမျိုးကို အုပ်စိုး၍၊ စစ်ချီလေ၏။ မေသောပေါတာမိ ရှင်ဘုရင် ခုရှံရိရှသိမ်ကို သူ့လက်၌ ထာဝရဘုရား အပ်တော်မူသဖြင့်၊ သူသည် ထိုရှင်ဘုရင်ကို အောင်လေ၏။

တရားသူ ၄း၁၄
၁၄ ဒေဗောရကလည်း ထလော့။ ယနေ့က ထာဝရဘုရားသည် သိသရကို သင့်လက်၌ အပ်တော်မူသောနေ့ ဖြစ်၏။ ထာဝရဘုရားသည် သင့်ရှေ့မှာ ကြွတော်မူပြီ မဟုတ်လော၊ ဟုဆိုလေသော်၊ ဗာရက်သည် လူတသောင်းနှင့်တကွ တာဗော်တောင်ပေါ်က ဆင်းလေ၏။

တရားသူ ၆း၁
၁ တဖန် ဣသရေလ အမျိုးသားတို့သည် ထာဝရဘုရား ရှေ့တော်၌ ဒုစရိုက်ကို ပြုသောကြောင့်၊ သူတို့ကို မိဒျန်အမျိုးလက်၌ ခုနစ်နှစ်ပတ်လုံး အပ်တော်မူသဖြင့်၊

တရားသူ ၇း၁၄
၁၄ သူ၏ အပေါင်းအဖေါ်က၊ ထိုမုန့်ပြားသည် အခြားမဟုတ်၊ ဣသရေလအမျိုး ယောရှသား ဂိဒေါင်၏ဓား ဖြစ်၏။ ထိုသူလက်၌ ဘုရားသခင်သည်၊ မိဒျန်အမျိုး မိဒျန်ဗိုလ်ခြေအပေါင်းကို အပ်တော်မူမည်၊ ဟုပြန်ပြော၏။

တရားသူ ၈း၃
၃ ဘုရားသခင်သည် မိဒျန် ဗိုလ်ချုပ် ဩရဘနှင့် ဇေဘတို့ကို သင်တို့လက်၌ အပ်တော်မူပြီ။ သင်တို့ပြုသကဲ့သို့ ငါသည် အဘယ်သို့ ပြုနိုင်သနည်း၊ ဟုပြန်ပြောသော စကားကို သူတို့သည် ကြားသောအခါ၊ စိတ်ပြေကြ၏။ sသုကုတ်မြို့နှင့် ပေနွေလမြို့သားတို့က ဂိဒေါင်ကို မကူညီချင်

တရားသူ ၁၁း၉
၉ ယေဖသက၊ အမ္မုန် လူတို့ကို စစ်တိုက်စေခြင်းငှာ၊ သင်တို့သည် ငါ့ကိုပြန်ပို့၍ ထာဝရဘုရားသည် သူတို့ကို ငါ့ရှေ့မှာ အပ်တော်မူလျှင်၊ ငါသည် သင်တို့အထွဋ် ဖြစ်ရသောအခွင့်ကို ပေးမည်လော၊ ဟုဂိလဒ်ပြည်သား အသက်ကြီးသူတို့အား မေးလေသော်၊

တရားသူ ၁၂း၃
၃ မကယ်မနှုတ်ကြောင်းကို ငါသည် သိမြင်သောအခါ၊ ကိုယ်အသက်ကို စွန့်စားလျက် အမ္မုန်အမျိုးသားတို့ကို တိုက်ခြင်းငှာ သွား၍၊ ထာဝရဘုရားသည် သူတို့ကို ငါ့လက်၌ အပ်တော်မူ၏။ သင်တို့သည် ငါ့ကို တိုက်ခြင်းငှာ အဘယ်ကြောင့် ယနေ့လာကြသနည်း၊ ဟုပြောဆိုပြီးလျှင်၊

တရားသူ ၁၃း၁
၁ တဖန် ဣသရေလ အမျိုးသားတို့သည်၊ ထာဝရဘုရား ရှေ့တော်၌ ဒုစရိုက်ကို ပြုသောကြောင့်၊ ထာဝရဘုရားသည် သူတို့ကို ဖိလိတ္တိလူတို့ လက်သို့ အနှစ် လေးဆယ်ပတ်လုံး အပ်တော်မူ၏။

တရားသူ ၁၆း၂၃
၂၃ ဖိလိတ္တိမင်းတို့ကို၊ ငါတို့ဘုရားသည် ငါတို့ ရန်သူကို ငါတို့လက်သို့ အပ်တော်မူပြီ၊ ဟုဆိုလျက်၊ သူတို့ဘုရား ဒါဂုန်အား ယဇ်ကြီးကို ပူဇော်၍ ပျော်မွေ့ခြင်းကို ပြုအံ့သောငှာ စည်းဝေးကြ၏။

တရားသူ ၁၈း၁၀
၁၀ သွားလျှင် သတိမရှိသော လူမျိုးနှင့် ကျယ်ဝန်းသောပြည်ကို တွေ့ကြလိမ့်မည်။ ဘုရားသခင်သည် သင်တို့လက်၌ အပ်တော်မူမည်။ ထိုပြည်၌ မြေကြီး ဥစ္စာစုံလင်လျက် ရှိသည်၊ ဟုပြောဆိုကြ၏။ sစူးစမ်းသောသူတို့က မိက္ခာအိမ်သို့ အဖော်များကိုခေါ်

၁ ဓမ္မ ၁၄း၁၀
၁၀ သို့မဟုတ်၊ လာကြဟုဆိုလျှင် သွားကြမည်။ ထာဝရဘုရားသည် သူတို့ကို ငါတို့လက်သို့ အပ်တော်မူ၏။ ထိုသို့သော ပုပ္ပနိမိတ်ရှိရ၏၊ ဟုဆိုသည်နှင့်အညီ၊

၁ ဓမ္မ ၁၇း၄၆
၄၆ ထာဝရဘုရားသည် သင့်ကို ငါ့လက်၌ ယနေ့အပ်တော်မူသဖြင့်၊ သင့်ကိုငါသတ်၍ လည်ပင်းကို ဖြတ်မည်။ ဖိလိတ္တိ ဗိုလ်ခြေ အသေကောင်များကို မိုးကောင်းကင်ငှက်နှင့် တောသားရဲတို့အား ယနေ့ငါပေးမည်။ ဣသရေလအမျိုး၌ ဘုရားသခင် ရှိတော်မူသည်ကို မြေကြီးသား အပေါင်းတို့သည် သိရကြလိမ့်မည်။

၁ ဓမ္မ ၂၄း၁၀
၁၀ ယနေ့ ထာဝရဘုရားသည် ဥမင်ထဲမှာ ကိုယ်တော်ကို ကျွန်တော်လက်၌ အပ်တော်မူကြောင်းကို ကြည့်ရှုတော်မူပါ။ အသက်တော်ကို သတ်စေခြင်းငှာ အချို့တို့သည် တိုက်တွန်းသော်လည်း၊ ကျွန်တော်သည် နှမြောသော စိတ်ရှိ၍၊ ငါ့အရှင်သည် ထာဝရဘုရား၏ ဘိသိက်ခံသူ ဖြစ်တော်မူသောကြောင့်၊ ထိုအရှင်ကို ထိခိုက်ခြင်းငှာ ငါသည်လက်ကို မဆန့်၊ ဟုအကြံရှိပါ၏။

၁ ဓမ္မ ၂၆း၈
၈ အဘိရှဲကလည်း၊ ဘုရားသခင်သည် ကိုယ်တော်၏ ရန်သူကို ကိုယ်တော်လက်၌ ယနေ့အပ်တော်မူပြီ။ ထိုကြောင့် ကျွန်တော်သည် မြေတိုင်အောင် လှံနှင့်တချက်တည်း ထိုးပါရစေ၊ ဟုကျွန်တော် တောင်းပန်ပါ၏။ နှစ်ချက်တိုင်အောင် မထိုးပါ၊ ဟုဒါဝိဒ်ကို လျှောက် သော်လည်း၊

၁ ဓမ္မ ၂၈း၁၉
၁၉ ထိုမှတပါး သင်နှင့် ဣသရေလ အမျိုးကို ဖိလိတ္တိလူတို့ လက်၌ အပ်တော်မူမည်။ နက်ဖြန်နေ့ သင်နှင့် သင်၏သားတို့သည် ငါနှင့်အတူ ရှိလိမ့်မည်။ ထာဝရဘုရားသည် ဣသရေလ လူအလုံးအရင်းကို ဖိလိတ္တိလူတို့လက်၌ အပ်တော်မူမည်၊ ဟုဆို၏။ s နတ်ဝင်မိန်းမက နွားကလေးသတ်၍ ရှောလုကိုကျွေး

၁ ဓမ္မ ၃၀း၂၃
၂၃ ဒါဝိဒ်ကလည်း၊ ငါ့ညီအစ်ကိုတို့ ငါတို့ကို စောင့်မ၍ ငါတို့ကို တိုက်လာသော အလုံးအရင်းကို ငါတို့လက်သို့ အပ်တော်မူသော ထာဝရဘုရား ပေးသနားတော်မူသော ဥစ္စာကို ထိုသို့မပြုရ။

၂ ဓမ္မ ၅း၁၉
၁၉ ဒါဝိဒ်ကလည်း အကျွန်ုပ်သည် ဖိလိတ္တိ လူတို့ရှိရာသို့ သွားရပါမည်လော။ အကျွန်ုပ်လက်၌ အပ်တော်မူမည်လောဟု ထာဝရဘုရားကို မေးလျှောက်လျှင်၊ ထာဝရဘုရားက သွားလော့။ ငါသည် ဖိလိတ္တိလူတို့ကို သင့်လက်သို့ ဆက်ဆက်အပ်မည် ဟု မိန့်တော်မူသည်အတိုင်း

၂ ဓမ္မ ၁၈း၂၈
၂၈ အဟိမတ်ကလည်း ချမ်းသာရပါ၏၊ ဟုဟစ်ပြီး ရှင်ဘုရင်ရှေ့ မြေပေါ်မှာ ပြပ်ဝပ်လျက် အရှင်မင်းကြီးကို ပုန်ကန်သောလူတို့ကို အပ်တော်မူသော ကိုယ်တော်၏ ဘုရားသခင် ထာဝရဘုရားသည် မင်္ဂလာ ရှိတော်မူစေသတည်းဟု လျှောက်လေ၏။

၃ ဓမ္မ ၈း၄၆
၄၆ မပြစ်မှားတတ်သော လူတယောက်မျှ မရှိသည်ဖြစ်၍၊ ကိုယ်တော်၏လူတို့သည် ကိုယ်တော်ကို ပြစ်မှားသောကြောင့်၊ အမျက်တော်ထွက်၍ ရန်သူလက်သို့ အပ်တော်မူသဖြင့်၊ ရန်သူတို့သည် ဝေးသောပြည်၊ နီးသောပြည်၊ အခြားတပါးသောပြည်သို့ သိမ်းသွားလျှင်၎င်း၊

၃ ဓမ္မ ၂၀း၁၄
၁၄ အာဟပ်ကလည်း၊ အဘယ်သူအားဖြင့် အပ်တော်မူမည်နည်း၊ ဟုမေးလျှင်၊ မြို့ဝန်များ၏ လုလင်တို့အားဖြင့် အပ်မည်၊ ဟုထာဝရဘုရား မိန့်တော်မူကြောင်းကို ဆင့်ဆို၏။ စစ်မှုကို အဘယ်သူ စီရင်ရမည်နည်း၊ ဟုမေးပြန်သော်၊ မင်းကြီးကိုယ်တိုင် စီရင်ရမည်၊ ဟုဆို၏။

၄ ဓမ္မ ၃း၁၈
၁၈ ထိုအမှုသည် ထာဝရဘုရား ရှေ့တော်၌ သာမညအမှု ဖြစ်သေး၏။ မောဘလူတို့ကိုလည်း သင်တို့လက်သို့ အပ်တော်မူမည်။

၄ ဓမ္မ ၁၃း၃
၃ ထိုကြောင့် ထာဝရဘုရားသည် ဣသရေလ အမျိုးကို အမျက်ထွက်၍ ယောခတ်မင်း လက်ထက်ကာလပတ်လုံး၊ ရှုရိရှင်ဘုရင် ဟာဇေလနှင့် သူ၏သား ဗယ်ာဒဒ်လက်သို့ ဣသရေလ အမျိုးကို အပ်တော်မူ၏။

၄ ဓမ္မ ၁၇း၂၀
၂၀ ထာဝရဘုရားသည်လည်း၊ ဣသရေလ အမျိုးရှိသမျှကို ရွံ့ရှာ၍ မျက်မှောက်တော်မှ မနှင်ထုတ်မှီ တိုင်အောင် ဒဏ်ခတ်တော်မူ၏။ လုယက်သော သူတို့လက်၌ အပ်တော်မူ၏။

၁ ရာ ၁၀း၁၄
၁၄ ထာဝရဘုရားကို မမေးမြန်းဘဲ နတ်ဝင်မိန်းမကို ရှာဖွေ မေးမြန်းသောကြောင့်၎င်း၊ ထာဝရဘုရားသည် သူ့ကိုကွပ်မျက်၌ နိုင်ငံတော်ကို ယေရှဲသား ဒါဝိဒ်၌ လွှဲအပ်တော်မူ၏။

၁ ရာ ၁၄း၁၀
၁၀ ဒါဝိဒ်ကလည်း၊ အကျွန်ုပ်သည် ဖိလိတ္တိလူတို့ရှိရာသို့ သွားရပါမည်လော။ အကျွန်ုပ်လက်၌ အပ်တော်မူမည်လော၊ ဟုဘုရားသခင်ကို မေးလျှောက်လျှင်၊ ထာဝရဘုရားက သွားလော့။ သင့်လက်၌ ငါအပ်မည်၊ ဟုမိန့်တော်မူသည်အတိုင်း၊

၁ ရာ ၂၂း၁၈
၁၈ သင်တို့၏ ဘုရားသခင် ထာဝရဘုရားသည် သင်တို့နှင့်အတူ ရှိတော်မူသည် မဟုတ်လော။ အရပ်ရပ်၌ ငြိမ်ဝပ်ရသော အမှုကို ပေးတော်မူသည် မဟုတ်လော။ ပြည်သူ ပြည်သားတို့ကို ငါ့လက်၌ အပ်တော်မူသဖြင့်၊ ထာဝရဘုရား၏ရှေ့၊ ထိုဘုရားသခင်၏ လူတို့ရှေ့မှာ တပြည်လုံးသည် နှိမ့်ချလျက်ရှိ၏။

၂ ရာ ၆း၃၆
၃၆ မပြစ်မှားတတ်သော သူတယောက်မျှ မရှိသည်ဖြစ်၍၊ ကိုယ်တော်၏လူ တို့သည် ကိုယ်တော်ကို ပြစ်မှားသောကြောင့်၊ အမျက်တော်ထွက်၍ ရန်သူလက်သို့ အပ်တော်မူသဖြင့်၊ ရန်သူတို့သည် ဝေးသောပြည်၊ နီးသောပြည်၊ အခြားတပါးသော ပြည်သို့ သိမ်းသွားလျှင်၎င်း၊

၂ ရာ ၁၃း၅
၅ ဣသရေလ အမျိုး၏ ဘုရားသခင် ထာဝရဘုရားသည် ဆားနှင့်ယှဉ်သော ပဋိညာဉ်အားဖြင့်၊ ဣသရေလ နိုင်ငံကို ဒါဝိဒ်နှင့် သားတော် မြေးတော်တို့၌ အစဉ် အပ်တော်မူကြောင်းကို၊ သင်တို့သိမှတ် သင့်သည် မဟုတ်လော။

၂ ရာ ၂၄း၂၄
၂၄ ယုဒလူတို့သည် ဘိုးဘေးတို့၏ ဘုရားသခင် ထာဝရဘုရားကို စွန့်သောကြောင့်၊ များပြားသော အလုံးအရင်း ဖြစ်သော်လည်း၊ နည်းသော ရှုရိတပ် အလုံးအရင်းလက်သို့ ထာဝရဘုရား အပ်တော်မူ၍၊ ရှုရိလူတို့သည် ယောရှကို တရားစီရင်ကြ၏။ sယောရှမင်း အသတ်ခံရ

၂ ရာ ၂၈း၅
၅ ထို့ကြောင့်၊ သူ၏ ဘုရားသခင် ထာဝရဘုရားသည် သူ့ကို ရှုရိ ရှင်ဘုရင် လက်သို့ အပ်တော်မူသဖြင့်၊ ရှုရိလူတို့သည် လုပ်ကြံလျက်၊ များစွာသော လူတို့ကိုဖမ်းဆီး၍၊ ဒမာသက်မြို့သို့ သိမ်းသွားကြ၏။ s ဣသရေလရှင်ဘုရင် လက်သို့အပ်

၂ ရာ ၂၉း၈
၈ ထိုကြောင့်၊ ထာဝရဘုရားသည် ယုဒပြည် ယေရုရှလင်မြို့ကို အမျက်တော်ထွက်၍၊ သင်တို့မြင်သည်အတိုင်း ဆင်းရဲခံခြင်း၊ မိန်းမောတွေဝေခြင်း၊ ကဲ့ရဲ့သံကို ကြားခြင်းအမှု၌ အပ်တော်မူပြီ။

၂ ရာ ၃၀း၇
၇ ဘိုးဘေးတို့၏ ဘုရားသခင် ထာဝရဘုရားကို ပြစ်မှားသော သင်တို့၏အဘများ၊ ညီအစ်ကိုများကဲ့သို့ မပြုကြနှင့်။ ပြစ်မှားသော ထိုသူတို့ကို သင်တို့မြင်သည်အတိုင်း၊ သုတ်သင်ပယ်ရှင်းခြင်းသို့ အပ်တော်မူပြီ။

၂ ရာ ၃၆း၇
၇ ဗိမာန်တော် တန်ဆာ အချို့တို့ကိုလည်း ယူသွား၍၊ ဗာဗုလုန်မြို့ ဗိမာန်၌ ထားလေ၏။

ဧဇရ ၅း၁၂
၁၂ ငါတို့ ဘိုးဘေးတို့သည် ကောင်းကင်ဘုံ၏အရှင် ဘုရားသခင်၏ အမျက်တော်ကို နှိုးဆော်သောကြောင့်၊ သူတို့ကို ခါလဒဲမင်း၊ ဗာဗုလုန် ရှင်ဘုရင် နေဗုခဒ်နေဇာလက်သို့ အပ်တော်မူသဖြင့်၊ ထိုရှင်ဘုရင်သည် ဤအိမ်တော်ကို ဖျက်ဆီး၍၊ ပြည်သားတို့ကို ဗာဗုလုန်မြို့သို့ သိမ်းသွား၏။ sဘုရင်၏အလိုတော်ကို တောင်းကြ

ဆာ ၇၈း၄၈
၄၈ သူတို့၏ သိုးနွားများကို မိုးသီးဖြင့်၎င်း၊ ပြုစုသော တိရစ္ဆာန်များကို မီး၌၎င်း၊ အပ်တော်မူ၏။

ဆာ ၁၀၆း၄၁
၄၁ သူတို့ကို တပါးအမျိုးသား တို့လက်သို့ အပ်တော်မူသဖြင့်၊ မုန်းသောသူတို့သည် အုပ်စိုးရကြ၏။

ဟေရှာယ ၄၂း၂၄
၂၄ လုယူရာ ဖြစ်စေခြင်းငှါ၊ ယာကုပ်ကို၎င်း၊ ဓါးပြတို့လက်သို့ ဣသရေလကို၎င်း၊ အဘယ်သူ အပ်သနည်း။ ငါတို့ပြစ်မှားသော အရှင် ထာဝရဘုရား အပ်တော်မူသည် မဟုတ်လော။ သူတို့သည် နောက်တော်သို့ မလိုက် တရားတော်ကို မကျင့်ဘဲ နေကြ၏။

ယေရမိအ ၁၈း၂၁
၂၁ ထိုကြောင့်၊ သူတို့ကိုဓါးဘေးသို့၎င်း၊ သူတို့သားသမီးများကို မွတ်သိပ်ခြင်းသို့၎င်း အပ်တော်မူပါ။ သူတို့မိန်းမတို့သည်သားများဆုံး၍ မုဆိုးမဖြစ်ကြပါစေသော်။ လူကြီးတို့သည်အသေသတ်ခြင်းကိုခံရ၍၊ လူတို့လည်းစစ်တိုက်ပွဲ၌ ဓါးဖြင့်ဆုံးကြပါစေသော်။

ယေရမိအ ၂၅း၃၁
၃၁ မြေကြီးစွန်းတိုင်အောင် အသံနှံ့ပြားလိမ့်မည်။ ထာဝရဘုရားသည် လူအမျိုးမျိုးတို့နှင့် တရားတွေ့စရာအကြောင်းရှိ၍၊ ခပ်သိမ်းသောသတ္တဝါတို့ကို အမှုလုပ်တော်မူမည်။ ဆိုးသောသူတို့ကို ဓါးနှင့်ကွပ်မျက်စေခြင်းငှါ အပ်တော်မူမည် ဟုထာဝရ ဘုရားမိန့်တော်မူ၏။ sဘေးသည်တပြည်မှတပြည်ကူးဆက်မည်

ယေရမိအ ၃၂း၂၄
၂၄ ပြအိုးမြေရိုးတို့ကို ကြည့်ရှုတော်မူပါ။ မြို့တော်ကိုတိုက်ယူခြင်းငှါ ရောက်ကြပါပြီ။ ဓါးဘေး၊ မွတ်သိပ်ခြင်းဘေး၊ ကာလနာဘေးတို့ဖြင့် တိုက်သော ခါလဒဲလူတို့လက်သို့ မြို့တော်ကို အပ်တော်မူပြီ။ မိန့်တော်မူသော စကား ပြည့်စုံကြောင်းကိုလည်း ကိုယ်တော်တိုင် မြင်တော်မူ၏။

ယေရမိမြည် ၂း၇
၇ ထာဝရဘုရားသည် မိမိယဇ်ပလ္လင်တော်ကို ပယ်တော်မူပြီ။ မိမိသန့်ရှင်းရာ ဌာနတော်ကို စက်ဆုပ်တော်မူပြီ။ ဘုံဗိမာန်တော်ကို ရန်သူလက်သို့အပ်တော်မူသဖြင့် ပွဲသဘင်ခံသောနေ့၌ အသံပြုသကဲ့သို့၊ ရန်သူတို့သည် ထာဝရဘုရား၏ အိမ်တော်၌ အသံပြုကြပြီ။

ဒံ ၅း၂၁
၂၁ လူသားစုထဲက နှင်ထုတ်ခြင်းကိုခံ၍ တိရစ္ဆာန်သဘောနှင့် ပြည့်စုံ၏။ အမြင့်ဆုံးသော ဘုရားသခင်သည် လောကီနိုင်ငံကို အုပ်စိုး၍၊ အလိုတော် ရှိသောသူတို့အား အပ်တော်မူသည်ကို မသိမမှတ်မှီ တိုင်အောင်၊ မြည်းရိုင်းတို့နှင့် ပေါင်းဖေါ်လျက်၊ နွားကဲ့သို့ မြက်ကိုစားလျက်၊ မိုးစွတ်ခြင်းကိုခံ၍ နေရ၏။ sဒံယေလက အနက်ဖွင့် ဗေလရှာဇာအသတ်ခံ

၂၂ နောက်မှ တပါးအမျိုးသားတို့၏ တိုင်းနိုင်ငံများကို သူတို့အား အကုန်အစင် ဝေဖန်၍ ပေးသနားတော်မူသဖြင့်၊ သူတို့သည် ဟေရှဘုန်ရှင်ဘုရင် ရှိဟုန်နှင့် ဗာရှန်ရှင်ဘုရင် ဩဃအစိုးရသော ပြည်တို့ကို သိမ်းယူကြ၏။၂၃ သူတို့ သားမြေးတို့ကို မိုးကောင်းကင် ကြယ်ကဲ့သို့ များပြားစေတော်မူ၏။ အကြင်ပြည်ထဲသို့ သူတို့ဝင်၍ သိမ်းယူမည်အကြောင်း၊ သူတို့၏ ဘိုးဘေးတို့အား ဂတိထားတော်မူ၏။ ထိုပြည်ထဲသို့ သွင်းတော်မူသဖြင့်၊ ၂၄ သားမြေးတို့သည် ဝင်၍ သိမ်းယူကြ၏။ သူတို့ရှေ့မှာ ထိုပြည်သား ခါနာနိလူတို့ကို နှိပ်စက်တော်မူ၍၊ ရှင်ဘုရင် အစရှိသော ပြည်သူပြည်သားတို့ကို ပြုချင်သမျှ ပြုရသောအခွင့်နှင့် သူတို့လက်သို့ အပ်တော်မူ၏။ [B] ၂၅ ထိုသို့သူတို့သည် ခိုင်ခံ့သောမြို့များ၊ မြေကောင်းသောပြည်၊ ဥစ္စာနှင့် ပြည့်သောအိမ်၊ တူးပြီးသောရေတွင်း၊ များပြားသော စပျစ်ဥယျာဉ်၊ သံလွင်ဥယျာဉ်၊ အသီးသီးသော အပင်တို့ကို သိမ်းယူ၍၊ ဝစွာစားသောက်လျက် အသားဆူဖြိုး၍၊ ကျေးဇူးတော် ကြွယ်ဝခြင်း၌ မွေ့လျော်ကြ၏။

ပုန်ကန်၍ ဒုက္ခခံစေ၍ ပြန်ကယ်တင်ပြန်

၂၆ သို့ရာတွင် အမိန့်တော်ကို နားမထောင်၊ ပုန်ကုန်လျက် တရားတော်ကို ကျောနောက်သို့ ပစ်ထားကြ၏။ အထံတော်သို့ပြန် လာစေခြင်းငှါ၊ ဆုံးမသော ကိုယ်တော်၏ ပရောဖက်တို့ကို သတ်၍၊ အလွန်ပြစ်မှားခြင်းကို ပြုကြ၏။ ၂၇ ထိုကြောင့်၊ သူတို့ကို နှောင့်ရှက်သော သူလက်သို့ အပ်လိုက်တော်မူ၏။ ဆင်းရဲခံရ၍ ကိုယ်တော်ကို အော်ဟစ်ကြသောအခါ၊ ကောင်းကင်ဘုံက နားထောင်၍၊ ကရုဏာ ကျေးဇူးတော် ကြွယ်ဝသည်အတိုင်း၊ ရန်သူလက်မှ ကယ်လွှတ်သော ကျေးဇူးရှင်တို့ကို ပေါ်ထွန်းစေတော်မူ၏။ ၂၈ တဖန် ချမ်းသာရသောအခါ၊ ရှေ့တော်၌ ဒုစရိုက်ကို ပြုပြင်ကြသောကြောင့်၊ ရန်သူ အစိုးရမည်အကြောင်း တဖန် အပ်တော်မူ၏။ သူတို့သည် ပြန်လာ၍ ကိုယ်တော်ကို အော်ဟစ်ကြသောအခါ၊ ကောင်းကင်ဘုံက နားထောင်၍၊ ကရုဏာတော် ရှိသည်အတိုင်း အထပ်ထပ် ကယ်တင်တော်မူ၏။ ၂၉ တရားတော်ကို ကျင့်ပြန်စေခြင်းငှါ ဆုံးမတော်မူသော်လည်း၊ သူတို့သည် နားမထောင်၊ မာနထောင်လွှားကြ၏။ ကျင့်သောသူ၌ အသက်ရှင်စရာ အကြောင်းဖြစ်သော စီရင်တော်မူချက်တို့ကို လွန်ကျူးကြ၏။ ခိုင်မာသော လည်ပင်းနှင့် ရုန်းလျက် နားမထောင်ဘဲ နေကြ၏။ ၃၀ နှစ်ပေါင်းများစွာ သူတို့ကို သည်းခံ၍၊ ကိုယ်တော်၏ ပရောဖက်တို့၌ ရှိသော ကိုယ်တော်၏ ဝိညာဉ်အားဖြင့် ဆုံးမတော်မူသော်လည်း၊ သူတို့သည် နားမထောင်သောကြောင့်၊ ဤပြည်သူ ပြည်သားတို့ လက်သို့ အပ်တော်မူ၏။ ၃၁ သို့ရာတွင် ကိုယ်တော်သည် ချစ်သနားခြင်း မေတ္တာ ကရုဏာတော် ကြွယ်ဝသောကြောင့်၊ သူတို့ကို ရှင်းရှင်း ဖျက်ဆီးတော်မမူ။ စွန့်ပစ်တော်မမူ။

အပြစ်များဝန်ခံ၍ တောင်းပန်ကြ

CROSS REFERENCES

ထွက် ၃၂း၁၁
၁၁ မောရှေကလည်း၊ အိုထာဝရဘုရား၊ ကိုယ်တော်သည် မဟာတန်ခိုး အားကြီးသောလက်နှင့် အဲဂုတ္တုပြည်မှ နှုတ်ဆောင်ခဲ့သော ကိုယ်တော်၏လူတို့ကို၊ အဘယ်ကြောင့် အမျက်ပြင်းစွာ ထွက်တော်မူသနည်း။

တရားဟော ၄း၃၈
၃၈ သင်တို့ထက် အားကြီး၍ များပြားသော လူမျိုးတို့ကို သင်တို့ရှေ့မှ နှင်ထုတ်တော်မူ၍၊ ယနေ့ပင် ဖြစ်သကဲ့သို့ သူတို့မြေထဲသို့ သင်တို့ကို သွင်း၍ အမွေခံစေခြင်းငှာ၊ မဟာတန်ခိုးတော်အားဖြင့် အဲဂုတ္တုပြည်မှ ရှေ့တော်၌ နှုတ်ဆောင်တော်မှုပြီ။

တရားဟော ၉း၂၉
၂၉ ဤလူတို့သည်ကား၊ မဟာ တန်ခိုးတော်နှင့် လက်ရုံးတော်ကိုဆန့်သဖြင့် နှုတ်ဆောင်တော်မူသော ကိုယ်တော်၏ အမွေလူ ဖြစ်ကြပါသည်၊ ဟုငါသည်ဆုတောင်းလေ၏။

တရားဟော ၃၄း၁၁
၁၁ အံ့ဘွယ်သော အမှုအလုံးစုံတို့ကို ပြု၍၊ ဣသရေလ အမျိုးသား အပေါင်းတို့ရှေ့မှာ မဟာတန်ခိုးတော်နှင့် အလွန် ကြောက်မက်ဘွယ်သော အမှုအရာ အပေါင်းတို့ကို ပြလေရာတွင်၊

နေဟမိ ၁း၁၀
၁၀ ယခုမှာ၊ ဤသူတို့သည် မဟာတန်ခိုးတော်နှင့် အားကြီးသော လက်နက်တော်ဖြင့် ရွေးနှုတ်သော ကိုယ်တော်ကျွန်၊ ကိုယ်တော်လူမျိုး ဖြစ်ကြပါ၏။

နေဟမိ ၉း၃၂
၃၂ သို့ဖြစ်၍၊ အိုအကျွန်ုပ်တို့၏ ဘုရား၊ ကြီးမြတ်၍ မဟာတန်ခိုးနှင့် ပြည့်စုံလျက် ကြောက်မက်ဘွယ်သော ဘုရား၊ ကရုဏာ ပဋိညာဉ်တော်ကို စောင့်တော်မူသော ဘုရား၊ အာရှုရိရှင်ဘုရင် လက်ထက်မှစ၍ ယနေ့တိုင်အောင်၊ အကျွန်ုပ်တို့ ရှင်ဘုရင်၊ မှူးမတ်၊ ယဇ်ပုရောဟိတ်၊ ပရောဖက်၊ အဆွေအမျိုးသူကြီး၊ ကိုယ်တော်၏ လူအပေါင်းတို့ အပေါ်သို့ ရောက်သော ဘေးဒဏ်ရှိသမျှကို ပမာဏမပြုဘဲ နေတော်မမူပါနှင့်။

ယောဘ ၂၃း၆
၆ မဟာတန်ခိုးအားဖြင့် ငါနှင့် တရား တွေ့တော်မူမည်လော။ တွေ့တော်မမူ။ ငါ့စကားကို နားထောင်တော်မူမည်။

ဆာ ၁၀၆း၈
၈ သို့သော်လည်း၊ မဟာတန်ခိုးတော်ကို ထင်ရှားစေခြင်းငှါ၊ နာမတော်၏ အကြောင်းကြောင့် သူတို့ကို ကယ်တင်တော်မူ၏။

ယေရမိအ ၂၇း၅
၅ ငါသည် မဟာတန်ခိုးနှင့် လက်ရုံးကိုဆန့်လျက်၊ မြေကြီးကို၎င်း၊ မြေကြီးပေါ်မှာရှိသော လူနှင့် တိရစ္ဆာန်တို့ကို၎င်း၊ ဖန်ဆင်းသည်ဖြစ်၍၊ ငါသည် ပေးလိုသောသူတို့အား ပေး၏။

ယေရမိအ ၃၂း၁၇
၁၇ အို အရှင်ထာဝရဘုရား၊ ကိုယ်တော်သည် မဟာတန်ခိုးနှင့် လက်ရုံးတော်ကို ဆန့်၍၊ ကောင်းကင်နှင့် မြေကြီးကို ဖန်ဆင်းတော်မူပြီ။ ကိုယ်တော် မတတ်နိုင်သော အရာတစုံတခုမျှ မရှိပါ။

လု ၉း၄၃
၄၃ လူအပေါင်းတို့သည် ဘုရားသခင်၏၊ မဟာတန်ခိုးတော်ကိုမြင်၍ မိန်းမောတွေဝေခြင်းရှိကြ၏။ sအဘယ်သူသာ၍ကြီးမြတ်သနည်း

တမန် ၈း၁၀
၁၀ လူကြီး လူငယ်ရှိသမျှတို့ကလည်း၊ ဤသူသည် ဘုရားသခင်၏ မဟာတန်ခိုးတော်ဖြစ်သည်၊ ဟုဆိုလျက်၊ ထိုသူ၌ ဆည်းကပ်ကြ၏။

ဧဖက် ၁း၂၀
၂၀ ထိုတန်ခိုးတော်ကား၊ ခရစ်တော်ကို သေခြင်းမှ ထမြောက်စေတော်မူ၍၊ ခရစ်တော်၌ ပြုပြင်သော၊ မဟာတန်ခိုး အာနုဘော်အရှိန်ကဲ့သို့ဖြစ်၏။

ဗျာ ၁၁း၁၇
၁၇ အနန္တတန်ခိုးနှင့် ပြည့်စုံ၍၊ ပစ္စုပ္ပန်၊ အတိတ်၊ အနာဂတ် ကာလအစဉ်ရှိတော်မူသော၊ ထာဝရအရှင်ဘုရားသခင်၊ ကိုယ်တော်၏ မဟာတန်ခိုးတော်ကို ယူဆောင်၍၊ စိုးစံတော်မူသော ကျေးဇူးတော်ကို ကျွန်ုပ်တို့သည် ချီးမွမ်းပါ၏။

၃၂ သို့ဖြစ်၍၊ အိုအကျွန်ုပ်တို့၏ ဘုရား၊ ကြီးမြတ်၍ မဟာတန်ခိုးနှင့် [C] ပြည့်စုံလျက် ကြောက်မက်ဘွယ်သော ဘုရား၊ ကရုဏာ ပဋိညာဉ်တော်ကို စောင့်တော်မူသော ဘုရား၊ အာရှုရိရှင်ဘုရင် လက်ထက်မှစ၍ ယနေ့တိုင်အောင်၊ အကျွန်ုပ်တို့ ရှင်ဘုရင်၊ မှူးမတ်၊ ယဇ်ပုရောဟိတ်၊ ပရောဖက်၊ အဆွေအမျိုးသူကြီး၊ ကိုယ်တော်၏ လူအပေါင်းတို့ အပေါ်သို့ ရောက်သော ဘေးဒဏ်ရှိသမျှကို ပမာဏမပြုဘဲ နေတော်မမူပါနှင့်။ ၃၃ ကိုယ်တော်မူကား၊ အကျွန်ုပ်တို့ အပေါ်သို့ ရောက်စေသမျှသော အမှု၌ တရားတော်မူ၏။ အကျွန်ုပ်တို့သည် မတရားသဖြင့် ပြုကြပါပြီ။ ကိုယ်တော်သည် တရားသဖြင့် စီရင်တော်မူပြီ။ ၃၄ အကျွန်ုပ်တို့ ရှင်ဘုရင်၊ မှူးမတ်၊ယဇ်ပုရောဟိတ်၊ အဆွေအမျိုး သူကြီးတို့သည် တရားတော်ကို မစောင့်။ ပေးထားတော်မူသော ပညတ်များနှင့် သက်သေခံချက်များတို့ကို နားမထောင်ကြ။ ၃၅ ကြီးသော ကျေးဇူးကို ပြုလျက်၊ အပ်ပေးတော်မူ၍၊ သူတို့ ပိုင်သောနိုင်ငံ၊ သနားတော်မူသော ပြည်ကြီး ပြည်ကောင်း၌ နေရသော်လည်း၊ အမှုတော်ကို မဆောင်မရွက်၊ မိမိတို့ပြုသော ဒုစရိုက်ကို မရှောင်ဘဲ နေကြပါ၏။ ၃၆ ဘိုးဘေးတို့သည် အလွန်မြတ်သော အသီးအနှံကို စားရသောအခွင့်နှင့်၊ သူတို့အား ပေးသနားတော်မူသော ပြည်၌ အကျွန်ုပ်တို့သည် ယနေ့အစေခံကျွန် ဖြစ်ကြပါ၏။ သူ့ကျွန် ခံရကြပါ၏။ ၃၇ အကျွန်ုပ်တို့ အပြစ်ကြောင့်၊ အကျွန်ုပ်တို့အပေါ်မှာ ခန့်ထားတော်မူသော ရှင်ဘုရင်တို့သည်၊ ဤပြည်၌ ကြွယ်ဝစွာ ဖြစ်သော အသီးအနှံကို သိမ်းစားမြဲရှိကြပါ၏။ အကျွန်ုပ်တို့၏ ကိုယ်နှင့် တိရစ္ဆာန်များကို သူတို့သည် ကိုယ်အလိုအလျောက် အစိုးပိုင်၍၊ အကျွန်ုပ်တို့သည် အလွန်ဆင်းရဲ ခံလျက် နေရပါသည်၊ ဟုမြွက်ဆိုကြ၏။ ၃၈ ထိုအကြောင်းအရာများကို ငါတို့သည် ဆင်ခြင်ပြီးမှ၊ သစ္စာပြု၍ စာချုပ်ကိုလည်း ရေးထားလျက်၊ ငါတို့အကြီးအကဲ၊ ယဇ်ပုရောဟိတ်၊ လေဝိသားတို့သည် တံဆိပ်ခတ်ကြ၏။