နေဟမိမှတ်စာ

အခန်းကြီး ၈

ကျမ်းတတ်ဧဇရက ကျမ်းစာဖတ်

၁ သတ္တမလရောက်မှ၊ မြို့ရွာအရပ်ရပ်၌ နေသော ဣသရေလလူ အမျိုးသား လူအပေါင်းတို့သည် လာ၍ ရေတံခါးလမ်းတွင် စည်းဝေးကြ၏။ ဣသရေလ အမျိုး၌ ထာဝရဘုရား၊ ထားတော်မူသော မောရှေ ပညတ္တိကျမ်းစာကို ကျမ်းတတ်ဆရာ ဧဇရကို တောင်းသည်အတိုင်း၊ ၂ နားထောင် နားလည်နိုင်သမျှသော ပရိသတ် ယောက်ျားမိန်းမတို့ ရှေ့သို့ သတ္တမလ ပဌမနေ့ရက်တွင်၊ ပညတ္တိကျမ်းကို ယဇ်ပုရောဟိတ် ဧဇရသည် ဆောင်ခဲ့၍၊ ၃ နားလည်နိုင်သောသူ၊ ယောက်ျား မိန်းမတို့ရှေ့မှာ၊ နံနက်အချိန်မှစ၍ မွန်းတည့်အချိန်တိုင်အောင် ရေတံခါးလမ်းတွင် ဖတ်ရွတ်လေ၏။ လူအပေါင်းတို့သည် ပညတ္တိကျမ်းစကားကို စေ့စေ့နားထောင်ကြ၏။ ၄ သူတို့လုပ်ကြသော တရားဟောရာ သစ်သားပလ္လင်ပေါ်မှာ ကျမ်းတတ်ဆရာ ဧဇရသည်ရပ်၍ မတ္တိသိ၊ ရှေမ၊ နာယ၊ ဥရိယ၊ ဟိလခိ၊ မာသေယတို့သည် လက်ျာဘက်၌၎င်း၊ ပေဒါယ၊ မိရှေလ၊ မာလခိ၊ ဟာရှုံ၊ ဟာရှဗဒါန၊ ဇာခရိ၊ မေရှုလံတို့သည် လက်ဝဲဘက်၌၎င်း၊ ရပ်နေကြ၏။ ၅ ထိုသို့ဧဇရသည် လူအပေါင်းတို့ထက် သာ၍မြင့်လျက်၊ လူအပေါင်းတို့ ရှေ့မှာ ကျမ်းစာကို ဖွင့်သောအခါ၊ လူအပေါင်းတို့သည် ထကြ၏။ ၆ ဧဇရသည် မြတ်စွာ ဘုရားသခင် ထာဝရဘုရားကို ကောင်းကြီးပေး၏။ လူအပေါင်းတို့က အာမင်၊ အာမင်၊ ဟုလက်တို့ကိုချီလျက်၊ ဝန်ခံ၍ ဦးချပြပ်ဝပ်လျက်၊ ထာဝရဘုရားကို ကိုးကွယ်ကြ၏။ ၇ ယောရှု၊ ဗာနိ၊ ရှေရဘိ၊ ယာမိန်၊ အက္ကုပ်၊ ရှဗ္ဗေသဲ၊ ဟောဒိယ၊ မာသေယ၊ ကေလိတ၊ အာဇရိ၊ ယောဇဗက်၊ ဟာနန်၊ ပေလာယအစရှိသော၊ လေဝိသားတို့သည်လည်း၊ လူများတို့အား ပညတ္တိကျမ်းစာ အနက်ကို ပြန်ကြားကြ၏။ လူများတို့သည်လည်း မိမိတို့နေရာ၌ နေကြ၏။ ၈ ထိုသို့ ဘုရားသခင်၏ ပညတ္တိကျမ်းစာကို သေချာစွာ ဖတ်ရွတ်၍ အနက်ကိုပြန်သဖြင့်၊ လူများ နားလည်စေခြင်းငှာ ပြုကြ၏။

ဤနေ့ရက်သည် ဝမ်းမြောက်မည့် နေ့ရက်ဖြစ်၏

၉ လူအပေါင်းတို့သည် ပညတ္တိကျမ်း စကားကို ကြားသောအခါ၊ ငိုကြွေး ကြသည်ဖြစ်၍၊ ပြည်အုပ်မင်း နေဟမိ၊ ကျမ်းတတ်ဆရာ ယဇ်ပုရောဟိတ် ဧဇရ၊ လူများတို့အား သွန်သင်သော လေဝိသားတို့က၊ ဤသည်နေ့ရက်သည် သင်တို့၏ ဘုရားသခင် ထာဝရဘုရားအဖို့၊ သန့်ရှင်းသော နေ့ရက်ဖြစ်၏။ ငိုကြွေး မြည်တမ်းခြင်းကို မပြုကြနှင့်။ ၁၀ သွားကြလော့။ မြိန်စွာသော အစာကို စားကြလော့။ ချိုသော အရည်ကို သောက်ကြလော့။ ဆင်းရဲသောသူတို့အား ဝေမျှကြလော့။ ဤသည်နေ့ရက်သည် ငါတို့ ဘုရားရှင်ဖို့ သန့်ရှင်း၏။ ဝမ်းမနည်းကြနှင့်။ ထာဝရဘုရား ပေးတော်မူသော အခွင့်နှင့် အားယူ၍ ဝမ်းမြောက်ကြလော့၊ ဟုလူအပေါင်းတို့အား ဆိုကြ၏။ ထိုသို့ လေဝိသားတို့က၊ ဤသည်နေ့ရက်သည် သန့်ရှင်းသောနေ့ ဖြစ်သောကြောင့်၊ တိတ်ဆိတ်စွာ နေကြလော့။ ဝမ်းမနည်းကြနှင့်၊ ဟုဆို၍၊ လူအပေါင်းတို့ကို ငြိမ်းစေကြ၏။ ၁၂ လူအပေါင်းတို့သည် ဟောပြောသော စကားတို့ကို နားလည်သောကြောင့် စားသောက်ခြင်း၊ သူတပါးတို့အား ဝေမျှခြင်း၊ အလွန်ပျော်မွေ့ခြင်းကို ပြုအံ့သောငှာ သွားကြ၏။

တဲပွဲကျင်းပကြ

CROSS REFERENCES

ဝတ်ပြု ၂၃း၃၄
၃၄ သင်တို့သည် သတ္တမလ ဆယ့်ငါးရက်နေ့မှစ၍ ခုနစ်ရက်ပတ်လုံး၊ ထာဝရဘုရားဖို့ သကေနေပွဲကို ခံရကြမည်။

ဝတ်ပြု ၂၃း၄၀-၄၂
၄၀ ပဌမနေ့၌ ကောင်းမွန်သော သစ်သီး၊ စွန်ပလွံခက်၊ မိုးမခပင် အစရှိသော အရွက်များသော အပင်၏ အကိုင်းအခက်တို့ကို ယူ၍၊ သင်တို့၏ ဘုရားသခင် ထာဝရဘုရား ရှေ့တော်၌၊ ခုနစ်ရက်ပတ်လုံး ရွှင်လန်းခြင်းကို ပြုရကြမည်။

တရားဟော ၁၆း၁၆
၁၆ အဇုမပွဲခံချိန်၊ ခုနစ်သတင်းပွဲခံချိန်၊ သကေနေပွဲခံချိန်တည်းဟူသော တနှစ်တွင်သုံးကြိမ်မြောက်အောင် သင်တို့ ယောက်ျား အပေါင်းတို့သည်၊ သင်၏ဘုရားသခင် ထာဝရဘုရား ရွေးကောက်တော်မူသောအရပ်၌ ရှေ့တော်မှာ မျက်နှာပြရကြမည်။ ထိုအခါထာဝရဘုရား ထံတော်သို့ အဘယ်သူမျှ လက်ချည်း မပေါ်မလာရ။

တရားဟော ၃၁း၁၀
၁၀ မှာထားသည်ကား၊ ခုနစ်နှစ်စေ့၍ ကျွန်များကို လွှတ်ခြင်းငှာ ချိန်းချက်သောနှစ်၊ သကေနေပွဲခံချိန်ရောက်မှ၊

၂ ရာဇဝင် ၈း၁၃
၁၃ ထိုမှတပါးဥပုသ်နေ့ နှင့်လဆန်းနေ့၌ ၎င်း၊ အဇုမပွဲ၊ ခုနစ်သီတင်းပွဲ၊ သကေနေပွဲ တည်းဟူသောတနှစ်တနှစ်လျှင်ဓမ္မပွဲသုံးပွဲခံသောနေ့၌၎င်း၊ ယဇ်ပူဇော်လေ့ရှိ၏။

ဧဇရ ၃း၄
၄ ကျမ်းစာလာသည် အတိုင်း၊ သကေနေပွဲကိုလည်းခံ၍ တရားနှင့်အညီ နေ့တိုင်းပြုသင့်သော ဝတ်ကိုပြုလျက်၊ နေ့တိုင်း မီးရှို့ရာယဇ်တို့ကို အရေအတွက်နှင့် ပူဇော်ကြ၏။

နေဟမိ ၈း၁၄-၁၇
၁၄ သတ္တမလပွဲကို ခံကြစဉ်၊ ဣသရေလ အမျိုးသား အပေါင်းတို့သည် သစ်ခက်တဲ၌ နေရကြမည်၊ ဟုမောရှေအားဖြင့် ထာဝရဘုရား ထားတော်မူသော၊ ပညတ္တိကျမ်းစာ၌ ရေးထားကြောင်းကို တွေ့ကြ၏။

ဇာခရိ ၁၄း၁၆
၁၆ ယေရုရှလင်မြို့ကို တိုက်လာသော၊ လူမျိုးအပေါင်းတို့တွင် ကျန်ကြွင်းသမျှသောသူ တို့သည်၊ ကောင်းကင် ဗိုလ်ခြေ အရှင်ထာဝရဘုရား တည်းဟူသော ရှင်ဘုရင်ကို ကိုးကွယ်၍၊ သကေနေပွဲခံအံ့သောငှါ မြို့တော်သို့ နှစ်တိုင်းအစဉ်အတိုင်း တက်လာ ကြလိမ့်မည်။

ယောဟန် ၇း၂
၂ ယုဒလူတို့၏ သကေနေပွဲ ခံခါနီးတွင်၊

CROSS REFERENCES

၁ ရာဇဝင် ၂၃း၃၁
၃၁ ပညတ် တရားတော်အတိုင်း ဥပုသ်နေ့၊ လဆန်းနေ့၊ ဓမ္မပွဲနေ့၊ အစဉ်မပြတ် ထာဝရဘုရား ရှေ့တော်၌ မီးရှို့ရာယဇ်မျိုးတို့ကို ပူဇော်ရကြမည်။

နေဟမိ ၈း၁၈
၁၈ ပဌမနေ့မှစ၍ နောက်ဆုံးသော နေ့တိုင်အောင် နေ့ရက်အစဉ်အတိုင်း ဘုရားသခင်၏ ပညတ္တိကျမ်းစာကို ဖတ်ရွတ်ကြ၏။ ထိုပွဲကို ခုနစ်ရက်ပတ်လုံး ခံကြ၏။ ရှစ်ရက်မြောက်သောနေ့၌ တရားတော်အတိုင်း ဓမ္မပွဲကိုလည်း ခံကြ၏။

နေဟမိ ၁၀း၂၉
၂၉ ညီအစ်ကို မှူးမတ်တို့၌ မှီဝဲလျက်၊ ဘုရားသခင်၏ကျွန် မောရှေအားဖြင့် ထားတော်မူသော ဘုရားသခင်၏ တရားတော်အတိုင်း ကျင့်ပါမည် ဟူ၍၎င်း၊ ငါတို့အရှင် ထာဝရဘုရား၏ ပညတ်တော်များ၊ စီရင်ထုံးဖွဲ့တော်မူချက် ရှိသမျှတို့ကို စောင့်ရှောက်ပါမည် ဟူ၍၎င်း၊

ဟေရှာယ ၉း၇
၇ ဒါဝိဒ်မင်း၏ ရာဇပလ္လင်ပေါ်မှာ ထိုင်၍ နိုင်ငံတော်ကို နောင်ကာလအစဉ်မပြတ်၊ တရားတော်အတိုင်း ဖြောင့်မတ်စွာ စီရင်၍ အမြဲတည် စေတော်မူမည်အကြောင်း၊ အာဏာတော် တိုးတက်ခြင်းနှင့်၊ ငြိမ်သက်တော်မူခြင်းသည် နိစ္စအမြဲ ရှိလိမ့်မည်။ ကောင်းကင် ဗိုလ်ခြေအရှင် ထာဝရဘုရားသည် အလိုတော်အားကြီး၍၊ ထိုအမှုကို ပြီးစီးစေတော်မူလိမ့်မည်။ sဘုရား၏အမျက်တော်

ဟေရှာယ ၁၁း၄
၄ ဆင်းရဲသားတို့၏အမှုကို တရားတော်အတိုင်းစီရင်၍၊ နှိမ့်ချသော မြေကြီးသားတို့ဘက်၌ နေလျက်၊ ဖြောင့်မတ်စွာ ဆုံးဖြတ်လိမ့်မည်။ မြေကြီးကို နှုတ်ကပတ်တော် လှံတံနှင့်ဒဏ်ခတ်၍၊ ဆိုးသောသူကို နှုတ်ခမ်းထွက်သက်နှင့် ကွပ်မျက်လိမ့်မည်။

ဟေရှာယ ၄၅း၁၃
၁၃ ထိုသူကိုလည်း တရားတော်အတိုင်း ငါပေါ်ထွန်းစေ၏။ သူသွားသော လမ်းကို ငါဖြောင့်စေမည်။ သူသည် ငါ၏ မြို့ကို တည်ဆောက်လိမ့်မည်။ သိမ်းသွား ချုပ်ထားခြင်းကို ခံရသော ငါ၏လူတို့ကို သူသည်အဘိုးမခံ၊ ဆုမယူဘဲ လွတ်လိမ့်မည်၊ ဟုကောင်းကင် ဗိုလ်ခြေ အရှင် ထာဝရဘုရား မိန့်တော်မူ၏။ s ဥစ္စာဆည်းဖူးသော သူတို့သင့်နောက်သို့လိုက်

ယေရမိအ ၁၀း၂၄
၂၄ အိုထာဝရဘုရား၊ အကျွန်ုပ်ကို ဆုံးမတော်မူလျှင်၊ အကျိုးနည်းစေခြင်းငှါ အမျက်ထွက်တော် မမူပါနှင့်။ တရားတော်အတိုင်းသာ ဆုံးမတော်မူပါ။

ဇေဖနိ ၂း၃
၃ တရားတော်အတိုင်းကျင့်၍ စိတ်နှိမ့်ချသော ပြည်သူပြည်သား အပေါင်းတို့၊ ထာဝရဘုရားကို ရှာကြလော့။ဖြောင့်မတ်ခြင်းနှင့် စိတ်နှိမ့်ချခြင်းကိုလည်း ရှာကြလော့။ ထာဝရဘုရား အမျက် ထွက်တော်မူသောနေ့၌ သင်တို့သည် ပုန်းရှောင်ရာကို တွေ့ကောင်း တွေ့ကြလိမ့်မည်။ sမြို့များကိုသုတ်သင်ပယ်ရှင်းမည်

၁၃ ဒုတိယနေ့ရက်တွင် အဆွေအမျိုး သူကြီးများတို့နှင့်တကွ၊ ယဇ်ပုရောဟိတ် လေဝိသားတို့သည် ပညတ္တိ ကျမ်းစကားကို နားလည်အံ့သောငှာ၊ ကျမ်းတတ်ဆရာ ဧဇရထံ၌ စည်းဝေးကြ၏။ ၁၄ သတ္တမလပွဲကို ခံကြစဉ်၊ ဣသရေလ အမျိုးသား အပေါင်းတို့သည် သစ်ခက်တဲ၌ နေရကြမည်၊ ဟုမောရှေအားဖြင့် ထာဝရဘုရား ထားတော်မူသော၊ ပညတ္တိကျမ်းစာ၌ ရေးထားကြောင်းကို တွေ့ကြ၏။ ၁၅ ထိုစကားကို ကြားသောအခါ၊ ကျမ်းစာ၌ ပါသည်အတိုင်း၊ သစ်ခက်တဲတို့ကို လုပ်ခြင်းငှာ၊ တောင်သို့သွားကြ။ သံလွင်ခက်၊ ထင်းရှူးခက်၊ မုရတုခက်၊ စွန်ပလွံခက် အစရှိသော ထူထပ်သော အခက်အလက် မျိုးတို့ကို ဆောင်ခဲ့ကြ၊ [B]ဟုယေရုရှလင်မြို့မှစ၍ ခပ်သိမ်းသော မြို့ရွာတို့၌ ကြော်ငြာကြ၏။ ၁၆ လူများတို့သည် ထွက်သွား၍၊ သစ်ခက်တို့ကို ဆောင်ခဲ့ပြီးလျှင် အိမ်မိုးပေါ်မှာ၎င်း၊ မိမိဝင်းထဲ ဗိမာန်တော် တံခါးထဲမှာ၎င်း၊ ရေတံခါးလမ်းနှင့် ဧဖရိမ် တံခါးလမ်းမှာ၎င်း၊ သစ်ခက်တဲများကို လုပ်ကြ၏။ ၁၇ ထိုသို့သိမ်းသွားခြင်းကို ခံရရာထဲက၊ ထွက်လာသော ပရိသတ် အပေါင်းတို့သည် သစ်ခက်တဲတို့ကို လုပ်၍၊ ထိုင်နေကြ၏။ နုန်သား ယောရှုလက်ထက်မှစ၍ ဣသရေလ အမျိုးတို့သည် တခါမျှ ထိုသို့မပြုကြ။ အလွန်ဝမ်းမြောက်လျက် နေကြ၏။ ၁၈ ပဌမနေ့မှစ၍ နောက်ဆုံးသော နေ့တိုင်အောင် နေ့ရက်အစဉ်အတိုင်း ဘုရားသခင်၏ ပညတ္တိကျမ်းစာကို ဖတ်ရွတ်ကြ၏။ ထိုပွဲကို ခုနစ်ရက်ပတ်လုံး ခံကြ၏။ ရှစ်ရက်မြောက်သောနေ့၌ တရားတော်အတိုင်း [C]ဓမ္မပွဲကိုလည်း ခံကြ၏။