၂ ရာဇဝင်ချုပ်

အခန်းကြီး ၂၅

CROSS REFERENCES

၄ ဓမ္မ ၁၄း၁-၆
၁ ဣသရေလ ရှင်ဘုရင် ယောခပ်သား ယဟောရှ နန်းစံနှစ်နှစ်တွင်၊

ယောရှသား အာမဇိနန်းထိုင် [A]

၁ အာမဇိသည် အသက် နှစ်ဆယ် ငါးနှစ်ရှိသော နန်းထိုင်၍၊ ယေရုရှလင်မြို့၌ နှစ်ဆယ်ကိုးနှစ် စိုးစံ၏။ မယ်တော်ကား၊ ယေရုရှလင်မြို့သူ ယုဒ္ဒန်အမည်ရှိ၏။ ၂ ထိုမင်းသည် ထာဝရဘုရား ရှေ့တော်၌ တရားသောအမှုကို ပြုသော်လည်း၊ စိတ်နှလုံး မစုံလင်။ ၃ အာမဇိသည် မင်းအာဏာ တည်သောအခါ၊ ခမည်းတော် မင်းကြီးကို သတ်သော ကျွန်တို့ကို သတ်လေ၏။ ၄ သားအတွက် အဘသည် အသေမခံရ။ အဘအတွက် သားသည် အသေမခံရ။ လူတိုင်း မိမိအပြစ်ကြောင့် အသေခံရ၏ဟု မောရှေ ပညတ္တိကျမ်းစာ၌ ရေးထားလျက်ရှိသော ထာဝရဘုရား၏ ပညတ်တော်ကို စောင့်ရှောက်၍၊ ထိုကျွန်တို့၏ သားများကို မသတ်ဘဲ နေ၏။

CROSS REFERENCES

ယောရှု ၁၄း၆
၆ ထိုအခါ ယုဒအမျိုးသား တို့သည်၊ ဂိလဂါလ၌ ယောရှုထံသို့လာ၍၊ ကေနက်အမျိုး ယေဖုန္နာ၏သား ကာလက်က၊ ထာဝရဘုရားသည် ကာဒေရှဗာနာ အရပ်၌ ကိုယ်တော်နှင့် အကျွန်ုပ်ကို ရည်ဆောင်၍၊ ဘုရားသခင်၏ လူမောရှေအား မိန့်တော်မူသော စကားကို ကိုယ်တော်သိပါ၏။

၁ ဓမ္မ ၂း၂ရ
၂၇ ဘုရားသခင်၏ လူတစ်ယောက်သည် ဧလိထံသို့ လာ၍၊ ထာဝရဘုရား မိန့်တော်မူသည်ကား၊ အဲဂုတ္တုပြည် ဖာရောဘုရင်ထံ၌ နေရသော သင့်အဘ၏ အမျိုးအား ငါထင်ရှားသည် မဟုတ်လော။

၄ ဓမ္မ ၁း၉
၉ လူငါးကျိပ်အပ်သော တပ်မှူးကို စေလွှတ်၍၊ တပ်မှူးသည် ထိုတောင်ပေါ်မှာ ထိုင်သော ဧလိယထံသို့ ရောက်ပြီးလျှင်၊ အိုဘုရားသခင်၏လူ၊ သင်သည် ဆင်းရမည်အကြောင်း၊ ရှင်ဘုရင် အမိန့်တော်ရှိသည်၊ ဟုဆို၏။

၂ ရာဇ ၈း၁၄
၁၄ ခမည်းတော်ဒါဝိဒ်စီရင်သည်အတိုင်း၊ ယဇ်ပုရောဟိတ်တို့သည်အလှည့်လှည့် ယဇ်ပုရောဟိတ်အမှုကို၎င်း၊ လေဝိသားတို့သည်နေ့ရက်အစဉ်ပြုသင့်သည်အတိုင်း၊ ယဇ်ပုရောဟိတ်တို့နှင့်ရော၍ထောမနာသီချင်းဆိုသဖြင့်၊ မိမိတို့အမှုကို၎င်း၊ တံခါးစောင့်တို့သည်အလှည့်လှည့်တံခါးရှိသမျှတို့ကိုစောင့်ခြင်းအမှုကို၎င်း၊ အသီးအသီးဆောင်ရွက်စေခြင်းငှါခန့်ထား၏။ ထိုသို့ဘုရားသခင် ၏လူဒါဝိဒ်မှာထားနှင့်သတည်း။

၂ ရာဇ ၁၁း၂
၂ သို့ရာတွင် ဘုရားသခင်၏ နှုတ်ကပတ်တော်သည် ဘုရားသခင်၏ လူရှေမာယသို့ ရောက်၍၊

၂ ရာဇ ၃၀း၁၆
၁၆ ဘုရားသခင်၏လူ မောရှေ ပညတ်တရား၌ စီရင်သော ထုံးစံအတိုင်း၊ မိမိတို့နေရာ၌ ရပ်နေလျက်၊ ယဇ်ပုရောဟိတ်တို့သည် လေဝိသားတို့လက်မှ အသွေးကိုယူ၍ ဖြန်းကြ၏။

ဧဇရ ၁း၃-၄
၃ သင်တို့တွင် အဘယ်သူသည် ဘုရားသခင်၏လူ ဖြစ်သနည်း။ ထိုသူနှင့်အတူ ဘုရားသခင် ရှိတော်မူပါစေသော်။ ယုဒပြည် ယေရုရှလင်မြို့သို့သွား၍ ဣသရေလ အမျိုး၏ ဘုရားသခင် ထာဝရဘုရား၏ အိမ်တော်ကို တည်ဆောက်စေ။ ယေရုရှလင်မြို့၌ ရှိတော်မူသော ဘုရားသည် ဘုရားသခင် ဖြစ်တော်မူ၏။

ဧဇရ ၃း၂
၂ ထိုအခါ ယောဇဒက်သား ယောရှုနှင့် သူ၏ညီအစ်ကို ယဇ်ပုရောဟိတ်များ၊ ရှာသေလသား ဇေရုဗဗေလနှင့် သူ၏ညီအစ်ကိုများတို့သည် ထ၍ ဘုရားသခင်၏လူ မောရှေရေးထားသော ပညတ္တိကျမ်းစာ၌ ပါသည်အတိုင်း၊ မီးရှို့ရာယဇ်တို့ကို ပူဇော်လိုသောငှါ၊ ဣသရေလ အမျိုး၏ ဘုရားသခင့် ယဇ်ပလ္လင်ကို တည်ကြ၏။

နေဟမိ ၁၂း၂၄
၂၄ လေဝိသား အကြီးအကဲ၊ ဟာရှဘိ၊ ရှေရဘိ၊ ကပ်မျောလသား ယောရှုတို့သည် ညီအစ်ကိုများနှင့် ဝိုင်း၍ ဘုရားသခင်၏လူ ဒါဝိဒ် စီရင်သည်အတိုင်း ဂုဏ်ကျေးဇူးတော်ကို ဖေါ်ပြချီးမွမ်းခြင်းအမှုကို အလှည့်လှည့် စောင့်ရကြ၏။

နေဟမိ ၁၂း၃၆
၃၆ သူ၏ညီရှေမာယ၊ အာဇရေယ၊ မိလလဲ၊ ဂိလလဲ၊ မာဣ၊ နာသနေလ၊ ယုဒ၊ ဟာနနိတို့သည်၊ ဘုရားသခင်၏ လူ ဒါဝိဒ်၏ တူရိယာမျိုးကို ကိုင်လျက် လိုက်ကြ၏။ ကျမ်းတတ်ဆရာ ဧဇရသည် သူတို့ရှေ့မှာ သွား၏။

၁ တိ ၆း၁၁
၁၁ သို့ဖြစ်၍၊ အိုဘုရားသခင်၏လူ၊ သင်သည် ထိုအပြစ်များကို ကြဉ်ရှောင်လော့။ ဖြောင့်မတ်စွာကျင့်ခြင်း၊ ဘုရားဝတ်၌ မွေ့လျော်ခြင်း၊ ယုံကြည်ခြင်း၊ ချစ်ခြင်း၊ သည်းခံခြင်း၊ နူးညံ့သိမ်မွေ့ခြင်းတို့ကို မှီအောင်လိုက်လော့။

၂ တိ ၃း၁ရ
၁၇ ဘုရားသခင်၏လူ သည် စုံလင်သောသူ၊ ကောင်းသောအမှု အမျိုးမျိုးတို့ကို ပြုစုခြင်းအလိုငှာ ပြင်ဆင်သောသူ ဖြစ်မည်အကြောင်း၊ ဩဝါဒပေးခြင်း၊ အပြစ်ကိုဖော်ပြခြင်း၊ ဖြောင့်မတ်စွာပြုပြင်ခြင်း၊ တရားကိုသွန်သင်ခြင်း ကျေးဇူးများကို ပြုတတ်၏။

၅ အာမဇိမင်းသည် ယုဒလူတို့ကို စည်းဝေး၍၊ ယုဒလူနှင့် ဗင်္ယာမိန်လူတို့တွင်၊ အဆွေအမျိုးအလိုက် လူတစ်ထောင်အုပ်၊ တစ်ရာအုပ်တို့ကို ခန့်ထား၏။ အသက် နှစ်ဆယ်လွန်၍၊ လှံနှင့် ဒိုင်းကို ကိုင်တတ်သော စစ်သူရဲကောင်းတို့သည်၊ စာရင်းဝင်သည်အတိုင်း သုံးသိန်းရှိကြ၏။ ၆ ခွန်အားကြီးသော ဣသရေလ သူရဲ တစ်သိန်းကိုလည်း ငွေအခွက် တစ်ထောင်နှင့် ငှား၏။ ၇ သို့ရာတွင် ဘုရားသခင်၏လူ [A] တစ်ယောက်သည် လာ၍၊ အိုမင်းကြီး၊ ဣသရေလတပ်ကို မလိုက်စေနှင့်။ ထာဝရဘုရားသည် ဣသရေလ လူတည်းဟူသော ဧဖရိမ်အမျိုးသား အပေါင်းတို့နှင့် အတူရှိတော်မမူ။ ၈ မင်းကြီးသွားလိုလျှင် သွား၍ စစ်တိုက်ခြင်းငှါ၊ ခိုင်ခံ့သော်လည်း၊ ရန်သူရှေ့မှာ ဘုရားသခင် ရှုံးစေတော်မူမည်။ ဘုရားသခင်သည် မစခြင်းငှာ၎င်း၊ ၉ အာမဇိက၊ ဣသရေလတပ် ကိုငှား၍၊ ငွေအခွက် တစ်ထောင်ကို ပေးမိသောကြောင့်၊ အဘယ်သို့ ပြုရမည်နည်းဟု ဘုရားသခင်၏ လူကိုမေးမြန်းသော်၊ ဘုရားသခင်၏လူက၊ ထိုမျှမက ထာဝရဘုရားသည် သာ၍ ပေးနိုင်တော်မူသည်ဟု ပြန်ပြော၏။ ၁၀ ထိုအခါ အာမဇိသည် ဧဖရိမ်ပြည်မှ ရောက်လာသော စစ်သူရဲတို့ကို ခွဲထား၍ မိမိတို့နေရာသို့ ပြန်သွားစေခြင်းငှာ၊ လွှတ်လိုက်သဖြင့်၊ သူတို့သည် အလွန် အမျက်ထွက်၍၊ ယုဒပြည်သားတို့၌ အငြိုးထားလျက်၊ မိမိတို့နေရာသို့ ပြန်သွားကြ၏။ ၁၁ အာမဇိသည်လည်း၊ ကိုယ်ကို ခိုင်ခံ့စေ၍၊ ဆားချိုင့်သို့ တပင်ချီသဖြင့်၊ စိရတောင်သား တစ်သောင်းကို လုပ်ကြံလေ၏။ ၁၂ ယုဒအမျိုးသားတို့သည် လူတစ်သောင်းကို အရှင်ဖမ်းပြီးလျှင် ကျောက်တောင်ထိပ်သို့ ဆောင်သွား၍၊ ကျိုးပဲ့စေခြင်းငှာ အောက်သို့ တွန်းချကြ၏။ ၁၃ ဝိုင်း၍ တိုက်ရသောအခွင့်ကို အာမဇိမပေး၊ လွှတ်လိုက်သော စစ်သူရဲတို့မူကား၊ ရှမာရိမြို့မှစ၍၊ ဗေသောရုန်မြို့တိုင်အောင်၊ ယုဒမြို့တို့ကို တိုက်သဖြင့်၊ လူသုံးထောင်ကို တိုက်၍ လက်ရဥစ္စာအများကို သိမ်းသွားကြ၏။

၁၄ အာမဇိသည် ဧဒုန် အမျိုးသားတို့ကို လုပ်ကြံရာမှ ပြန်လာသောအခါ၊ စိရတောင်သား ကိုးကွယ်သော ဘုရားတို့ကို ဆောင်ခဲ့၍၊ ကိုယ်တိုင် ကိုးကွယ်ရာ ဘုရားဖြစ်စေခြင်းငှာ၊ တည်ထောင်လျက် သူတို့ရှေ့မှာ၊ ဦးညွှတ်ချ၍၊ နံ့သာပေါင်းကို မီးရှို့လေ၏။ ၁၅ ထာဝရဘုရားသည် အာမဇိကို အမျက်ထွက်၍၊ ပရောဖက်ကို စေလွှတ်တော်မူသည်ကား၊ မိမိလူတို့ကို ရန်သူလက်မှ မကယ်နိုင်သော တစ်ပါးအမျိုးသား ဘုရားတို့ကို အဘယ်ကြောင့် ဆည်းကပ်သနည်းဟု ပြောဆိုလျှင်၊ ၁၆ ရှင်ဘုရင်က သင်သည် တိုင်ပင်မှူးမတ် ဖြစ်သလော။ တိတ်ဆိတ်စွာ နေလော့။ အဘယ်ကြောင့် ရာဇဝတ် ခံချင်သနည်းဟု ဆိုသော်၊ ပရောဖက်က၊ မင်းကြီးသည် ငါပေးသော ကတိစကားကို နားမထောင် ဤအမှုကို ပြုမိသောကြောင့်၊ ဘုရားသခင်သည် မင်းကြီးကို ဖျက်ဆီးမည် ကြံတော်မူသည်ကို ငါသိမြင်သည်ဟု ပြောဆိုပြီးလျှင်၊ တိတ်ဆိတ်စွာ နေလေ၏။

၁၇ ထိုနောက်၊ အာမဇိသည် တိုင်ပင်ပြီးမှ၊ ဣသရေလ ရှင်ဘုရင် ယေဟု သားဖြစ်သော ယောခတ်၏သား ယဟောရှ ထံသို့ သံတမန်ကို စေလွှတ်၍၊ ငါတို့သည် မျက်နှာချင်း ဆိုင်မိကြကုန်အံ့ဟု မှာလိုက်လျှင်၊ ၁၈ ဣသရေလ ရှင်ဘုရင် ယဟောရှက၊ လေဗနုန် ဆူးပင်သည် လေဗနုန် အာရဇ်ပင်ထံသို့ စေလွှတ်၍၊ သင့်သမီးကို ငါ့သားနှင့် ပေးစားပါဟု ဆိုစဉ်တွင်၊ လေဗနုန် သားရဲတစ်ကောင်သည် လျှောက်သွား၍ ဆူးပင်ကို နင်းမိ၏။ ၁၉ သင်က ငါသည် ဧဒုန်လူတို့ကို လုပ်ကြံပြီဟု ဆိုလျက်၊ ဝါကြွားချင်သော စိတ်မြင့်လှ၏။ သို့ရာတွင် ကိုယ်နေရာ၌ နေလော့။ သင့်ကိုယ်တိုင် နှင့်ယုဒပြည်သည် ဘေးရောက်၍ ဆုံးရှုံးစေခြင်းငှာ၊ အဘယ်ကြောင့် အမှုရှာသနည်းဟု ယုဒရှင်ဘုရင် အာမဇိကိုပြန်၍ မှာလိုက်လေ၏။ ၂၀ ထိုစကားကို အာမဇိသည် နားမထောင်။ အကြောင်းမူကား၊ ဧဒုံပြည် ဘုရားတို့ကို ဆည်းကပ်သောကြောင့်၊ ရန်သူလက်သို့ အပ်ခြင်းငှာ၊ ဘုရားသခင် စီရင်တော်မူ၏။ ၂၁ ဣသရေလ ရှင်ဘုရင်သည် စစ်ချီ၍၊ ရှင်ဘုရင်နှင့် ရှင်ဘုရင် နှစ်ပါးတို့သည် ယုဒပြည် ဗက်ရှေမက်မြို့၌ မျက်နှာချင်း ဆိုင်မိကြသဖြင့်၊ ၂၂ ဣသရေလ အမျိုးသား ရှေ့မှာ ယုဒအမျိုးသားရှုံး၍၊ အသီးအသီးတို့သည် မိမိတို့နေရာသို့ ပြေးကြ၏။ ၂၃ ဣသရေလ ရှင်ဘုရင် ယဟောရှသည် ယုဒရှင်ဘုရင် အာခဇိသား ဖြစ်သော ယောရှ၏သား အာမဇိကို ဗက်ရှေမက်မြို့မှာ ဖမ်းမိ၍၊ ယေရုရှလင်မြို့သို့ သွားပြီးလျှင်၊ ယေရုရှလင် မြို့ရိုး အတောင်လေးရာကို၊ ဧဖရိမ်တံခါးမှသည် ထောင့်တံခါးတိုင်အောင် ဖြိုဖျက်လေ၏။ ၂၄ ဩဗဒေဒုံလက်တွင်၊ ဗိမာန်တော်၌ ရှိသမျှသော ရွှေငွေမှစ၍၊ တန်ဆာ အလုံးစုံနှင့် နန်းတော် ဘဏ္ဍာအလုံးစုံကို၎င်း၊ အာမခံသောသူ အချို့တို့ကို၎င်း၊ ယူ၍ ရှမာရိမြို့သို့ ပြန်သွား၏။

၂၅ ဣသရေလ ရှင်ဘုရင် ယောခတ်သား ယဟောရှ သေသောနောက်၊ ယုဒ ရှင်ဘုရင် ယောရှသား အာမဇိသည် တစ်ဆယ့်ငါးနှစ် အသက်ရှင်သေး၏။ ၂၆ အာမဇိ ပြုမူသော အမှုအရာ ကြွင်းသမျှ အစအဆုံးတို့သည်၊ ယုဒရာဇဝင်နှင့် ဣသရေလ ရာဇဝင်၌ ရေးထားလျက်ရှိ၏။ ၂၇ အာမဇိသည် ထာဝရဘုရား နောက်တော်သို့ လိုက်ရာမှ လွှဲသွားသောနောက်၊ သူ၏တဘက် ယေရုရှလင်မြို့၌ သင်းဖွဲ့ကြ၍၊ သူသည် လာခိရှမြို့သို့ ပြေးသည်တွင်၊ ထိုမြို့သို့စေလွှတ်၍ သတ်စေပြီးမှ၊ ၂၈ မြင်းပေါ်၌ တင်လျက်၊ ယေရုရှလင်မြို့သို့ ဆောင်ခဲ့၍၊ ဘိုးဘေးတို့နှင့်အတူ ဒါဝိဒ်မြို့၌ သင်္ဂြိုလ်ကြ၏။