ဂျီအမ်ဘီ ၂.၀

ဂျီအမ်ဘီကျမ်းစာ ပရောဂျက်ကို ၂၀၂၂ ခုနှစ် ဩဂုတ်လတွင် စတင်ခဲ့ပြီး၊ လွန်ခဲ့သည် တနှစ်ခွဲတာ ကာလတွင်းတွင် အသေးစား ပြုပြင်ပြောင်းလဲမှု အခေါက်ခေါက်အခါခါ ပြုလုပ် ခဲ့ပြီးဖြစ်သည်။ သို့သော် ယခုတခေါက် အသစ်ပြုပြင်မှုသည် ဂျီအမ်ဘီ၏ သိသာထူးကဲသည့် မှတ်တိုင်တခုဖြစ်သည်။ ဤဗားရှင်းတွင် ထူးခြားချက် များစွာရှိသည့် အနက် စာလုံးများရှာပုံရှာနည်း ကဏ္ဍ သည်အရေးကြီးဆုံးသော ပြောင်းလဲပြုပြင်မှု ဖြစ်သည်။

အစဦးတွင် သမ္မာကျမ်းစာ တခုတည်းသာရှိခဲ့သည်။ နောက်ပိုင်းတွင် Cross References, Footnotes နှင့် ခေါင်းစဉ် (relevant titles) များ ဖြည့်စွက်မှု များလာသောအခါ အကြောင်းအရာ ရှာဖွေမှုဖက်ဆိုင်ရာ၌ တဖြည်းဖြည်းအားနည်း မှု ရှိလာသည်။ သဘောအားဖြင့် ယေရှု ဟူသော စကားလုံးကို ရှာသော အခါ ထိုစကားလုံးသည် ဖြည့်စွက်ထားသည့် ခေါင်းစဉ် များတွင်လည်း ပါလာတတ်သည်။ Footnotes များ၌လည်း တွေ့လာရသည်။ သို့နှင့် စကားလုံးရှာဖွေရာ၌ ရလဒ်ဖေါင်းပွမှုများ ဖြစ်လာသဖြင့် ရလဒ်အရေအတွက်သည် စိတ်ချမှန်ကန်မှုမရှိနိုင်တော့ချေ။ ထို ရလဒ်ပြသနာကြောင့်၎င်း၊ ယခင် ဗားရှင်းထက် တဆင့် တိုးတက်မြှင့်တင် လိုသောကြောင့်၎င်း၊ ဂျီအမ်ဘီ version 2.0 ကို ရေးသားထုတ်ဝေရခြင်းဖြစ်ပါသည်။ ယခု ဗားရှင်းအသစ်တွင် စာကားလုံး သို့မဟုတ် စာကြောင်း ရှာဖွေမှုညွှန်ကြားချက် (algorithm) သည်လည်း ပိုမိုကောင်းမွန်လာသဖြင့် ရှာဖွေတွေ့ရှိမှုရလဒ်လည်း ပြန်လည် တိကျမှန်ကန်မှု ရှိလာသည်ကို တွေ့ရပါမည်။

ယခင် နှင့် ယခု ဗားရှင်းများ ကွာခြားပုံကို ရုပ်ပုံများနှင့် ဖေါ်ပြပါက ပိုမိုထိရောက်လိမ့်မည်ဟု ယူဆမိပါသည်။