ဗျာဒိတ်ကျမ်း

အခန်းကြီး ၂

ရှေးဦးမေတ္တာလျော့သည့် ဧဖက်အသင်းတော်

CROSS REFERENCES

တမန် ၁၅း၂၄

တမန် ၁၅း၂၄
၂၄ လူအချို့တို့သည် ငါတို့အခွင့်မရှိဘဲ၊ ငါတို့ထံမှ ထွက်သွား၍၊ သင်တို့သည် အရေဖျားလှီးခြင်းကိုခံရမည်၊ ပညတ်တရားကို ကျင့်ရမည်ဟူသော စကားဖြင့်၊ သင်တို့၏ စိတ်နှလုံးကို နှောင့်ယှက်ဖျက်ဆီးသည်ကို၊ ငါတို့ကြားရသည် ဖြစ်၍၊

ရော ၁၆း၁၈
၁၈ အကြောင်းမူကား၊ ထိုသို့သောသူတို့သည်၊ ငါတို့သခင် ခရစ်တော်၏ အမှုကိုမဆောင်ရွက်ဘဲလျက်၊ မိမိတို့ဝမ်း၏အမှုကိုသာ ဆောင်ရွက်၍၊ လောကဝတ်စကားနှင့် ချော့မော့သော စကားအားဖြင့်၊ စိတ်ကောင်းသောသူတို့ကို လှည့်ဖြားတတ်ကြ၏။

၂ ကော ၁၁း၁၃-၁၅
၁၃ အကြောင်းမူကား၊ ထိုသူတို့သည် မိစ္ဆာ (မှားယွင်းသော)တမန်ဖြစ်ကြ၏။ ခရစ်တော်၏ တမန်ဖြစ်ယောင်ဆောင်၍၊ လှည့်ဖြားတတ်သော အမှုစောင့်ဖြစ်ကြ၏။

ဂလာ ၁း၇
၇ ထိုဧဝံဂေလိတရားသည် ဧဝံဂေလိတရား မဟုတ်။ သင်တို့ကို နှောင့်ယှက်၍၊ ခရစ်တော်၏ ဧဝံဂေလိတရားကို၊ မှောက်လှန်ချင်သောသူ အချို့ရှိကြ၏။

ဖိလိ ၁း၁၅
၁၅ လူအချို့တို့သည် ငြူစူရန်တွေ့ချင်သော သဘောနှင့်၊ ခရစ်တော်၏တရားကို ဟောပြောကြ၏။ အချို့တို့သည် စေတနာစိတ်နှင့် ဟောပြောကြ၏။

၂ ပေ ၂း၁
၁ သို့သော်လည်း၊ ယုဒလူတို့တွင် မိစ္ဆာပရောဖက်ရှိကြ၏။ ထိုနည်းတူ ဖျက်ဆီးတတ်သော မိစ္ဆာဒိဌိအယူများကို ပရိယာယ်အားဖြင့်သွင်း၍၊ မိမိတို့ကို ဝယ်တော်မူသောအရှင်ကို ငြင်းပယ်လျက်၊ မိမိတို့အပေါ်သို့ လျင်စွာသော ဖျက်ဆီးခြင်းကို ရောက်စေသော မိစ္ဆာဆရာ တို့သည် သင်တို့တွင် ရှိကြလိမ့်မည်။

ဗျာ ၂း၂
၂ သင်သည် မတရားသောသူတို့ကို လက်မခံနိုင်ကြောင်းကို၎င်း၊ တမန်တော်မဟုတ်ဘဲ၊ တမန်တော် ဖြစ်ယောင်ဆောင်သောသူတို့ကို စစ်ဆေး၍ လှည့်ဖြားသောသူဖြစ်သည်၊ ဟုသိကြောင်းကို၎င်း၊

၁ ဧဖက်မြို့၌ရှိသော အသင်းတော်၏ တမန်ကို ဤသို့ရေး၍ မှာလိုက်လော့။ လကျ်ာလက်၌ ကြယ်ခုနစ်လုံးကိုကိုင်၍၊ ရွှေမီးခွက် ခုနစ်လုံးအလယ်၌ သွားလာသောသူ၏ အမိန့်တော်ကား၊ သင်အကျင့်ကျင့်ခြင်း၊ ပင်ပန်းစွာလုပ်ဆောင်ခြင်း၊ သည်းခံခြင်းကိုငါသိ၏။ ၂ သင်သည် မတရားသောသူတို့ကို လက်မခံနိုင်ကြောင်းကို၎င်း၊ တမန်တော်မဟုတ်ဘဲ၊ တမန်တော် ဖြစ်ယောင်ဆောင်သောသူတို့ကို စစ်ဆေး၍ လှည့်ဖြားသောသူဖြစ်သည်၊ [A] ဟုသိကြောင်းကို၎င်း၊ ၃ ခန္တီ (စိတ်ရှည်ခြင်း)နှင့်ပြည့်စုံ၍၊ ငါ၏နာမကြောင့် ဆင်းရဲခံ၍ အားမလျော့ကြောင်းကို၎င်း၊ ငါသိ၏။ ၄ သို့သော်လည်း၊ သင်သည်ရှေ့ဦးစွာသော ချစ်ခြင်းမေတ္တာလျော့ပြီ၊ ဟုသင်၌ အပြစ်တင်စရာရှိ၏။ ၅ ထိုကြောင့်၊ သင်သည်မရွေ့လျော့မှီ၊ အရင်နေရာအရပ်ကို အောက်မေ့လော့။ နောင်တရလော့။ ရှေ့ဦးစွာသောအကျင့်ကို ကျင့်လော့။ သို့မဟုတ် သင်ရှိရာသို့ ငါသည်အလျှင်အမြန်လာမည်။ နောင်တမရလျှင်၊ သင်၏ မီးခွက်ကိုနေရာမှရွေ့မည်။ ၆ သို့သော်လည်း၊ ငါမုန်းသောနိကောလ (Nicolaitans) တပည့်တို့၏အကျင့်ကို၊ သင်လည်းမုန်းသည်၊ ဟုပြောစရာရှိ၏။ ၇ ၀ိညာဉ်တော်သည် အသင်းတော်တို့အား အဘယ်သို့မိန့်တော်မူသည်ကို၊ နားရှိသောသူမည် သည်ကားကြားပါစေ။ အကြင်သူသည် အောင်မြင်၏၊ ထိုသူသည် ငါ၏ဘုရားသခင် ပရဒိသုဥယျာဉ်(Paradise)၌ ရှိသော၊ အသက်ပင်၏ အသီးကို စားစေခြင်းငှါ ငါအခွင့်ပေးမည်။

အလွန်ဆင်းရဲသော စမုရနအသင်းတော်

CROSS REFERENCES

ဗျာ ၃း၉

ဗျာ ၃း၉
၉ ငါ၏နာမကိုလည်း မစွန့်မပယ်။ ယုဒလူဖြစ်ယောင်ဆောင်၍ အမှန်မဟုတ်ဘဲ၊ မုသာစကားကို ပြောသောသူတည်းဟူ သော၊ စာတန်၏တရားစရပ်%fo(a)အချို့တို့ကို သင်၌ငါအပ်ပေးမည်။ သူတို့သည်လာ၍ သင်၏ခြေရင်း၌ ပြပ်ဝပ်စေခြင်းငှါ၎င်း၊ ငါသည်သင့်ကိုချစ်သည်။ ဟုသိစေခြင်းငှါ၎င်း ငါပြုမည်။

၈ စမုရနမြို့၌ ရှိသော အသင်းတော်၏တမန်ကို၊ ဤသို့ရေး၍မှာလိုက်လော့။ အဦးဆုံးသောသူ၊ နောက်ဆုံးသောသူတည်းဟူ သော၊ အရင်သေ၍ အသက်ရှင်လျက်ရှိသောသူ၏ အမိန့်တော်ကား၊ ၉ သင့်အကျင့်ကျင့်ခြင်း၊ ဒုက္ခခံခြင်း၊ ဆင်းရဲခြင်းကိုငါသိ၏။ သို့သော်လည်း၊ သင်သည် ကြွယ်ဝပြည့်စုံခြင်းရှိ၏။ ယုဒလူဖြစ်ယောင်ဆောင်၍ ယုဒလူမှန်မဟုတ်၊ စာတန်၏တရားစရပ် (a) [B]ဖြစ်သောသူတို့၏ ကဲ့ရဲ့ခြင်းကိုလည်းငါသိ၏။ ၁၀ သင်သည် ခံရမည့်အရာတစုံတခုကိုမျှ မကြောက်နှင့်။ သင်တို့သည် စုံစမ်းခြင်းကို ခံရမည်အကြောင်း၊ မာရ်နတ်သည် သင်တို့တွင် အချို့ကိုထောင်ထဲ၌ လှောင်ထား၍၊ သင်တို့သည် ဆယ်ရက်ပတ်လုံး ဆင်းရဲဒုက္ခကို ခံရကြလိမ့်မည်။ သေသည်တိုင်အောင် သစ္စာစောင့်လော့။ သို့ဖြစ်လျှင်၊ အသက်သရဖူကိုငါပေးမည်။ ၁၁ ၀ိညာဉ်တော်သည် အသင်းတော်တို့အား၊ အဘယ်သို့မိန့်တော်မူသည်ကို၊ နားရှိသောသူမည်သည်ကား ကြားပါစေ။ အောင်မြင်သောသူကို ဒုတိယသေခြင်းသည် မညှဉ်းဆဲရ။

ရောနှောအသက်တာရှိ ပေရဂံအသင်းတော်

CROSS REFERENCES

တောလည် ၃၁း၁၆
၁၆ ဣသရေလ အမျိုးသားတို့သည်၊ ပေဂုရဘုရားအမှု၌ ထာဝရဘုရားကို ပြစ်မှားစေခြင်းငှာ၊ ဤမိန်းမတို့သည် ဗာလမ်ပေးသော အကြံကို ပြုကြသောကြောင့်၊ ထာဝရဘုရား၏ ပရိသတ်၌ ဘေးရောက်လေသည်တကား။

၂ ပေ ၂း၁၅
၁၅ ဖြောင့်မတ်သော လမ်းထဲက ထွက်၍ လွဲသွားသဖြင့်၊ ဗောသော်၏သား ဗာလမ်၏လမ်းကိုလိုက်ကြ၏။

ယုဒ ၁း၁၁
၁၁ သူတို့သည် အမင်္ဂလာရှိကြ၏။ အကြောင်းမူကား၊ ကာဣန(Cain)နောက်သို့ လိုက်ကြ၏။ အခကိုရခြင်း ငှါဗာလမ်(Balaam) မှားယွင်းသကဲ့သို့၊ အလွန် မှားယွင်းခြင်း ရှိကြ၏။ ကောရ(Korah)၏ ငြင်းခုံခြင်း အပြစ်နှင့် ဖျက်ဆီးခြင်းသို့ရောက်ကြ၏။

ဗျာ ၂း၁၄
၁၄ သို့သော်လည်း ဣသရေလအမျိုးသားတို့သည်၊ ရုပ်တုရှေ့မှာ ပူဇော်သော ယဇ်ကောင်ကို စားစေခြင်းငှါ၎င်း၊ မတရားသောမေထုန်ကို ပြုစေခြင်းငှါ၎င်း၊ ထိမိ၍ လဲစရာအရာကို၊ သူတို့ရှေ့၌ ချထားမည်အကြောင်း၊ ဗာလက်မင်းကို အကြံပေးသောသူတည်းဟူသော၊ ဗာလမ်၏အယူကို စွဲလမ်းသောသူတို့သည်၊ သင်၏နေရာ၌ ရှိကြသည်ဖြစ်၍၊ သင်၌ အနည်းငယ်သော အပြစ်တင်စရာရှိ၏။

၁၂ ပေရဂံမြို့၌ ရှိသော အသင်းတော်၏ တမန်ကို၊ ဤသို့ရေး၍ မှာလိုက်လော့။ ထက်သောသန်လျက်ရှိသောသူ၏ အမိန့်တော်ကား၊ ၁၃ သင်အကျင့်ကျင့်ခြင်းကို၎င်း၊ စာတန်၏ ရာဇပလ္လင်ရှိရာ အရပ်တည်းဟူသော၊ သင်၏နေရာအရပ်ကို၎င်း၊ ငါသိ၏။ စာတန်၏နေရာအရပ်၌ သင်တို့တွင်၊ အသေသတ်ခြင်းကို ခံရသော အန္တိပသည် သစ္စာရှိ၍၊ ငါ့ဘက်၌ သက်သေခံရသော နေ့ရက်ကာလတွင်ပင်၊ သင်သည်ငါ၏နာမကိုစွဲကိုင်၏။ ငါ၏ယုံကြည်ခြင်းတရားကိုမစွန့်မပယ်။ ၁၄ သို့သော်လည်း ဣသရေလအမျိုးသားတို့သည်၊ ရုပ်တုရှေ့မှာ ပူဇော်သော ယဇ်ကောင်ကို စားစေခြင်းငှါ၎င်း၊ မတရားသောမေထုန်ကို ပြုစေခြင်းငှါ၎င်း၊ ထိမိ၍ လဲစရာအရာကို၊ သူတို့ရှေ့၌ ချထားမည်အကြောင်း၊ ဗာလက်မင်းကို အကြံပေးသောသူ [C]တည်းဟူသော၊ ဗာလမ်၏အယူကို စွဲလမ်းသောသူတို့သည်၊ သင်၏နေရာ၌ ရှိကြသည်ဖြစ်၍၊ သင်၌ အနည်းငယ်သော အပြစ်တင်စရာရှိ၏။ ၁၅ ထိုအယူနှင့် သဘောတူသော၊ နိကောလတပည့်တို့၏ အယူကို၊ စွဲလမ်းသောသူတို့သည် ထိုနည်းတူ သင်၌ ရှိကြ၏။ ၁၆ ထိုကြောင့် နောင်တရလော့။ မရလျှင် သင်ရှိရာသို့ ငါသည် အလျှင်အမြန်လာမည်။ ထိုသူတို့ကို ငါ့ခံတွင်း၏ သန်လျက်နှင့် စစ်တိုက်မည်။ ၁၇ ၀ိညာဉ်တော်သည် အသင်းတော်တို့အား အဘယ်သို့မိန့်တော်မူသည်ကို၊ နားရှိသောသူမည်သည်ကားကြားပါစေ။ အကြင်သူသည်အောင်မြင်၏၊ ဝှက်ထားသောမန္နကို၎င်း၊ ကျောက်ဖြူလက်ဖွဲ့ကို၎င်း၊ ထိုကျောက်ပေါ်၌ အက္ခရာတင်သော နာမသစ်ကို၎င်း၊ ထိုသူအားငါပေးမည်။ ထိုကျောက်ကို ရသောသူမှတပါး အဘယ်သူမျှ ထိုနာမကိုမသိနိုင်ရာ။

ရုပ်တုကိုးကွယ်သော သွာတိရအသင်းတော်

CROSS REFERENCES

ဆာ ရး၉
၉ မတရားသောသူတို့၏ အဓမ္မအမှုကို ဆုံးရှုံးစေ၍၊ တရားသောသူတို့ကို မြဲမြံစေတော်မူပါ။ တရားသဖြင့် ပြုတော်မူသောဘုရား၊ ကိုယ်တော်သည် နှလုံးနှင့်ကျောက်ကပ်ကို စစ်တော်မူတတ်ပါ၏။

ဆာ ၁ရး၃
၃ အကျွန်ုပ်နှလုံးကို စစ်ဆေးတော်မူပါ။ ညအခါ အကျွန်ုပ်ကို အကြည့်အရှု ကြွလာတော်မူပါ။ အကျွန်ုပ်ကို စစ်ကြောသောအခါ အဘယ်အပြစ်ကိုမျှ တွေ့တော်မမူရာ။ အကျွန်ုပ် အကြံအစည်သည် အကျွန်ုပ်စကားနှင့် မခြားမနားပါ။

ဆာ ၂၆း၂
၂ အိုထာဝရဘုရား၊ အကျွန်ုပ်ကို စစ်ဆေးစုံစမ်း၍ နှလုံးကျောက်ကပ်ကို ဆေးကြောတော်မူပါ။

ဆာ ၆၆း၁၀
၁၀ အိုဘုရားသခင်၊ ကိုယ်တော်သည် အကျွန်ုပ်တို့ကို စုံစမ်းတော်မူပြီ။ ငွေကို စစ်ဆေးသကဲ့သို့ အကျွန်ုပ်တို့ကို စစ်ဆေးတော်မူပြီ၊ ၊

ဆာ ၁၃၉း၂၃
၂၃ အိုဘုရားသခင်၊ အကျွန်ုပ်ကို စစ်ကြော၍၊ အကျွန်ုပ်၏ နှလုံးကို သိမှတ်တော်မူပါ။ စုံစမ်း၍ စိတ်အထင်များကိုလည်း သိမှတ်တော်မူပါ။

သု ၁၇း၃
၃ ငွေစစ်စရာဘို့မိုက်ကို၎င်း၊ ရွှေစစ်စရာဘို့မီးဖိုကို၎င်း၊ သုံးတတ်၏စိတ်နှလုံးကိုကားထာဝရဘုရားစစ်တော်မူ၏။

ဗျာ ၂း၂၃
၂၃ သူ၏သားသမီးတို့ကိုလည်း အသေသတ်မည်။ ငါသည် နှလုံးကျောက်ကပ်ကို စစ်ဆေးတော်မူသောသူ ဖြစ်ကြောင်းကို၊ ထိုသို့သောအားဖြင့် ခပ်သိမ်းသော အသင်းတော်တို့သည်၊ သိရကြလိမ့်မည်။ သင်တို့သည် အသီးအသီးကျင့်သော အကျင့်နှင့်အလျောက် အကျိုးအပြစ်ကိုငါပေးမည်။

၁၈ သွာတိရမြို့၌ ရှိသော အသင်းတော်၏ တမန်ကို၊ ဤသို့ရေး၍မှာလိုက်လော့။ မီးလျှံကဲ့သို့သော မျက်စိနှင့်၎င်း၊ ကြေးဝါစစ်နှင့်တူသော ခြေနှင့်၎င်း၊ ပြည့်စုံသော ဘုရားသခင့်သားတော်၏ အမိန့်တော်ကား၊ ၁၉ သင်အကျင့်ကျင့်ခြင်း၊ ချစ်ခြင်း၊ အမှုဆောင်ခြင်း၊ ယုံကြည်ခြင်း၊ သည်းခံခြင်းကို၎င်း၊ နောက်ကျင့်သော အကျင့်တို့သည်၊ အရင်ကျင့်သော အကျင့်ထက်သာ၍ များကြောင့်ကို၎င်း ငါသိ၏။ ၂၀ သို့သော်လည်း၊ ငါ၏အစေခံကျွန်တို့သည်၊ မတရားသော မေထုန်ကိုပြုစေခြင်းငှါ၎င်း၊ ရုပ်တုရှေ့မှာ ပူဇော်သောယဇ်ကောင်ကို စားစေခြင်းငှါ၎င်း၊ ပရောဖက်မဟူ၍ ကိုယ်ကိုခေါ်ဝေါ်သော၊ သင်၏ခင်ပွန်း ယေဇဗေလသည်၊ သွန်သင်၍ မှားယွင်းစေရသော အခွင့်ကို သင်သည်ပေးသောကြောင့်၊ သင်၌ အပြစ်တင်စရာရှိ၏။ ၂၁ နောင်တရသင့်သော ကာလကို ငါပေးသော်လည်း၊ သူသည် မိမိမတရားသော မေထုန်ကို နောင်တရချင်သော စိတ်မရှိ။ ၂၂ ထိုကြောင့်၊ သူ့ကိုအိပ်ရာ၌ ငါချထားမည်။ သူနှင့်အတူ မတရားသော မေထုန်ကိုပြု၍၊ ထိုသို့သောအကျင့်ကို နောင်တမရသောသူ တို့ကိုလည်း၊ ကြီးစွာသော ဆင်းရဲခြင်းသို့ရောက်စေမည်။ ၂၃ သူ၏သားသမီးတို့ကိုလည်း အသေသတ်မည်။ ငါသည် နှလုံးကျောက်ကပ်ကို စစ်ဆေးတော်မူသောသူ [D] ဖြစ်ကြောင်းကို၊ ထိုသို့သောအားဖြင့် ခပ်သိမ်းသော အသင်းတော်တို့သည်၊ သိရကြလိမ့်မည်။ သင်တို့သည် အသီးအသီးကျင့်သော အကျင့်နှင့်အလျောက် အကျိုးအပြစ်ကိုငါပေးမည်။

CROSS REFERENCES

ဟေရှာယ ၁၄း၁၂
၁၂ အိုနံနက်သား၊ မိုးသောက်ကြယ်၊ %fo(a) သင်သည်ကောင်းကင်ကကျလေပြီတကား။ အပြည်ပြည်တို့ကိုနှိပ်စက်သောသင်သည်၊ မြေတိုင်အောင်ခုတ်လှဲခြင်းကိုခံရလေပြီတကား။

မဿဲ ၂း၂
၂ ယခုဖွားမြင်သော ယုဒရှင်ဘုရင်သည်၊ အဘယ်မှာ ရှိတော်မူသနည်း။ အရှေ့ပြည်၌ သူ၏ကြယ်ကို ငါတို့ မြင်ရသည်ဖြစ်၍ ဖူးတွေ့ပူဇော်ခြင်းငှာ ရောက်လာပြီ၊ ဟုမေးမြန်းပြောဆိုကြ၏။

ဗျာ ၂း၂၈
၂၈ မိုးသောက်ကြယ်ကိုလည်း ထိုသူအားငါပေးမည်။

ဗျာ ၂၂း၁၆
၁၆ ငါယေရှုသည်၊ အသင်းတော်တို့အဘို့ ဤအရာများကို သင်တို့အား သက်သေခံစေခြင်းငှါ၊ ငါ၏ကောင်းကင်တမန်ကို စေလွှတ်၏။ ငါသည်ကား၊ ဒါဝိဒ်၏ အမြစ်ဖြစ်၏၊ အနွယ်လည်းဖြစ်၏။ ထွန်းတောက်သော မိုးသောက်ကြယ်%fo(a)လည်းဖြစ်၏။

၂၄ ထိုမိစ္ဆာဒိဌိအယူကိုယူသောသူတို့ ခေါ်ဝေါ်သည်နှင့်အညီ၊ စာတန်၏ နက်နဲသောအရာ၊ ဟုခေါ်ဝေါ်သောအရာတို့ကို မကျွမ်း၊ ထိုမိစ္ဆာဒိဌိအယူကိုမယူ၊ ကြွင်းသော သွာတိရမြို့သားတို့ကို ငါဆိုသည်ကား၊ သင်တို့သည် ရသမျှကို ငါလာသည်တိုင်အောင် စွဲကိုင်ကြလော့။ ၂၅ ထိုမှတပါး အခြားသောဝန်ကို သင်တို့အပေါ်၌ ငါမတင်။ ၂၆ အကြင်သူသည် အောင်မြင်၍ အဆုံးတိုင်အောင် ငါ့အကျင့်ကိုကျင့်၏၊ ငါ့ခမည်းတော်သည် ငါ့အားအခွင့်ပေးတော်မူသကဲ့သို့၊ လူမျိုးတို့ကို အုပ်စိုးစေခြင်းငှါထိုသူအား ငါသည် အခွင့်ပေးမည်။ ၂၇ ထိုသူသည် သူတို့ကို သံလှံတံနှင့် အုပ်စိုး၍၊ မြေအိုးကို ခွဲဖျက်သကဲ့သို့ ခွဲဖျက်လိမ့်မည်။ ၂၈ မိုးသောက်ကြယ် [E]ကိုလည်း ထိုသူအားငါပေးမည်။ ၂၉ ၀ိညာဉ်တော်သည် အသင်းတော်တို့အား၊ အဘယ်သို့မိန့်တော်မူသည်ကို၊ နားရှိသောသူမည်သည်ကား ကြားပါစေ။

_________________________
Footnotes

(a) ၉ συναγωγῆς Σατανᾶ ကိုမြန်မာကျမ်းစာအုပ်၌ "စာတန်၏အပေါင်းအသင်း" ဟုရေးထားသည်။ ထိုအရာသည် "စာတန်၏တရားစရပ်" (synagogue of Satan)ဟုဘာသာပြန်ရမည့်အရာဖြစ်သည်။