၁ ထိုကြောင့်ခရစ်တော်၌ သက်သာခြင်း၊ မေတ္တာနှင့်စပ်ဆိုင်သော ချမ်းသာခြင်း၊ ဝိညာဉ်တော်နှင့် မိဿဟာယဖွဲ့ခြင်း၊ သနားစုံမက်ခြင်းတည်းဟူသော အရာတစုံတခုရှိလျှင်၊ ၂ သင်တို့သည် အချင်းချင်း ချစ်ကြ၍၊ စိတ်မကွဲပြားဘဲ၊ တလုံးတဝတည်း [A] ကြံစည်ခြင်းနှင့်တကွ၊ သဘော တညီတညွတ်တည်း ရှိသောအားဖြင့်၊ ငါဝမ်းမြောက်စရာ အကြောင်းကို စုံလင်စေကြလော့။ ၃ ရန်တွေ့လိုသောစိတ်၊ အချည်းနှီး ကျော်စောကိတ္တိကို တပ်မက်သောစိတ်ရှိ၍၊ အဘယ်အမှုကိုမျှ မပြုကြနှင့်။ သူတပါးသည် ကိုယ်ထက်သာ၍ ကောင်းမြတ်သည်၊ ဟုနှိမ့်ချသောစိတ်ရှိ၍၊ တစ်ယောက်ကို တစ်ယောက် ထင်မှတ်ကြလော့။ ၄ ကိုယ့်အမှုအရာကိုသာ မရှုမမှတ်ဘဲ၊ သူ့အမှုအရာကို အချင်းချင်း ရှုမှတ်ကြလော့။ ၅ ယေရှုခရစ်၌ ရှိသော ထိုစိတ်သဘောကို သင်တို့၌လည်း ရှိစေကြလော့။

ယေရှုသည် ကျွန်ကဲ့သို့ နှိမ့်ချ၍ အလွန်ချီးမြှောက်ခြင်းခံ

CROSS REFERENCES

၂ ကော ၈း၉

၂ ကော ၈း၉
၉ အကြောင်းမူကား၊ ငါတို့သခင်ယေရှုခရစ်သည် စည်းစိမ်ရှိသော်လည်း၊ ဆင်းရဲတော်မူခြင်းအားဖြင့် သင်တို့သည် စည်းစိမ်ရှိစေခြင်းငှါ၊ သင်တို့အတွက်ကြောင့် ဆင်းရဲခြင်းကို ခံတော်မူသော ကျေးဇူးတော်ကို သင်တို့သိကြ၏။ s ယုံကြည်သူများအချင်းချင်းကူညီမစဘို့

CROSS REFERENCES

ယောဟန် ၁း၁၄

ရောမ ၈း၃

ဟေဗြဲ ၂း၁၇

ယောဟန် ၁း၁၄
၁၄ နှုတ်ကပတ်တော်သည်လည်း လူဇာတိအဖြစ်ကို ခံယူ၍၊ ကျေးဇူးတော်နှင့်၎င်း၊ သစ္စာတော်နှင့်၎င်း၊ ပြည့်စုံလျက် ငါတို့တွင် တည်နေတော်မူသည်ဖြစ်၍၊ ခမည်းတော်၌ တစ်ပါးတည်းသော သားတော်၏၊ ဘုန်းကဲ့သို့ သူ၏ ဘုန်းတော်ကို ငါတို့သည် မြင်ရကြပြီ။

ရောမ ၈း၃
၃ ဇာတိပကတိကြောင့် ပညတ်တရားသည် အားနည်း၍၊ မတတ်နိုင်သော အမှုကို ဘုရားသခင် ပြုတော်မူခြင်းငှာ၊ အပြစ်နှင့် ပြည့်စုံသော ဇာတိပကတိ၏ သဏ္ဍာန်ကို ဆောင်သော မိမိသားတော်ကို စေလွှတ်တော်မူ၍၊ အပြစ်ဖြေဖို့ရာ ဇာတိပကတိ၌ အပြစ်ကို ဒဏ်ပေးတော်မူ၏။

ဟေဗြဲ ၂း၁၇
၁၇ ထိုကြောင့်၊ ခရစ်တော်သည် လူတို့၏ အပြစ်ဖြေစရာအကြောင်းကို စီရင်၍၊ ဘုရားသခင်နှင့် စပ်ဆိုင်သောအရာတို့၌ ကရုဏာနှင့်၎င်း၊ သစ္စာနှင့်၎င်း ပြည့်စုံသော ယဇ်ပုရောဟိတ်အကြီး ဖြစ်အံ့သောငှါ၊ မိမိညီအစ်ကိုတို့နှင့် လုံးလုံးတူရသော အကြောင်းရှိ၏။

CROSS REFERENCES

မဿဲ ၂၀း၂ရ-၂၈

မာကု ၁၀း၄၅

ဖိလိ ၂း၆-ရ

မဿဲ ၂၀း၂ရ-၂၈
၂၇ သင်တို့မှုကား ထိုသို့မပြုကြနှင့်။ လူသားသည် သူတပါးကို စေစားခြင်းငှာ မလာ၊

မာကု ၁၀း၄၅
၄၅ အကြောင်းမူကား၊ လူသားသည် သူတပါးကို စေစားခြင်းငှါမလာ၊ သူတပါး အစေကိုခံခြင်းငှါ၎င်း၊ မိမိအသက်ကိုစွန့်၍ လူများကို ရွေးခြင်းငှါ၎င်း၊ ကြွလာသတည်း၊ ဟုမိန့်တော်မူ၏။ sလူကန်းဗာတိမဲ

ဖိလိ ၂း၆-ရ
၆ ထိုသခင်သည် ဘုရားသခင်၏ သဏ္ဍာန်တော်နှင့် ပြည့်စုံတော်မူသည် ဖြစ်၍၊ ဘုရားသခင်နှင့် ပြိုင်သောအမှုကို၊ လုယူခြင်း အမှုဟူ၍ မထင်မမှတ်လျက်ပင်၊

CROSS REFERENCES

ဟေရှာယ ၄၅း၂၃

ဟေရှာယ ၄၅း၂၃
၂၃ ငါ့ရှေ့၌ လူတိုင်း ဒူးထောက်ရမည်။ လူတိုင်းမိမိနှုတ်နှင့် သစ္စာခံရမည်၊ ဟုကိုယ်ကိုကိုယ် တိုင်တည်၍၊ ငါကျိန်ဆိုသော တရားစကားသည် ငါ့နှုတ်မှထွက်သည်ဖြစ်၍၊ မပြည့်စုံဘဲ မနေရ။

၆ ထိုသခင်သည် ဘုရားသခင်၏ သဏ္ဍာန်တော်နှင့် ပြည့်စုံတော်မူသည် ဖြစ်၍၊ ဘုရားသခင်နှင့် ပြိုင်သောအမှုကို၊ လုယူခြင်း အမှုဟူ၍ မထင်မမှတ်လျက်ပင်၊ ၇ မိမိအသရေကို စွန့်၍၊ အစေခံကျွန်၏ သဏ္ဍာန်ကို ယူဆောင်လျက်၊ [B] လူကဲ့သို့သောအဖြစ်၌ ဖွားမြင်ခြင်းကို ခံတော်မူ၏။ [C]၈ ထိုသို့လူ၏ ဂုဏ်အင်္ဂါ လက္ခဏာနှင့် ပြည့်စုံလျက်၊ အသေခံခြင်းသာမဟုတ်၊ လက်ဝါးကပ်တိုင်မှာ အသေခံခြင်းတိုင်အောင် အစေကျွန်ခံ၍၊ [D]ကိုယ်ကိုကိုယ် နှိမ့်ချတော်မူ၏။ ၉ ထိုကြောင့် ဘုရားသခင်သည်၊ ကိုယ်တော်ကို အလွန်ချီးမြှောက်၍၊ ဘွဲ့နာမတကာတို့ထက် ကြီးမြတ်သော ဘွဲ့နာမတော်ကို၊ ပေးသနားတော်မူ၏။ ၁၀ အကြောင်းမူကား၊ ကောင်းကင်သတ္တဝါ၊ မြေကြီးသတ္တဝါ၊ မြေကြီးအောက်၌ ရှိသောသတ္တဝါတည်းဟူသော၊ ခပ်သိမ်းသော သတ္တဝါတို့သည် ယေရှု၏ ဘွဲ့နာမတော်ကို ဒူးထောက်၍၊ ၁၁ ယေရှုခရစ်သည် သခင်ဖြစ်တော်မူ၏၊ [E] ဟုနှုတ်နှင့်ဝန်ခံသဖြင့်၊ ခမည်းတော်ဘုရား၏ ဘုန်းအသရေတော်ကို ထင်ရှားစေကြမည် အကြောင်းတည်း။

သင်တို့အထဲ၌ ဘုရားသခင်ကပြုပြင်

၁၂ သို့ဖြစ်၍ ငါ့ချစ်သူတို့၊ သင်တို့သည် ငါ့မျက်မှောက်၌ နားထောင်သည်သာမက၊ မျက်ကွယ်၌လည်း အစဉ် နားထောင်ကြသည်နှင့် အညီ၊ ကြောက်ရွံ့တုန်လှုပ်သော စိတ်နှင့်၊ ကိုယ်ကိုကယ်တင်ခြင်းငှာ၊ ကိုယ်တိုင်ကြိုးစား အားထုတ်ကြလော့။ ၁၃ အကြောင်းမူကား၊ သင်တို့သည် အလိုရှိစေခြင်းငှာ၎င်း၊ အကျင့်ကျင့်စေခြင်းငှာ၎င်း၊ သင်တို့အထဲ၌ စေတနာတော်အားဖြင့် ပြုပြင်တော်မူသော သူကား၊ ဘုရားသခင်ပေတည်း။

မြည်တမ်းခြင်း ငြင်းခုံခြင်း မပြုကြဖို့

၁၄ သင်တို့သည် ပြုလေသမျှတို့၌ မြည်တမ်းခြင်း၊ ငြင်းခုံခြင်းမရှိဘဲ ပြုကြလော့။ ၁၅ သို့ပြုလျှင် အပြစ်တင်ခွင့်မရှိ၊ အဘယ်သူကိုမျှ မပြစ်မှားဘဲနေ၍၊ မဖြောင့်မမှန် ဖောက်ပြန်သော လူမျိုးအထဲ၌၊ အဘယ်အပြစ်မျှ မပါသော ဘုရားသခင်၏သား ဖြစ်ကြလိမ့်မည်။ ၁၆ အသက်ရှင်ခြင်းနှင့် ဆိုင်သော နှုတ်ကပတ် တရားတော်ကို ပြသ၍၊ စကြာဝဠာ၌ နေ၊ လ၊ ကြယ်နက္ခတ်ကဲ့သို့ ထိုလူမျိုးအထဲ၌ ထွန်းလင်းကြ၏။ သို့ပြုလျှင် ငါသည် အကျိုးမရှိဘဲလျက် ပြေးသည်မဟုတ်၊ အကျိုးမရှိဘဲလျက် ကြိုးစား အားထုတ်သည် မဟုတ် ကြောင်းကို ငါထောက်၍၊ ခရစ်တော်၏နေ့ရက်၌ ဝါကြွားဝမ်းမြောက်ခြင်း ရှိလိမ့်မည်။

လူခပ်သိမ်းယေရှုခရစ်၏ အကျိုးမရှာ ကိုယ်ကျိုးရှာ

CROSS REFERENCES

ဖိလိ ၂း၁၈

ဖိလိ ၃း၁

ဖိလိ ၄း၄

ဖိလိ ၂း၁၈
၁၈ ထိုနည်းတူ သင်တို့သည်လည်း ဝမ်းမြောက်ကြလော့။ ငါနှင့်အတူ ဝမ်းမြောက်ခြင်း ရှိကြလော့။

ဖိလိ ၃း၁
၁ ကြွင်းသေးသော စကားဟူမူကား၊ ငါ့ညီအစ်ကိုတို့၊ သခင်ဘုရား၌ ဝမ်းမြောက်ခြင်းရှိကြလော့။ အထပ်ထပ် ငါရေးလိုက်သော်လည်း ပင်ပန်းခြင်းမရှိ။ သင်တို့မူကား လုံခြုံခြင်းရှိ ကြလိမ့်မည်။

ဖိလိ ၄း၄
၄ သခင်ဘုရား၌ အစဉ်မပြတ် ဝမ်းမြောက်ခြင်းရှိကြလော့။ တဖန်ငါဆိုသည်ကား၊ ဝမ်းမြောက်ကြလော့။

၁၇ ထိုမျှမက၊ သင်တို့၏ ယုံကြည်ခြင်းကို၊ တင်လှူပူဇော်သော ယဇ်အပေါ်မှာ၊ ငါ့ကိုလောင်းသော်လည်း ဝမ်းမြောက်ခြင်းရှိ၏။ သင်တို့ရှိသမျှနှင့်အတူ ငါဝမ်းမြောက်ခြင်းရှိ၏။ ၁၈ ထိုနည်းတူ သင်တို့သည်လည်း ဝမ်းမြောက်ကြလော့။ ငါနှင့်အတူ ဝမ်းမြောက်ခြင်း ရှိကြလော့။ [F] ၁၉ သင်တို့ အကြောင်းအရာများကို ငါသိ၍၊ စိတ်သက်သာခြင်းငှာ၊ တိမောသေကို သင်တို့ရှိရာသို့ များမကြာမီ စေလွှတ်မည်အကြောင်း၊ သခင်ယေရှုခရစ်၌ ငါမှီဝဲခြင်းရှိ၏။ ၂၀ အကြောင်းမူကား၊ ထိုသူသည် သင်တို့အကျိုးကို ကြည့်ရှုချင်သော စေတနာစိတ်ရှိသကဲ့သို့၊ စိတ်သဘောတူသောသူ တစ်ယောက်မျှ ငါတို့၌မရှိ။၊ ၂၁ လူခပ်သိမ်းတို့သည် ယေရှုခရစ်၏ အကျိုးကိုမရှာ၊ ကိုယ်အကျိုးကိုသာ ရှာကြ၏။ ၂၂ သို့သော်လည်း သားသည် အဘနှင့်အတူ ဆောင်ရွက်သကဲ့သို့၊ သူသည် ငါနှင့်အတူ ဧဝံဂေလိတရားအမှုကို၊ အမှန်ဆောင်ရွက်သည်၊ ဟုသူပြသော သက်သေကို သင်တို့သိကြ၏။ ၂၃ ထိုကြောင့်ငါ၌ အဘယ်သို့ဖြစ်မည်။ ဟုငါသိသောအခါ၊ သူ့ကိုသင်တို့ရှိရာသို့ ချက်ချင်းစေလွှတ်မည်။ ဟုကြံစည်မျှော်လင့်လျက် ငါနေ၏။ ၂၄ ထိုမျှမက၊ ငါ့ကိုယ်တိုင် သင်တို့ရှိရာသို့ များမကြာလာမည်။ ဟုသခင်ဘုရားအားဖြင့် ယုံမှတ်စွဲလမ်းသော စိတ်ရှိ၏။

သေလုနီးနာခဲ့သော ဧပဖြောဒိတ်ကိုလွှတ်ဖို့ စီစဉ်

၂၅ သို့သော်လည်း ဆောင်ရွက်ခြင်း၊ စစ်တိုက်ခြင်းအမှု၌ ငါ၏အပေါင်းအဖေါ်၊ ငါ့ကိုပြုစုသောသူတည်းဟူသော သင်တို့ တမန်၊ ငါ့ညီဧပဖြောဒိတ် (Epaphroditus) ကို သင်တို့ရှိရာသို့၊ ယခုစေလွှတ်သင့်သည်၊ ဟုငါထင်မှတ်၏။ ၂၆ အကြောင်းမူကား၊ သူသည်နာကြောင်းကို သင်တို့ကြားသိသောကြောင့်၊ သူသည် သင်တို့အပေါင်းကို လွမ်းဆွတ်၍ စိတ်မသာလျက်နေ၏။ ၂၇ သူသည် သေလုအောင်နာသည် မှန်၏။ ထိုအခါ ဘုရားသခင်သည် သူ့ကို သနားတော်မူ၏။ သူ့ကိုသာ သနားတော်မူသည် မဟုတ်။ ငါ၌ ဝမ်းနည်းခြင်း အဆင့်ဆင့်အထပ်ထပ် မရှိစေခြင်းငှာ၊ ငါ့ကိုလည်း သနားတော်မူ၏။ ၂၈ ထိုကြောင့် သင်တို့သည် သူ့ကို တဖန်တွေ့မြင်၍ ဝမ်းမြောက်စေခြင်းငှာ၎င်း၊ ငါသည်လည်း သက်သာစေခြင်းငှာ၎င်း၊ သူ့ကိုသာ၍ ကြိုးစားသည်နှင့် ငါစေလွှတ်၏။ ၂၉ သို့ဖြစ်၍ သခင်ဘုရားကို ထောက်လျက်၊ ဝမ်းမြောက်သောစိတ်နှင့် သူ့ကိုလက်ခံကြလော့။ ထိုသို့သော သူတို့ကို ရိုသေ လေးမြတ်ကြလော့။ ၃၀ အကြောင်းမူကား၊ သင်တို့သည် ငါ့ကိုပြုစု၍ မပြည့်စုံသေးသော ဝတ်ကို၊ သူသည် ပြည့်စုံစေခြင်းငှာ၊ ကိုယ်အသက်ကို စွန့်စား၍၊ ခရစ်တော်၏ အမှုကြောင့် သေခြင်းသို့ ရောက်လုနီးပြီ။