၁ ညီအစ်ကိုတို့၊ ငါသည် သင်တို့အား ဟောပြောဖူးသည် နှင့်အညီ၊ သင်တို့သည် ခံယူ၍ မှီဝဲဆည်းကပ်သော ဧဝံဂေလိတရားကို သင်တို့အား တဖန် ငါကြားလိုက်၏။ ၂ အထက်က ငါဟောပြောသည် [A] အကြောင်းများကို သင်တို့သည်၊ အကျိုးမဲ့ မယုံဘဲ စိတ်စွဲလမ်းလျှင်၊ ထိုဧဝံဂေလိတရားအားဖြင့် ကယ်တင်တော်မူခြင်းသို့ ရောက်ကြ၏။ ၃ ငါသည် ကိုယ်တိုင် ခံယူသည်အတိုင်း သင်တို့အား ရှေ့ဦးစွာ အပ်ပေးသော အကြောင်းအရာ ဟူမူကား၊ ခရစ်တော်သည် ကျမ်းစာလာသည်အတိုင်း၊ ငါတို့ အပြစ်ကြောင့် အသေခံတော်မူ၏။ [B] ၄ သင်္ဂြိုလ်ပြီးမှ၊ ကျမ်းစာလာသည်အတိုင်း [C] သုံးရက်မြောက်သော နေ့၌ ထမြောက်တော်မူ၏။ ၅ ကေဖသည် ကိုယ်တော်ကိုမြင်ပြီးမှ၊ တစ်ကျိပ်နှစ်ပါးသော သူတို့သည် မြင်ရကြ၏။ [D] ၆ ထိုနောက် ညီအစ်ကို ငါးရာမက၊ တပြိုင်နက် မြင်ရကြ၏။ ထိုသူတို့တွင် အများသော သူတို့သည်၊ ယခုတိုင်အောင် အသက်ရှင်ကြသေး၏။ အချို့တို့သည် အိပ်ပျော်ကြပြီ။ ၇ ထိုနောက် ယာကုပ် မြင်ရ၏။ ၈ ထိုနောက် တမန်တော် အပေါင်းတို့သည် မြင်ရကြ၏။ နောက်ဆုံး၌ အချိန်မတော်မတန် ဖွားသောသူကဲ့သို့ ဖြစ်သော ငါပင် မြင်ရ၏။ [E]

ပေါလုအကြောင်း

CROSS REFERENCES

တမန် ၈း၃

တမန် ၈း၃
၃ ရှောလုသည် အသင်းတော်ကို ဖျက်ဆီးလေ၏။ အိမ်များသို့ဝင်ပြီးလျှင် ယောက်ျားမိန်းမတို့ကို ဆွဲငင်၍၊ ထောင်ထဲ၌ လှောင်ထားတတ်၏။

CROSS REFERENCES

၂ ကော ၁၁း၂၃

ကောလောသဲ ၁း၂၉

၁ တိ ၄း၁၀

၂ ကော ၁၁း၂၃
၂၃ သူတို့သည် ခရစ်တော်၏ ဓမ္မဆရာ ဖြစ်ကြသလော။ ငါသည် အထူးသဖြင့်ဖြစ်၏၊ ဟု သူရူးကဲ့သို့ ဆိုရ၏။ sပေါလု၏ ဆင်းရဲဒုက္ခခံခြင်းများ ပင်ပန်းစွာအမှုကို အထူးသဖြင့် ဆောင်ရွက်သောသူ၊ ရိုက်ပုတ်ခြင်း၊ ထောင်ထဲ၌ လှောင်ထားခြင်းကို အထူးသဖြင့် ခံရသောသူ၊ သေဘေးနှင် အကြိမ်ကြိမ်တွေ့ကြုံသောသူ ဖြစ်၏။

ကောလောသဲ ၁း၂၉
၂၉ ထိုသို့အလိုငှါ ငါသည်အမှုဆောင်ရွက်၍၊ ငါ၌ တန်ခိုးတော် ပြုပြင် အားထုတ်တော်မူသည်အတိုင်း ကြိုးစားအားထုတ်လေ့ရှိ၏။

၁ တိ ၄း၁၀
၁၀ ထိုကြောင့်၊ အသက်ရှင်တော်မူထသော၊ လူအပေါင်းတို့ကို ကယ်မတော်မူ၍၊ ယုံကြည်သောသူတို့ကို အထူးသဖြင့် ကယ်မတော်မူသော၊ ဘုရားသခင်၌ ငါတို့သည် ကိုးစားသည်နှင့်အညီ၊ ပင်ပန်းစွာ အမှုဆောင်ရွက်ကြ၏။ ကဲ့ရဲ့ခြင်းကိုလည်း ခံရကြ၏။

၉ ငါသည် အထက်က ဘုရားသခင်၏ အသင်းတော်ကို ညှဉ်းဆဲသောကြောင့်၊ [F] အညံ့ဆုံးသော တမန်တော်ဖြစ်၏။ တမန်တော်၊ ဟုခေါ်ဝေါ်ခြင်းကို မခံထိုက်။ ၁၀ သို့သော်လည်း ဘုရားသခင်၏ ကျေးဇူးတော်အားဖြင့်သာ ငါဖြစ်သည်အတိုင်း ငါဖြစ်၏။ ငါခံရသော ကျေးဇူးတော်ကိုလည်း အကျိုးမဲ့ ခံရသည် မဟုတ်။ အခြားသော တမန်တော် အပေါင်းတို့ထက်၊ ငါသည်သာ၍ ကြိုးစားခြင်းကိုပြု၏။ [G] ထိုသို့ဆိုသော်လည်း ငါကြိုးစားသည် မဟုတ်။ ငါနှင့်အတူရှိသော ဘုရားသခင်၏ ကျေးဇူးတော်သည် ကြိုးစားတော်မူ၏။ ၁၁ ထိုကြောင့်၊ ငါဖြစ်စေ၊ သူတို့ဖြစ်စေ၊ ဤသို့ ငါတို့သည် ဟောပြောကြ၏။ ဤသို့လည်း သင်တို့သည် ယုံကြည်ကြ၏။

ထမြောက်ခြင်းမရှိလျှင်

CROSS REFERENCES

တမန် ၁၇း၃၂

တမန် ၂၃း၈

တမန် ၁၇း၃၂
၃၂ သေသောသူတို့၏ ထမြောက်ခြင်းအကြောင်းကို ကြားရလျှင်၊ အချို့တို့သည် ကဲ့ရဲ့ကြ၏။ အချို့တို့က၊ ဤအမှုမှာ သင်၏စကားကို ငါတို့သည် နောက်တဖန် နားထောင်ဦးမည် ဟုဆိုကြ၏။

တမန် ၂၃း၈
၈ ကွဲပြားသည် အကြောင်းကား၊ ဇဒ္ဒုကဲတို့က၊ ထမြောက်ခြင်းမရှိ၊ ကောင်းကင်တမန် မရှိ၊ ဝိညာဉ် မရှိဟုယူကြ၏။ ဖာရိရှဲတို့က နှစ်ပါးစလုံးရှိသည်၊ ဟုဝန်ခံကြ၏။

၁၂ ယခုမှာ၊ ခရစ်တော်သည် သေခြင်းမှ ထမြောက်တော်မူကြောင်းကို ဟောပြောရသည် ဖြစ်၍၊ သေသောသူတို့သည် ထမြောက်ခြင်းမရှိ၊ [H] ၊ ဟုသင်တို့တွင် အချို့သော သူတို့သည်၊ အဘယ်ကြောင့် ဆိုရကြသနည်း။ ၁၃ သေသောသူတို့သည် ထမြောက်ခြင်း မရှိလျှင်၊ ခရစ်တော်သည် ထမြောက်တော်မမူ။ ၁၄ ခရစ်တော်သည် ထမြောက်တော် မမူလျှင်၊ ငါတို့ဟောပြောခြင်း၌ အကျိုးမရှိ၊ သင်တို့ ယုံကြည်ခြင်း၌လည်း အကျိုးမရှိ။ ၁၅ ထိုမျှမက၊ ငါတို့သည် ဘုရားသခင်၏ အမှုမှာ မမှန်သော သက်သေခံ ဖြစ်ကြ၏။ ၁၆ အကြောင်းမူကား၊ သေလွန်သော သူတို့သည် ထမြောက်ခြင်း မရှိလျှင်၊ ဘုရားသခင်သည် ခရစ်တော်ကို ထမြောက်စေတော် မမူ။ ယခုမှာ၊ ခရစ်တော်ကို ထမြောက်စေတော်မူပြီ။ ဟုငါတို့သည် ဘုရားသခင်၏ အကြောင်းကို သက်သေခံကြ၏။ သေလွန်သော သူတို့သည် ထမြောက်ခြင်း မရှိလျှင်၊ ခရစ်တော်သည် ထမြောက်တော်မမူ။ ၁၇ ခရစ်တော်သည် ထမြောက်တော် မမူလျှင်၊ သင်တို့သည် ယုံကြည်သော်လည်း အကျိုးမရှိ၊ ဒုစရိုက်အပြစ် အောက်၌ ရှိကြသေး၏။ ၁၈ ထိုမှတပါး၊ ခရစ်တော်ကို ယုံကြည်၍ အိပ်ပျော်သော သူတို့သည်၊ ဆုံးရှုံးခြင်းသို့ ရောက်ကြပြီ။ ၁၉ ငါတို့သည် ခရစ်တော်ကို အမှီပြု၍ ယခုဘဝ၌သာ မျှော်လင့်စရာရှိလျှင်၊ အခြားသော သူအပေါင်းတို့ထက် သာ၍ ဆင်းရဲသော သူဖြစ်ကြ၏။

ခရစ်တော်အဦးသီး

CROSS REFERENCES

ဗျာ ၁း၅

ဗျာ ၁း၅
၅ သစ္စာစောင့်သော သက်သေခံဖြစ်တော်မူထသော၊ သေသောသူတို့တွင် သားဦးဖြစ်တော်မူထသော၊ လောကီဘုရင်တို့၏ အထွဋ်ဖြစ်တော်မူသော ယေရှုခရစ် အထံတော်က၎င်း၊ ကျေးဇူးတော်နှင့် ငြိမ်သက်ခြင်းသည် သင်တို့၌ ရှိပါစေသော်။ ငါတို့ကိုချစ်၍ မိမိအသွေးနှင့် ငါတို့အပြစ်များကို ဆေးကြောတော်မူ၍၊

CROSS REFERENCES

ရော ၅း၁၄-၁၈

ရော ၅း၁၄-၁၈
၁၄ သို့သော်လည်း အာဒံလက်ထက်မှစ၍၊ မောရှေလက်ထက်တိုင်အောင်၊ သေခြင်းတရားသည် အစိုးရ၏။ အာဒံပြစ်မှားသည်နည်းတူ၊ မပြစ်မှားသောသူတို့ကို ပင်အစိုးရ၏။ ထိုအာဒံသည် နောက်လာလတံ့သောသူ၏ ပုံပမာဖြစ်သတည်း။ sတယောက်အားဖြင့် လူအများအပြစ်သို့ရောက်

၂၀ ယခုမူကား၊ ခရစ်တော်သည် သေခြင်းမှ ထမြောက်တော်မူ၍၊ အိပ်ပျော်သော သူတို့တွင် အဦးသီးသော အသီး ဖြစ်တော်မူပြီ။ [I] ၂၁ သို့ဖြစ်၍ လူအားဖြင့် သေခြင်းတရားသည် တည်သကဲ့သို့၊ သေသောသူတို့၏ ထမြောက်ခြင်း တရားသည်၊ လူအားဖြင့် တည်လျက်ရှိ၏။ ၂၂ လူအပေါင်းတို့သည် အာဒံအားဖြင့် သေခြင်းသို့ ရောက်သည်နည်းတူ၊ လူအပေါင်းတို့သည် ခရစ်တော်အားဖြင့် အသက်ရှင်ခြင်းသို့ ရောက်ရကြလတံ့။ [J] ၂၃ သို့ရာတွင် လူအသီးသီးတို့သည်၊ မိမိတို့ အလှည့်အတိုင်း လိုက်ရကြလိမ့်မည်။ ခရစ်တော်သည် အဦးသီးသော အသီး ဖြစ်တော်မူ၏။ ထိုနောက် ခရစ်တော်သည် ကြွလာတော်မူသောအခါ၊ တပည့်တော် ဖြစ်သော သူတို့သည် ရှင်ခြင်းသို့ ရောက်ကြလိမ့်မည်။

ခရစ်တော်အုပ်စိုးခြင်း

CROSS REFERENCES

ဆာ ၁၁၀း၁

မဿဲ ၂၂း၄၄

ဆာ ၁၁၀း၁
၁ ထာဝရဘုရားက သင်၏ရန်သူတို့ကို သင်၏ခြေတင်ရာ၊ ငါမချထားမှီတိုင်အောင်၊ ငါလက်ျာဘက်၌ ထိုင်နေလော့ ၊ ဟုငါ၏သခင်အား မိန့်တော်မူ၏။

မဿဲ ၂၂း၄၄
၄၄ ဒါဝိဒ်၏ စကားမှာ၊ ထာဝရဘုရားက၊ သင်၏ ရန်သူတို့ကို သင်၏ခြေတင်ရာ ငါမချမထားမှီ တိုင်အောင် ငါ့လကျ်ာဘက်၌ ထိုင်နေလော့ဟု ငါ၏သခင်အား မိန့်တော်မူသည်၊ ဟုဒါဝိဒ်ဆိုသတည်း။

CROSS REFERENCES

၂ တိ ၁း၁၀

ဗျာ ၂၀း၁၄

ဗျာ ၂၁း၄

၂ တိ ၁း၁၀
၁၀ ထိုကျေးဇူးတော်ကား၊ ငါတို့ကို ကယ်တင်သော သခင်ယေရှုခရစ် ပေါ်ထွန်းသည်အရာမှာ၊ ယခုထင်ရှားလျက်ရှိ၏။ ထိုသခင်သည် သေခြင်း အကြောင်းကို ပယ်ရှား၍၊ အသက်ရှင်ခြင်း အကြောင်းနှင့် မဖောက်ပြန်ခြင်း အကြောင်းကို၊ ဧဝံဂေလိတရား အားဖြင့် ထင်ရှားစေတော်မူပြီ။

ဗျာ ၂၀း၁၄
၁၄ ထိုအခါ မရဏာနှင့် မရဏာနိုင်ငံကို မီးအိုင်ထဲသို့ ချပစ်လေ၏။ ထိုသေခြင်းကား ဒုတိယသေခြင်း ဖြစ်သတည်း။

ဗျာ ၂၁း၄
၄ ဘုရားသခင်သည် သူတို့၏ မျက်စိ၌ မျက်ရည်ရှိသမျှတို့ကို သုတ်တော်မူမည်။ နောက်တဖန် သေဘေးမရှိရ။ စိတ်မသာ ညည်းတွားခြင်း၊ အော်ဟစ်ခြင်း၊ ပင်ပန်းခြင်းလည်း မရှိရ။ အကြောင်းမူကား၊ ရှေးဖြစ်ဘူးသောအရာတို့သည် ရွေ့သွားကြပြီ။ s ခပ်သိမ်းသောအရာတို့ကိုအသစ်ဖန်ဆင်းပြီ

CROSS REFERENCES

ဆာလံ ၈း၆-၈

ဆာလံ ၈း၆-၈
၆ ဖန်ဆင်းတော်မူသော အရာများကို အုပ်စိုးစေ၍၊ သိုးနွားအစရှိသော မြေတိရစ္ဆာန်၊ မိုးကောင်းကင်ငှက်၊

၂၄ ထိုအခါ ခရစ်တော်သည် အထွဋ်အမြတ် အာဏာတန်ခိုး အမျိုးမျိုးကို ပယ်ရှင်း၍၊ မိမိနိုင်ငံကို ဘုရားသခင် တည်းဟူသော ခမည်းတော်၌ အပ်ပြန်တော်မူပြီးမှ၊ ကမ္ဘာကုန်ရလတံ့၊ ၂၅ ခရစ်တော်သည် ရန်သူအပေါင်းတို့ကို ခြေဖဝါးတော် အောက်၌၊ ချထားတော် မမူမှီတိုင်အောင် အုပ်စိုးတော်မူရမည်။ [K] ၂၆ နောက်ဆုံးသော ရန်သူ တည်းဟူသော သေမင်းသည်၊ ဆုံးရှုံးခြင်းသို့ ရောက်ရလတံ့။ [L] ၂၇ ခပ်သိမ်းသော အရာတို့ကို လူသား၏ ခြေအောက်၌ ချထားတော်မူသည်၊ ဟုကျမ်းစာလာ၏။ [M] ခပ်သိမ်းသော အရာတို့သည် ချထားလျက် ရှိကြောင်းကို ဆိုသော်၊ ခပ်သိမ်းသော အရာတို့ကို လူသားအောက်၌ ချထားတော်မူသော သူသည်၊ ကြွင်းတော်မူကြောင်း ထင်ရှားသတည်း။ ၂၈ ခပ်သိမ်းသော အရာတို့သည်၊ လူသားအောက်၌ ချထားလျက် ရှိသောအခါ၊ ခပ်သိမ်းသော အရာတို့ကို သူ့အောက်၌ ချထားတော်မူသော သူ၏ အုပ်စိုးတော်မူခြင်းကို၊ သားတော်သည် ကိုယ်တိုင် ဝန်ခံလိမ့်မည်။ အကြောင်းမူကား၊ ဘုရားသခင်သည် အလုံးစုံဖြစ်တော်မူမည် အကြောင်းတည်း။

သေသောသူကိုယ်စား ဗတ္တိဇံခံ

၂၉ သေလွန်သော သူတို့သည် ထမြောက်ခြင်း အလျှင်းမရှိလျှင်၊ သေလွန်သော သူတို့၏ ကိုယ်စား ဗတ္တိဇံကို ခံသောသူတို့သည် အဘယ်သို့ပြုရမည်နည်း။ သေလွန်သော သူတို့၏ ကိုယ်စား အဘယ်ကြောင့် ဗတ္တိဇံကို ခံရကြသနည်း။ ၃၀ ငါတို့သည်လည်း ဘေးရောက်အံ့သော အခြင်းအရာနှင့် အဘယ်ကြောင့် တွေ့ရကြသနည်း။ ၃၁ ငါသည် နေ့တိုင်း အသေခံရ၏။ ဟုငါတို့သခင် ယေရှုခရစ်၌ သင်တို့အကြောင်းကြောင့်၊ ငါဝါကြွား ဝမ်းမြောက်ခြင်းကို တိုင်တည်၍ ငါဆိုဝံ့၏။ ၃၂ သေလွန်သော သူတို့သည် ထမြောက်ခြင်း မရှိလျှင်၊ ဧဖက်မြို့၌ လောကီဝေါဟာရအားဖြင့်၊ အထက်က ငါသည် သားရဲတို့နှင့် တိုက်သော်လည်း၊ အဘယ်အကျိုးရှိသနည်း။ စားကြကုန်အံ့၊ သောက်ကြကုန်အံ့၊ နက်ဖြန် သေရကြမည်။ ၃၃ အလွဲမယူကြနှင့်။ မကောင်းသော သူတို့နှင့် ပေါင်းဖော်ခြင်းအားဖြင့်၊ ကောင်းသောအကျင့် ဓလေ့ ယိုယွင်းတတ်၏။ ၃၄ တရားသဖြင့် နိုးကြလော့။ ဒုစရိုက်ကို မပြုကြနှင့်။ အချို့သော သူတို့သည် ဘုရားသခင်ကို မသိကြ။ ထိုသို့ဆိုသော်၊ သင်တို့ကို ရှက်ကြောက်စေခြင်းငှာ ငါဆို၏။

ထမြောက်သောကိုယ်

၃၅ သေလွန်သောသူတို့သည် အဘယ်သို့ ထမြောက်ကြမည်နည်း။ အဘယ်သို့သော ကိုယ်နှင့် ပေါ်လာကြမည်နည်း။ ဟုတစ်စုံတစ်ယောက်သောသူ မေးလိမ့်မည်။ ၃၆ အချင်းလူမိုက်၊ သင်စိုက်သော မျိုးစေ့ မပျက်လျှင် မရှင်တတ်။ ၃၇ ထိုမှတပါး မျိုးစေ့ကို စိုက်သောအခါ၊ နောက်ဖြစ်လတံ့သော ကိုယ်ကိုမစိုက်။ ဂျုံစပါးဖြစ်စေ၊ အခြားသော စပါးဖြစ်စေ၊ အစေ့သက်သက်ကို စိုက်တတ်၏။ ၃၈ ဘုရားသခင်သည် အလိုတော်ရှိသည်အတိုင်း ကိုယ်ကိုပေးတော်မူ၏။ မျိုးစေ့အသီး အသီးတို့အားလည်း၊ မိမိတို့အမျိုးအတိုင်း ကိုယ်ကို ပေးတော်မူ၏။ ၃၉ အသား ရှိသမျှတို့သည် တမျိုးတည်း မဟုတ်။ လူသားတမျိုး၊ အမဲသားတမျိုး၊ ငါးသားတမျိုး၊ ငှက်သားတမျိုး၊ အသီးအသီးရှိကြ၏။ ၄၀ ကောင်းကင် အကောင်အထည်လည်း ရှိ၏။ မြေကြီး အကောင်အထည်လည်း ရှိ၏။ ကောင်းကင် အကောင်အထည်၏ ဂုဏ်အသရေလည်း တမျိုး၊ မြေကြီး အကောင်အထည်၏ ဂုဏ်အသရေသည်လည်း တမျိုးဖြစ်၏။ ၄၁ နေ၏ဂုဏ်အသရေ တမျိုး၊ လ၏ဂုဏ်အသရေ တမျိုး၊ ကြယ်တို့၏ ဂုဏ်အသရေ တမျိုး အသီးအသီးရှိကြ၏။ ကြယ်တို့၏ ဂုဏ်အသရေသည်လည်း အသီးသီးအခြားခြား ဖြစ်ကြ၏။

ဇာတိနှင့်ဝိညာဏကိုယ်

၄၂ ထိုနည်းတူ၊ သေသောသူတို့၏ ထမြောက်ခြင်း အကြောင်းအရာဖြစ်၏။ ကိုယ်သည် စိုက်သောအခါ၊ ပုပ်တတ်သော သဘောရှိ၏။ ထမြောက်သောအခါ မပုပ်နိုင်သော အဖြစ်၌ တည်၏။ ၄၃ စိုက်သောအခါ ဂုဏ်အသရေ ပျက်၏။ ထမြောက်သောအခါ ဂုဏ်အသရေနှင့်ပြည့်စုံ၏။ စိုက်သောအခါ အစွမ်းမရှိ။ ထမြောက်သောအခါ အစွမ်းနှင့် ပြည့်စုံ၏။ ၄၄ စိုက်သောအခါ ဇာတိပကတိကိုယ် ဖြစ်၏။ ထမြောက်သောအခါ ဝိညာဏကိုယ် ဖြစ်၏။ ဇာတိပကတိ ကိုယ်တမျိုး၊ ဝိညာဏကိုယ် တမျိုးရှိ၏။ ၄၅ ကျမ်းစာလာသည်ကား၊ ရှေ့ဦးစွာသော လူအာဒံသည် အသက်ရှင်သော သတ္တဝါဖြစ်၏၊ ဟုလာသတည်း။ ယခုတွင် နောက်ဆုံး ဖြစ်သော အာဒံမူကား၊ အသက်ရှင်စေတတ်သော ဝိညာဉ်ဖြစ်၏။

ဇာတိကိုယ် အရင်ဖြစ်

၄၆ ဝိညာဏကိုယ်သည် ရှေ့ဦးစွာ ဖြစ်သည်မဟုတ်။ ဇာတိပကတိကိုယ်သည် ရှေ့ဦးစွာ ဖြစ်၏။ နောက်မှ ဝိညာဏကိုယ် ဖြစ်၏။ ၄၇ ရှေ့ဦးစွာသော လူသည် မြေကြီးက ဖြစ်သောကြောင့် မြေသားဖြစ်၏။ ဒုတိယလူမူကား ကောင်းကင်ဘုံက ဖြစ်တော်မူသော သခင်ပေတည်း။ ၄၈ မြေသားတို့သည် ထိုမြေသားကဲ့သို့ ဖြစ်ကြ၏။ ကောင်းကင်သားတို့သည် ထိုကောင်းကင်သားကဲ့သို့ ဖြစ်ကြလိမ့်မည်။ ၄၉ ငါတို့သည် မြေသား၏ ပုံသဏ္ဍာန်ကို ဆောင်သကဲ့သို့၊ ကောင်းကင်သား၏ ပုံသဏ္ဍာန်ကို ဆောင်ကြလိမ့်မည်။ ၅၀ ညီအစ်ကိုတို့ ငါဆိုလိုသည်ကား၊ လူအသွေးအသားသည် ဘုရားသခင်၏ နိုင်ငံတော်ကို အမွေမခံနိုင်။ ပုပ်တတ်သောအရာသည် မပုပ်နိုင်သောအဖြစ်ကို အမွေမခံနိုင်။

CROSS REFERENCES

မဿဲ ၂၄း၄၀-၄၁

ယောဟန် ၁၁း၂၅-၂၆

၁ သက် ၄း၁၃-၁၇

မဿဲ ၂၄း၄၀-၄၁
၄၀ ထိုအခါလယ်၌ ရှိသောသူ နှစ်ယောက်တို့တွင်၊ တယောက်ကို သိမ်းယူ %fo(g) ၍ တယောက်မူကား နေရစ်ရလတံ့။

ယောဟန် ၁၁း၂၅-၂၆
၂၅ ယေရှုကလည်း၊ ငါသည်ထမြောက်ခြင်းအကြောင်း၊ အသက်ရှင်ခြင်း အကြောင်းဖြစ်၏။ ငါ့ကိုယုံကြည်သောသူသည် သေလွန်သော်လည်း ရှင်လိမ့်မည်။

၁ သက် ၄း၁၃-၁၇
၁၃ ညီအစ်ကိုတို့၊ မြော်လင့်ခြင်းမရှိသော အခြားသူတို့သည် ဝမ်းနည်းသကဲ့သို့၊ သင်တို့သည် ဝမ်းမနည်းမည်အကြောင်း၊ အိပ်ပျော်သောသူတို့၏ အမူအရာကို မသိဘဲနေစေခြင်းငှါ ငါတို့အလိုမရှိ။

ချီဆောင်ခြင်း [N]

၅၁ နက်နဲသောအရာ တခုကို ငါပြဦးမည်၊ ငါတို့ရှိသမျှသည် အိပ်ပျော်ရကြမည် မဟုတ်။ ၅၂ သို့သော်လည်း၊ နောက်ဆုံးသော တံပိုးမှုတ်သောအခါ၊ တခဏခြင်းတွင် မျက်စိတမှိတ်၌ ငါတို့ရှိသမျှသည်၊ ပြောင်းလဲခြင်းသို့ ရောက်ရကြမည်။ ထိုတံပိုးမှုတ်ချိန် ရောက်သောအခါ၊ သေလွန်သော သူတို့သည်၊ မပုပ်နိုင်သော အဖြစ်၌ တည်လျက် ထမြောက်၍၊ ငါတို့ရှိသမျှသည် ပြောင်းလဲခြင်းသို့ ရောက်ရကြမည်။ ၅၃ ယခု မျက်မှောက် ပုပ်တတ်သော အရာသည်၊ မပုပ်နိုင်သော အဖြစ်သို့ ဝင်စားရမည်။ ယခုမျက်မှောက် သေတတ်သော အရာသည် မသေနိုင်သော အရာသို့ ဝင်စားရမည်။

သေမင်းကိုအောင်မြင်

CROSS REFERENCES

ဟောရှေ ၁၃း၁၄

ဟေရှာယ ၂၅း၈

ဟေဗြဲ ၂း၁၄-၁၅

ဟောရှေ ၁၃း၁၄
၁၄ သူတို့ကိုမရဏာနိုင်ငံမှတပါးငါကယ်လွှတ်မည်။ သေမင်းလက်မှရွေးမည်။ အိုသေမင်း၊ သင့်ကိုကာလနာစွဲစေမည်။ အိုမရဏာနိုင်ငံသင်၌ ဖျက်ဆီးသောဘေးကိုရောက်စေမည်။ နောင်တရမည် အကြောင်းကိုပမာဏမပြု၊

ဟေရှာယ ၂၅း၈
၈ သေခြင်းကိုလည်း နစ်မွန်ဆုံးရှုံး စေတော်မူလိမ့်မည်။ အရှင် ထာဝရဘုရားသည်လည်း၊ ခပ်သိမ်းသော မျက်နှာတို့မှ မျက်ရည်ကို သုတ်တော်မူလိမ့်မည်။ ကိုယ်တော်၏ လူတို့သည် ခံရသော ကဲ့ရဲ့ခြင်းကိုလည်း၊ မြေကြီးတပြင်လုံး၌ ပယ်ရှင်းတော်မူလိမ့်မည်၊ ဟုထာဝရဘုရား အမိန့်တော်ရှိ၏။

ဟေဗြဲ ၂း၁၄-၁၅
၁၄ ထိုသူငယ်တို့သည် အသွေးအသားနှင့် ဆက်ဆံကြသောကြောင့်၊ ခရစ်တော်သည် အသေခံတော်မူသောအားဖြင့်၊ သေခြင်းတရားကို အစိုးရသောသူ တည်းဟူသော မာရ်နတ်၏တန်ခိုးကို ချိုးဖဲ့ဖျက်ဆီးခြင်းငှါ၎င်း၊

၅၄ ဤပုပ်တတ်သော အရာသည် မပုပ်နိုင်သော အဖြစ်သို့၎င်း၊ ဤသေတတ်သော အရာသည် မသေနိုင်သော အဖြစ်သို့၎င်း၊ ဝင်စားသောအခါ၊ သေခြင်းသည် အောင်ခြင်း၌ နစ်မြုပ်ပြီ၊ ဟုကျမ်းစာ၌လာချက် ပြည့်စုံလိမ့်မည်။ [O] ၅၅ အိုသေမင်း၊ သင်၏လက်နက်သည်၊ အဘယ်မှာရှိသနည်း။ အိုမရဏာနိုင်ငံ၊ သင်၏ အောင်ခြင်းသည် အဘယ်မှာ ရှိသနည်း။ ၅၆ သေမင်း၏ လက်နက်ကား၊ ဒုစရိုက်အပြစ်ပေတည်း၊ ဒုစရိုက်အပြစ်၏ တန်ခိုးကား၊ ပညတ်တရားပေတည်း။ ၅၇ ငါတို့ သခင်ယေရှုခရစ်အားဖြင့် ငါတို့အား အောင်ခြင်းအခွင့်ကို ပေးတော်မူသော၊ ဘုရားသခင်၏ ကျေးဇူးတော်သည် ကြီးလှစွတကား။ ၅၈ ထိုကြောင့် ငါချစ်သော ညီအစ်ကိုတို့၊ သင်တို့သည် ဘုရားသခင်၏ အမှုတော်ကို ဆောင်ရွက်၍၊ အကျိုးကြီးသည်ကို သိမှတ်သဖြင့် တည်ကြည်သော စိတ်နှင့် ပြည့်စုံ၍၊ မရွေ့လျော့ မတိမ်းယိမ်းဘဲလျက်၊ ဘုရားသခင်၏ အမှုတော်ကို ကြိုးစား အားထုတ်ကြလော့။