ဇာခရိ အနာဂတ္တိ

အခန်းကြီး ၁၄

ယေရုရှလင်မြို့ကို တိုက်စေမည်

CROSS REFERENCES

ဟေရှာယ ၁၃း၆
၆ ထာဝရဘုရား၏ နေ့ရက်သည် နီးသောကြောင့်၊ ငိုကြွေးမြည် တမ်းကြလော့။ အနန္တတန်ခိုးရှင် စီရင်တော်မူသော ဘေးအန္တရာယ်ကဲ့သို့ လာလိမ့်မည်။

ယောလ ၂း၁
၁ ဇိအုန်တောင်ပေါ်မှာ တံပိုးကို မှုတ်ကြလော့။ သန့်ရှင်းသော ငါ့တောင်ပေါ်မှာ သတိပေးသော အသံကို ပြုကြလော့။ ပြည်သူ ပြည်သား အပေါင်းတို့သည် တုန်လှုပ်ကြစေ။ အကြောင်းမူကား၊ ထာဝရဘုရား၏ နေ့ရက်သည် လာ၍ နီးပြီ။

၂ ပေ ၃း၁၀
၁၀ သူခိုးသည် ညအခါလာသကဲ့သို့၊ ထာဝရဘုရား၏နေ့ရက်သည် လာလိမ့်မည်။ ထိုနေ့၌ မိုးကောင်းကင်သည် ကြီးစွာသောအသံနှင့်တကွ ပျောက်သွားလိမ့်မည်။ လောကဓာတ်တို့သည် ပူအားကြီး၍ ပျက်ကြလိမ့်မည်။ မြေကြီးကိုယ်မှစ၍၊ မြေကြီးပေါ်မှာ ပြုလုပ်သမျှသောအရာတို့သည် ကျွမ်းလောင်ကြလိမ့်မည်။ s သန့်ရှင်းခြင်းဘုရားဝတ်၌ မွေ့လျော်ခြင်းရှိကြလော့

CROSS REFERENCES

ဟေရှာယ ၁၃း၁၆

ဟေရှာယ ၁၃း၁၆
၁၆ သူတို့သား သမီးများကို သူတို့မျက်မှောက်၌ မြေပေါ်မှာ ဆောင့်ဖွပ်လိမ့်မည်။ သူတို့အိမ်များကို လုယက်၍၊ သူတို့မယားများကို အဓမ္မ ပြုကြလိမ့်မည်။

CROSS REFERENCES

ဇာခရိ ၉း၁၄

ဇာခရိ ၉း၁၄
၁၄ ထာဝရဘုရားသည် သူတို့အပေါ်မှာ ထင်ရှားတော်မူ၍၊ မြှားတော်သည် လျှပ်စစ်ပျက်သကဲ့သို့ ပြေးလိမ့်မည်။ အရှင်ထာဝရဘုရားသခင်သည် တံပိုးမှုတ်၍ တောင်လေဘွေတို့နှင့် ကြွသွားတော်မူလိမ့်မည်။

၁ ထာဝရဘုရား၏နေ့ရက်သည် [A] ရောက်သောအခါ၊ သူတပါးတို့သည် သင်၏ဥစ္စာကို လုယူ၍ သင့်အလယ်၌ ဝေဖန်ကြလိမ့်မည်။ ၂ ယေရုရှလင်မြို့ကို တိုက်စေခြင်းငှါ၊ လူမျိုးအပေါင်းတို့ကို ငါစုဝေးစေမည်။ မြို့ကိုတိုက်ယူပြီးလျှင်၊ အိမ်တို့ကိုလုယက်၍၊ မိန်းမတို့ကို အဓမ္မ ပြုကြလိမ့်မည်။ [B] မြို့သားတဝက်ကို သိမ်းသွား၍၊ တဝက်သာမြို့၌ ကျန်ကြွင်းလိမ့်မည်။ ၃ ထာဝရဘုရားသည်လည်း၊ စစ်တိုက်ရာကာလ၌ တိုက်သကဲ့သို့ ထိုလူမျိုးတို့ကို တိုက်သွားတော်မူမည်။ [C]

သံလွင်တောင်ပေါ်မှာဆင်းမည်

CROSS REFERENCES

ယေဇ ၁၁း၂၃

တမန် ၁း၉-၁၂

ယေဇ ၁၁း၂၃
၂၃ ထာဝရဘုရား၏ဘုန်းတော်သည်မြို့ထဲကတက်၍၊ မြို့အရှေ့မှာရှိသောတောင်ပေါ်၌ ရပ်တော်မူ၏။%fo(a)

တမန် ၁း၉-၁၂
၉ တမန်တော်တို့သည် ကြည့်ရှုလျက် နေကြစဉ်၊ သခင်ဘုရားသည် အထက်သို့ ဆောင်ယူခြင်းကို ခံတော်မူ၍၊ မိုးတိမ်သည် ကိုယ်တော်ကို မျက်ကွယ်အောင် ခံယူလေ၏။

CROSS REFERENCES

မိက္ခာ ၁း၄

မိက္ခာ ၁း၄
၄ မီးရှေ့မှာ ဖယောင်းကဲ့သို့၎င်း၊ ချောက်ကြီးမှ ဆင်းသောရေကဲ့သို့၎င်း၊ ရှေ့တော်၌ တောင်တို့သည် အရည်ဖြစ်၍၊ ချိုင့်တို့သည်လည်း အက်ကွဲကြလိမ့်မည်။

CROSS REFERENCES

အာမုတ် ၁း၁

အာမုတ် ၁း၁
၁ ယုဒရှင်ဘုရင် ဩဇိမင်း၊ ဣသရေလ ရှင်ဘုရင် ယောရှ၏သား ယေရောဗောင်မင်း တို့လက်ထက်၊ မြေကြီးမလှုပ်မှီ နှစ်နှစ်အထက်က၊ သိုးထိန်းစုအဝင်ဖြစ်သော တေကောရွာသား အာမုတ်သည်၊ ဣသရေလ ပြည်အတွက် ခံရသော ဗျာဒိတ်တော် စကားဟူမူကား၊

CROSS REFERENCES

ဆာလံ ၉၆း၁၃
၁၃ အကြောင်းမူကား၊ ကိုယ်တော်သည် ကြွလာတော်မူ၏။ မြေကြီးသားတို့ကို တရားစီရင်ခြင်းငှါ ကြွလာတော်မူ၏။ လောကသားတို့ကို ဖြောင့်မတ်ခြင်း တရားနှင့်၎င်း၊ လူများကို သစ္စာတော်နှင့်၎င်း၊ စီရင် ဆုံးဖြတ်တော်မူလတံ့။

ဟေရှာယ ၆၆း၁၅-၁၆
၁၅ ကြည့်ရှုလော့။ ထာဝရဘုရားသည် ပြင်းစွာသော အရှိန်အားဖြင့် အမျက်တော်ကို၎င်း၊ မီးလျှံအားဖြင့် ဆုံးမတော်မူခြင်း ကို၎င်း၊ ထင်ရှားစွာ ပြခြင်းငှါ၊ လေဘွေကဲ့သို့သော ရထားတော်တို့ကို စီး၍၊ မီးကဲ့သို့ ကြွလာတော်မူ လိမ့်မည်။

မဿဲ ၁၆း၂၇
၂၇ လူသားသည် မိမိအဘ ခမည်းတော်၏ ဘုန်းအာနုဘော်ကို ဆောင်လျက်၊ ကောင်းကင်တမန် အခြံအရံတို့နှင့် ကြွလာတော်မူလတံ့။ ထိုအခါ လူအသီးသီး ကျင့်သောအကျင့်နှင့် အလျောက် အကျိုးအပြစ်ကို ဆပ်ပေးတော်မူလတံ့။

မဿဲ ၂၅း၃၁
၃၁ လူသားသည် မိမိဘုန်းအာနုဘော်ကို ဆောင်လျက်၊ သန့်ရှင်းသော ကောင်းကင်တမန်များ အခြံအရံ တို့နှင့်တကွ ကြွလာတော်မူသောအခါ၊ ဘုန်းရှိသော ပလ္လင်တော်ပေါ်မှာ ထိုင်၍၊

CROSS REFERENCES

ဟေရှာယ ၁၃း၁၀
၁၀ မိုးကောင်းကင် ကြယ်နက္ခတ်တို့သည် အလင်းကိုမပေး။ နေသည်လည်း ထွက်သောအခါ မိုက်လျက်၊ လသည်လည်း မထွန်းမလင်းဘဲ လျက်ရှိလိမ့်မည်။

ယေရမိအ ၄း၂၃
၂၃ ငါသည် မြေကြီးကိုကြည့်ရှု၍ လွတ်လပ်လဟာဖြစ်၏။ မိုးကောင်ကင်ကိုလည်း ငါကြည့်ရှု၍ အလင်းမရှိ။

ယေဇ ၃၂း၇-၈
၇ သင့်ကိုဆုံးစေသောအခါ မိုးကောင်းကင်ကို ငါဖုံးလွှမ်း၍ ကြယ်တို့ကို မိုက်စေရမည်။ နေကိုမိုးအုံစေ၍ လသည်လည်း အလင်းကိုမပေးရ။

ယောလ ၂း၃၁
၃၁ ထာဝရဘုရား၏ ကြောက်မက် ဘွယ်သောနေ့ကြီး မတိုင်မှီ၊ နေသည် မှောင်မိုက်အတိ ဖြစ်လိမ့်မည်။ လသည်လည်း သွေးဖြစ်လိမ့်မည်။

တမန် ၂း၂၀
၂၀ ထာဝရ ဘုရား၏ ထူးမြတ်သော နေ့ကြီးမတိုင်မှီ၊ နေသည် မှောင်မိုက်အတိ ဖြစ်လိမ့်မည်။ လသည်လည်း သွေးဖြစ်လိမ့်မည်။

၄ ထိုနေ့ရက်၌ ခြေတော်သည် ယေရုရှလင်မြို့အရှေ့၊ သံလွင်တောင်ပေါ်မှာရပ်၍၊ [D] သံလွင်တောင်သည် အရှေ့ဘက်မှ အနောက်ဘက် တိုင်အောင်အလယ်၌ ကွဲသဖြင့်၊ အလွန်ကြီးသော ချိုင့်ဖြစ်လိမ့်မည်။ [E] တောင်တဝက် မြောက်ဘက်သို့၎င်း၊ တဝက်သည် တောင်ဘက်သို့၎င်း ရွှေ့ရလိမ့်မည်။ ၅ သင်တို့သည် ငါ့တောင်ကြား ချိုင့်လမ်းဖြင့် ပြေးကြလိမ့်မည်။ ထိုချိုင့်သည် အာဇလမြို့တိုင်အောင် မှီလိမ့်မည်။ ယုဒရှင်ဘုရင် ဩဇိမင်းလက်ထက်၊ မြေကြီးလှုပ်၍ [F] သင်တို့သည် ပြေးသကဲ့သို့ တဖန်ပြေးကြလိမ့်မည်။ ငါ၏ ဘုရားသခင် ထာဝရဘုရား၊ ကြွလာတော်မူ၍၊ [G] မိမိသန့်ရှင်းသူ အပေါင်းတို့သည် ပါကြလိမ့်မည်။ ၆ ထိုနေ့ရက်၌ အလင်းမရှိ၊ [H] မြတ်သောအရာတို့သည် ယုတ်လျော့လိမ့်မည်။ ၇ နေ့မဟုတ်၊ ညမဟုတ်၊ ထာဝရဘုရား သိတော်မူသော နေ့ရက်တရက် ဖြစ်၍၊ ညဦးယံအချိန်ရောက်မှ လင်းလိမ့်မည်။

ယေရုရှလင်မြို့မှရေ

CROSS REFERENCES

ယေဇ ၄၇း၁

ဗျာ ၂၂း၁

ယေဇ ၄၇း၁
၁ ထိုနောက်မှ အိမ်တော်တံခါးသို့ တဖန်ငါ့ကိုဆောင်ခဲ့၍၊ တံခါးခုံအောက်မှ အရှေ့ဘက်သို့ ထွက်သောရေကို ငါမြင်၏။ အိမ်တော်ဦးသည် အရှေ့သို့မျက်နှာပြု၍၊ ရေသည်အိမ်တော်တံခါးခုံ လက်ျာအောက် ယဇ်ပလ္လင်တော်တောင်ဘက်မှ စီးသွားလေ၏။

ဗျာ ၂၂း၁
၁ တဖန်၊ ကျောက်သလင်းကဲ့သို့ ကြည်လင်၍၊ ဘုရားသခင်နှင့် သိုးသငယ်၏ ပလ္လင်တော်ထဲက ထွက်သော၊ အသက်ရေစီးရာမြစ်ကို ကောင်းကင်တမန်သည် ငါ့အားပြလေ၏။

၈ ထိုနေ့ရက်၌ အသက်ရေသည် ယေရုရှလင်မြို့မှထွက်၍ နွေကာလဖြစ်စေ၊ ဆောင်းကာလဖြစ်စေ၊ အရှေ့ပင်လယ် (ပင်လယ်သေ)သို့တဝက်၊ အနောက် ပင်လယ်(မြေထဲပင်လယ်) သို့တဝက် စီးသွားလိမ့်မည်။ [I]

ထာဝရ ဘုရားဘုရင်ဖြစ်မည်

CROSS REFERENCES

ယေရမိအ ၂၃း၅-၆
၅ ထာဝရဘုရား မိန့်တော်မူသည်ကား၊ သန့်ရှင်းသော အညွန့်ကို ဒါဝိဒ်အဘို့ ငါပေါက်စေသည်အတိုင်း။ ဥာဏ်ကောင်းသော ရှင်ဘုရင်တဦးသည် စိုးစံ၍၊ မြေကြီးပေါ်မှာ တရားသဖြင့် ဖြောင့်မတ်စွာ စီရင်ရာကာလသည် ရောက်လိမ့်မည်။

ဇာခရိ ၉း၉
၉ အိုဇိအုန်သတို့သမီး အလွန်ဝမ်းမြောက်လော့။ အိုယေရုရှလင်မြို့ သတို့သမီး ကြွေးကြော်လော့။ တရားသဖြင့် စီရင်၍၊ ကယ်တင်ခြင်းသို့ ရောက်သောသခင်၊ သင်၏အရှင်မင်းကြီးသည် မြည်းမနှင့် မြည်းကလေးကိုစီး၍ နူးညံ့သိမ်မွေ့သောစိတ်နှင့် သင်ရှိရာသို့ ကြွလာတော်မူသည်ကို ကြည့်ရှုလော့။

မဿဲ၂၁း၄
၁ ထာဝရဘုရား၏ ဗျာဒိတ်နှုတ်ကပတ်တော်သည် ဟာဒရက်ပြည်နှင့် ဒမာသက်မြို့၌ သင့်ရောက်ပေ၏။ ထာဝရဘုရားသည် လူမျိုးကို၎င်း၊ ဣသရေလအမျိုးအနွယ် အပေါင်းတို့ကို၎င်း၊ ကြည့်ရှုလျက် ရှိတော်မူ၏။

ယောဟန် ၁၂း၁၅
၁၅ အိုဇိအုန်သတို့သမီး၊ မစိုးရိမ်နှင့်။ သင်၏အရှင်မင်းကြီးသည် မြည်းကလေး ကိုစီး၍ သင်ရှိရာသို့ ကြွလာတော်မူသည်ကို ကြည့်ရှုလော့၊ ဟုရေးထားသည်နှင့်အညီ၊ ယေရှုသည် မြည်းကလေးကိုတွေ့၍ စီးတော်မူ၏။

၉ ထာဝရဘုရားသည် တပြည်လုံးတွင် ရှင်ဘုရင် ဖြစ်တော်မူမည်။ [J] ထို့နေ့ရက်၌ ထာဝရဘုရား တပါးတည်း၊ နာမတော်တပါးတည်း ဖြစ်တော်မူမည်။ ၁၀ ဂေဘမြို့မှသည် ယေရုရှလင်မြို့တောင်ဘက်၊ ရိမ္မုန်မြို့တိုင်အောင် တပြည်လုံးကို ချိုင့်ကဲ့သို့ တညီတည်း ဖြစ်စေတော်မူမည်။ မြို့သည်လည်း ဗင်္ယာမိန်တံခါးမှ အရင်တံခါးရာ၊ မြို့ထောင့်တံခါး တိုင်အောင်၎င်း၊ ဟာနနေလရဲတိုက်မှသည် စပျစ်သီးနယ်ရာ တန်ဆာတော် တိုင်အောင်၎င်း၊ ချီးမြှောက်ခြင်းကိုခံ၍၊ မြို့ဟောင်းရာ၌ တဖန်တည်ရလိမ့်မည်။ ၁၁ နောက်တဖန် ယေရုရှလင်မြို့သည် ကျိန်ခြင်းဘေးကိုမခံ၊ မြို့သားတို့သည် နေရာကျ၍၊ စိုးရိမ်စရာမရှိဘဲ နေကြလိမ့်မည်။

အသားလျော့ပျက်လိမ့်မည်

၁၂ ယေရုရှလင်မြို့ကို တိုက်လာသော၊ လူမျိုးအပေါင်းတို့၌ ထာဝရဘုရား ပေးတော်မူသော၊ ဘေးဒဏ်ဟူမူကား၊ ခြေဖြင့်ရပ်လျက်ပင် သူတို့အသား လျော့ပျက်လိမ့်မည်။ လျှာသည်လည်း ခံတွင်း၌ လျော့ပျက်လိမ့်မည်။ ၁၃ ထိုနေ့ရက်၌ ထာဝရဘုရား၏ တန်ခိုးတော်ကြောင့် သူတို့သည် အလွန်ရုန်းရင်းခတ်မျှပြု၍၊ တယောက်ကို တယောက် လက်ချင်းရိုက်သော်လည်း၊ တယောက်ကို တယောက်တိုက်၍ သတ်ကြလိမ့်မည်။ ၁၄ ယုဒအမျိုးသားတို့လည်း ယေရုရှလင်မြို့၌ တိုက်ကြလိမ့်မည်။ ပတ်လည်၌ နေသော တပါးအမျိုးသား အပေါင်းတို့၏ ဥစ္စာ စည်းစိမ်တည်းဟူသော၊ များစွာသော ရွှေငွေအဝတ်တန်ဆာ စုပုံလျက် ရှိကြလိမ့်မည်။ ၁၅ မြင်း၊ လား၊ ကုလားအုပ်၊ မြည်းမှစ၍ ရန်သူတပ်တွင် ရှိသမျှသော တိရစ္ဆာန်တို့မှပေးသော ဘေးဒဏ်သည် အထက်ဆိုခဲ့ပြီးသော ဘေးဒဏ်နှင့်တူ လိမ့်မည်။

သကေနေပွဲ

CROSS REFERENCES

ဝတ်ပြု ၂၃း၃၄
၃၄ သင်တို့သည် သတ္တမလ ဆယ့်ငါးရက်နေ့မှစ၍ ခုနစ်ရက်ပတ်လုံး၊ ထာဝရဘုရားဖို့ သကေနေပွဲကို ခံရကြမည်။

ဝတ်ပြု ၂၃း၄၀-၄၂
၄၀ ပဌမနေ့၌ ကောင်းမွန်သော သစ်သီး၊ စွန်ပလွံခက်၊ မိုးမခပင် အစရှိသော အရွက်များသော အပင်၏ အကိုင်းအခက်တို့ကို ယူ၍၊ သင်တို့၏ ဘုရားသခင် ထာဝရဘုရား ရှေ့တော်၌၊ ခုနစ်ရက်ပတ်လုံး ရွှင်လန်းခြင်းကို ပြုရကြမည်။

တရားဟော ၁၆း၁၆
၁၆ အဇုမပွဲခံချိန်၊ ခုနစ်သတင်းပွဲခံချိန်၊ သကေနေပွဲခံချိန်တည်းဟူသော တစ်နှစ်တွင်သုံးကြိမ်မြောက်အောင် သင်တို့ ယောက်ျား အပေါင်းတို့သည်၊ သင်၏ဘုရားသခင် ထာဝရဘုရား ရွေးကောက်တော်မူသောအရပ်၌ ရှေ့တော်မှာ မျက်နှာပြရကြမည်။ ထိုအခါထာဝရဘုရား ထံတော်သို့ အဘယ်သူမျှ လက်ချည်း မပေါ်မလာရ။

တရားဟော ၃၁း၁၀
၁၀ မှာထားသည်ကား၊ ခုနစ်နှစ်စေ့၍ ကျွန်များကို လွှတ်ခြင်းငှာ ချိန်းချက်သောနှစ်၊ သကေနေပွဲခံချိန်ရောက်မှ၊

၂ ရာဇဝင် ၈း၁၃
၁၃ ထိုမှတပါးဥပုသ်နေ့ နှင့်လဆန်းနေ့၌ ၎င်း၊ အဇုမပွဲ၊ ခုနစ်သီတင်းပွဲ၊ သကေနေပွဲ တည်းဟူသောတနှစ်တနှစ်လျှင်ဓမ္မပွဲသုံးပွဲခံသောနေ့၌၎င်း၊ ယဇ်ပူဇော်လေ့ရှိ၏။

ဧဇရ ၃း၄
၄ ကျမ်းစာလာသည် အတိုင်း၊ သကေနေပွဲကိုလည်းခံ၍ တရားနှင့်အညီ နေ့တိုင်းပြုသင့်သော ဝတ်ကိုပြုလျက်၊ နေ့တိုင်း မီးရှို့ရာယဇ်တို့ကို အရေအတွက်နှင့် ပူဇော်ကြ၏။

နေဟမိ ၈း၁၄-၁၇
၁၄ သတ္တမလပွဲကို ခံကြစဉ်၊ ဣသရေလ အမျိုးသား အပေါင်းတို့သည် သစ်ခက်တဲ၌ နေရကြမည်၊ ဟုမောရှေအားဖြင့် ထာဝရဘုရား ထားတော်မူသော၊ ပညတ္တိကျမ်းစာ၌ ရေးထားကြောင်းကို တွေ့ကြ၏။

ဇာခရိ ၁၄း၁၆
၁၆ ယေရုရှလင်မြို့ကို တိုက်လာသော၊ လူမျိုးအပေါင်းတို့တွင် ကျန်ကြွင်းသမျှသောသူ တို့သည်၊ ကောင်းကင် ဗိုလ်ခြေ အရှင်ထာဝရဘုရား တည်းဟူသော ရှင်ဘုရင်ကို ကိုးကွယ်၍၊ သကေနေပွဲခံအံ့သောငှါ မြို့တော်သို့ နှစ်တိုင်းအစဉ်အတိုင်း တက်လာ ကြလိမ့်မည်။

ယောဟန် ၇း၂
၂ ယုဒလူတို့၏ သကေနေပွဲ ခံခါနီးတွင်၊

CROSS REFERENCES

ယေရမိအ ၁၄း၃

အာမုတ် ၄း၇

ယေရမိအ ၁၄း၃
၃ မှူးမတ်တို့သည် မိမိငယ်သားတို့ကို ရေခပ်ဘို့ စေလွှတ်၍၊ ငယ်သားတို့သည် ရေကျင်းသို့ ရောက်သောအခါ၊ ရေကိုမတွေ့။ အိုးသက်သက်ကိုသာ ဆောင်ခဲ့လျက် ပြန်လာကြ၏။ ဦးခေါင်းကို ခြုံလျက်ရှက် ကြောက်မှိုင်တွေကြ၏။

အာမုတ် ၄း၇
၇ စပါးရိတ်ရာ ကာလမရောက်မှီ သုံးလအထက်က၊ မိုးမရွာစေခြင်းငှါ မိုးကို ငါဆီးတားပြီ။ မြို့တမြို့ပေါ်မှာ ရွာစေခြင်းငှါ၎င်း၊ တမြို့ပေါ်မှာ မရွာစေခြင်းငှါ၎င်း ပြုလျက်၊ မြေတကွက်သည် မိုးရေကိုခံ၍ တကွက်သည်မခံရ၊ သွေ့ခြောက်လျက်နေရ၏။

၁၆ ယေရုရှလင်မြို့ကို တိုက်လာသော၊ လူမျိုးအပေါင်းတို့တွင် ကျန်ကြွင်းသမျှသောသူ တို့သည်၊ ကောင်းကင် ဗိုလ်ခြေ အရှင်ထာဝရဘုရား တည်းဟူသော ရှင်ဘုရင်ကို ကိုးကွယ်၍၊ သကေနေပွဲ [K]ခံအံ့သောငှါ မြို့တော်သို့ နှစ်တိုင်းအစဉ်အတိုင်း တက်လာ ကြလိမ့်မည်။ ၁၇ ကောင်းကင်ဗိုလ်ခြေ အရှင်ထာဝရ ဘုရား ဟူသော ရှင်ဘုရင်ကို ကိုးကွယ်အံ့သောငှါ၊ မြို့တော်သို့တက်၍၊ မလာသော မြေကြီးသား အဆွေအမျိုးရှိသမျှအပေါ်သို့၊ မိုးမရွာရ။ ၁၈ အဲဂုတ္တုပြည်သား အဆွေအမျိုးသည် မတက်မလာလျှင်၊ မိုးမရွာဘဲနေသဖြင့်၊ [L] သကေနေပွဲကို ခံအံ့သောငှါ တက်၍မလာသော လူမျိုးတို့၌ ၊ ထာဝရဘုရား ပေးတော်မူသော၊ ဘေးဒဏ်သည် ထိုသူတို့ကို ထိလိမ့်မည်။ ၁၉ ဤရွေ့ကား၊ သကေနေပွဲကို ခံအံ့သောငှါ၊ တက်၍ မလာသော အဲဂုတ္တုအမျိုးသား၊ တပါးအမျိုး သားအပေါင်းတို့ ခံရသော အပြစ်ပေတည်း။

CROSS REFERENCES

ထွက် ၂၈း၃၆

ထွက် ၂၈း၃၆
၃၆ ရွှေစင်သင်းကျစ်ကိုလည်း လုပ်၍၊ တံဆိပ်ပေါ်မှာ အက္ခရာတင်သကဲ့သို့၊ ထာဝရဘုရားအား သန့်ရှင်းခြင်း၊ ဟုအက္ခရာတင်၍၊

၂၀ ထိုနေ့ရက်ကာလတွင် ထာဝရဘုရားအား သန့်ရှင်းခြင်း၊ [M] ဟုမြင်း၌ ဆွဲသောဆည်းလည်းအပေါ်မှာပင် အက္ခရာတင်ရလိမ့်မည်။ ထာဝရဘုရား၏ အိမ်တော်၌ အိုးတို့သည် ယဇ်ပလ္လင်ရှေ့မှာရှိသော ဖလားကဲ့သို့ ဖြစ်ကြလိမ့်မည်၊ ၂၁ ထိုမျှမက၊ ယေရုရှလင်မြို့မှစ၍ ယုဒပြည်၌ ရှိသမျှသော အိုးတို့သည် ကောင်းကင် ဗိုလ်ခြေ အရှင်ထာဝရဘုရားအား သန့်ရှင်းကြလိမ့်မည်။ ယဇ်ပူဇော်သော သူအပေါင်းတို့သည် လာ၍၊ ထိုအိုးတို့ကိုယူပြီးလျှင်၊ ချက်ပြုတ်ကြလိမ့်မည်။ ထိုနေ့မှစ၍ နောက်တဖန် ကောင်းကင် ဗိုလ်ခြေအရှင် ထာဝရဘုရား၏ အိမ်တော်၌ ခါနနိလူမရှိရ။

ပရောဖက် ဇာခရိစီရင်ရေးထားသော အနာဂတ္တိကျမ်းပြီး၏။