၁ ထို့နောက်သန့်ရှင်းရာအရပ်သို့မျက်နှာပြုသောပြတင်းတံခါးသို့ဆောင်သွား၍ထိုတံခါးသည်ပိတ်လျက်ရှိ၏။ ၂ ထာဝရဘုရားကလည်းဤတံခါးကိုမဖွင့်ဘဲပိတ်ထားလျက်ရှိရမည်။ လူများမဝင်ရကြ။ အကြောင်းမူကားဣသရေလအမျိုး၏ ဘုရားသခင်ထာဝရဘုရားဝင်တော်မူသောကြောင့်ပိတ်ထားလျက်ရှိရမည်။ ၃ မင်းသားအဘို့ဖြစ်သည်။ မင်းသားသည် ထာဝရဘုရားရှေ့တော်၌ စားသောက်၍ထိုတံခါးဝမှာထိုင်ရလိမ့်မည်။ မင်းသားသည်ထိုတံခါးမုတ်ဖြင့်ထွက်ဝင်ရလိမ်မည်၊ ဟုမိန့်တော်မူသည်။ ၄ ထိုအခါအိမ်တော်ရှေ့မြောက်တံခါးလမ်းဖြင့်ငါ့ကိုဆောင်သွား၍ထာဝရဘုရား၏ဘုန်းတော်သည် ထာဝရဘုရား၏အိမ်တော်ကိုဖြည့်တော်မူသဖြင့်ငါသည်ပြပ်ဝပ်လျက်နေ၏။ ၅ ထာဝရဘုရားကလည်းအချင်းလူသား စေ့စေ့ကြည့်ရှု၍မှတ်လော့။ ထာဝရဘုရားအိမ်တော်အဘို့ငါစီရင်ထုံးဖွဲ့ချက်ပညတ်တရားရှိသမျှတို့ကိုနားထောင်လော့။ အိမ်တော် ဝင်ရာတံခါးဝနှင့်သန့်ရှင်းရာဌာနမှထွက်ရာတံခါးဝရှိသမျှတို့ကိုစေ့စေ့မှတ်လော့။ ၆ ပုန်ကန်တတ်သောသူဣသရေလ အမျိုးသားတို့အားအရှင်ထာဝရဘုရား၏အမိန့်တော်ကိုဆင့်ဆိုရမည်မှာ၊ အိုဣသရေလအမျိုးသားတို့၊ ၇ သင်တို့သည်ငါ့ဘောဇဉ်တည်းဟူသော ဆီဥနှင့်အသွေးကို ပူဇော်သောအခါ ငါ့ဗိမာန်ကို ညစ်ညူးစေခြင်းငှါ အရေဖျားလှီးခြင်းကိုမခံသောစိတ်နှင့် အရေဖျားလှီးခြင်း [A]ကို မခံသောကိုယ်ရှိ သောတပါးအမျိုးသားတို့ကို ငါ၏သန့်ရှင်းရာဌာနထဲသို့သွင်း၍ နေရာချသဖြင့်စက်ဆုပ်ရွံရှာဖွယ်သောအမှုများကအားဖြင့်ငါ့ပဋိညာဉ်ကိုဖျက်ကြပြီ။ ၈ ငါ၏သန့်ရှင်းရေးဌာနကိုမစောင့်။ ထိုဌာန၌ စောင့်သောသူတို့ကို ကိုယ်အလိုအလျောက်ခန့်ထားကြပြီ။

CROSS REFERENCES

ကမ္ဘာ ၁ရး၁၀-၁၄

ကမ္ဘာ ၁ရး၂၃-၂ရ

ကမ္ဘာ ၂၁း၄

ဝတ်ပြု ၁၂း၃
၃ အဌမနေ့၌ သားယောကျ်ားအား အရေဖျားလှီးခြင်းကို ပြုရမည်။

၉ အရှင်ထာဝရဘုရားမိန့်တော်မူသည်ကား ဣသရေလအမျိုးသားတို့တွင်နေ၍ အရေဖျားလှီးခြင်း [A]ကိုမခံသောစိတ်နှင့်အရေဖျားလှီးခြင်းကိုမခံသောကိုယ်ရှိသောတပါးအမျိုးသားသည်ငါ၏သန့်ရှင်းရာဌာနထဲသို့မဝင်ရ။ ၁၀ ဣသရေလအမျိုးသားတို့သည်ငါ့ထံမှထွက်၍လမ်းလွှဲပြီးလျှင်မိမိတို့ရုပ်တုများနောက်သို့လိုက်သွားသောအခါငါ့ထံမှထွက်၍လမ်းလွှဲသောလေဝိသားတို့သည်လည်းကိုယ်အပြစ်ကိုခံရမည်။ ၁၁ သို့ရာတွင်ငါ၏သန့်ရှင်းရာဌာနနှင့်ဆိုင်သောအမှုစောင့်ဖြစ်၍ဗိမာန်တော်တံခါးကို စောင့်လျက်အမှုတော်ကိုဆောင်ရွက်လျက်နေကြရမည်။ မီးရှို့ရာယဇ်နှင့်လူများပူဇော်သောယဇ်ကောင်တို့ကိုသတ်၍၊ လူများကိုယ်စားအမှုတော်ကိုဆောင်ရွက်ကြမည်။ ၁၂ သူတို့သည်ရုပ်တုတို့ရှေ့မှာလူများအမှုကိုဆောင်ရွက်သဖြင့်ဣသရေလ အမျိုးထိမိ၍ဒုစရိုက်အပြစ်ထဲသို့လဲစရာအကြောင်းဖြစ်ဘူးသောကြောင့်သူတို့တဘက်တွင်ငါကျိန်ဆို၍သူတို့သည်ကိုယ်အပြစ်ကို ခံကြရမည်။ ၁၃ ယဇ်ပုရောဟိတ်လုပ်၍ငါ့ထံသို့မချည်းကပ်ရကြ။ အလွန်သန့်ရှင်းသောငါဌာန၌ သန့်ရှင်းသောအရာကိုမချဉ်းကပ်ရကြ။ ကိုယ်အရှက်ကွဲခြင်းကိုယ်ပြုမိသောစက်ဆုပ်ရွံရှာဘွယ်အမှုတို့ကိုခံရကြမည်။ ၁၄ အိမ်တော်ကိုစောင့်၍ အိမ်တော်၌ ခပ်သိမ်းသောအမှုတို့ကိုဆောင်ရွက်စေခြင်းငှါငါခန့်ထားမည်။ ၁၅ ဣသရေလအမျိုးသားတို့သည်ငါ့ထံမှထွက်၍ လမ်းလွှဲသောအခါငါ၏သန့်ရှင်းရာဌာနကိုစောင့်နေသောလေဝိအမျိုးဖြစ်သောဇာဒုတ်သားယဇ်ပုရောဟိတ်တို့သည်ငါ့အမှုကို ဆောင်ခြင်းငှါငါ့ထံသို့ချဉ်းကပ်ရကြမည်။ ငါ့အားဆီဥနှင့်အသွေးကိုပူဇော်ခြင်းငှါငါ့ရှေ့မှာရပ်ရကြမည်၊ ဟုအရှင်ထာဝရဘုရားမိန့်တော်မူ၏။ ၁၆ ထိုသူတို့သည်ငါ့၏သန့်ရှင်းရာဌာနထဲသို့ဝင်၍ငါ့အမှုကိုဆောင်ခြင်းငှါငါ့စားပွဲအနားသို့ချဉ်းကပ်၍ငါ့အမှု စောင့်ဖြစ်ကြရမည်။

၁၇ သူတို့သည်အတွင်းတန်တိုင်းတံခါးအတွင်းသို့ဝင်သောအခါပိတ်အဝတ်ကိုသာဝတ်ကြရမည်။ အတွင်းတံတိုင်း၊ တံခါးအတွင်း၌ အမှုတော်ကိုဆောင်ရွက်စဉ်၊ သိုးမွှေးအဝတ်ကိုမဝတ်ရကြ။ ၁၈ ခေါင်းပေါ်မှာပိတ်ဦးထုပ်ကိုဆောင်း၍၊ ခါး၌ ပိတ်ဘောင်းဘီကိုဝတ်ရကြမည်။ ချွေးထွက်စေသောအဝတ်ကိုမဝတ်ရကြ။ ၁၉ လူများရှိရာပြင်တံတိုင်းသို့ထွက်သွားသောအခါ၊ အမှုတော်ကိုဆောင်စဉ်တွင်ဝတ်သောအဝတ်ကိုချွတ်၍၊ သန့်ရှင်းသောအခန်းတို့၌ ထားပြီးလျှင်အခြားသောအဝတ်ကိုဝတ်ရကြမည်။ အရင်အဝတ်ကိုဝတ်လျက်လူများတို့ကိုမသန့်ရှင်းစေရကြ။ ၂၀ မိမိတို့ဆံပင်ကိုလည်းမရိတ်ရ။ မရှည်စေခြင်းငှါ ဖြတ်ရမည်။ ၂၁ ယဇ်ပုရောဟိတ်သည်အတွင်းတန်တိုင်းထဲသို့ဝင်သောအခါစပျစ်ရည်ကိုမသောက်ရ။ ၂၂ မုဆိုးမနှင့် မဆုံဘက်ရ။ လင်ကွာသောမိန်းမနှင့်မစုံဘက်ရ။ ဣသရေလအမျိုးအပျိုကညာနှင့်သော၎င်း၊ ယဇ်ပုရောဟိတ်၏မယားဖြစ်ဘူးသောမုဆိုးမနှင့်သော်၎င်းစုံဘက်ရမည်။ ၂၃ ငါ၏လူတို့သည်သန့်ရှင်းသောအရာမသန့်ရှင်းသောအရာတို့ကို၎င်းစင်ကြယ်သောအရာမစင်ကြယ်သောအရာတို့ကို၎င်း၊ ပိုင်းခြား၍သိစေခြင်းငှါသွန်သင်ကြရမည်။ ၂၄ တရားတွေ့မှုကိုစီရင်လျှင်ငါ၏ ဓမ္မသတ်ပွဲတို့ကိုဆောင်ရွက်လျှင်ငါစီရင်ထုံးဖွဲ့ချက်တို့ကို၎င်း၊ ငါ၏ဥပုသ်နေ့တို့ကို၎င်း၊ စောင့်ရှောက်ကြရမည်။ ၂၅ အသေကောင်ကိုချဉ်း၍ကိုယ်ကိုမညစ်ညူးစေရ။ သို့ရာတွင်ကိုယ်မိဘကိုယ်သားသမီးညီအစ်ကိုလင်မနေသောနှမအတွက်ကိုယ်ကို ညစ်ညူးစေသောအခွင့်ရှိ၏။ ၂၆ သန့်ရှင်းခြင်းကိုပြုပြီးမှခုနစ်ရက်နေရမည်။ ၂၇ သန့်ရှင်းရာဌာန၌ အမှုတော်ကို ဆောင်ခြင်းငှါအတွင်းတန်တိုင်းသန့်ရှင်းရာဌာနထဲသို့ဝင်သောနေ့တွင်အပြစ်ဖြေရာယဇ်ကိုပူဇော်ရမည်၊ ဟုထာဝရဘုရားမိန့်တော်မူ၏။ ၂၈ ထိုအရာသည်ယဇ်ပုရောဟိတ်တို့၏အမွေဥစ္စာဖြစ်ရမည်။ ငါသည်သူတို့အမွေဥစ္စာဖြစ်၏။ ဣသရေလပြည်၌ သူတို့အားအမွေမြေကိုမပေးရ။ ငါသည်သူတို့၏အမွေမြေဖြစ်၏။ ၂၉ ပူဇော်သောမုန့်ညက်နှင့်အပြစ်ဖြေရာယဇ်ဒုစရိုက်ဖြေရာယဇ်ကိုစားရကြမည်။ ဣသရေလအမျိုးသားကျိန်ဆို၍ပူဇော်သမျှတို့ကိုလည်းသိမ်းယူကြမည်။ ၃၀ အဦးအသီးသော အသီးအမျိုးမျိုးနှင့်ချီးမြှောက်ရာပူဇော်သက္ကာအလုံးစုံတို့ကိုယဇ်ပူဇော်ပုရောဟိတ်သည်သိမ်းယူရမည်။ သူသည်သင့်အိမ်၌ ကောင်းကြီးမင်္ဂလာကိုသက်ရောက်စေခြင်းငှါအဦးနယ်သောမုန့်စိမ်းကိုသူ၌ လှူရမည်။ ငှက်ဖြစ်စေအလိုလိုသေသောအကောင်သားရဲကိုက်၍သေသောအကောင်ကိုယဇ်ပုရောဟိတ်မစားရ။