၁ သက္ကရာဇ်ဆယ်ခု၊ ဒသမလတဆယ်ရက်နေ့တွင်၊ ထာဝရဘုရားနှုတ်ကပတ်တော်သည်ငါ့ဆီသို့ရောက်လာ၍၊ ၂ အချင်းလူသား၊ သင်သည်အဲဂုတ္တုရှင်ဘုရင်ဖါရောမင်းတဘက်၌ မျက်နှာထား၍၊ သူနှင့်အဲဂုတ္တုပြည်တပြည်လုံးတဘက်၌ ပရောဖက်ပြုလျက်၊ ၃ အရှင်ထာဝရဘုရား၏အမိန့်တော်ကိုဆင့်ဆိုရမည်မှာ၊ အိုအဲဂုတ္တုရှင်ဘုရင်ဖါရောမင်း၊ ကိုယ်မြစ်များအလယ်၌ နေလျက်၊ ငါ့မြစ်ကိုငါပိုင်၏။ ငါ့အဘို့ငါဖန်ဆင်းပြီဟုဆိုတတ်သောမိကျောင်းကြီး၊ သင်တဘက်၌ ငါနေ၏။ ၄ သင့်ပါးရိုးကို သံချိတ်နှင့်ချိတ်၍၊ သင့်မြစ်၌ နေသောငါးတို့ကိုသင့်အကြေးတို့၌ ငါကပ်စေမည်။ သင့်မြစ်များအလယ်ထဲကသင့်ကိုငါနှုတ်၍၊ မြစ်၌ ရှိသမျှသောငါးတို့သည်သင့်အကြေးတို့၌ ကပ်ကြလိမ့်မည်။ ၅ သင်နှင့်သင့်မြစ်၌ ရှိသမျှသောငါးတို့ကိုတော၌ ငါပစ်ထားမည်။ လွင်ပြင်၌ ကျ၍နောက်တဖန်စုဝေးခြင်းကိုမပြုရ။ တောသားရဲများ၊ မိုးကောင်းကင်ငှက်များစားစရာဘို့သင့်ကိုငါအပ်၏။ ၆ ငါသည်ထာဝရဘုရားဖြစ်ကြောင်းကို အဲဂုတ္တုပြည်သားအပေါင်းတို့သည် သိရကြလိမ့်မည်။ [A] အကြောင်းမူကား၊ သင်သည်ဣသရေလ အမျိုး၌ ကျူတောင်ဝှေးဖြစ်လေပြီ။ ၇ သင့်ကိုလက်နှင့်ကိုင်သောအခါသင်သည်အကိုင်မခံ၊ သူတို့ပခုံးဆစ်ကိုဖြုတ်လေ၏။ သင်နှင့်ကိုယ်ကိုထောက်သောအခါသင်သည်ကျိုး၍သူတို့ခါးကိုနာစေ၏။

အဲဂုတ္တုပြည်ကိုအနှစ်လေးဆယ်ဖျက်ဆီးမည်

CROSS REFERENCES

ယေဇ ၆း၁၃

ယေဇ ၁၁း၁၁

၈ သို့ဖြစ်၍၊ အရှင်ထာဝရဘုရားမိန့်တော်မူသည်ကား၊ ငါသည်သင့်အပေါ်သို့ဓါးကိုဆောင်ခဲ့၍လူနှင့်တိရစ္ဆာန်တို့ကိုပယ်ဖြတ်သဖြင့်၊ ၉ အဲဂုတ္တုပြည်သည်လူဆိတ်ညံလျက်၊ ပျက်စီးလျက်ရှိသောအခါ၊ ငါသည်ထာဝရဘုရားဖြစ်ကြောင်းကိုသိရလိမ့်မည်။ [A] သင်ကငါ့မြစ်ကိုငါပိုင်၏။ ငါဖန်ဆင်းပြီဟုဆိုမိသောကြောင့်၊ ၁၀ သင်နှင့်သင့်မြစ်တဘက်၌ ငါနေ၏။ အဲဂုတ္တုပြည်ကို မိဂဒေါလမှစ၍သုဏေမြို့တိုင်အောင်၎င်း၊ အဲသယောပိပြည်စွန်းတိုင်အောင်၎င်း၊ ထားနှင့်ဖျက်ဆီး၍ဆိတ်ညံစေမည်။ ၁၁ အနှစ်လေးဆယ်ပတ်လုံးလူရှောက်၍မသွားရ။ တိရစ္ဆာန်လည်းရှောက်၍မသွားရ။ အဘယ်သူမျှမနေရ။ ၁၂ ပျက်စီးသော ပြည်တို့တွင်အဲဂုတ္တုပြည်ကိုငါဖျက်ဆီးမည်။ လူဆိတ်ညံသောမြို့တို့တွင်အနှစ်လေးဆယ်ပတ်လုံး၊ အဲဂုတ္တုမြို့တို့သည်ပျက်စီးလျက် ရှိကြလိမ့်မည်။ အဲဂုတ္တုလူတို့ကိုအတိုင်းတိုင်းအပြည်ပြည်တို့သို့ငါကွဲပြားပြန့်လွင့်စေမည်။

အဲဂုတ္တုပြည်ကိုအယုတ်ဆုံးဖြစ်စေ၍ဣသရေလကမခိုလှုံရ

CROSS REFERENCES

၁၃ သို့ရာတွင်၊ အရှင်ထာဝရဘုရားမိန့်တော်မူသည်ကား၊ အနှစ်လေးဆယ်စေ့သောအခါ၊ ကွဲပြားလျက်နေရသောလူမျိုးတို့မှ အဲဂုတ္တုလူတို့ကိုငါခေါ်၍စုဝေးစေမည်။ ၁၄ သိမ်းသွားခြင်းခံရသောအဲဂုတ္တုလူတို့ကို၊ ငါတဖန်ဆောင်ခဲ့၍သူတို့နေရင်းပြည်၊ ပါသရုပြည်သို့ပြန်စေမည်။ ထိုပြည်၌ ယုတ်သောနိုင်ငံဖြစ်ရလိမ့်မည်။ ၁၅ တပါးသောလူမျိုးတို့ကိုနောက်တဖန်အစိုးမရ။ နိုင်ငံတကာတို့တွင်အယုတ်ဆုံးဖြစ်ရလိမ့်မည်။ တပါးသောလူမျိုးတို့ကိုနောက်တဖန်အစိုးမရစေခြင်းငှါငါရှုတ်ချမည်။ ၁၆ ဣသရေလအမျိုးသားတို့သည်ထိုပြည်သားတို့ကိုမြော်လင့်၍၊ မိမိတို့အပြစ်ကိုငါအောက်မေ့စေသဖြင့်၊ နောက်တဖန်ထိုပြည်သည်သူတို့ခိုလှုံရာမဖြစ်ရာ။ ငါသည်ထာဝရဘုရားဖြစ်ကြောင်းကိုသိရကြလိမ့်မည် [A] ဟုမိန့်တော်မူ၏။

ဗာဗုလုန်စစ်သူရဲများအားတုရုမြို့သိမ်းခအဲဂုတ္တုကိုပေးမည်

CROSS REFERENCES

၁၇ သက္ကရာဇ်နှစ်ဆယ်ခုနစ်ခု၊ ပဌမလတရက်နေ့တွင်ထာဝရဘုရား၏နှုတ်ကပတ်တော်သည်၊ ငါ့ဆီသို့ရောက်လာ၍၊ ၁၈ အချင်းလူသား၊ ဗာဗုလုန်ရှင်ဘုရင်နေဗုခဒ်နေဇာသည်၊ သူ၏စစ်သူရဲတို့ကိုတုရုမြို့တဘက်၌ များစွာသောအမှုကို ဆောင်ရွက်စေပြီ။ စစ်သူရဲတိုင်းခေါင်းတုံးပြီ။ ပခုံးလည်းပွန်းပြီ။ သို့ရာတွင်၊ ရှင်ဘုရင်နှင့်စစ်သူရဲတို့သည်တုရုမြို့တဘက်၌ အမှုဆောင်ရွက်ခကိုထိုမြို့တွင်မခံရကြ။ ၁၉ သို့ဖြစ်၍၊ အရှင်ထာဝရဘုရားမိန့်တော်မူသည်ကား၊ အဲဂုတ္တုပြည်ကိုဗာဗုလုန်ရှင်ဘုရင်နေဗုခဒ်နေဇာအားငါပေးမည်။ ထိုမင်းသည်ပြည်သားအလုံးအရင်းကို၎င်း၊ လက်ရဥစ္စာအမျိုးမျိုးကို၎င်း၊ သိမ်းယူပြီးလျှင်၊ မိမိစစ်သူရဲတို့အခဘို့ဝေငှလိမ့်မည်။ ၂၀ ငါ့အမှုကိုဆောင်ရွက်သောကြောင့်တုရုမြို့တဘက်၌ အမှုဆောင်ရွက်ခဘို့ အဲဂုတ္တုပြည်ကိုငါပေးပြီ။ ၂၁ ထိုကာလ၌ ဣသရေလအမျိုး၏ချိုကိုငါပေါက်စေ၍၊ သူတို့အထဲမှာသင်ဟောပြောရသောအခွင့်ကိုငါပေးမည်။ ငါသည်ထာဝရဘုရားဖြစ်ကြောင်းကိုသူတို့သိရကြလိမ့်မည် [A] ဟုမိန့်တော်မူ၏။