ဝတ်ပြုရာကျမ်း

အခန်းကြီး ၂

ဘောဇဉ်(မုန့်) ပူဇော်သက္ကာပြုလိုလျှင်

CROSS REFERENCES

ဝတ်ပြု ၆း၁၄-၁၈
၁၄ ဘောဇဉ် ပူဇော်သက္ကာ တရားဟူမူကား၊ အာရုန်၏သားတို့သည် ထိုပူဇော်သက္ကာကို ထာဝရဘုရားထံတော်၊ ယဇ်ပလ္လင်ရှေ့မှာ ပူဇော်သောအခါ၊

တော ၁၅း၄
၄ ထာဝရဘုရားအား ပူဇော်သက္ကာကို ပြုသောသူသည်၊ သိုးသငယ်ကို ပူဇော်လျှင်၊ မီးရှို့ရာယဇ် ဖြစ်စေ၊ အခြားသောယဇ် ဖြစ်စေ၊

၁ ထာဝရဘုရားအား ဘောဇဉ်ပူဇော်သက္ကာ ပြုလိုလျှင်၊ [A] မုန့်ညက်ကို ဆက်ရမည်။ မုန့်ညက်အပေါ်မှာ ဆီကိုလောင်း၍ လောဗန်ကိုလည်း ထည့်ပြီးမှ၊ ၂ အာရုန်၏သား ယဇ်ပုရောဟိတ် ထံသို့ဆောင်ခဲ့၍၊ ယဇ်ပုရောဟိတ်သည် မုန့်ညက် တလက်ဆွန်း၊ ဆီအချို့၊ လောဗန်ရှိသမျှကိုယူ၍၊ ထိုအတွက်အတာကို ယဇ်ပလ္လင်ပေါ်မှာ မီးရှို့ရမည်။ ထာဝရဘုရားအား မီးဖြင့်ဆက်ကပ်၍၊ မွှေးကြိုင်သော ပူဇော်သက္ကာဖြစ်သတည်း။ ၃ ကျန်ကြွင်းသော ဘောဇဉ်ပူဇော်သက္ကာမူကား၊ အာရုန်နှင့်သူ၏ သားတို့အဖို့ ဖြစ်ရမည်။ ထာဝရဘုရားအား မီးဖြင့်ပြုသော ပူဇော်သက္ကာထဲက အလွန်သန့်ရှင်းသောအရာဖြစ်၏။

လုပ်ပြီးသောမုန့်ဖြင့် ပူဇော်လိုလျှင်

၄ မီးဖို၌ ဖုတ်သောမုန့်ကို ဘောဇဉ် ပူဇော်သက္ကာပြုလိုလျှင်၊ ဆီနှင့်မုန့်ညက်ဖြင့်လုပ်သော တဆေးမဲ့မုန့် ပြားသော်၎င်း၊ ဆီလူးသော တဆေးမဲ့ မုန့်ကြွပ်သော်၎င်း၊ ဖြစ်ရမည်။ ၅ သံပြားပူနှင့် လုပ်သောမုန့်ကို ဘောဇဉ် ပူဇော်သက္ကာပြုလိုလျှင်၊ ဆီရော၍ တဆေးမပါသော မုန့်ညက်နှင့်လုပ်ရမည်။ ၆ ထိုမုန့်ကို ချိုးဖဲ့၍ ဆီကိုလောင်းရမည်။ ဘောဇဉ် ပူဇော်သက္ကာ ဖြစ်သတည်း။ ၇ အိုးကင်းနှင့်ကြော်သော မုန့်ကို ဘောဇဉ် ပူဇော်သက္ကာပြုလိုလျှင်၊ ဆီရောသော မုန့်ညက်နှင့် လုပ်ရမည်။ ၈ ထိုဘောဇဉ် ပူဇော်သက္ကာ အမျိုးမျိုးတို့ကို၊ ထာဝရဘုရား အထံတော်သို့ ဆောင်ခဲ့၍၊ ယဇ်ပုရောဟိတ်အား ဆက်ပြီးမှ၊ သူသည် ယဇ်ပလ္လင်သို့ ဆောင်ခဲ့ရမည်။ ၉ ထိုဘောဇဉ် ပူဇော်သက္ကာထဲက အတွက်အတာကို နှိုက်ယူ၍ ယဇ်ပလ္လင်ပေါ်မှာမီးရှို့ရမည်။ ထာဝရဘုရားအား မီးဖြင့် ဆက်ကပ်၍ မွှေးကြိုင်သော ပူဇော်သက္ကာ ဖြစ်သတည်း။ ၁၀ ကျန်ကြွင်းသော ဘောဇဉ် ပူဇော်သက္ကာမူကား၊ အာရုန်နှင့် သူ၏သားတို့အဖို့ ဖြစ်ရမည်။ ထာဝရဘုရားအား မီးဖြင့်ပြုသော ပူဇော်သက္ကာထဲက အလွန်သန့်ရှင်းသော အရာဖြစ်၏။

ဘောဇဉ်ပူဇော်သက္ကာ၌ တဆေးနှင့်ပျားရည် မပါရ

CROSS REFERENCES

တောလည် ၁၈း၁၉

၂ ရာ ၁၃း၅

ယေဇ ၄၃း၂၄

တောလည် ၁၈း၁၉
၁၉ ဣသရေလ အမျိုးသားတို့သည် သန့်ရှင်းစေ၍ ထာဝရဘုရားအား ဆောင်ခဲ့သော ပူဇော်သက္ကာ ရှိသမျှတို့ကို သင်နှင့်သင်၏ သားသမီးတို့အား ထာဝရ ပညတ်တရားအားဖြင့် ငါပေးပြီ။ သင်အစရှိသော သင်၏ အမျိုးအနွယ်နှင့်ဆိုင်၍ ထာဝရဘုရား ရှေ့တော်၌ ဆားနှင့်ယှဉ်သော ထာဝရ ပိဋိညာဉ်ဖြစ်သတည်း၊ ဟုမိန့်တော်မူ၏။ sလေဝိသားတို့ ဆယ်ဖို့တစ်ဖို့ အမွေခံရမည်

၂ ရာ ၁၃း၅
၅ ဣသရေလ အမျိုး၏ ဘုရားသခင် ထာဝရဘုရားသည် ဆားနှင့်ယှဉ်သော ပဋိညာဉ်အားဖြင့်၊ ဣသရေလ နိုင်ငံကို ဒါဝိဒ်နှင့် သားတော် မြေးတော်တို့၌ အစဉ် အပ်တော်မူကြောင်းကို၊ သင်တို့သိမှတ် သင့်သည် မဟုတ်လော။

ယေဇ ၄၃း၂၄
၂၄ ယဇ်ပုရောဟိတ်တို့သည်ဆားကိုတင်လျက်ထိုယဇ်ကောင်တို့ကို ထာဝရဘုရားအဘို့မီးရှို့၍ပူဇော်ရမည်။

၁၁ ထာဝရဘုရားအား ဆက်သော ဘောဇဉ် ပူဇော်သက္ကာ၌ တဆေးမပါရ။ ထာဝရဘုရားအား မီးဖြင့် ပူဇော်သက္ကာ ပြုသောအခါ၊ တဆေးကို မီးမရှို့ရ။ ပျားရည်ကိုလည်း မရှို့ရ။ ၁၂ အဦးသီးသော အသီးအနှံကို ပူဇော်သောအမှုမှာ၊ တဆေးနှင့် ပျားရည်ကို၊ ထာဝရဘုရားအား ပူဇော်ရသော်လည်း၊ မွှေးကြိုင်ရာဖို့ ယဇ်ပလ္လင်ပေါ်မှာ မီးမရှို့ရ။ ၁၃ ဘောဇဉ် ပူဇော်သက္ကာ ပြုလေရာရာ၌ ဆားခပ်ရမည်။ [B]သင်ပြုသော ဘောဇဉ် ပူဇော်သက္ကာ၌ ၊ သင်၏ ဘုရားသခင် ပဋိညာဉ်ဆားကို မခပ်ဘဲမနေရ။

အဦးသီးသော အသီးအနှံ

၁၄ အဦးသီးသော အသီးအနှံကို၊ ထာဝရဘုရားအား ဘောဇဉ် ပူဇော်သက္ကာပြုလိုလျှင်၊ စပါးနှံကို အရည်စစ်အောင် မီးနားမှာထား၍၊ စပါးစေ့ကို ပွတ်ယူပြီးမှ၊ ၁၅ ဆီကိုလောင်း၍၊ လောဗန်ကို တင်လျက်၊ ပူဇော်သက္ကာကို ပြုရမည်။ ဘောဇဉ် ပူဇော်သက္ကာ ဖြစ်သတည်း။ ၁၆ ပွတ်ယူသော စပါးစေ့အချို့၊ ဆီအချို့၊ လောဗန်ရှိသမျှ တည်းဟူသော ထိုဘော ဇဉ်ပူဇော်သက္ကာ အတွက်အတာကို၊ ယဇ်ပုရောဟိတ်သည် မီးရှို့ရမည်။ ထာဝရဘုရားအား မီးဖြင့်ပြုသော ပူဇော်သက္ကာ ဖြစ်သတည်း။